ਵੈੱਬ ਡੈਸਕ- ਹਿੰਦੂ ਧਰਮ ਵਿੱਚ ਨਰਾਤਿਆਂ ਦਾ ਤਿਉਹਾਰ ਬਹੁਤ ਮਹੱਤਵ ਰੱਖਦਾ ਹੈ। ਭਾਵੇਂ ਇਹ ਚੈਤਰਾ ਨਰਾਤੇ ਹੋਣ ਜਾਂ ਸ਼ਾਰਦੀਆ ਨਰਾਤੇ, ਇਸ ਸਮੇਂ ਦੌਰਾਨ ਸ਼ੁੱਧਤਾ ਅਤੇ ਪਵਿੱਤਰਤਾ ਦਾ ਵਿਸ਼ੇਸ਼ ਧਿਆਨ ਦਿੱਤਾ ਜਾਂਦਾ ਹੈ। ਚੈਤਰਾ ਨਰਾਤੇ ਸੋਮਵਾਰ ਭਾਵ 22 ਸਤੰਬਰ ਨੂੰ ਸ਼ੁਰੂ ਹੋ ਰਹੇ ਹਨ। ਇਸ ਤਿਉਹਾਰ ਦੌਰਾਨ ਦੇਵੀ ਦੁਰਗਾ ਦੇ ਨੌਂ ਰੂਪਾਂ ਦੀ ਪੂਜਾ ਕੀਤੀ ਜਾਂਦੀ ਹੈ ਅਤੇ ਸ਼ਰਧਾਲੂ ਨੌਂ ਦਿਨਾਂ ਦਾ ਵਰਤ ਰੱਖਦੇ ਹਨ। ਇਨ੍ਹਾਂ ਨੌਂ ਦਿਨਾਂ ਦੌਰਾਨ ਫਲਾਂ ਦਾ ਸੇਵਨ ਕੀਤਾ ਜਾਂਦਾ ਹੈ। ਵਰਤ ਦੌਰਾਨ ਕੁਝ ਭੋਜਨ, ਜਿਵੇਂ ਕਿ ਕੁੱਟੂ ਦਾ ਆਟਾ ਜਾਂ ਸਿੰਘਾੜੇ ਦੇ ਆਟੇ ਦਾ ਸੇਵਨ ਕੀਤਾ ਜਾਂਦਾ ਹੈ। ਇੱਕ ਹੋਰ ਮਹੱਤਵਪੂਰਨ ਨਿਯਮ ਇਹ ਹੈ ਕਿ ਨਰਾਤਿਆਂ ਦੌਰਾਨ ਘਰ ਵਿੱਚ ਪਿਆਜ਼ ਅਤੇ ਲਸਣ ਨਹੀਂ ਪਕਾਏ ਜਾਂਦੇ। ਵਰਤ ਰੱਖਣਾ ਹੋਵੇ ਜਾਂ ਨਾ, ਹਰ ਸਨਾਤਨ ਪਰਿਵਾਰ ਵਿੱਚ ਨਰਾਤਿਆਂ ਦੌਰਾਨ ਤਾਮਸਿਕ ਭੋਜਨ ਨਾ ਪਕਾਉਣ ਦੇ ਨਿਯਮ ਦੀ ਪਾਲਣਾ ਕੀਤੀ ਜਾਂਦੀ ਹੈ।
ਨਰਾਤਿਆਂ ਦੌਰਾਨ ਲਸਣ ਅਤੇ ਪਿਆਜ਼ ਤੋਂ ਕਿਉਂ ਪਰਹੇਜ਼ ਕੀਤਾ ਜਾਂਦਾ ਹੈ
ਇਹ ਮੰਨਿਆ ਜਾਂਦਾ ਹੈ ਕਿ ਲਸਣ ਅਤੇ ਪਿਆਜ਼ ਵਿੱਚ ਤਾਮਸਿਕ ਗੁਣ ਹੁੰਦੇ ਹਨ, ਜਿਸ ਕਾਰਨ ਵਰਤ ਦੌਰਾਨ ਇਨ੍ਹਾਂ ਦਾ ਸੇਵਨ ਕਰਨਾ ਮਨ੍ਹਾ ਹੈ। ਇਨ੍ਹਾਂ ਦਾ ਸੇਵਨ ਕਰਨ ਨਾਲ ਗੁੱਸਾ, ਭਟਕਣਾ, ਕਾਮ ਵਾਸਨਾ ਅਤੇ ਹੰਕਾਰ ਦੀਆਂ ਭਾਵਨਾਵਾਂ ਪੈਦਾ ਹੋ ਸਕਦੀਆਂ ਹਨ। ਭਗਤੀ ਦੇ ਮਾਰਗ 'ਤੇ ਧਿਆਨ ਕੇਂਦਰਿਤ ਕਰਨ ਅਤੇ ਇੰਦਰੀਆਂ 'ਤੇ ਕਾਬੂ ਰੱਖਣ ਲਈ ਨਰਾਤਿਆਂ ਦੌਰਾਨ ਪਿਆਜ਼ ਅਤੇ ਲਸਣ ਦਾ ਸੇਵਨ ਨਹੀਂ ਕੀਤਾ ਜਾਂਦਾ।
ਲਸਣ ਅਤੇ ਪਿਆਜ਼ ਦਾ ਗ੍ਰਹਿ ਨਾਲ ਸੰਬੰਧ
ਧਾਰਮਿਕ ਵਿਸ਼ਵਾਸ ਇਹ ਮੰਨਦਾ ਹੈ ਕਿ ਲਸਣ ਅਤੇ ਪਿਆਜ਼ ਵਿੱਚ ਆਸ਼ੁਰੀ ਗੁਣ ਹੁੰਦੇ ਹਨ, ਇਸ ਲਈ ਇਨ੍ਹਾਂ ਦਾ ਸੇਵਨ ਵਰਤ ਜਾਂ ਕਿਸੇ ਵੀ ਧਾਰਮਿਕ ਸਮਾਗਮ ਦੌਰਾਨ ਨਹੀਂ ਕਰਨਾ ਚਾਹੀਦਾ। ਇਸ ਪਿੱਛੇ ਵਿਸ਼ਵਾਸ ਇਹ ਹੈ ਕਿ ਸਵਰਭਾਨੂ ਨੇ ਸਮੁੰਦਰ ਮੰਥਨ ਤੋਂ ਬਾਅਦ ਪ੍ਰਾਪਤ ਅੰਮ੍ਰਿਤ ਨੂੰ ਧੋਖੇ ਨਾਲ ਪੀਤਾ ਅਤੇ ਭਗਵਾਨ ਵਿਸ਼ਨੂੰ ਨੇ ਉਸਦਾ ਸਿਰ ਅਤੇ ਧੜ ਕੱਟ ਦਿੱਤਾ। ਇਸ ਪ੍ਰਕਿਰਿਆ ਦੌਰਾਨ ਜ਼ਮੀਨ 'ਤੇ ਡਿੱਗੇ ਖੂਨ ਨੇ ਲਸਣ ਅਤੇ ਪਿਆਜ਼ ਨੂੰ ਜਨਮ ਦਿੱਤਾ। ਸਵਰਭਾਨੂ ਦੇ ਸਿਰ ਨੂੰ ਰਾਹੂ ਕਿਹਾ ਜਾਂਦਾ ਹੈ ਅਤੇ ਉਸਦੇ ਧੜ ਨੂੰ ਕੇਤੂ ਦੇ ਰੂਪ 'ਚ ਮੰਨਿਆ ਜਾਂਦਾ ਹੈ। ਲਸਣ ਅਤੇ ਪਿਆਜ਼ ਨੂੰ ਰਾਹੂ ਅਤੇ ਕੇਤੂ ਵੀ ਕਿਹਾ ਜਾਂਦਾ ਹੈ। ਇਸ ਲਈ ਰਸਮਾਂ, ਵਰਤਾਂ ਅਤੇ ਤਿਉਹਾਰਾਂ ਦੌਰਾਨ ਦੋਵਾਂ ਤੋਂ ਪਰਹੇਜ਼ ਕੀਤਾ ਜਾਂਦਾ ਹੈ।
ਨਰਾਤਿਆਂ ਦੇ ਵਰਤ ਦੌਰਾਨ ਕੀ ਖਾਣਾ ਹੈ
ਜੇਕਰ ਤੁਸੀਂ ਪੂਰੇ ਨੌਂ ਦਿਨ ਵਰਤ ਰੱਖਦੇ ਹੋ, ਤਾਂ ਤੁਹਾਨੂੰ ਫਲ ਖਾਣੇ ਚਾਹੀਦੇ ਹਨ। ਸਾਤਵਿਕ ਭੋਜਨ ਨੂੰ ਖੁਰਾਕ ਵਜੋਂ ਖਾਧਾ ਜਾ ਸਕਦਾ ਹੈ। ਜੇਕਰ ਤੁਸੀਂ ਅਨਾਜ ਦਾ ਸੇਵਨ ਕਰਨਾ ਚਾਹੁੰਦੇ ਹੋ, ਤਾਂ ਵਿਕਲਪ ਕੁੱਟੂ ਦੇ ਆਟੇ ਤੋਂ ਲੈ ਕੇ ਸੰਘਾੜੇ ਦੇ ਆਟੇ ਤੱਕ ਹੁੰਦੇ ਹਨ। ਜੇਕਰ ਤੁਸੀਂ ਨਮਕ ਖਾਣਾ ਚਾਹੁੰਦੇ ਹੋ ਤਾਂ ਸੇਂਧਾ ਨਮਕ ਦਾ ਸੇਵਨ ਕੀਤਾ ਜਾ ਸਕਦਾ ਹੈ। ਯਾਦ ਰੱਖੋ ਕਿ ਆਪਣੇ ਮੂੰਹ ਨੂੰ ਵਾਰ-ਵਾਰ ਜੂਠਾ ਨਾ ਕਰੋ, ਸਗੋਂ ਇਕ ਸਮਾਂ ਰੱਖ ਲਓ ਉਸ ਸਮੇਂ 'ਚ ਹੀ ਭੋਜਨ ਖਾਓ। ਥਾਲੀ ਵਿੱਚ ਸਿਰਫ਼ ਇੱਕ ਵਾਰ ਹੀ ਖਾਣਾ ਪਰੋਸੋ, ਨਾ ਕਿ ਵਾਰ-ਵਾਰ। ਅਜਿਹਾ ਕਰਨ ਨਾਲ ਭੋਜਨ ਜੂਠਾ ਮੰਨਿਆ ਜਾਵੇਗਾ ਅਤੇ ਵਰਤ ਦੌਰਾਨ ਜੂਠਾ ਭੋਜਨ ਨਹੀਂ ਖਾ ਸਕਦੇ।
ਨੋਟ- ਇੱਥੇ ਦਿੱਤੀ ਗਈ ਜਾਣਕਾਰੀ ਆਮ ਮਾਨਤਾ ਅਤੇ ਜਾਣਕਾਰੀਆਂ 'ਤੇ ਆਧਾਰਿਤ ਹੈ। ਜਗ ਬਾਣੀ ਇਸ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।
ਸ਼ਰਾਧ ਦੌਰਾਨ ਕਿਉਂ ਖ਼ਾਸ ਹੁੰਦੇ ਹਨ ਗਾਂ, ਕਾਂ ਤੇ ਕੁੱਤੇ? ਜਾਣੋ ਇਸ ਨਾਲ ਜੁੜੇ ਰਹੱਸ
NEXT STORY 
