ਨਵੀਂ ਦਿੱਲੀ— ਜੇਕਰ ਤੁਸੀਂ ਪਾਸਪੋਰਟ ਬਣਾਉਣਾ ਚਾਹੁੰਦੇ ਹੋ ਤਾਂ ਤੁਹਾਡੇ ਲਈ ਜ਼ਰੂਰੀ ਖਬਰ ਹੈ। ਹੁਣ ਪਾਸਪੋਰਟ ਬਣਾਉਣ ਲਈ ਨਵਾਂ ਨਿਯਮ ਬਣਾ ਦਿੱਤਾ ਗਿਆ ਹੈ, ਜਿਸ ਤਹਿਤ ਸਿਰਫ ਆਨਲਾਈਨ ਅਰਜ਼ੀ ਹੀ ਮੰਨੀ ਜਾਵੇਗੀ। ਜਾਣਕਾਰੀ ਮੁਤਾਬਕ ਵਿਦੇਸ਼ ਮੰਤਰਾਲੇ ਨੇ ਸਾਰੇ ਸ਼੍ਰੇਣੀਆਂ ਦੇ ਪਾਸਪੋਰਟ ਅਰਜ਼ੀਦਾਤਾਵਾਂ ਨੂੰ ਆਨਲਾਈਨ ਮੁਲਾਕਾਤ ਦਾ ਸਮਾਂ ਲੈਣਾ ਜ਼ਰੂਰੀ ਕਰ ਦਿੱਤਾ ਹੈ। ਹੁਣ ਤਕ ਬਜ਼ੁਰਗ ਅਤੇ ਦਿਵਿਆਂਗ ਕੋਟੇ ਦੇ ਅਰਜ਼ੀਦਾਤਾ ਆਨਲਾਈਨ ਫਾਰਮ ਭਰ ਕੇ ਆਪਣੀ ਸੁਵਿਧਾ ਮੁਤਾਬਕ ਸਿੱਧੇ ਪਾਸਪੋਰਟ ਦਫਤਰ ਪਹੁੰਚ ਰਹੇ ਸਨ ਪਰ ਹੁਣ ਇਹ ਸੁਵਿਧਾ ਤਤਕਾਲ ਪ੍ਰਭਾਵ ਨਾਲ ਬੰਦ ਕਰ ਦਿੱਤੀ ਗਈ ਹੈ। ਹੁਣ ਦੋਹਾਂ ਸ਼੍ਰੇਣੀਆਂ ਨੂੰ ਆਨਲਾਈਨ ਮੁਲਾਕਾਤ ਦਾ ਸਮਾਂ ਲੈਣਾ ਜ਼ਰੂਰੀ ਕਰ ਦਿੱਤਾ ਗਿਆ ਹੈ।
ਕਿਹਾ ਜਾ ਰਿਹਾ ਹੈ ਕਿ ਪਾਸਪੋਰਟ ਸੇਵਾ ਕੇਂਦਰਾਂ 'ਤੇ ਜ਼ਿਆਦਾ ਲੋਕ ਪਹੁੰਚ ਰਹੇ ਸਨ, ਇਸ ਨਾਲ ਪਾਸਪੋਰਟ ਪ੍ਰੋਸੈਸਿੰਗ ਕੰਮ ਪ੍ਰਭਾਵਿਤ ਹੋ ਰਿਹਾ ਸੀ। ਇਸ ਲਈ ਮੰਤਰਾਲੇ ਨੇ ਸਾਰੀਆਂ ਸ਼੍ਰੇਣੀਆਂ ਦੇ ਅਰਜ਼ੀਦਾਤਾਵਾਂ ਨੂੰ ਆਨਲਾਈਨ ਮੁਲਾਕਾਤ ਦਾ ਸਮਾਂ ਲੈਣਾ ਜ਼ਰੂਰੀ ਕੀਤਾ ਹੈ। ਇਸ ਤੋਂ ਪਹਿਲਾਂ ਬੱਚਿਆਂ ਲਈ ਆਨਾਲਾਈਨ ਮਿਲਣ ਦਾ ਸਮਾਂ ਲੈਣਾ ਜ਼ਰੂਰੀ ਕੀਤਾ ਜਾ ਚੁੱਕਾ ਹੈ। ਜ਼ਿਕਰਯੋਗ ਹੈ ਕਿ ਹਾਲ ਹੀ 'ਚ 60 ਸਾਲ ਤੋਂ ਉੱਪਰ ਅਤੇ 8 ਸਾਲ ਤੋਂ ਘੱਟ ਉਮਰ ਵਾਲੇ ਅਰਜ਼ੀ ਦਾਤਾਵਾਂ ਨੂੰ ਪਾਸਪੋਰਟ ਫੀਸ 'ਚ 10 ਫੀਸਦੀ ਦੀ ਛੋਟ ਦਿੱਤੀ ਗਈ ਹੈ। ਉੱਥੇ ਹੀ, ਨਵੇਂ ਪਾਸਪੋਰਟ 'ਚ ਨਿੱਜੀ ਜਾਣਕਾਰੀ ਹਿੰਦੀ ਅਤੇ ਅੰਗਰੇਜ਼ੀ ਦੋਹਾਂ ਭਾਸ਼ਾਵਾਂ 'ਚ ਹੋਵੇਗੀ।
ਇਸ ਐਪ ਜ਼ਰੀਏ ਜਾਣ ਸਕਦੇ ਹੋ ਪਾਸਪੋਰਟ ਦਾ ਸਟੇਟਸ
ਜੇਕਰ ਤੁਸੀਂ ਆਪਣੇ ਮੋਬਾਇਲ 'ਤੇ ਪਾਸਪੋਰਟ ਸੰਬੰਧੀ ਜਾਣਕਾਰੀ ਲੈਣਾ ਚਾਹੁੰਦੇ ਹੋ, ਤਾਂ ਇਸ ਲਈ ਤੁਸੀਂ ਆਪਣੇ ਸਮਾਰਟ ਫੋਨ 'ਤੇ 'ਐੱਮ ਪਾਸਪੋਰਟ ਸੇਵਾ' ਐਪ ਡਾਊਨਲੋਡ ਕਰ ਸਕਦੇ ਹੋ। ਇਸ ਐਪ 'ਤੇ ਤੁਸੀਂ ਪਾਸਪੋਰਟ ਸੇਵਾ ਕੇਂਦਰ ਜਾਂ ਜ਼ਿਲ੍ਹਾ ਪਾਸਪੋਰਟ ਸੈੱਲ ਵੀ ਸਰਚ ਕਰ ਸਕਦੇ ਹੋ। ਇੰਨਾ ਹੀ ਨਹੀਂ ਵਿਦੇਸ਼ਾਂ 'ਚ ਬੈਠੇ ਸਿਟੀਜ਼ਨਸ ਵੀ ਅਹਿਮ ਜਾਣਕਾਰੀ ਹਾਸਲ ਕਰ ਸਕਦੇ ਹਨ। ਉੱਥੇ ਹੀ, ਤੁਸੀਂ ਇਸ ਐਪ ਜ਼ਰੀਏ ਆਪਣਾ ਫਾਈਲ ਨੰਬਰ ਅਤੇ ਜਨਮ ਤਰੀਕ ਭਰ ਕੇ ਪਾਸਪੋਰਟ ਐਪਲੀਕੇਸ਼ਨ ਦੀ ਸਥਿਤੀ ਟਰੈਕ ਕਰ ਸਕਦੇ ਹੋ ਅਤੇ ਨਾਲ ਹੀ ਪਾਸਪੋਰਟ ਦੇ ਡਲਿਵਰੀ ਸਟੇਟਸ ਬਾਰੇ ਵੀ ਜਾਣਕਾਰੀ ਲੈ ਸਕਦੇ ਹੋ।
ਕਾਰ ਖਰੀਦਣ ਵਾਲਿਆਂ ਲਈ ਵੱਡੀ ਖਬਰ, ਹੋਣਗੇ ਇਹ ਬਦਲਾਅ
NEXT STORY 
