ਵੈੱਬ ਡੈਸਕ- ਕਰਵਾ ਚੌਥ ਦੇ ਵਰਤ ਦੀਆਂ ਤਿਆਰੀਆਂ ਦੇਸ਼ ਭਰ 'ਚ ਜ਼ੋਰਾਂ-ਸ਼ੋਰਾਂ ਨਾਲ ਚੱਲ ਰਹੀਆਂ ਹਨ। ਇਹ ਤਿਉਹਾਰ ਔਰਤਾਂ ਲਈ ਬਹੁਤ ਹੀ ਖਾਸ ਹੁੰਦਾ ਹੈ। ਇਸ ਦਿਨ ਵਿਆਹੁਤਾ ਔਰਤਾਂ ਆਪਣੇ ਪਤੀ ਦੀ ਲੰਬੀ ਉਮਰ, ਸਿਹਤਮੰਦ ਜੀਵਨ ਅਤੇ ਸੁਖੀ ਵਿਆਹੁਤਾ ਜੀਵਨ ਦੀ ਕਾਮਨਾ ਨਾਲ ਵਰਤ ਰੱਖਦੀਆਂ ਹਨ। ਆਓ ਜਾਣਦੇ ਹਾਂ ਇਸ ਵਾਰ ਕਰਵਾ ਚੌਥ ਦਾ ਵਰਤ ਕਿਸ ਦਿਨ ਮਨਾਇਆ ਜਾ ਰਿਹਾ ਹੈ ਅਤੇ ਇਸ ਵਰਤ ਨੂੰ ਖੋਲਣ ਦਾ ਕੀ ਸਮਾਂ ਹੈ।
ਕਰਵਾ ਚੌਥ 2024 ਦੀ ਤਾਰੀਖ਼ ਤੇ ਮਹੂਰਤ
ਕਰਵਾ ਚੌਥ ਦਾ ਵਰਤ ਪੰਚਾਂਗ ਮਿਤੀ ਦੇ ਅਨੁਸਾਰ ਕਾਰਤਿਕ ਕ੍ਰਿਸ਼ਨ ਪੱਖ ਦੀ ਚਤੁਰਥੀ ਤਾਰੀਖ਼ ਨੂੰ ਮਨਾਇਆ ਜਾਂਦਾ ਹੈ, ਜੋ ਕਿ ਇਸ ਸਾਲ ਦਿਨ ਐਤਵਾਰ 20 ਅਕਤੂਬਰ 2024 ਨੂੰ ਹੈ। ਪੂਜਾ ਦਾ ਸਮਾਂ ਸ਼ਾਮ 05:46 ਤੋਂ ਸ਼ਾਮ 07:09 ਤੱਕ ਹੋਵੇਗਾ। ਚੰਨ ਚੜ੍ਹਨ ਦਾ ਸਮਾਂ ਸ਼ਾਮ 7:54 ਹੋਵੇਗਾ।
ਇਸ ਦਿਨ ਔਰਤਾਂ 16 ਸ਼ਿੰਗਾਰ ਕਰਕੇ ਵਰਤ ਰੱਖਦੀਆਂ ਹਨ ਅਤੇ ਕਰਵਾ ਮਾਤਾ ਦੀ ਪੂਜਾ ਕਰਦੀਆਂ ਹਨ ਅਤੇ ਰਾਤ ਨੂੰ ਚੰਨ ਨਿਕਲਣ ਤੋਂ ਬਾਅਦ ਉਸ ਨੂੰ ਅਰਘ ਦੇ ਕੇ ਪੂਜਾ ਕਰਦੀਆਂ ਹਨ ਅਤੇ ਛਾਨਣੀ ਰਾਹੀਂ ਆਪਣੇ ਪਤੀ ਨੂੰ ਦੇਖਦੀਆਂ ਹਨ। ਇਸ ਤੋਂ ਬਾਅਦ ਉਹ ਆਪਣੇ ਪਤੀ ਦੇ ਹੱਥੋਂ ਪਾਣੀ ਪੀ ਕੇ ਵਰਤ ਖੋਲ੍ਹਦੀਆਂ ਹਨ।
ਇਹ ਵੀ ਪੜ੍ਹੋ- ਕਰਵਾ ਚੌਥ ਦਾ ਵਰਤ ਰੱਖਣ ਵਾਲੀਆਂ ਔਰਤਾਂ ਇਨ੍ਹਾਂ ਗੱਲਾਂ ਦਾ ਜ਼ਰੂਰ ਰੱਖਣ ਖ਼ਾਸ ਧਿਆਨ
ਜਾਣੋ ਕਰਵਾ ਚੌਥ ਦੇ ਨਿਯਮ
ਕਰਵਾ ਚੌਥ ਦੇ ਵਰਤ ਦੌਰਾਨ ਸੂਰਜ ਚੜ੍ਹਨ ਤੋਂ ਪਹਿਲਾਂ ਸਰਗੀ ਦੀ ਪਰੰਪਰਾ ਹੈ। ਸਰਗੀ ਕਰਨ ਤੋਂ ਬਾਅਦ, ਵਰਤ ਰੱਖਣ ਦਾ ਪ੍ਰਣ ਲਿਆ ਜਾਂਦਾ ਹੈ ਅਤੇ ਇਸ ਤੋਂ ਬਾਅਦ, ਕੁਝ ਵੀ ਖਾਣ-ਪੀਣ ਦੀ ਮਨਾਹੀ ਹੈ। ਜੇਕਰ ਤੁਸੀਂ ਗਲਤੀ ਨਾਲ ਵੀ ਕੁਝ ਖਾਂਦੇ ਜਾਂ ਪੀਂਦੇ ਹੋ, ਤਾਂ ਇਸ ਨਾਲ ਵਰਤ ਟੁੱਟ ਜਾਂਦਾ ਹੈ।
ਪਰ ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਜਾਣੇ-ਅਣਜਾਣੇ ਵਿਚ ਗਲਤੀ ਨਾਲ ਵਰਤ ਟੁੱਟ ਜਾਂਦਾ ਹੈ। ਗਲਤੀ ਨਾਲ ਪਾਣੀ ਪੀਣ ਨਾਲ ਵੀ ਵਰਤ ਟੁੱਟ ਸਕਦਾ ਹੈ। ਜੇਕਰ ਵਰਤ ਰੱਖਣ ਦੌਰਾਨ ਅਜਿਹਾ ਹੁੰਦਾ ਹੈ, ਤਾਂ ਘਬਰਾਓ ਨਾ। ਕਿਉਂਕਿ ਸ਼ਾਸਤਰਾਂ ਵਿੱਚ ਕੁਝ ਨਿਯਮ ਦੱਸੇ ਗਏ ਹਨ, ਜਿਨ੍ਹਾਂ ਦੁਆਰਾ ਜਾਣੇ-ਅਣਜਾਣੇ ਵਿੱਚ ਕੀਤੀਆਂ ਗਈਆਂ ਗਲਤੀਆਂ ਨੂੰ ਸੁਧਾਰਿਆ ਜਾ ਸਕਦਾ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਕਰਵਾ ਚੌਥ 'ਤੇ ਗਲਤੀ ਨਾਲ ਵਰਤ ਤੋੜ ਲੈਂਦੇ ਹੋ ਤਾਂ ਤੁਸੀਂ ਇਨ੍ਹਾਂ ਨਿਯਮਾਂ ਦਾ ਪਾਲਣ ਕਰ ਸਕਦੇ ਹੋ।
ਭਗਵਾਨ ਤੋਂ ਮੁਆਫੀ ਮੰਗੋ ਤੇ ਵਰਤ ਜਾਰੀ ਰੱਖੋ
ਕਰਵਾ ਚੌਥ 'ਤੇ ਚੰਨ ਚੜ੍ਹਨ ਤੋਂ ਬਾਅਦ ਹੀ ਖਾਣ-ਪੀਣ ਦਾ ਨਿਯਮ ਹੈ। ਪਰ ਜੇ ਚੰਨ ਚੜ੍ਹਨ ਤੋਂ ਪਹਿਲਾਂ ਅਚਾਨਕ ਵਰਤ ਟੁੱਟ ਜਾਂਦਾ ਹੈ, ਤਾਂ ਤੁਹਾਨੂੰ ਤੁਰੰਤ ਇਸ਼ਨਾਨ ਕਰਨਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਸਾਫ਼ ਕੱਪੜੇ ਪਾਓ। ਫਿਰ ਸ਼ਿਵ-ਪਾਰਵਤੀ, ਭਗਵਾਨ ਗਣੇਸ਼ ਅਤੇ ਕਰਵਾ ਮਾਤਾ ਦੀ ਪੂਜਾ ਕਰੋ ਅਤੇ ਮੁਆਫੀ ਮੰਗੋ। ਇਸ ਤੋਂ ਬਾਅਦ, ਚੰਨ ਦੇ ਚੜ੍ਹਨ ਤੱਕ ਬਿਨਾਂ ਕੁਝ ਖਾਧੇ-ਪੀਤੇ ਆਪਣਾ ਵਰਤ ਜਾਰੀ ਰੱਖੋ।
ਇਹ ਵੀ ਪੜ੍ਹੋ- Diwali 2024 : 31 ਅਕਤੂਬਰ ਜਾਂ 1 ਨਵੰਬਰ! ਜਾਣੋ ਕਿਸ ਤਾਰੀਖ਼ ਨੂੰ ਮਨਾਈ ਜਾਵੇਗੀ ਦੀਵਾਲੀ
16 ਸ਼ਿੰਗਾਰ ਦਾ ਕਰੋ ਦਾਨ
ਚੰਨ ਚੜ੍ਹਨ ਤੋਂ ਬਾਅਦ ਅਰਘ ਦੇ ਕੇ ਚੰਦਰ ਦੇਵ ਦੀ ਪੂਜਾ ਕਰੋ ਤੇ ਮੁਆਫੀ ਮੰਗੋ ਅਤੇ ਰੁਦਰਾਕਸ਼ ਦੀ ਮਾਲਾ ਨਾਲ ਚੰਦਰਮਾ ਮੰਤਰ ਅਤੇ ਸ਼ਿਵ ਮੰਤਰ ਦਾ ਜਾਪ ਕਰੋ। ਦੋਸ਼ ਤੋਂ ਬਚਣ ਲਈ, ਆਪਣੀ ਸਮਰੱਥਾ ਅਨੁਸਾਰ 16 ਸ਼ਿੰਗਾਰ ਆਈਟਮਾਂ ਦਾ ਦਾਨ ਕਰੋ। ਅਜਿਹਾ ਕਰਨ ਨਾਲ ਵਰਤ ਟੁੱਟਣ ਨਾਲ ਕੋਈ ਬੁਰਾ ਪ੍ਰਭਾਵ ਨਹੀਂ ਪੈਂਦਾ ਅਤੇ ਵਰਤ ਸਫਲ ਹੋ ਜਾਂਦਾ ਹੈ।
ਨੋਟ : ਇਸ ਖ਼ਬਰ 'ਚ ਦਿੱਤੀ ਗਈ ਜਾਣਕਾਰੀ ਸਿਰਫ ਧਾਰਨਾਵਾਂ 'ਤੇ ਅਧਾਰਤ ਹੈ। ਇੱਥੇ ਤੁਹਾਨੂੰ ਇਹ ਦੱਸਣਾ ਜ਼ਰੂਰੀ ਹੈ ਕਿ ਜਗ ਬਾਣੀ ਕਿਸੇ ਵੀ ਤਰ੍ਹਾਂ ਦੀ ਮਾਨਤਾ, ਜਾਣਕਾਰੀ ਦੀ ਪੁਸ਼ਟੀ ਨਹੀਂ ਕਰਦਾ ਹੈ। ਕਿਸੇ ਵੀ ਜਾਣਕਾਰੀ ਜਾਂ ਵਿਸ਼ਵਾਸ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ
Public Holidays: ਜਾਣੋ ਕਦੋਂ ਹੋਣਗੀਆਂ ਧਨਤੇਰਸ, ਦੀਵਾਲੀ ਤੇ ਭਾਈ ਦੂਜ ਦੀਆਂ ਛੁੱਟੀਆਂ, ਪੜ੍ਹੋ ਪੂਰੀ ਲਿਸਟ
NEXT STORY 
