ਬਿਜ਼ਨੈੱਸ ਡੈਸਕ : ਗੋ ਫਸਟ ਤੋਂ ਬਾਅਦ ਹੁਣ ਸਪਾਈਸਜੈੱਟ ਦੀਆਂ ਮੁਸ਼ਕਿਲ ਵਧ ਗਈਆਂ ਹਨ। ਸੁਪਰੀਮ ਕੋਰਟ ਨੇ ਸਪਾਈਸਜੈੱਟ ਨੂੰ ਸਾਬਕਾ ਪ੍ਰਮੋਟਰ ਕਲਾਨਿਤੀ ਮਾਰਨ ਨੂੰ 380 ਕਰੋੜ ਰੁਪਏ ਦਾ ਭੁਗਤਾਨ ਕਰਨ ਦੇ ਹੁਕਮ ਦਿੱਤੇ ਹਨ। ਅਦਾਲਤ ਨੇ ਸਪਾਈਸਜੈੱਟ ਨੂੰ ਭੁਗਤਾਨ ਲਈ ਹੋਰ ਸਮਾਂ ਦੇਣ ਤੋਂ ਵੀ ਇਨਕਾਰ ਕਰ ਦਿੱਤਾ ਹੈ। ਦੱਸ ਦੇਈਏ ਕਿ ਇਹ ਮਾਮਲਾ ਸੱਤ ਸਾਲ ਪੁਰਾਣਾ ਹੈ, ਜੋ ਸ਼ੇਅਰ ਟ੍ਰਾਂਸਫਰ ਵਿਵਾਦ ਨਾਲ ਸਬੰਧਤ ਹੈ। 2018 ਆਰਬਿਟਰੇਸ਼ਨ ਅਵਾਰਡ ਦੇ ਤਹਿਤ ਮਾਰਨ ਨੇ ਏਅਰਲਾਈਨ ਕੰਪਨੀ ਤੋਂ 362.49 ਕਰੋੜ ਰੁਪਏ ਦਾ ਦਾਅਵਾ ਕੀਤਾ ਹੈ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ ਹੁਣ 5 ਸਤੰਬਰ ਨੂੰ ਹੋਵੇਗੀ।
ਇਹ ਵੀ ਪੜ੍ਹੋ : ਕ੍ਰਿਕਟ ਵਿਸ਼ਵ ਕੱਪ ਦੇ ਪ੍ਰੇਮੀਆਂ ਲਈ ਅਹਿਮ ਖ਼ਬਰ, ਇਸ ਸਮੱਸਿਆ ਤੋਂ ਮਿਲੇਗੀ ਰਾਹਤ
ਸੁਪਰੀਮ ਕੋਰਟ ਨੇ 13 ਫਰਵਰੀ ਨੂੰ ਸਪਾਈਸਜੈੱਟ ਨੂੰ ਇਸ ਦੇ ਵਿਆਜ ਦੇ ਰੂਪ ਵਿੱਚ 75 ਕਰੋੜ ਰੁਪਏ ਮਾਰਨ ਨੂੰ ਦੇਣ ਦੇ ਹੁਕਮ ਦਿੱਤੇ ਸਨ। ਸਪਾਈਸਜੈੱਟ ਨੇ ਭੁਗਤਾਨ ਦੀ ਮਿਆਦ ਵਧਾਉਣ ਲਈ ਅਦਾਲਤ 'ਚ ਪਟੀਸ਼ਨ ਦਾਇਰ ਕੀਤੀ ਸੀ, ਜਿਸ ਨੂੰ ਅਦਾਲਤ ਨੇ ਰੱਦ ਕਰ ਦਿੱਤਾ। ਅਦਾਲਤ ਨੇ ਕਿਹਾ ਕਿ ਕੰਪਨੀ ਇਹ ਪੈਸਾ ਨਹੀਂ ਦੇਣਾ ਚਾਹੁੰਦੀ, ਇਸ ਲਈ ਉਹ ਅਜਿਹੇ ਅੜਿੱਕੇ ਪਾ ਰਹੀ ਹੈ। ਇਸ ਤੋਂ ਪਹਿਲਾਂ ਜੂਨ ਵਿੱਚ ਦਿੱਲੀ ਹਾਈ ਕੋਰਟ ਨੇ ਵੀ ਸਪਾਈਸ ਜੈੱਟ ਨੂੰ ਮਾਰਨ ਨੂੰ 380 ਕਰੋੜ ਰੁਪਏ ਦੇਣ ਲਈ ਕਿਹਾ ਸੀ। ਅਦਾਲਤ ਨੇ ਸਪਾਈਸਜੈੱਟ ਨੂੰ ਚਾਰ ਹਫ਼ਤਿਆਂ ਦੇ ਅੰਦਰ ਆਪਣੀ ਸਾਰੀ ਜਾਇਦਾਦ ਦਾ ਵੇਰਵਾ ਦੇਣ ਲਈ ਵੀ ਕਿਹਾ।
ਇਹ ਵੀ ਪੜ੍ਹੋ : 24 ਘੰਟਿਆਂ ’ਚ ਬਦਲ ਗਈ ਦੁਨੀਆ ਦੇ ਅਰਬਪਤੀਆਂ ਦੀ ਤਸਵੀਰ, ਮੁਕੇਸ਼ ਅੰਬਾਨੀ ਬਣੇ ਨੰਬਰ-1!
ਇਹ ਮਾਮਲਾ ਸਪਾਈਸਜੈੱਟ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਅਜੈ ਸਿੰਘ ਅਤੇ ਮਾਰਨ ਅਤੇ ਉਸਦੀ ਕੰਪਨੀ ਕੇਏਐਲ ਏਅਰਵੇਜ਼ ਵਿਚਕਾਰ ਸ਼ੇਅਰ ਟ੍ਰਾਂਸਫਰ ਵਿਵਾਦ ਨਾਲ ਸਬੰਧਤ ਹੈ। ਫਰਵਰੀ 2015 ਵਿੱਚ ਮਾਰਨ ਅਤੇ ਕੇਏਐਲ ਏਅਰਵੇਜ਼ ਨੇ ਸਪਾਈਸਜੈੱਟ ਵਿੱਚ ਆਪਣੀ ਪੂਰੀ 58.46 ਫ਼ੀਸਦੀ ਹਿੱਸੇਦਾਰੀ ਸਿੰਘ ਨੂੰ ਤਬਦੀਲ ਕਰ ਦਿੱਤੀ ਸੀ। ਸਾਲ 2017 ਵਿੱਚ ਮਾਰਨ ਅਤੇ ਕੇਏਐਲ ਏਅਰਵੇਜ਼ ਨੇ ਦਿੱਲੀ ਹਾਈ ਕੋਰਟ ਤੱਕ ਪਹੁੰਚ ਕੀਤੀ ਸੀ। ਉਸ ਦਾ ਕਹਿਣਾ ਸੀ ਕਿ ਕੰਪਨੀ ਦੇ 18 ਕਰੋੜ ਵਾਰੰਟ ਰੀਡੀਮੇਬਲ ਸ਼ੇਅਰ ਉਸ ਨੂੰ ਇਕੁਇਟੀ ਸ਼ੇਅਰਾਂ ਦੇ ਰੂਪ ਵਿੱਚ ਟਰਾਂਸਫਰ ਕੀਤੇ ਜਾਣੇ ਚਾਹੀਦੇ ਹਨ।
ਇਹ ਵੀ ਪੜ੍ਹੋ : 15 ਰੁਪਏ ਲਿਟਰ ਮਿਲੇਗਾ ਪੈਟਰੋਲ! ਨਿਤਿਨ ਗਡਕਰੀ ਨੇ ਦੱਸਿਆ ਫਾਰਮੂਲਾ, ਕਿਸਾਨ ਵੀ ਹੋਣਗੇ ਖ਼ੁਸ਼ਹਾਲ
ਸਪਾਈਸਜੈੱਟ ਦਾ ਸਫ਼ਰ
ਸਪਾਈਸਜੈੱਟ ਦੀ ਸ਼ੁਰੂਆਤ 1984 ਵਿੱਚ ਹੋਈ ਸੀ। ਉਦਯੋਗਪਤੀ ਐੱਸਕੇ ਮੋਦੀ ਨੇ ਭਾਰਤ ਵਿੱਚ ਪ੍ਰਾਈਵੇਟ ਟੈਕਸੀਆਂ ਸ਼ੁਰੂ ਕੀਤੀਆਂ। 1993 ਵਿੱਚ ਇਸਦਾ ਨਾਮ ਐੱਮਜੀ ਐਕਸਪ੍ਰੈਸ ਰੱਖਿਆ ਗਿਆ ਸੀ ਪਰ ਅਗਲੇ ਹੀ ਸਾਲ ਯਾਨੀ 1994 ਵਿੱਚ ਇਸਦਾ ਨਾਮ ਬਦਲ ਕੇ ਮੋਡੀਲਫਟ ਕਰ ਦਿੱਤਾ ਗਿਆ। 2004 ਵਿੱਚ ਅਜੈ ਸਿੰਘ ਨੇ ਇਸਨੂੰ ਐਕਵਾਇਰ ਕੀਤਾ ਅਤੇ ਇਸਦਾ ਨਾਮ ਸਪਾਈਸਜੈੱਟ ਰੱਖਿਆ। ਉਨ੍ਹੀਂ ਦਿਨੀਂ ਜਹਾਜ਼ ਦੀਆਂ ਟਿਕਟਾਂ ਬਹੁਤ ਮਹਿੰਗੀਆਂ ਸਨ ਪਰ ਸਪਾਈਸ ਜੈੱਟ ਨੇ ਲੋਕਾਂ ਨੂੰ ਘੱਟ ਕੀਮਤ 'ਤੇ ਹਵਾਈ ਸਫ਼ਰ ਕਰਨ ਦਾ ਮੌਕਾ ਦਿੱਤਾ। 2010 'ਚ ਸਨ ਗਰੁੱਪ ਦੇ ਮਾਰਨ ਭਰਾਵਾਂ ਨੇ ਇਸ 'ਚ 37.7 ਫ਼ੀਸਦੀ ਹਿੱਸੇਦਾਰੀ ਖਰੀਦੀ ਸੀ। ਬਾਅਦ ਵਿੱਚ ਉਸਨੇ ਕੰਪਨੀ ਵਿੱਚ ਆਪਣੀ ਹਿੱਸੇਦਾਰੀ ਵਧਾ ਕੇ 58.46 ਫ਼ੀਸਦੀ ਕਰ ਦਿੱਤੀ ਪਰ ਕੰਪਨੀ ਦੀ ਵਿੱਤੀ ਹਾਲਤ ਵਿਗੜਨ ਤੋਂ ਬਾਅਦ ਜਨਵਰੀ 2015 ਵਿੱਚ ਆਪਣੀ ਪੂਰੀ ਹਿੱਸੇਦਾਰੀ ਅਜੇ ਸਿੰਘ ਨੂੰ ਵੇਚ ਦਿੱਤੀ।
ਇਹ ਵੀ ਪੜ੍ਹੋ : ਰਾਮ ਚਰਨ ਦੀ ਧੀ ਦੇ ਨਾਮਕਰਨ ਮੌਕੇ ਅੰਬਾਨੀ ਪਰਿਵਾਰ ਨੇ ਤੋਹਫ਼ੇ 'ਚ ਦਿੱਤਾ ਸੋਨੇ ਦਾ ਪੰਘੂੜਾ, ਕਰੋੜਾਂ 'ਚ ਹੈ ਕੀਮਤ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸ਼ੇਅਰ ਬਾਜ਼ਾਰ ’ਚ ‘ਬਲੈਕ ਫ੍ਰਾਈਡੇ’, ਰਿਕਾਰਡ ਤੇਜ਼ੀ ਤੋਂ ਬਾਅਦ ਡਿਗਿਆ ਬਾਜ਼ਾਰ
NEXT STORY 
