ਆਟੋ ਡੈਸਕ- ਦੇਸ਼ ਦੀ ਪ੍ਰਮੁੱਖ ਇਲੈਕਟ੍ਰਿਕ ਦੋਪਹੀਆ ਵਾਹਨ ਨਿਰਮਾਤਾ ਕੰਪਨੀ ਓਲਾ ਇਲੈਕਟ੍ਰਿਕ ਨੇ ਸ਼ੁੱਕਰਵਾਰ ਨੂੰ ਆਪਣੇ ਵ੍ਹੀਕਲ ਪੋਰਟਫੋਲੀਓ 'ਚ ਵੱਡਾ ਅਪਡੇਟ ਕਰਦੇ ਹੋਏ ਆਪਣੇ ਇਲੈਕਟ੍ਰਿਕ ਸਕੂਟਰਾਂ ਦੇ ਥਰਡ ਜਨਰੇਸ਼ਨ ਮਾਡਲ ਨੂੰ ਲਾਂਚ ਕੀਤਾ ਹੈ। ਕੰਪਨੀ ਦੇ ਇਸ ਨਵੇਂ ਪੋਰਟਫੋਲੀਓ 'ਚ ਕੁਲ ਚਾਰ ਵੇਰੀਐਂਟਸ ਆਉਂਦੇ ਹਨ, ਜਿਨ੍ਹਾਂ ਦੀ ਸ਼ੁਰੂਆਤੀ ਕੀਮਤ 79,999 ਰੁਪਏ ਹੈ। ਉਥੇ ਹੀ ਓਵਨਾ ਨੇ ਆਪਣਾ ਨਵਾਂ ਫਲੈਗਸ਼ਿਪ ਇਲੈਕਟ੍ਰਿਕ ਸਕੂਟਰ S1 Pro Plus ਵੀ ਲਾਂਚ ਕੀਤਾ ਹੈ, ਜੋ ਦੇਸ਼ ਦਾ ਸਭ ਤੋਂ ਜ਼ਿਆਦਾ ਡਰਾਈਵਿੰਗ ਰੇਂਜ ਦੇਣ ਵਾਲਾ ਇਲੈਕਟ੍ਰਿਕ ਸਕੂਟਰ ਹੈ।
ਓਲਾ ਇਲੈਕਟ੍ਰਿਕ ਦੇ ਫਾਊਂਡਰ ਅਤੇ ਸੀ.ਈ.ਓ. ਭਾਵਿਸ਼ ਅਗਰਵਾਲ ਨੇ ਕਿਹਾ ਕਿ ਨਵੇਂ ਥਰਡ ਜਨਰੇਸ਼ਨ ਇਲੈਕਟ੍ਰਿਕ ਸਕੂਟਰ 'ਚ ਕਈ ਵੱਡੇ ਬਦਲਾਅ ਕੀਤੇ ਗਏ ਹਨ। ਜੋ ਇਸਨੂੰ ਪਿਛਲੇ ਹੋਰ ਮਾਡਲਾਂ ਦੇ ਮੁਕਾਬਲੇ ਜ਼ਿਆਦਾ ਬਿਹਤਰ ਬਣਾਉਂਦੇ ਹਨ। ਭਾਵਿਸ਼ ਨੇ ਕਿਹਾ ਕਿ ਅਸੀਂ ਇਕ ਵਾਰ ਫਿਰ ਤੋਂ ਨੰਬਰ 1 ਇਲੈਕਟ੍ਰਿਕ ਸਕੂਟਰ ਬ੍ਰਾਂਡ ਬਣ ਗਏ ਹਾਂ, ਹੁਣ ਇਲੈਕਟ੍ਰਿਕ ਟੂ-ਵ੍ਹੀਲਰ ਸੈਗਮੈਂਟ 'ਚ ਕੰਪਨੀ ਦੀ ਹਿੱਸੇਦਾਰੀ 25 ਫੀਸਦੀ ਹੋ ਗਈ ਹੈ। ਦੱਸ ਦੇਈਏ ਕਿ ਸੈਕਿੰਡ ਜਨਰੇਸ਼ਨ ਮਾਡਲ ਦੇ ਦੋ ਵੇਰੀਐਂਟਸ ਐੱਸ1 ਐਕਸ ਅਤੇ ਐੱਸ1 ਐਕਸ ਪ੍ਰੋ ਦੀ ਵਿਕਰੀ ਵੀ ਜਾਰੀ ਰਹੇਗੀ।
ਨਵੀਂ ਥਰਡ ਜਨਰੇਸ਼ਨ ਦੀਆਂ ਖੂਬੀਆਂ
ਓਲਾ ਇਲੈਕਟ੍ਰਿਕ ਦਾ ਕਹਿਣਾ ਹੈ ਕਿ ਨਵੇਂ ਥਰਡ ਜਨਰੇਸ਼ਨ ਮਾਡਲ ਨੂੰ ਬਿਲਕੁਲ ਨਵੇਂ ਪਲੇਟਫਾਰਮ 'ਤੇ ਬਣਾਇਆ ਗਿਆ ਹੈ। ਇਸ 'ਚ ਪੂਰੀ ਤਰ੍ਹਾਂ ਨਾਲ ਨਵੀਂ ਪਾਵਰਟ੍ਰੇਨ ਦੀ ਵਰਤੋਂ ਕੀਤੀ ਗਈ ਹੈ। ਹਬਲੈੱਸ ਮੋਟਰ ਦੀ ਬਜਾਏ ਨਵੇਂ ਸਕੂਟਰ 'ਚ ਨਵੀਂ ਮਿਡ-ਡ੍ਰਾਈਵ ਇਲੈਕਟ੍ਰਿਕ ਮੋਟਰ ਦੇਖਣ ਨੂੰ ਮਿਲਦੀ ਹੈ। ਜਿਸ ਵਿੱਚ ਮੋਟਰ ਕੰਟਰੋਲ ਯੂਨਿਟ (MCU) ਅਤੇ ਇਲੈਕਟ੍ਰਿਕ ਮੋਟਰ ਦੋਵੇਂ ਇੱਕੋ ਬਾਕਸ ਵਿੱਚ ਫਿੱਟ ਕੀਤੇ ਗਏ ਹਨ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਨਵੀਂ ਪਾਵਰਟ੍ਰੇਨ ਪਹਿਲਾਂ ਨਾਲੋਂ ਜ਼ਿਆਦਾ ਡਰਾਈਵਿੰਗ ਰੇਂਜ ਦੇਵੇਗੀ।
ਇਹ ਵੀ ਪੜ੍ਹੋ- ਨਾ ਪੈਟਰੋਲ ਦਾ ਖਰਚਾ, ਨਾ CNG ਦੀ ਟੈਨਸ਼ਨ, ਆ ਗਈ ਭਾਰਤ ਦੀ ਪਹਿਲੀ ਸੋਲਰ ਕਾਰ, ਸਿਰਫ ਇੰਨੀ ਹੈ ਕੀਮਤ
ਚੇਨ ਡਰਾਈਵ
ਇਸ ਤੋਂ ਇਲਾਵਾ ਕੰਪਨੀ ਨੇ ਆਪਣੇ ਨਵੇਂ ਥਰਡ ਜਨਰੇਸ਼ਨ ਮਾਡਲ 'ਚ ਬੈਲਟ ਡਰਾਈਵ ਦੀ ਬਜਾਏ ਚੇਨ ਡਰਾਈਵ ਸਿਸਟਮ ਦੀ ਵਰਤੋਂ ਕੀਤੀ ਹੈ। ਜੋ ਸਕੂਟਰ ਦੀ ਪਰਫਾਰਮੈਂਸ ਨੂੰ ਹੋਰ ਵੀ ਬਿਹਤਰ ਬਣਾਉਂਦਾ ਹੈ। ਕੰਪਨੀ ਨੇ ਆਪਣੀ ਚੇਨ ਡਰਾਈਵ ਦੀ ਆਵਾਜ਼ ਲਈ ਵੀ ਕੰਮ ਕੀਤਾ ਹੈ। ਦੂਜੀ ਪੀੜ੍ਹੀ ਦੇ ਮਾਡਲ 'ਚ ਬੈਲਟ ਡਰਾਈਵ ਸਿਸਟਮ ਦਿੱਤਾ ਗਿਆ ਹੈ।
ਪੇਟੈਂਟ ਬ੍ਰੇਕ ਦੀ ਵਾਇਰ ਤਕਨਾਲੋਜੀ
ਓਲਾ ਇਲੈਕਟ੍ਰਿਕ ਨੇ ਤੀਜੀ ਪੀੜ੍ਹੀ ਦੇ ਸਕੂਟਰ 'ਚ ਆਪਣੀ ਪੇਟੈਂਟ ਬ੍ਰੇਕ ਬਾਏ ਵਾਇਰ ਤਕਨੀਕ ਦੀ ਵਰਤੋਂ ਕੀਤੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਜਦੋਂ ਕਿਸੇ ਵੀ ਸਾਧਾਰਨ ਦੋਪਹੀਆ ਵਾਹਨ ਵਿੱਚ ਬ੍ਰੇਕ ਲਗਾਈ ਜਾਂਦੀ ਹੈ ਤਾਂ ਵਾਹਨ ਦੀ ਗਤੀਸ਼ੀਲ ਊਰਜਾ ਤੋਂ ਗਰਮੀ ਪੈਦਾ ਹੁੰਦੀ ਹੈ। ਇਸ ਨਾਲ ਬ੍ਰੇਕ ਪੈਡਸ ਦੀ ਲਾਈਫ ਪ੍ਰਭਾਵਿਤ ਹੁੰਦੀ ਹੈ ਅਤੇ ਮਾਈਲੇਜ 'ਤੇ ਵੀ ਅਸਰ ਦੇਖਣ ਨੂੰ ਮਿਲਦਾ ਹੈ।
ਪਰ ਇਸ ਨਵੇਂ ਸਕੂਟਰ 'ਚ ਦਿੱਤੀ ਗਈ ਬ੍ਰੇਕ ਬਾਏ ਵਾਇਰ ਤਕਨੀਕ 'ਚ ਪੇਟੈਂਟ ਬ੍ਰੇਕ ਸੈਂਸਰ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਇਹ ਸੈਂਸਰ ਨਾ ਸਿਰਫ ਬ੍ਰੇਕਿੰਗ ਪੈਟਰਨ ਦਾ ਪਤਾ ਲਗਾਉਂਦਾ ਹੈ ਬਲਕਿ ਇਹ ਸੈਂਸਰ ਐਮਰਜੈਂਸੀ ਬ੍ਰੇਕਿੰਗ ਦਾ ਵੀ ਪਤਾ ਲਗਾਉਂਦਾ ਹੈ। ਇਹ ਤਕਨੀਕ ਮਕੈਨੀਕਲ ਬ੍ਰੇਕਿੰਗ ਦੇ ਨਾਲ-ਨਾਲ ਇਲੈਕਟ੍ਰਾਨਿਕ ਬ੍ਰੇਕਿੰਗ ਵੀ ਤਿਆਰ ਕਰਦੀ ਹੈ। ਇਸ ਦੌਰਾਨ ਗਤੀਸ਼ੀਲ ਊਰਜਾ ਬਿਜਲੀ ਵਿੱਚ ਬਦਲ ਜਾਂਦੀ ਹੈ ਅਤੇ ਬੈਟਰੀ ਨੂੰ ਚਾਰਜ ਕਰਦੀ ਹੈ।
ਕੰਪਨੀ ਦਾ ਦਾਅਵਾ ਹੈ ਕਿ ਇਸ ਤਕਨੀਕ ਦੀ ਮਦਦ ਨਾਲ ਸਕੂਟਰ ਨੂੰ ਨਾ ਸਿਰਫ 15 ਫੀਸਦੀ ਜ਼ਿਆਦਾ ਰੇਂਜ ਮਿਲਦੀ ਹੈ ਸਗੋਂ ਸਕੂਟਰ ਦੇ ਬ੍ਰੇਕ ਪੈਡਸ ਦੀ ਲਾਈਫ ਵੀ ਦੁੱਗਣੀ ਹੋ ਜਾਂਦੀ ਹੈ।
ਇਹ ਵੀ ਪੜ੍ਹੋ- 3 ਪਹੀਆਂ ਵਾਲੀ ਇਲੈਕਟ੍ਰਿਕ ਕਾਰ ਨੇ ਮਚਾਇਆ ਤਹਿਲਕਾ! ਲਾਂਚ ਤੋਂ ਪਹਿਲਾਂ ਬੁਕਿੰਗ ਲਈ ਟੁੱਟ ਕੇ ਪੈ ਗਏ ਲੋਕ
OLA S1 X
ਓਲਾ ਥਰਡ ਜਨਰੇਸ਼ਨ ਬੇਸ ਮਾਡਲ S1X ਕੁੱਲ ਤਿੰਨ ਬੈਟਰੀ ਪੈਕ ਵਿੱਚ ਆਉਂਦਾ ਹੈ ਜਿਸ ਵਿੱਚ 2kW, 3kW ਅਤੇ 4kW ਦੇ ਬੈਟਰੀ ਵਿਕਲਪ ਉਪਲੱਬਧ ਹੋਣਗੇ। ਜਿਸ ਦੀ ਕੀਮਤ ਕ੍ਰਮਵਾਰ 79,999 ਰੁਪਏ, 89,999 ਰੁਪਏ ਅਤੇ 99,999 ਰੁਪਏ ਹੈ। ਇਸਦੀ ਇਲੈਕਟ੍ਰਿਕ ਮੋਟਰ 7KW ਦੀ ਪੀਕ ਪਾਵਰ ਜਨਰੇਟ ਕਰਦੀ ਹੈ ਅਤੇ ਇਸਦੀ ਟਾਪ ਸਪੀਡ 123 kmph ਹੈ। ਇਹ ਵੇਰੀਐਂਟ ਸਿਰਫ 3 ਸਕਿੰਟਾਂ 'ਚ 0 ਤੋਂ 40 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਫੜਨ 'ਚ ਸਮਰੱਥ ਹੈ। ਇਸ ਦਾ ਸਭ ਤੋਂ ਵੱਡਾ ਬੈਟਰੀ ਪੈਕ ਇੱਕ ਵਾਰ ਚਾਰਜ ਕਰਨ 'ਤੇ 242 ਕਿਲੋਮੀਟਰ ਦੀ ਡਰਾਈਵਿੰਗ ਰੇਂਜ ਦੇਣ ਦੇ ਸਮਰੱਥ ਹੈ।
OLA S1 X+
ਕੰਪਨੀ ਨੇ Ola S1X Plus ਮਾਡਲ ਨੂੰ ਸਿਰਫ 4kWh ਬੈਟਰੀ ਪੈਕ ਨਾਲ ਪੇਸ਼ ਕੀਤਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਸਕੂਟਰ 'ਤੇ ਜ਼ਿਆਦਾ ਧਿਆਨ ਦਿੱਤਾ ਗਿਆ ਹੈ। ਇਸ ਸਕੂਟਰ 'ਚ ਦਿੱਤੀ ਗਈ ਇਲੈਕਟ੍ਰਿਕ ਮੋਟਰ 11KW ਦੀ ਪੀਕ ਪਾਵਰ ਜਨਰੇਟ ਕਰਦੀ ਹੈ। ਇਸ ਦੀ ਕੀਮਤ 1,07,999 ਰੁਪਏ ਰੱਖੀ ਗਈ ਹੈ। ਇਹ ਸਕੂਟਰ ਸਿਰਫ 2.7 ਸੈਕਿੰਡ 'ਚ 0 ਤੋਂ 40 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਫੜਨ 'ਚ ਸਮਰੱਥ ਹੈ। ਇਸ ਦੀ ਟਾਪ ਸਪੀਡ 125 ਕਿਲੋਮੀਟਰ ਪ੍ਰਤੀ ਘੰਟਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਸਕੂਟਰ ਸਿੰਗਲ ਚਾਰਜ 'ਚ 242 ਕਿਲੋਮੀਟਰ ਤੱਕ ਦੀ ਡਰਾਈਵਿੰਗ ਰੇਂਜ ਦੇਵੇਗਾ।
ਇਹ ਵੀ ਪੜ੍ਹੋ- Hyundai ਨੇ ਪੇਸ਼ ਕੀਤੀ Creta EV, ਫੁਲ ਚਾਰਜ 'ਚ ਤੈਅ ਕਰੇਗੀ 500KM ਤਕ ਦਾ ਸਫਰ
OLA S1 Pro
Ola S1 Pro, ਜੋ ਕਿ ਹੁਣ ਤੱਕ ਕੰਪਨੀ ਦਾ ਫਲੈਗਸ਼ਿਪ ਮਾਡਲ ਸੀ, ਨੂੰ ਕੰਪਨੀ ਨੇ ਦੋ ਬੈਟਰੀ ਪੈਕ 3kWh ਅਤੇ 4kWh ਬੈਟਰੀ ਪੈਕ ਦੇ ਨਾਲ ਪੇਸ਼ ਕੀਤਾ ਹੈ। ਜਿਸ ਦੀ ਕੀਮਤ ਕ੍ਰਮਵਾਰ 1,14,999 ਰੁਪਏ ਅਤੇ 1,34,999 ਰੁਪਏ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਦੂਜੀ ਜਨਰੇਸ਼ਨ 'ਚ ਇਹ ਸਕੂਟਰ ਸਿਰਫ 4kWh ਬੈਟਰੀ ਪੈਕ ਦੇ ਨਾਲ ਆਉਂਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਉਸਦੀ ਮੋਟਰ 11Kw ਦੀ ਪੀਕ ਪਾਵਰ ਜਨਰੇਟ ਕਰਦੀ ਹੈ ਅਤੇ ਇਹ ਸਕੂਟਰ ਸਿਰਫ 2.7 ਸੈਕਿੰਡ ਵਿੱਚ 0 ਤੋਂ 40 km/h ਦੀ ਰਫਤਾਰ ਫੜਨ ਦੇ ਸਮਰੱਥ ਹੈ। ਇਹ ਸਕੂਟਰ ਸਿੰਗਲ ਚਾਰਜ 'ਚ 242 ਕਿਲੋਮੀਟਰ ਦੀ ਡਰਾਈਵਿੰਗ ਰੇਂਜ ਦੇਵੇਗਾ।
OLA S1 Pro +
ਓਲਾ ਦੀ ਥਰਡ ਜਨਰੇਸ਼ਨ ਦਾ ਸਭ ਤੋਂ ਮਹਿੰਗਾ ਅਤੇ ਫਲੈਗਸ਼ਿਪ ਮਾਡਲ ਹੁਣ S1 ਪ੍ਰੋ ਪਲੱਸ ਬਣ ਗਿਆ ਹੈ। ਕੰਪਨੀ ਨੇ ਇਸ ਸਕੂਟਰ ਨੂੰ ਦੋ ਬੈਟਰੀ ਪੈਕ 4kWh ਅਤੇ 5kWh ਦੇ ਨਾਲ ਲਾਂਚ ਕੀਤਾ ਹੈ। ਜਿਸ ਦੀ ਕੀਮਤ ਕ੍ਰਮਵਾਰ 1,54,999 ਰੁਪਏ ਅਤੇ 1,69,999 ਰੁਪਏ ਹੈ। ਇਸ 'ਚ ਡਿਊਲ-ਚੈਨਲ ਐਂਟੀ-ਲਾਕ ਬ੍ਰੇਕਿੰਗ ਸਿਸਟਮ ਸਮੇਤ ਕਈ ਐਡਵਾਂਸ ਫੀਚਰਸ ਦਿੱਤੇ ਗਏ ਹਨ। ਇਹ ਦੇਸ਼ ਦਾ ਸਭ ਤੋਂ ਸ਼ਕਤੀਸ਼ਾਲੀ ਇਲੈਕਟ੍ਰਿਕ ਸਕੂਟਰ ਹੈ ਜਿਸਦੀ ਮੋਟਰ 13kW ਦੀ ਪੀਕ ਪਾਵਰ ਜਨਰੇਟ ਕਰਦੀ ਹੈ। ਇਹ ਸਕੂਟਰ ਸਿਰਫ 2.1 ਸੈਕਿੰਡ 'ਚ 0 ਤੋਂ 40 km/h ਦੀ ਰਫਤਾਰ ਫੜ ਸਕਦਾ ਹੈ। ਇਸਦੀ ਟਾਪ ਸਪੀਡ 141 ਕਿਲੋਮੀਟਰ ਪ੍ਰਤੀ ਘੰਟਾ ਹੈ ਅਤੇ ਇਹ ਸਕੂਟਰ ਇੱਕ ਵਾਰ ਚਾਰਜ ਕਰਨ ਵਿੱਚ ਵੱਧ ਤੋਂ ਵੱਧ 320 ਕਿਲੋਮੀਟਰ ਦੀ ਡਰਾਈਵਿੰਗ ਰੇਂਜ ਦੇਵੇਗਾ।
ਇਹ ਵੀ ਪੜ੍ਹੋ- ਕਾਰ 'ਚ ਹੀਟਰ ਚਲਾਉਂਦੇ ਸਮੇਂ ਭੁੱਲ ਕੇ ਵੀ ਨਾ ਕਰੋ ਇਹ ਗਲਤੀ, ਨਹੀਂ ਤਾਂ ਹੋ ਸਕਦੈ ਵੱਡਾ ਨੁਕਸਾਨ
ਭਾਰਤ 'ਚ ਕਿਹੜਾ ਫੋਨ ਸਭ ਤੋਂ ਵੱਧ ਵਿਕਿਆ? ਨਵੀਂ List ਜਾਰੀ
NEXT STORY 
