ਗੈਜੇਟ ਡੈਸਕ : ਜੇਕਰ ਤੁਸੀਂ ਵਨਪਲੱਸ (OnePlus) ਦੇ ਸਮਾਰਟਫੋਨ ਦੀ ਵਰਤੋਂ ਕਰਦੇ ਹੋ ਤੇ ਦਿੱਲੀ ਵਿੱਚ ਰਹਿੰਦੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ। ਕੰਪਨੀ ਦਿੱਲੀ ਦੇ ਦਿਲ ਕਹੇ ਜਾਣ ਵਾਲੇ ਕਨੌਟ ਪਲੇਸ (Connaught Place) ਵਿੱਚ ਸਥਿਤ ਆਪਣਾ ਇੱਕ ਵੱਡਾ ਸਰਵਿਸ ਸੈਂਟਰ ਜਲਦੀ ਹੀ ਬੰਦ ਕਰਨ ਜਾ ਰਹੀ ਹੈ। ਇਸ ਕਾਰਨ ਮੋਬਾਈਲ ਰਿਪੇਅਰ ਕਰਵਾਉਣ ਆਉਣ ਵਾਲੇ ਗਾਹਕਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਸਪੇਅਰ ਪਾਰਟਸ ਦੀ ਭਾਰੀ ਕਿੱਲਤ
ਰਿਪੋਰਟਾਂ ਅਨੁਸਾਰ ਇਸ ਸਰਵਿਸ ਸੈਂਟਰ ਵਿੱਚ ਮੋਬਾਈਲ ਦੇ ਪੁਰਜ਼ਿਆਂ (components) ਦੀ ਭਾਰੀ ਕਮੀ ਹੋ ਗਈ ਹੈ। ਬਹੁਤ ਸਾਰੇ ਯੂਜ਼ਰਸ, ਜਿਨ੍ਹਾਂ ਨੇ ਪਹਿਲਾਂ ਤੋਂ ਅਪੁਆਇੰਟਮੈਂਟ ਬੁੱਕ ਕੀਤੀ ਹੋਈ ਸੀ, ਜਦੋਂ ਆਪਣੇ ਫੋਨ ਰਿਪੇਅਰ ਕਰਵਾਉਣ ਪਹੁੰਚੇ ਤਾਂ ਉਨ੍ਹਾਂ ਨੂੰ ਖਾਲੀ ਹੱਥ ਪਰਤਣਾ ਪਿਆ। ਸਟਾਫ ਵੱਲੋਂ ਦੱਸਿਆ ਜਾ ਰਿਹਾ ਹੈ ਕਿ ਇੱਥੇ ਡਿਸਪਲੇਅ ਵਰਗੇ ਜ਼ਰੂਰੀ ਪੁਰਜ਼ੇ ਉਪਲਬਧ ਨਹੀਂ ਹਨ।
ਕਿਉਂ ਬੰਦ ਹੋ ਰਿਹਾ ਹੈ ਸਰਵਿਸ ਸੈਂਟਰ?
ਸਰਵਿਸ ਸੈਂਟਰ ਦੇ ਸਟਾਫ ਨੇ ਦੱਸਿਆ ਕਿ ਇਸ ਸਟੋਰ ਦੀ ਲੀਜ਼ (Lease) ਖ਼ਤਮ ਹੋ ਗਈ ਹੈ, ਜਿਸ ਕਾਰਨ ਕੰਪਨੀ ਵੱਲੋਂ ਹੁਣ ਇੱਥੇ ਨਵਾਂ ਸਟਾਕ ਜਾਂ ਇਨਵੈਂਟਰੀ ਨਹੀਂ ਭੇਜੀ ਜਾ ਰਹੀ। ਇਸ ਕਾਰਨ ਗਾਹਕਾਂ ਨੂੰ ਦਿੱਲੀ ਦੇ ਦੂਜੇ ਸਰਵਿਸ ਸੈਂਟਰਾਂ ਜਾਂ ਨੋਇਡਾ ਜਾਣ ਲਈ ਕਿਹਾ ਜਾ ਰਹੀ ਹੈ।
ਗਾਹਕਾਂ ਕੋਲ ਹੁਣ ਕੀ ਹਨ ਬਦਲ? ਕਨੌਟ ਪਲੇਸ ਦਾ ਸਰਵਿਸ ਸੈਂਟਰ ਬੰਦ ਹੋਣ ਤੋਂ ਬਾਅਦ ਯੂਜ਼ਰਸ ਨੂੰ ਹੇਠ ਲਿਖੇ ਸੈਂਟਰਾਂ 'ਤੇ ਜਾਣਾ ਪਵੇਗਾ:
• ਸਾਕੇਤ, ਰੋਹਿਣੀ, ਪੀਤਮਪੁਰਾ (NSP), ਜਨਕਪੁਰੀ ਅਤੇ ਲਾਜਪਤ ਨਗਰ।
• ਜੋ ਗਾਹਕ ਦੂਰ ਨਹੀਂ ਜਾਣਾ ਚਾਹੁੰਦੇ, ਉਨ੍ਹਾਂ ਲਈ ਕੰਪਨੀ 'ਪਿੱਕ ਐਂਡ ਡ੍ਰੌਪ' (Pick and Drop) ਦੀ ਸਹੂਲਤ ਵੀ ਦੇ ਰਹੀ ਹੈ।
OnePlus 15s ਦੀਆਂ ਚਰਚਾਵਾਂ
ਇੱਕ ਪਾਸੇ ਜਿੱਥੇ ਸਰਵਿਸ ਸੈਂਟਰ ਬੰਦ ਹੋਣ ਦੀ ਖ਼ਬਰ ਹੈ, ਉੱਥੇ ਹੀ ਕੰਪਨੀ ਜਲਦੀ ਹੀ ਆਪਣਾ ਨਵਾਂ ਫਲੈਗਸ਼ਿਪ ਫੋਨ OnePlus 15s ਲਾਂਚ ਕਰਨ ਦੀ ਤਿਆਰੀ ਵਿੱਚ ਹੈ। ਇਹ ਫੋਨ ਪਿਛਲੇ ਸਾਲ ਲਾਂਚ ਹੋਏ OnePlus 13s ਦਾ ਅਪਗ੍ਰੇਡ ਮਾਡਲ ਹੋਵੇਗਾ, ਜਿਸ ਦੇ ਕਈ ਫੀਚਰਸ ਪਹਿਲਾਂ ਹੀ ਲੀਕ ਹੋ ਚੁੱਕੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
Whatsapp ਨੇ ਮਾਪਿਆਂ ਦੀ Tension ਕੀਤੀ ਖ਼ਤਮ ! 13 ਸਾਲ ਤੱਕ ਦੇ ਬੱਚਿਆਂ ਲਈ...
NEXT STORY 
