ਜਲੰਧਰ (ਵਰੁਣ)–ਪਠਾਨਕੋਟ ਚੌਂਕ ਨੇੜੇ ਸਥਿਤ ਪੈਟਰੋਲ ਪੰਪ ਤੋਂ ਦੇਰ ਰਾਤ ਪੈਟਰੋਲ ਭਰਵਾ ਕੇ ਫ਼ਰਾਰ ਬਾਈਕ ਸਵਾਰ ਨੌਜਵਾਨਾਂ ਨੂੰ ਕੁਝ ਦੂਰੀ ’ਤੇ ਪੰਪ ਦੇ ਕਰਿੰਦੇ ਨੇ ਕਾਬੂ ਕਰ ਲਿਆ ਅਤੇ ਥਾਣਾ ਨੰਬਰ 8 ਦੀ ਪੁਲਸ ਦੇ ਹਵਾਲੇ ਕਰ ਦਿੱਤਾ।
ਪੈਟਰੋਲ ਪੰਪ ’ਤੇ ਕੰਮ ਕਰਨ ਵਾਲੇ ਕਰਨ ਨੇ ਦੱਸਿਆ ਕਿ ਬੁੱਧਵਾਰ ਰਾਤ ਨੂੰ ਨੌਜਵਾਨ ਬਾਈਕ ਵਿਚ ਪੈਟਰੋਲ ਪੁਆਉਣ ਲਈ ਆਏ ਸਨ। ਪੈਟਰੋਲ ਪੁਆਉਣ ਤੋਂ ਪਹਿਲਾਂ ਪੈਂਟ-ਕੋਟ ਪਹਿਨ ਕੇ ਆਇਆ ਨੌਜਵਾਨ ਬਹਾਨੇ ਨਾਲ ਬਾਥਰੂਮ ਚਲਾ ਗਿਆ, ਜਦਕਿ ਇਕ ਨੌਜਵਾਨ ਬਾਈਕ ਵਿਚ ਪੈਟਰੋਲ ਪੁਆ ਕੇ ਸਾਈਡ ’ਤੇ ਖੜ੍ਹਾ ਹੋ ਗਿਆ। ਇਸ ਦੌਰਾਨ ਪੰਪ ਵਿਚ ਹੋਰ ਗਾਹਕ ਤੇਲ ਪੁਆਉਣ ਲਈ ਆ ਗਏ ਅਤੇ ਇਸ ਦਾ ਫਾਇਦਾ ਚੁੱਕ ਕੇ ਬਾਥਰੂਮ ਵਿਚੋਂ ਬਾਹਰ ਆਇਆ ਨੌਜਵਾਨ ਤੁਰੰਤ ਬਾਈਕ ਦੇ ਅੱਗੇ ਬੈਠ ਕੇ ਬਾਈਕ ਭਜਾ ਕੇ ਲੈ ਗਿਆ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਐਪ ਨਾਲ ਚੱਲਣ ਵਾਲੀਆਂ ਟੈਕਸੀਆਂ ਲਈ ਵੱਡਾ ਕਦਮ ਚੁੱਕਣ ਜਾ ਰਹੀ ਸਰਕਾਰ
ਕਰਨ ਨੇ ਵੀ ਪੈਟਰੋਲ ਪੁਆਉਣ ਆਏ ਇਕ ਹੋਰ ਬਾਈਕ ਸਵਾਰ ਤੋਂ ਲਿਫ਼ਟ ਲਈ ਅਤੇ ਨੌਸਰਬਾਜ਼ਾਂ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੱਤਾ, ਜਿਨ੍ਹਾਂ ਨੂੰ ਕੁਝ ਦੂਰੀ ’ਤੇ ਬੱਲੇ-ਬੱਲੇ ਫਾਰਮ ਨੇੜਿਓਂ ਕਾਬੂ ਕਰ ਲਿਆ। ਦੋਵਾਂ ਨੌਸਰਬਾਜ਼ਾਂ ਨੂੰ ਥਾਣਾ ਨੰਬਰ 8 ਦੀ ਪੁਲਸ ਹਵਾਲੇ ਕਰ ਦਿੱਤਾ ਗਿਆ। ਦੇਰ ਰਾਤ 1 ਵਜੇ ਪੁਲਸ ਮਾਮਲੇ ਦੀ ਜਾਂਚ ਵਿਚ ਜੁਟੀ ਹੋਈ ਸੀ।
ਇਹ ਵੀ ਪੜ੍ਹੋ : ਪੰਜਾਬ ਸਰਕਾਰ ਨੇ ਖ਼ੁਸ਼ ਕੀਤੇ ਸਰਪੰਚ, ਪੰਚਾਇਤਾਂ ਨੂੰ ਦਿੱਤੇ ਇਹ ਨਿਰਦੇਸ਼
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਗੁਰਦੁਆਰਾ ਅਕਾਲ ਬੁੰਗਾ ’ਤੇ ਕਬਜ਼ੇ ਦੇ ਮਾਮਲੇ ਵਿਚ ਮਜੀਠੀਆ ਨੇ ਘੇਰੀ 'ਆਪ'
NEXT STORY 
