ਬਾਦਸ਼ਾਹਪੁਰ-ਕਾਂਗਰਸ ਦੇ ਸੂਬਾ ਪ੍ਰਧਾਨ ਡਾ. ਅਸ਼ੋਕ ਤੰਵਰ ਅਤੇ ਕਾਂਗਰਸ ਬੁਲਾਰੇ ਰਾਜੇਸ਼ ਯਾਦਵ ਨੇ ਕਿਹਾ ਕਿ ਇਕ ਪਾਸੇ ਤਾਂ ਨਗਰ ਨਿਗਮ ਤੇ ਸਰਕਾਰ ਸਰਕਾਰੀ ਜ਼ਮੀਨਾਂ ’ਤੇ ਨਾਜਾਇਜ਼ ਕਬਜ਼ਾ ਕਰਨ ਵਾਲੇ ਲੋਕਾਂ ਖਿਲਾਫ ਸਖ਼ਤ ਕਾਰਵਾਈ ਦੇ ਦਾਅਵੇ ਕਰਦੀ ਹੈ, ਜਦੋਂ ਕਿ ਬਿਲਡਰਾਂ ਵਲੋਂ ਸ਼ਰ੍ਹੇਆਮ ਸਰਕਾਰੀ ਰਸਤਿਆਂ ’ਤੇ ਕਬਜ਼ਾ ਕਰ ਲੈਣ ਤੋਂ ਬਾਅਦ ਬਜਾਏ ਉਨ੍ਹਾਂ ’ਤੇ ਕਾਰਵਾਈ ਕਰਨ ਅਤੇ ਮੁਕੱਦਮਾ ਦਰਜ ਕਰਵਾਉਣ ਦੇ ਨਿਗਮ ਅਧਿਕਾਰੀ, ਸਰਕਾਰ ਅਤੇ ਮੇਅਰ ਟੀਮ ਨਾਜਾਇਜ਼ ਤੌਰ ’ਤੇ ਕਬਜ਼ਾਈ ਗਈ ਜ਼ਮੀਨ ਨੂੰ ਬਿਲਡਰ ਨੂੰ ਦੇਣ ਦਾ ਪ੍ਰਸਤਾਵ ਸਦਨ ਵਿਚ ਲੈ ਆਉਂਦੇ ਹਨ।
ਮਾਮਲਾ ਬਾਦਸ਼ਾਹਪੁਰ ਪਿੰਡ ਨੂੰ ਰਾਮਗੜ੍ਹ ਢਾਣੀ ਨਾਲ ਜੋੜਨ ਵਾਲੇ ਇਕਮਾਤਰ ਮਾਲੀਆ ਰਸਤੇ ’ਤੇ ਐੱਮ3ਐੱਮ ਨਾਮੀ ਬਿਲਡਰ ਵਲੋਂ ਇਸ ਨੂੰ ਵਿਚਾਲਿਓਂ ਬੰਦ ਕਰ ਦੇਣ ਅਤੇ ਇਸ ’ਤੇ ਨਾਜਾਇਜ਼ ਨਿਰਮਾਣ ਕਰਨ ਦਾ ਹੈ। ਕੀ ਨਗਰ ਨਿਗਮ ਕਿਸੇ ਹੋਰ ਸਾਧਾਰਨ ਵਿਅਕਤੀ ਵਲੋਂ ਨਿਗਮ ਦੀ ਜ਼ਮੀਨ ’ਤੇ ਕਬਜ਼ਾ ਕਰ ਲੈਣ ਦੀ ਸੂਰਤ ਵਿਚ ਉਸ ਜ਼ਮੀਨ ਨੂੰ ਉਸ ਵਿਅਕਤੀ ਨੂੰ ਦੇਣ ਦਾ ਪ੍ਰਸਤਾਵ ਪਾਸ ਕਰਦਾ ਹੈ? ਜੇਕਰ ਨਹੀਂ ਤਾਂ ਐੱਮ3ਐੱਮ ਬਿਲਡਰ ’ਤੇ ਨਿਗਮ ਇੰਨਾ ਮਿਹਰਬਾਨ ਕਿਉਂ ਹੈ? ਭਾਜਪਾ ਦੇ ਬਹੁਮਤ ਵਾਲੇ ਸਦਨ ਵਿਚ ਮੇਅਰ ਟੀਮ ਅਤੇ ਨਿਗਮ ਅਧਿਕਾਰੀ ਅਖੀਰ ਕਿਸ ਲਾਲਚ ਜਾਂ ਦਬਾਅ ਵਿਚ ਇਸ ਰਸਤੇ ਦੇ ਤਬਾਦਲੇ ਦਾ ਵਾਰ-ਵਾਰ ਪ੍ਰਸਤਾਵ ਲਿਆ ਰਹੇ ਹਨ। ਕੌਂਸਲਰ ਸਦਨ ਵਿਚ ਤਾਂ ਇਸ ਤਬਾਦਲੇ ਦਾ ਵਿਰੋਧ ਕਰਦੇ ਹਨ ਪਰ ਨਾਜਾਇਜ਼ ਕਬਜ਼ਾ ਕਰਨ ਵਾਲੇ ਬਿਲਡਰ ਦੇ ਖਿਲਾਫ ਕਾਰਵਾਈ ਦਾ ਪ੍ਰਸਤਾਵ ਸਦਨ ਵਿਚ ਕਿਉਂ ਨਹੀਂ ਪਾਸ ਕੀਤਾ ਜਾ ਰਿਹਾ? ਉਨ੍ਹਾਂ ਜ਼ਿਲਾ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਪਿੰਡ ਤੋਂ ਢਾਣੀ ਨੂੰ ਜੋੜਨ ਵਾਲੇ ਇਸ ਰਸਤੇ ’ਤੇ ਐੱਮ3ਐੱਮ ਬਿਲਡਰ ਵਲੋਂ ਕੀਤੇ ਗਏ ਨਾਜਾਇਜ਼ ਕਬਜ਼ੇ ਨੂੰ ਹਟਾਇਆ ਜਾਵੇ ਅਤੇ ਕਬਜ਼ਾ ਕਰਨ ਅਤੇ ਇਸ ’ਤੇ ਨਾਜਾਇਜ਼ ਨਿਰਮਾਣ ਕਰਨ ਵਾਲੇ ਲੋਕਾਂ ਖਿਲਾਫ ਮੁਕੱਦਮਾ ਦਰਜ ਕਰਵਾਇਆ ਜਾਵੇ। ਨਾਜਾਇਜ਼ ਕਬਜ਼ਾ ਕਰਨ ਵਾਲੇ ਬਿਲਡਰ ਨੂੰ ਇਸ ਰਸਤੇ ਦੀ ਜ਼ਮੀਨ ਦੇਣ ਦਾ ਪ੍ਰਸਤਾਵ ਲਿਆਉਣ ਵਾਲੇ ਜ਼ਿੰਮੇਵਾਰ ਲੋਕਾਂ ਖਿਲਾਫ ਜਾਂਚ ਹੋਵੇ ਅਤੇ ਗਲਤ ਕੰਮ ਕਰਨ ਦੇ ਦੋਸ਼ੀ ਪਾਏ ਜਾਣ ’ਤੇ ਸਖ਼ਤ ਕਾਰਵਾਈ ਕੀਤੀ ਜਾਵੇ।
ਤਿਆਰ ਜਾਇਦਾਦ ਦੀ ਵਿਕਰੀ 'ਤੇ GST ਨਹੀਂ : ਸਰਕਾਰ
NEXT STORY