ਨਵੀਂ ਦਿੱਲੀ — 1 ਫਰਵਰੀ ਯਾਨੀ ਕਿ ਕੱਲ੍ਹ ਮੋਦੀ ਸਰਕਾਰ ਦੇ ਦੂਜੇ ਕਾਰਜਕਾਲ ਦਾ ਦੂਜਾ ਆਮ ਬਜਟ ਪੇਸ਼ ਹੋਣ ਜਾ ਰਿਹਾ ਹੈ। ਬਜਟ ਤੋਂ ਇਲਾਵਾ ਇਕ ਫਰਵਰੀ ਦਾ ਦਿਨ ਆਮ ਲੋਕਾਂ ਲਈ ਕੁਝ ਬਦਲਾਅ ਲੈ ਕੇ ਆ ਰਿਹਾ ਹੈ। ਉਹ ਇਸ ਲਈ ਕਿਉਂਕਿ ਇਕ ਫਰਵਰੀ 2020 ਤੋਂ ਕਈ ਸਾਰੇ ਬਦਲਾਅ ਹੋਣ ਜਾ ਰਹੇ ਹਨ। ਇਨ੍ਹਾਂ ਬਦਲਾਵਾਂ ਵਿਚ ਬੈਂਕਿੰਗ ਸਰਵਿਸਿਜ਼, LIC ਪਾਲਸੀ ਅਤੇ ਰਸੌਈ ਗੈਸ ਸਿਲੰਡਰ ਨਾਲ ਜੁੜੇ ਬਦਲਾਅ ਸ਼ਾਮਲ ਹਨ। ਅੱਜ ਅਸੀਂ ਤੁਹਾਨੂੰ ਇਨ੍ਹਾਂ ਸਾਰੇ ਬਦਲਾਵਾਂ ਬਾਰੇ ਜਾਣਕਾਰੀ ਦੇਣ ਜਾ ਰਹੇ ਹਾਂ ਤਾਂ ਜੋ ਤੁਸੀਂ ਇਨ੍ਹਾਂ ਬਦਲਾਵਾਂ ਲਈ ਪਹਿਲਾਂ ਤੋਂ ਤਿਆਰ ਹੋ ਸਕੋ। ਆਓ ਜਾਣਦੇ ਹਾਂ ਇਨ੍ਹਾਂ ਬਦਲਾਵਾਂ ਬਾਰੇ।
ਬੰਦ ਹੋ ਜਾਣਗੇ Post Office ATM ਕਾਰਡ
ਇਕ ਫਰਵਰੀ ਤੋਂ ਪੋਸਟ ਆਫਿਸ ਦੇ ਮੈਗਨੇਟਿਕ ਕਾਰਡ ਬੰਦ ਹੋ ਜਾਣਗੇ। ਜ਼ਿਕਰਯੋਗ ਹੈ ਕਿ ਡਾਕ ਵਿਭਾਗ ਨੇ ਆਪਣੇ ਬਚਤ ਖਾਤਾਧਾਰਕਾਂ ਨੂੰ 31 ਜਨਵਰੀ ਤੱਕ ਮੈਗਨੇਟਿਕ ਏ.ਟੀ.ਐਮ. ਨੂੰ ਜ਼ਿਆਦਾ ਸੁਰੱਖਿਅਤ ਨਵੇਂ EMV ਚਿਪ ਬੇਸਡ ਕਾਰਡ ਨਾਲ ਬਦਲਵਾਉਣ ਅਤੇ ਮੋਬਾਈਲ ਨੰਬਰ ਅਪਡੇਟ ਕਰਨ ਲਈ ਕਿਹਾ ਹੈ। ਅਜਿਹਾ ਨਾ ਕਰਨ ਵਾਲੇ ਗਾਹਕਾਂ ਦਾ ਕਾਰਡ ਬੰਦ ਹੋ ਸਕਦਾ ਹੈ। ਇਨ੍ਹਾਂ ATM ਕਾਰਡ ਨੂੰ ਪੋਸਟ ਆਫਿਸ ਦੀ ਘਰੇਲੂ ਬ੍ਰਾਂਚ ਵਿਚ ਜਾ ਕੇ ਬਦਲਵਾਇਆ ਜਾ ਸਕਦਾ ਹੈ।
ਬੰਦ ਹੋਣ ਜਾ ਰਹੀਆਂ ਹਨ LIC ਦੀਆਂ ਇਹ ਪਾਲਸੀਆਂ
ਭਾਰਤੀ ਜੀਵਨ ਬੀਮਾ ਨਿਗਮ ਇਕ ਫਰਵਰੀ ਤੋਂ ਆਪਣੀਆਂ 23 ਪਾਲਸੀਆਂ ਨੂੰ ਬੰਦ ਕਰਨ ਜਾ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਨਵੰਬਰ 'ਚ ਇਰਡਾ(IRDA) ਨੇ ਜੀਵਨ ਬੀਮਾ ਕੰਪਨੀਆਂ ਨੂੰ ਉਨ੍ਹਾਂ ਲਾਈਫ ਇੰਸ਼ੋਰੈਂਸ ਅਤੇ ਰਾਈਡਰਸ ਨੂੰ ਬੰਦ ਕਰਨ ਲਈ ਕਿਹਾ ਸੀ ਜਿਹੜੇ ਕਿ ਨਵੇਂ ਗਾਈਡਲਾਈਂਸ ਅਨੁਸਾਰ ਨਹੀਂ ਸਨ। ਪਹਿਲਾਂ ਇਨ੍ਹਾਂ ਉਤਪਾਦਾਂ ਨੂੰ ਬੰਦ ਕਰਨ ਦੀ ਆਖਰੀ ਤਾਰੀਕ 30 ਨਵੰਬਰ 2019 ਸੀ ਜਿਸ ਨੂੰ ਵਧਾ ਕੇ 31 ਜਨਵਰੀ 2020 ਕੀਤਾ ਗਿਆ।
ਇਨ੍ਹਾਂ ਪਾਲਸੀਆਂ ਨੂੰ ਕੀਤਾ ਜਾ ਰਿਹੈ ਬੰਦ
ਐੱਲਆਈਸੀ ਸਿੰਗਲ ਪ੍ਰੀਮੀਅਮ ਐਂਡੋਮੈਂਟ ਪਲਾਨ, ਐੱਲਆਈਸੀ ਵਿਊ ਐਂਡੋਮੈਂਟ ਪਲਾਨ, ਐੱਲਆਈਸੀ ਵਿਊ ਮਨੀ ਬੈਕ-20 ਸਾਲ, ਐੱਲਆਈਸੀ ਅਨਮੋਲ ਜੀਵਨ-11, ਐੱਲਆਈਸੀ ਵਿਊ ਡਿਲਡ੍ਰਂਸ ਮਨੀ ਬੈਕ ਪਲਾਨ, ਐੱਲਆਈਸੀ ਜੀਵਨ ਟੀਚਾ, ਐੱਲਆਈਸੀ ਜੀਵਨ ਤਰੁਣ, ਐੱਲਆਈਸੀ ਜੀਵਨ ਲਾਭ ਪਲਾਨ, ਐੱਲਆਈਸੀ ਭਾਗਿਆਲਕਸ਼ਮੀ ਮੰਗਲ ਪਲਾਨ, ਐੱਲਆਈਸੀ ਆਧਾਰ ਸਤੰਭ, ਐੱਲਆਈਸੀ ਜੀਵਨ ਸ਼ਿਰੋਮਣੀ, ਐੱਲਆਈਸੀ ਬੀਮਾ ਸ਼੍ਰੀ, ਐੱਲਆਈਸੀ ਵਿਊ ਐਂਡੋਮੈਂਟ ਪਲਾਨ।
ਵਿਆਜ ਦਰਾਂ ਤੈਅ ਕਰੇਗਾ RBI
ਭਾਰਤੀ ਰਿਜ਼ਰਵ ਬੈਂਕ ਦੀ ਛੇ ਫਰਵਰੀ ਨੂੰ ਸਮੀਖਿਆ ਬੈਠਕ ਹੋਣ ਜਾ ਰਹੀ ਹੈ। ਇਸ ਬੈਠਕ 'ਚ ਕੇਂਦਰੀ ਬੈਂਕ ਨਵੀਆਂ ਰੈਪੋ ਦਰਾਂ ਜਾਰੀ ਕਰੇਗਾ। ਹਾਲਾਂਕਿ ਮਾਹਿਰਾਂ ਦਾ ਕਹਿਣਾ ਹੈ ਕਿ ਥੋਕ ਮਹਿੰਗਾਈ ਕਾਰਨ ਆਰਬੀਆਈ ਬੈਠਕ 'ਚ ਵਿਆਜ ਦਰਾਂ ਸਥਿਰ ਰੱਖਣ ਦਾ ਫ਼ੈਸਲਾ ਲੈ ਸਕਦਾ ਹੈ।
ਬਦਲਣਗੇ ਰਸੌਈ ਗੈਸ ਸਿਲੰਡਰ ਦੇ ਭਾਅ
ਹਰ ਮਹੀਨੇ ਦੀ ਪਹਿਲੀ ਤਾਰੀਕ ਨੂੰ ਰਸੌਈ ਗੈਸ ਸਿਲੰਡਰ ਦੇ ਸੋਧੇ ਭਾਅ ਜਾਰੀ ਹੁੰਦੇ ਹਨ। ਗਲੋਬਲ ਪੱਧਰ 'ਤੇ ਗੈਸ ਦੀਆਂ ਕੀਮਤਾਂ 'ਚ ਬਦਲਾਅ ਦੇ ਅਨੁਸਾਰ ਹੀ ਇਸ ਦੀਆਂ ਕੀਮਤਾਂ ਤੈਅ ਕੀਤੀਆਂ ਜਾਂਦੀਆਂ ਹਨ। ਰਸੌਈ ਗੈਸ ਦੇ ਨਾਲ ਹੀ ਮਹੀਨੇ ਦੀ ਪਹਿਲੀ ਤਾਰੀਕ ਨੂੰ ਹਵਾਈ ਈਂਧਣ ਦੀਆਂ ਕੀਮਤਾਂ 'ਚ ਵੀ ਬਦਲਾਅ ਹੁੰਦਾ ਹੈ। ਇਸ ਤੋਂ ਪਹਿਲਾਂ 1 ਜਨਵਰੀ ਨੂੰ ਗੈਰ ਸਬਸਿਡੀ ਵਾਲੇ ਗੈਸ ਸਿਲੰਡਰ ਦੀ ਕੀਮਤ 'ਚ 19 ਰੁਪਏ ਦਾ ਵਾਧਾ ਕੀਤਾ ਗਿਆ ਸੀ। ਇਸ ਸਮੇਂ ਗੈਰ ਸਬਸਿਡੀ ਵਾਲਾ 14.2 ਕਿਲੋ ਦਾ ਸਿਲੰਡਰ 714 ਰੁਪਏ 'ਚ ਮਿਲ ਰਿਹਾ ਹੈ। ਪਿਛਲੇ ਪੰਜ ਮਹੀਨਿਆਂ ਦੀ ਗੱਲ ਕਰੀਏ ਤਾਂ ਇਸ ਦੀ ਕੀਮਤ 'ਚ ਹੁਣ ਤੱਕ 139.50 ਰੁਪਏ ਦੀ ਤੇਜ਼ੀ ਆ ਚੁੱਕੀ ਹੈ।
ਇਨ੍ਹਾਂ ਵਸਤੂਆਂ ਦੀਆਂ ਵਧ ਸਕਦੀਆਂ ਹਨ ਕੀਮਤਾਂ
ਇਕ ਫਰਵਰੀ ਨੂੰ ਪੇਸ਼ ਹੋਣ ਵਾਲੇ ਬਜਟ ਵਿਚ ਸਰਕਾਰ ਘੱਟੋ-ਘੱਟ 50 ਵਸਤੂਆਂ 'ਤੇ ਇੰਪੋਰਟ ਡਿਊਟੀ ਵਧਾ ਸਕਦੀ ਹੈ। ਜੇਕਰ ਸਰਕਾਰ ਬਜਟ ਵਿਚ ਇੰਪੋਰਟ ਡਿਊਟੀ ਵਧਾਉਣ ਦਾ ਫੈਸਲਾ ਕਰਦੀ ਹੈ ਤਾਂ ਫਿਰ ਇਲੈਕਟ੍ਰਾਨਿਕਸ, ਇਲੈਕਟ੍ਰਿਕਲ ਗੁੱਡਸ, ਕੈਮੀਕਲ ਅਤੇ ਹੈਂਡੀਕ੍ਰਾਫਟ ਆਦਿ ਵਸਤੂਆਂ ਮਹਿੰਗੀਆਂ ਹੋ ਸਕਦੀਆਂ ਹਨ। ਲੈਂਪ, ਲੱਕੜ ਦਾ ਫਰਨੀਚਰ, ਮੋਬਾਈਲ ਫੋਨ ਚਾਰਜਰ, ਇੰਡਸਟ੍ਰੀਅਲ ਕੈਮੀਕਲ, ਕੈਂਡਲ, ਨਕਲੀ ਗਹਿਣੇ ਵੀ ਮਹਿੰਗੇ ਹੋ ਸਕਦੇ ਹਨ।
ਇਨ੍ਹਾਂ ਫੋਨਸ ਨੂੰ ਸਪੋਰਟ ਨਹੀਂ ਕਰੇਗਾ Whatsapp
ਕੱਲ੍ਹ ਤੋਂ ਪੁਰਾਣੇ ਐਂਡਰਾਇਡ ਅਤੇ iOS ਆਪਰੇਟਿੰਗ ਸਿਸਟਮ ਵਾਲੇ ਸਮਾਰਟ ਫੋਨ ਨੂੰ ਵਾਟਸਐਪ ਸਪੋਰਟ ਨਹੀਂ ਕਰੇਗਾ। ਵਾਟਸਐਪ ਨੇ ਪਿਛਲੇ ਸਾਲ ਇਸ ਦਾ ਐਲਾਨ ਕੀਤਾ ਸੀ ਕਿ 1 ਫਰਵਰੀ 2020 ਤੋਂ iOS8 ਅਤੇ ਉਸ ਤੋਂ ਪੁਰਾਣੇ ਵਰਜਨ 'ਚ ਵਾਟਸਐਪ ਨਹੀਂ ਚੱਲੇਗਾ। ਇਸ ਦੇ ਨਾਲ ਹੀ ਐਂਡਰਾਇਡ ਦੇ 2.3.7 ਦੇ ਵਰਜਨ 'ਚ ਵੀ ਵਾਟਸਐਪ ਨਹੀਂ ਚੱਲੇਗਾ। ਇਸ ਦੇ ਕਾਰਨ ਯੂਜ਼ਰਜ਼ ਵਾਟਸਐਪ ਦਾ ਨਵਾਂ ਅਕਾਊਂਟ ਵੀ ਨਹੀਂ ਬਣਾ ਸਕਣਗੇ। ਇਸ ਦੇ ਨਾਲ ਹੀ ਮੌਜੂਦਾ ਵਾਟਸਐਪ ਅਕਾਊਂਟ ਨੂੰ ਵੈਰੀਫਾਈ ਵੀ ਨਹੀਂ ਕਰ ਸਕਣਗੇ।
ਬ੍ਰਿਟੇਨ ਅੱਜ EU ਤੋਂ ਹੋਵੇਗਾ ਵੱਖ, ਜਾਣੋ ਭਾਰਤ ਸਮੇਤ ਦੁਨੀਆ 'ਤੇ ਕੀ ਹੋਵੇਗਾ ਅਸਰ
NEXT STORY