ਮੁੰਬਈ - ਦੇਸ਼ ਦੇ ਕੇਂਦਰੀ ਬਜਟ (ਬਜਟ 2025) ਦੇ ਆਉਣ ਨੂੰ ਅਜੇ ਮਹੀਨੇ ਤੱਕਦਾ ਸਮਾਂ ਬਾਕੀ ਹੈ, ਹਾਲਾਂਕਿ ਇਸ ਦੀਆਂ ਤਿਆਰੀਆਂ ਜ਼ੋਰਾਂ 'ਤੇ ਹਨ। ਇਸ ਦੌਰਾਨ ਸਟਾਕ ਮਾਰਕੀਟ ਦੇ ਨਿਵੇਸ਼ਕਾਂ ਲਈ ਇਸ ਸਬੰਧ ਵਿੱਚ ਵੱਡੀ ਖ਼ਬਰ ਹੈ। ਬਜਟ ਹਮੇਸ਼ਾ 1 ਫਰਵਰੀ ਨੂੰ ਪੇਸ਼ ਕੀਤਾ ਜਾਂਦਾ ਹੈ, ਜਿਸ ਦਿਨ ਹਰ ਕਿਸੇ ਦੀ ਨਜ਼ਰ ਬਜ਼ਾਰ ਦੀ ਹਲਚਲ 'ਤੇ ਹੁੰਦੀ ਹੈ ਪਰ ਇਸ ਵਾਰ 1 ਫਰਵਰੀ ਸ਼ਨੀਵਾਰ ਨੂੰ ਪੈ ਰਿਹਾ ਹੈ, ਜਿਸ ਕਾਰਨ ਇਹ ਭੰਬਲਭੂਸਾ ਬਣਿਆ ਹੋਇਆ ਹੈ ਕਿ ਕੀ ਇਸ ਵਾਰ ਬਜਟ ਵਾਲੇ ਦਿਨ ਸ਼ੇਅਰ ਬਾਜ਼ਾਰ ਕਾਰੋਬਾਰ ਲਈ ਖੁੱਲ੍ਹਣਗੇ ਜਾਂ ਨਹੀਂ।
ਇਹ ਵੀ ਪੜ੍ਹੋ : Home Loan: ਹੁਣ ਘਰ ਖ਼ਰੀਦਣਾ ਹੋਵੇਗਾ ਆਸਾਨ: ਬਿਨਾਂ ਗਰੰਟੀ ਦੇ 20 ਲੱਖ ਤੱਕ ਦਾ ਹੋਮ ਲੋਨ!
ਬੰਬਈ ਸਟਾਕ ਐਕਸਚੇਂਜ (ਬੀਐਸਈ) ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ (ਐਨਐਸਈ) ਨੇ ਸੋਮਵਾਰ ਨੂੰ ਇਸ ਦਾ ਐਲਾਨ ਕੀਤਾ ਹੈ। ਐਕਸਚੇਂਜ ਨੇ ਕਿਹਾ ਕਿ ਇਸ ਵਾਰ ਬਜਟ ਦਿਨ ਸ਼ਨੀਵਾਰ ਹੋਣ ਦੇ ਬਾਵਜੂਦ ਬਾਜ਼ਾਰ ਖੁੱਲ੍ਹੇ ਰਹਿਣਗੇ। NSE ਨੇ ਸੋਮਵਾਰ ਨੂੰ "Live Trading Session on February 01, 2025 – Presentation of Union Budget" ਸਿਰਲੇਖ ਵਾਲਾ ਇੱਕ ਸਰਕੂਲਰ ਜਾਰੀ ਕੀਤਾ, ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਕੇਂਦਰੀ ਬਜਟ ਦੀ ਪੇਸ਼ਕਾਰੀ ਦੀ ਯਾਦ ਵਿੱਚ 1 ਫਰਵਰੀ, 2025 ਨੂੰ ਐਕਸਚੇਂਜ 'ਤੇ ਇੱਕ ਲਾਈਵ ਵਪਾਰ ਸੈਸ਼ਨ ਹੋਵੇਗਾ।
ਇਹ ਵੀ ਪੜ੍ਹੋ : ITR Filing Deadline: ਨਾ ਭੁੱਲੋ ITR ਦੀ ਆਖ਼ਰੀ ਮਿਤੀ , ਨਹੀਂ ਤਾਂ ਲੱਗੇਗਾ ਭਾਰੀ ਜੁਰਮਾਨਾ
ਬਾਜ਼ਾਰ ਦਾ ਸਮਾਂ ਹੋਰ ਆਮ ਦਿਨਾਂ ਵਾਂਗ ਹੀ ਰਹੇਗਾ। ਪ੍ਰੀ-ਓਪਨ ਸੈਸ਼ਨ 09:00 ਵਜੇ ਤੋਂ 09:08 ਵਜੇ ਤੱਕ ਹੈ ਅਤੇ ਬਾਜ਼ਾਰ ਦਾ ਆਮ ਸਮਾਂ 09:15 ਤੋਂ 15:30 ਵਜੇ ਤੱਕ ਰਹੇਗਾ। ਐਕਸਚੇਂਜ ਨੇ ਅੱਗੇ ਕਿਹਾ ਕਿ ਬੰਦੋਬਸਤ ਛੁੱਟੀ ਦੇ ਕਾਰਨ, "T0" ਸੈਸ਼ਨ 1 ਫਰਵਰੀ, 2025 ਨੂੰ ਵਪਾਰ ਲਈ ਸ਼ਡਿਊਲ ਨਹੀਂ ਰਹੇਗਾ।
2025 ਵਿੱਚ ਬਾਜ਼ਾਰ 14 ਦਿਨਾਂ ਲਈ ਬੰਦ ਰਹੇਗਾ
BSE ਅਤੇ NSE ਨੇ 2025 ਵਿੱਚ ਸਟਾਕ ਮਾਰਕੀਟ ਦੀਆਂ ਛੁੱਟੀਆਂ ਦੀ ਸੂਚੀ ਦਾ ਐਲਾਨ ਕੀਤਾ ਹੈ। ਪਹਿਲੀ ਛੁੱਟੀ 26 ਫਰਵਰੀ 2025 ਨੂੰ ਮਹਾਸ਼ਿਵਰਾਤਰੀ ਦੇ ਕਾਰਨ ਹੈ। ਸਟਾਕ ਮਾਰਕੀਟ ਕੈਲੰਡਰ ਅਨੁਸਾਰ, BSE ਅਤੇ NSE 'ਤੇ ਵਪਾਰ 2025 ਵਿੱਚ 14 ਦਿਨਾਂ ਲਈ ਬੰਦ ਰਹੇਗਾ। ਇਕੁਇਟੀ, ਇਕੁਇਟੀ ਡੈਰੀਵੇਟਿਵਜ਼ ਅਤੇ SLB ਹਿੱਸੇ ਇਹਨਾਂ ਛੁੱਟੀਆਂ ਦੌਰਾਨ ਸਰਗਰਮ ਨਹੀਂ ਹੋਣਗੇ ਅਰਥਾਤ ਘਰੇਲੂ ਇਕੁਇਟੀ ਬੈਂਚਮਾਰਕ BSE ਸੈਂਸੈਕਸ ਅਤੇ NSE ਨਿਫਟੀ 50 'ਤੇ ਵਪਾਰ ਬਾਜ਼ਾਰ ਛੁੱਟੀਆਂ ਦੌਰਾਨ ਬੰਦ ਰਹਿਣਗੇ।
ਇਹ ਵੀ ਪੜ੍ਹੋ : ਅਮਿਤਾਭ, ਸ਼ਾਹਰੁਖ ਅਤੇ ਰਿਤਿਕ ਰੋਸ਼ਨ ਸਮੇਤ 125 ਮਸ਼ਹੂਰ ਹਸਤੀਆਂ ਨੇ ਇਸ ਕੰਪਨੀ 'ਚ ਲਗਾਇਆ ਪੈਸਾ
ਇਹ ਖਾਸ ਵਪਾਰਕ ਸੈਸ਼ਨ ਮਹੱਤਵਪੂਰਨ ਹੈ ਕਿਉਂਕਿ ਬਜਟ ਦਾ ਬਾਜ਼ਾਰ 'ਤੇ ਸਿੱਧਾ ਅਸਰ ਪੈਂਦਾ ਹੈ। ਬਜਟ ਵਿੱਚ ਐਲਾਨੀਆਂ ਗਈਆਂ ਨੀਤੀਆਂ ਅਤੇ ਯੋਜਨਾਵਾਂ ਸਟਾਕ ਮਾਰਕੀਟ ਵਿੱਚ ਉਤਰਾਅ-ਚੜ੍ਹਾਅ ਦਾ ਕਾਰਨ ਬਣ ਸਕਦੀਆਂ ਹਨ। ਅਜਿਹੇ 'ਚ ਵਪਾਰੀਆਂ ਅਤੇ ਨਿਵੇਸ਼ਕਾਂ ਲਈ ਬਜਟ ਵਾਲੇ ਦਿਨ ਬਾਜ਼ਾਰ ਦੀ ਚਾਲ 'ਤੇ ਨਜ਼ਰ ਰੱਖਣਾ ਜ਼ਰੂਰੀ ਹੈ।
ਪਹਿਲਾਂ ਬਜਟ ਵਾਲੇ ਦਿਨ ਬਾਜ਼ਾਰ ਬੰਦ ਰਹਿੰਦੇ ਸਨ
NSE ਅਤੇ BSE ਐਕਸਚੇਂਜਾਂ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਇਕ ਸਰਕੂਲਰ ਜਾਰੀ ਕੀਤਾ ਹੈ। ਇਸ 'ਚ ਕਿਹਾ ਗਿਆ ਹੈ, 'ਕੇਂਦਰੀ ਬਜਟ 2025 ਦੀ ਪੇਸ਼ਕਾਰੀ ਦੇ ਬਾਵਜੂਦ 1 ਫਰਵਰੀ 2025 ਨੂੰ ਐਕਸਚੇਂਜ 'ਤੇ ਆਮ ਵਪਾਰ ਹੋਵੇਗਾ।' ਪਹਿਲਾਂ ਬਜਟ ਵਾਲੇ ਦਿਨ ਬਾਜ਼ਾਰ ਬੰਦ ਰਹਿੰਦੇ ਸਨ ਪਰ ਹੁਣ ਅਜਿਹਾ ਨਹੀਂ ਹੋਵੇਗਾ। NSE ਨੈਸ਼ਨਲ ਸਟਾਕ ਐਕਸਚੇਂਜ ਹੈ ਅਤੇ BSE ਬੰਬੇ ਸਟਾਕ ਐਕਸਚੇਂਜ ਹੈ। ਇਹ ਦੋਵੇਂ ਭਾਰਤ ਦੇ ਪ੍ਰਮੁੱਖ ਸ਼ੇਅਰ ਬਾਜ਼ਾਰ ਹਨ। ਇਸ ਨਵੇਂ ਫੈਸਲੇ ਨਾਲ ਨਿਵੇਸ਼ਕਾਂ ਨੂੰ ਬਜਟ ਤੋਂ ਤੁਰੰਤ ਬਾਅਦ ਜਵਾਬ ਦੇਣ ਦਾ ਮੌਕਾ ਮਿਲੇਗਾ।
ਇਹ ਵੀ ਪੜ੍ਹੋ : Credit Card ਵਾਲੇ ਸਾਵਧਾਨ! Supreme Court ਨੇ ਜਾਰੀ ਕਰ ਦਿੱਤੇ ਵੱਡੇ ਹੁਕਮ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
5 ਹਜ਼ਾਰ ਕਰੋੜ ਰੁਪਏ ਦੀ ਲਾਗਤ ਨਾਲ ਵਿਆਹ ਕਰਾਵੇਗਾ ਇਹ ਜੋੜਾ! ਖੁਦ ਲਾੜੇ ਨੇ ਦੱਸੀ ਪੂਰੀ ਗੱਲ਼
NEXT STORY 
