ਨਵੀਂ ਦਿੱਲੀ - ਮੁਕੇਸ਼ ਅੰਬਾਨੀ ਦੀ ਮਲਕੀਅਤ ਵਾਲੀ ਰਿਲਾਇੰਸ ਜੀਓ ਇਨਫੋਕਾਮ ਸਥਾਨਕ ਬਾਜ਼ਾਰ ਵਿੱਚ ਬਾਂਡਾਂ ਰਾਹੀਂ 8,000 ਕਰੋੜ ਰੁਪਏ ਜੁਟਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਜੋ ਅਗਲੇ ਹਫ਼ਤੇ ਸ਼ੁਰੂ ਹੋ ਸਕਦੀ ਹੈ। ਕਾਰਪੋਰੇਟ ਬਾਂਡ ਦੀ ਵਿਕਰੀ ਤੋਂ ਹੋਣ ਵਾਲੀ ਕਮਾਈ ਦੀ ਵਰਤੋਂ ਸਰਕਾਰ ਦੁਆਰਾ 2014 ਅਤੇ 2015 ਦੀਆਂ ਨੀਲਾਮੀ ਵਿੱਚ ਸਪੈਕਟਰਮ ਖਰੀਦਣ ਲਈ ਪਿਛਲੇ ਬਕਾਏ ਦੀ ਅਦਾਇਗੀ ਕਰਨ ਲਈ ਕੀਤੀ ਜਾਵੇਗੀ।
ਇਕ ਅਖ਼ਬਾਰ ਦੀ ਰਿਪੋਰਟ ਅਨੁਸਾਰ, ਇਹ ਆਉਣ ਵਾਲੇ ਬਾਂਡ 6.2 ਪ੍ਰਤੀਸ਼ਤ ਅਤੇ 5.35 ਪ੍ਰਤੀਸ਼ਤ ਦੀ ਵਿਆਜ ਦਰਾਂ ਦੇ ਨਾਲ ਪੰਜ-ਸਾਲ, ਤਿੰਨ-ਸਾਲ ਅਤੇ ਦੋ-ਸਾਲ ਦੀ ਮਿਆਦ ਦੇ ਹੋਣਗੇ।
ਪੰਜ ਸਾਲਾ ਬਾਂਡ ਦੀ ਵਿਕਰੀ ਲਈ ਬੈਂਕਾਂ ਨਾਲ ਗੱਲਬਾਤ
ਟੈਲੀਕੋ ਪਹਿਲਾਂ ਹੀ ਐਕਸਿਸ ਬੈਂਕ, ਆਈਸੀਆਈਸੀਆਈ ਬੈਂਕ, ਐਚਡੀਐਫਸੀ ਬੈਂਕ ਅਤੇ ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) ਨਾਲ ਪੰਜ ਸਾਲਾਂ ਦੀ ਬਾਂਡ ਵਿਕਰੀ ਲਈ ਗੱਲਬਾਤ ਕਰ ਰਹੀ ਹੈ। ਚੋਟੀ ਦੇ ਮਿਉਚੁਅਲ ਫੰਡਾਂ ਨੇ ਦੋ-ਸਾਲ ਅਤੇ ਤਿੰਨ-ਸਾਲ ਦੀ ਮਿਆਦ ਪੂਰੀ ਹੋਣ ਵਾਲੇ ਬਾਂਡਾਂ ਲਈ ਵੀ ਪੁੱਛਗਿੱਛ ਕੀਤੀ ਹੈ ਅਤੇ ਕੰਪਨੀ ਉਨ੍ਹਾਂ ਤੋਂ 3,000 ਕਰੋੜ ਰੁਪਏ ਤੱਕ ਜੁਟਾ ਸਕਦੀ ਹੈ।
ਬਾਂਡ ਦੀ ਵਿਕਰੀ ਤੋਂ ਹੋਣ ਵਾਲੀ ਕੁਝ ਕਮਾਈ ਦੀ ਵਰਤੋਂ ਪਹਿਲਾਂ ਵਪਾਰਕ ਕਾਗਜ਼ਾਂ ਰਾਹੀਂ ਕੀਤੀ ਗਈ ਛੋਟੀ ਮਿਆਦ ਦੇ ਉਧਾਰਾਂ ਨੂੰ ਮੁੜਵਿੱਤੀ ਕਰਨ ਲਈ ਵੀ ਕੀਤੀ ਜਾ ਸਕਦੀ ਹੈ। ਇਹ ਕਮਰਸ਼ੀਅਲ ਪੇਪਰ ਅਗਲੇ ਸਾਲ ਜਨਵਰੀ, ਫਰਵਰੀ ਅਤੇ ਜੂਨ ਤੱਕ ਪੁੱਗ(ਮੈਚਿਓਰ) ਹੋ ਜਾਣਗੇ।
10.792 ਕਰੋੜ ਦੇ ਬਕਾਏ ਦਾ ਭੁਗਤਾਨ
ਜੀਓ ਨੇ ਹਾਲ ਹੀ ਵਿੱਚ 2016 ਦੀ ਸਪੈਕਟ੍ਰਮ ਵਿਕਰੀ ਤੋਂ 10,792 ਕਰੋੜ ਰੁਪਏ ਦੇ ਪੂਰੇ ਬਕਾਏ ਦਾ ਭੁਗਤਾਨ ਕੀਤਾ ਹੈ। ਹਾਲਾਂਕਿ, ਦੂਰਸੰਚਾਰ ਵਿਭਾਗ (DoT) ਨੇ ਅਜੇ ਤੱਕ 2014 ਅਤੇ 2015 ਦੀਆਂ ਸਪੈਕਟ੍ਰਮ ਨਿਲਾਮੀ ਤੋਂ ਆਪਣੇ ਬਕਾਏ ਨੂੰ ਕਲੀਅਰ ਕਰਨਾ ਹੈ।
ਟੈਲੀਕੋ ਨੇ 11,000 ਕਰੋੜ ਰੁਪਏ ਦੀਆਂ ਏਅਰਵੇਵਜ਼ ਖਰੀਦੀਆਂ, ਜਿਨ੍ਹਾਂ ਵਿੱਚੋਂ 3,648 ਕਰੋੜ ਰੁਪਏ ਦਾ ਅਗਾਊਂ ਭੁਗਤਾਨ ਕੀਤਾ ਗਿਆ। ਫਿਰ 2015 ਵਿੱਚ, ਇਸ ਨੇ 10,077 ਕਰੋੜ ਰੁਪਏ ਦਾ ਸਪੈਕਟ੍ਰਮ ਖਰੀਦਿਆ, ਜਿਸ ਵਿੱਚੋਂ 2,695 ਕਰੋੜ ਰੁਪਏ ਨੂੰ ਇਕਮੁਸ਼ਤ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।
15,000-16,000 ਕਰੋੜ ਰੁਪਏ ਹੋ ਸਕਦਾ ਹੈ ਜੀਓ ਦਾ ਬਕਾਇਆ
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਜੀਓ ਦਾ ਬਕਾਇਆ ਵਿਆਜ ਸਮੇਤ, 2014 ਅਤੇ 2015 ਵਿੱਚ 15,000-16,000 ਕਰੋੜ ਰੁਪਏ ਦੀ ਰੇਂਜ ਵਿੱਚ ਹੋਣ ਦਾ ਅਨੁਮਾਨ ਹੈ। ਜੀਓ ਇਕਲੌਤੀ ਦੂਰਸੰਚਾਰ ਕੰਪਨੀ ਹੈ ਜੋ ਦੂਰਸੰਚਾਰ ਉਦਯੋਗ ਲਈ ਹਾਲ ਹੀ ਦੇ ਉਪਾਵਾਂ ਦੇ ਹਿੱਸੇ ਵਜੋਂ ਸਰਕਾਰ ਦੁਆਰਾ ਪੇਸ਼ ਕੀਤੇ ਗਏ ਸਪੈਕਟਰਮ ਅਤੇ ਐਡਜਸਟਡ ਗ੍ਰਾਸ ਰੈਵੇਨਿਊ (ਏਜੀਆਰ) ਬਕਾਏ 'ਤੇ ਚਾਰ ਸਾਲਾਂ ਦੀ ਮੋਰੇਟੋਰਿਅਮ(ਰੋਕ) ਦੀ ਵਰਤੋਂ ਨਹੀਂ ਕਰਦੀ ਹੈ।
ਇਹ ਵੀ ਪੜ੍ਹੋ : ਬਿਨਾਂ ਰਾਸ਼ਨ ਕਾਰਡ ਦੇ ਵੀ ਲੋਕ ਲੈ ਸਕਣਗੇ ਸਬਸਿਡੀ ਵਾਲਾ ਅਨਾਜ, ਜਾਣੋ ਕੀ ਹੈ ਸਰਕਾਰ ਦਾ ਪਲਾਨ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਹੁਣ ਟਰੈਕ 'ਤੇ ਧਰਨੇ ਜਾਂ ਟਰੇਨਾਂ ਨਾ ਚੱਲਣ ਨਾਲ ਪ੍ਰਭਾਵਿਤ ਨਹੀਂ ਹੋਵੇਗੀ ਡਾਕ ਸੇਵਾ, ਪੜ੍ਹੋ ਕਿਉਂ
NEXT STORY 
