ਚੰਡੀਗੜ੍ਹ : ਜ਼ਿਲ੍ਹਾ ਖ਼ਪਤਕਾਰ ਝਗੜਾ ਨਿਵਾਰਣ ਕਮਿਸ਼ਨ ਮੋਹਾਲੀ ਨੇ ਸੈਕਟਰ-70 ਸਥਿਤ ਨਿੱਕ ਬੇਕਰਜ਼ ਨੂੰ ਸੇਵਾਵਾਂ 'ਚ ਕੁਤਾਹੀ ਅਤੇ ਮਾਨਸਿਕ ਪਰੇਸ਼ਾਨੀ ਦੇ ਬਦਲੇ ਇਕ ਲੱਖ ਰੁਪਏ ਦਾ ਜੁਰਮਾਨਾ ਅਦਾ ਕਰਨ ਦੇ ਹੁਕਮ ਸੁਣਾਏ ਸਨ। ਇਹ ਫ਼ੈਸਲਾ ਸੈਕਟਰ-78 ਵਾਸੀ ਸਰਪ੍ਰੀਤ ਕੌਰ ਵਲੋਂ ਪਾਈ ਗਈ ਸ਼ਿਕਾਇਤ 'ਤੇ ਸੁਣਾਇਆ ਗਿਆ ਸੀ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ 8 ਸਤੰਬਰ 2025 ਨੂੰ ਜ਼ੋਮੈਟੋ ਰਾਹੀਂ ਨਿੱਕ ਬੇਕਰਜ਼ ਤੋਂ ਆਟਾ ਬਰੈੱਡ ਅਤੇ ਆਟਾ ਸੂਜੀ ਰਸ ਆਰਡਰ ਕੀਤੇ ਸਨ। ਜਦੋਂ ਆਰਡਰ ਮਿਲਿਆ ਤਾਂ ਸੀਲਬੰਦ ਪੈਕਟ ਅੰਦਰ ਮੱਖੀਆਂ ਅਤੇ ਕੀੜੇ ਪਾਏ ਗਏ, ਜੋ ਕਿ ਖਾਣ ਦੇ ਬਿਲਕੁਲ ਯੋਗ ਨਹੀਂ ਸਨ।
ਜਦੋਂ ਸ਼ਿਕਾਇਤਰਕਤਾ ਨੇ ਨਿੱਕ ਬੇਕਜ਼ ਨੂੰ ਈ-ਮੇਲ ਰਾਹੀਂ ਸੂਚਿਤ ਕੀਤਾ ਤਾਂ ਸੰਸਥਾ ਨੇ ਆਪਣੀ ਗਲਤੀ ਮੰਨਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਨੇ ਸਾਰਾ ਦੋਸ਼ ਡਲਿਵਰੀ ਪਾਰਟਨਰ ਸਿਰ ਮੜ੍ਹ ਦਿੱਤਾ। ਸ਼ਿਕਾਇਤ ਕਰਤਾ ਦੇ ਵਕੀਲ ਨੇ ਅਦਾਲਤ 'ਚ ਪੀੜਤ ਪੱਖ ਦੀ ਦਲੀਲ ਪੇਸ਼ ਕੀਤੀ ਅਤੇ ਕੇਸ ਜਿੱਤਿਆ। ਇਸ ਤੋਂ ਬਾਅਦ ਨਿੱਕ ਬੇਕਰਜ਼ ਨੋਟਿਸ ਮਿਲਣ ਦੇ ਬਾਵਜੂਦ ਵੀ 45 ਦਿਨਾਂ ਅੰਦਰ ਆਪਣਾ ਜਵਾਬ ਦਾਖ਼ਲ ਕਰਨ 'ਚ ਅਸਫ਼ਲ ਰਿਹਾ। ਇਸ ਤੋਂ ਬਾਅਦ ਕਮਿਸ਼ਨ ਨੇ ਉਨ੍ਹਾਂ ਨੂੰ ਇਕ ਲੱਖ ਰੁਪਏ ਦਾ ਜੁਰਮਾਨਾ ਅਦਾ ਕਰਨ ਦੇ ਹੁਕਮ ਦਿੱਤੇ।
ਇੰਟਰਨੈਸ਼ਨਲ ਮੈਰਾਥਨ 'ਚ ਦੌੜਿਆ ਚੰਡੀਗੜ੍ਹ, ਜੇਤੂਆਂ ਨੂੰ ਮਿਲਿਆ 1.16 ਕਰੋੜ ਦਾ ਇਨਾਮ
NEXT STORY 
