ਗੋਰਾਇਆ (ਮੁਨੀਸ਼ ਬਾਵਾ)— ਨਗਰ ਕੌਂਸਲ ਗੁਰਾਇਆ ਦੇ ਵਾਈਸ ਪ੍ਰਧਾਨ ਦੀ ਚੋਣ ਨਗਰ ਕੌਂਸਲ ਗੋਰਾਇਆ 'ਚ ਚੋਣ ਕਨਵੀਨਰ ਤਹਿਸੀਲਦਾਰ ਤਪਨ ਭਨੋਟ ਵੱਲੋਂ ਕਰਵਾਈ ਗਈ। ਇਸ ਚੋਣ 'ਚ 13 ਕੌਂਸਲਰਾਂ 'ਚੋਂ 11 ਕੌਂਸਲਰ ਹਾਜ਼ਰ ਰਹੇ, ਜਿੰਨ੍ਹਾਂ ਨੂੰ ਸਾਰੀ ਚੋਣ ਪ੍ਰਕਿਰਿਆ ਬਾਰੇ ਜਾਣੂ ਕਰਵਾਇਆ ਗਿਆ। ਇਸ ਮੌਕੇ ਤਪਨ ਭਨੋਟ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕੌਂਸਲਰ ਅੰਜੁ ਅਟਵਾਲ ਵੱਲੋਂ ਵਾਈਸ ਪ੍ਰਧਾਨ ਲਈ ਕੌਂਸਲਰ ਰਵਿੰਦਰਪਾਲ ਸਿੰਘ ਰਿੰਕੂ ਦਾ ਨਾਮ ਪੇਸ਼ ਕੀਤਾ ਗਿਆ। ਜਿਸ 'ਤੇ ਰਾਜੀਵ ਪੁੰਜ ਬਿੱਟੂ ਸਾਬਕਾ ਵਾਈਸ ਪ੍ਰਧਾਨ ਨਗਰ ਕੌਂਸਲ ਨੇ ਸਹਿਮਤੀ ਜ਼ਾਹਰ ਕੀਤੀ। ਇਸ ਤੋਂ ਬਾਅਦ ਹਾਜ਼ਰ ਸਾਰੇ ਕੌਂਸਲਰਾਂ ਵੱਲੋਂ ਸਰਬਸੰਮਤੀ ਨਾਲ ਰਵਿੰਦਰ ਪਾਲ ਸਿੰਘ ਰਿੰਕੂ ਨੂੰ ਵਾਈਸ ਪ੍ਰਧਾਨ ਚੁਣਿਆ ਗਿਆ।
ਇਨ੍ਹਾਂ ਨੂੰ ਹਲਕਾ ਇੰਚਾਰਜ ਵਿਕਰਮਜੀਤ ਸਿੰਘ ਚੌਧਰੀ,ਪ੍ਰਧਾਨ ਕਮਲਦੀਪ ਸਿੰਘ ਬਿੱਟੂ, ਕੌਂਸਲਰ ਬਲਜਿੰਦਰ ਕਾਲਾ, ਅੰਜੁ ਅਟਵਾਲ ਅਤੇ ਸਮੂਹ ਕੌਂਸਲਰਾਂ ਵੱਲੋਂ ਫੁੱਲਾਂ ਦੇ ਹਾਰ ਪਾ ਕੇ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਰਵਿੰਦਰਪਾਲ ਸਿੰਘ ਰਿੰਕੂ ਵੱਲੋਂ ਸਮੂਹ ਕੌਂਸਲਰਾਂ ਅਤੇ ਮੈਂਬਰ ਪਾਰਲੀਮੈਂਟ ਚੌਧਰੀ ਸੰਤੋਖ ਸਿੰਘ, ਚੌਧਰੀ ਵਿਕਰਮਜੀਤ ਸਿੰਘ ਸਿੰਘ ਦਾ ਉਨ੍ਹਾਂ ਨੂੰ ਵਾਈਸ ਪ੍ਰਧਾਨ ਬਨਾਉਣ 'ਤੇ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਜੋ ਜ਼ਿੰਮੇਵਾਰੀ ਉਨ੍ਹਾਂ ਨੂੰ ਦਿੱਤੀ ਹੈ, ਉਸ ਨੂੰ ਉਹ ਪੂਰੀ ਤਨਦੇਹੀ ਨਾਲ ਨਿਭਾਣਗੇ। ਇਸ ਮੌਕੇ ਕੌਂਸਲਰ ਬਲਜਿੰਦਰ ਕਾਲਾ, ਕੌਂਸਲਰ ਅੰਜੁ ਅਟਵਾਲ, ਕੌਂਸਲਰ ਰੌਸ਼ਨ ਲਾਲ ਬਿੱਟੂ,ਕੌਂਸਲਰ ਰਸ਼ਪਾਲ ਕੌਰ, ਕੌਂਸਲਰ ਹਰਮੇਸ਼ ਲਾਲ, ਕੌਂਸਲਰ ਅਨੁਰਾਧਾ ਭਾਰਦਵਾਜ,ਕੌਂਸਲਰ ਮੰਨੂ ਜੋਸ਼ੀ, ਕੌਂਸਲਰ ਰਾਜੀਵ ਪੁੰਜ, ਜਸਵਿੰਦਰ ਸਿੰਘ ਚਿੰਤਾ, ਅਨਿਲ ਜੋਸ਼ੀ, ਹਰਬੰਸ ਲਾਲ ਮਹਿਮੀ, ਕਾਰਜ ਸਾਦਕ ਅਫਸਰ ਰਣਧੀਰ ਸਿੰਘ ਹਾਜ਼ਰ ਸਨ।
'ਸ੍ਰੀ ਨਨਕਾਣਾ ਸਾਹਿਬ ਦੀ ਘਟਨਾ ਨੇ ਸਿੱਖ ਕੌਮ ਦੇ ਹਿਰਦੇ ਵਲੂੰਧਰੇ'
NEXT STORY 
