ਨਵੀਂ ਦਿੱਲੀ—ਘੱਟ ਸਪਲਾਈ ਕਰ ਕੇ ਰਾਸ਼ਟਰੀ ਰਾਜਧਾਨੀ 'ਚ ਪਿਆਜ਼ ਦੀ ਖੁਦਰਾ ਕੀਮਤਾਂ 80 ਰੁਪਏ ਪ੍ਰਤੀ ਕਿਲੋ ਦੇ ਪੱਧਰ ਨੂੰ ਛੂ ਗਈ। ਪਿਆਜ਼ ਦੀ ਕੀਮਤ 'ਚ ਇਸੇ ਤਰ੍ਹਾਂ ਦਾ ਉਛਾਲ ਦੂਸਰੇ ਸ਼ਹਿਰਾਂ 'ਚ ਦੇਖਿਆ ਗਿਆ। ਕਾਰੋਬਾਰੀ ਅੰਕੜਿਆਂ ਤੋਂ ਇਹ ਜਾਣਕਾਰੀ ਪ੍ਰਾਪਤ ਹੋਈ। ਅੰਕੜਿਆਂ ਦੇ ਮੁਤਾਬਕ ਗੁਣਵਤਾ ਅਤੇ ਇਲਾਕੇ ਦੇ ਆਧਾਰ 'ਤੇ ਕਈ ਮੈਟਰੋ ਸ਼ਹਿਰਾਂ 'ਚ ਪਿਆਜ਼ 50 ਤੋਂ 70 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਵੇਚਿਆ ਜਾ ਰਿਹਾ ਹੈ। ਇਕ ਕਾਰੋਬਾਰੀ ਨੇ ਕਿਹਾ ਕਿ ਏਸ਼ੀਆ ਦੀ ਸਭ ਤੋਂ ਵੱਡੀ ਸਬਜੀ ਮੰਡੀ.ਆਜਾਦਪੁਰ ਮੰਡੀ 'ਚ ਪਿਆਜ਼ ਦੀ ਕੀਮਤਾਂ 50 ਤੋਂ 60 ਰੁਪਏ ਕਿਲੋ ਤੋਂ ਉਪਰ ਬੋਲੀ ਜਾ ਰਹੀ ਹੈ ਜਦਕਿ ਖੁਦਰਾ 'ਚ ਇਸੇ ਪਿਆਜ਼ ਦੀ ਕੀਮਤ ਅੱਜ 80 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ।
ਮਹਾਰਾਸ਼ਟਰ ਕਰਨਾਟਕ ਅਤੇ ਮੱਧ ਪ੍ਰਦੇਸ਼ ਵਰਗੇ ਪ੍ਰਮੁੱਖ ਉਤਪਾਦਕ ਰਾਜਾਂ ਤੋਂ ਘੱਟ ਸਪਲਾਈ ਦੇ ਕਾਰਨ ਪਿਆਜ਼ ਦੀ ਥੋਕ ਅਤੇ ਖੁਦਰਾ ਕੀਮਤਾਂ ਉੱਚ ਪੱਧਰ 'ਤੇ ਹਨ। ਏਸ਼ੀਆ ਦੀ ਸਭ ਤੋਂ ਵੱਡੇ ਪਿਆਜ਼ , ਮਹਾਰਾਸ਼ਟਰ ਦੀ ਲਾਸਲਪਿੰਡ ਮੰਡੀ ਤੋਂ ਪਿਆਜ਼ ਦੀ ਸਪਲਾਈ 47 ਪ੍ਰਤੀਸ਼ਤ ਗਿਰ ਕੇ ਅੱਜ 12,000 ਕੁਇੰਟਲ ਰਹਿ ਗਈ ਜਦਕਿ ਪਿਛਲੇ ਸਾਲ ਇਸ ਦੌਰਾਨ ਇਹ ਅੰਕੜਾ 22,933 ਕੁਇੰਟਲ ਸੀ। ਰਾਸ਼ਟਰੀ ਬਾਗਬਾਨੀ ਖੋਜ ਅਤੇ ਵਿਕਾਸ ਸਥਾਪਨਾ (ਐੱਨ.ਐੱਚ.ਡੀ.ਐੱਫ) ਦੇ ਅੰਕੜਿਆਂ ਦੇ ਮੁਤਾਬਕ ਅੱਜ ਲਾਸਲਪਿੰਡ ਮੰਡੀ 'ਚ ਪਿਆਜ਼ 33 ਰੁਪਏ ਪ੍ਰਤੀ ਕਿਲੋ ਵਿਕਿਆ , ਇਸਦੇ ਮੁਕਾਬਲੇ ਪਿਛਲੇ ਸਾਲ ਇਸੇ ਦਿਨ ਪਿਆਜ਼ ਦੇ ਕੀਮਤ 7.50 ਰੁਪਏ ਪ੍ਰਤੀ ਕਿਲੋ ਸੀ। ਇਸ ਦੌਰਾਨ, ਸਰਕਾਰ ਨੇ ਐੱਸ.ਐੱਮ.ਟੀ.ਸੀ. ਨੂੰ 2,000 ਟਨ ਪਿਆਜ਼ ਆਯਾਤ ਕਰਨ ਅਤੇ ਨੇਫੇਡ ਅਤੇ ਐੱਸ.ਐੱਫ.ਏ.ਸੀ. ਨੂੰ ਸਪਲਾਈ ਵਧਾਉਣ ਲਈ ਸਥਾਨਕ ਪੱਧਰ 'ਤੇ 12 ਹਜ਼ਾਰ ਟਨ ਪਿਆਜ਼ ਖਰੀਦਣ ਦਾ ਨਿਰਦੇਸ਼ ਦਿੱਤਾ ਹੈ।
ਬਾਂਸਲ ਦੇ ਬਾਅਦ ਇਹ ਅਧਿਕਾਰੀ ਸੰਭਾਲੇਗਾ Air India ਦੀ ਕਮਾਨ
NEXT STORY 
