ਐਂਟਰਟੇਨਮੈਂਟ ਡੈਸਕ : ਸਾਊਥ ਦੇ ਸੁਪਰਸਟਾਰ ਅੱਲੂ ਅਰਜੁਨ ਪ੍ਰਸ਼ੰਸਕਾਂ ਨੂੰ 3 ਸਾਲ ਦੇ ਇੰਤਜ਼ਾਰ ਤੋਂ ਬਾਅਦ ਫ਼ਿਲਮ 'ਪੁਸ਼ਪਾ 2' ਲੈ ਕੇ ਆ ਰਹੇ ਹਨ। ਫ਼ਿਲਮ ਨੂੰ ਲੈ ਕੇ ਕਈ ਵੱਡੇ ਅਪਡੇਟਸ ਵੀ ਸਾਹਮਣੇ ਆ ਰਹੇ ਹਨ। ਹੁਣ ਇਸ ਫ਼ਿਲਮ ਦੀ ਐਡਵਾਂਸ ਬੁਕਿੰਗ ਸ਼ੁਰੂ ਹੋ ਗਈ ਹੈ। ਇਸ ਨੂੰ ਬਹੁਤ ਵਧੀਆ ਹੁੰਗਾਰਾ ਮਿਲ ਰਿਹਾ ਹੈ। ਹਾਲੀਆ ਰਿਪੋਰਟਾਂ ਅਨੁਸਾਰ, ਫ਼ਿਲਮ ਨੇ ਐਡਵਾਂਸ ਬੁਕਿੰਗ ਸ਼ੁਰੂ ਹੋਣ ਦੇ 3 ਘੰਟਿਆਂ ਦੇ ਅੰਦਰ ਚੰਗੀ ਗਿਣਤੀ 'ਚ ਟਿਕਟਾਂ ਵੇਚੀਆਂ ਹਨ। 'ਪੁਸ਼ਪਾ 2' ਨੇ ਰਾਸ਼ਟਰੀ ਲੜੀ 'ਚ 15,000 ਟਿਕਟਾਂ ਵੇਚੀਆਂ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਦਿਨ ਦੇ ਅੰਤ ਤੱਕ ਇਸ ਦੇ ਅੰਕੜੇ ਦੁੱਗਣੇ ਹੋ ਸਕਦੇ ਹਨ ਪਰ ਸਵਾਲ ਇਹ ਹੈ ਕੀ ਅੱਲੂ ਅਰਜੁਨ ਦੀ ਇਹ ਫ਼ਿਲਮ ਸ਼ਾਹਰੁਖ ਖ਼ਾਨ ਅਤੇ ਪ੍ਰਭਾਸ ਦੇ ਵੱਡੇ ਰਿਕਾਰਡ ਤੋੜ ਸਕੇਗੀ?
ਇਹ ਵੀ ਪੜ੍ਹੋ- ਮਹਿੰਗੀਆਂ ਕਾਰਾਂ ਤੋਂ ਲੈ ਕੇ ਬੰਗਲਿਆਂ ਤਕ, ਬੇਹੱਦ ਖੂਬਸੂਰਤ ਹੈ ਦਿਲਜੀਤ ਦਾ Life style
3 ਘੰਟਿਆਂ 'ਚ ਵਿਕੀਆਂ 15,000 ਟਿਕਟਾਂ
'ਪੁਸ਼ਪਾ 2' ਦੀ ਐਡਵਾਂਸ ਬੁਕਿੰਗ ਸ਼ਨੀਵਾਰ, 30 ਨਵੰਬਰ 2024 ਤੋਂ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਚੇਨਾਂ 'ਚ ਸ਼ੁਰੂ ਹੋਈ। ਬੁਕਿੰਗ ਸ਼ੁਰੂ ਹੁੰਦੇ ਹੀ ਇਸ ਨੂੰ ਚੰਗਾ ਹੁੰਗਾਰਾ ਮਿਲਣਾ ਸ਼ੁਰੂ ਹੋ ਗਿਆ ਹੈ। ਫ਼ਿਲਮ ਦੇ 3 ਘੰਟਿਆਂ ਅੰਦਰ, ਵੱਖ-ਵੱਖ ਚੇਨਾਂ 'ਚ 15,000 ਟਿਕਟਾਂ ਵਿਕ ਗਈਆਂ। PVR ਅਤੇ INOX ਨੇ ਮਿਲ ਕੇ 12,500 ਟਿਕਟਾਂ ਵੇਚੀਆਂ ਹਨ, ਜਦਕਿ ਦੂਜੇ ਪਾਸੇ ਸਿਨੇਪੋਲਿਸ ਦੀਆਂ 2,500 ਟਿਕਟਾਂ ਵਿਕੀਆਂ ਹਨ। ਤਾਜ਼ਾ ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਫ਼ਿਲਮ ਦਿਨ ਦੇ ਅੰਤ ਤੱਕ ਜਾਂ ਆਪਣੀ ਐਡਵਾਂਸ ਬੁਕਿੰਗ ਦੇ ਪਹਿਲੇ ਦਿਨ 30,000 ਤੋਂ 35,000 ਟਿਕਟਾਂ ਵੇਚ ਸਕਦੀ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਇਹ ਅੰਕੜੇ ਚੰਗੇ ਮੰਨੇ ਜਾਣਗੇ।
ਇਹ ਵੀ ਪੜ੍ਹੋ- ਗਾਇਕ ਕਰਨ ਔਜਲਾ ਕਿਉਂ ਛਾਏ ਸੁਰਖੀਆਂ 'ਚ, ਹੁਣ ਕਿਹੜੀ ਗੱਲੋਂ ਭਖਿਆ ਵਿਵਾਦ
ਕੀ 'ਪੁਸ਼ਪਾ 2' ਤੋੜ ਸਕੇਗੀ ਸ਼ਾਹਰੁਖ-ਪ੍ਰਭਾਸ ਦਾ ਰਿਕਾਰਡ?
ਫਿਲਹਾਲ 'ਪੁਸ਼ਪਾ 2' ਦੀ ਰਿਲੀਜ਼ ‘ਚ 2 ਦਿਨ ਬਾਕੀ ਹਨ। ਇਸ ਫ਼ਿਲਮ ਦੀ ਰਿਲੀਜ਼ ਡੇਟ 5 ਦਸੰਬਰ, 2024 ਤੈਅ ਕੀਤੀ ਗਈ ਹੈ। ਇਸ ਸਬੰਧ ‘ਚ ਇਸ ਫ਼ਿਲਮ ਦੀ ਐਡਵਾਂਸ ਬੁਕਿੰਗ ‘ਚ ਅਜੇ 2 ਦਿਨ ਬਾਕੀ ਹਨ। ਦੇਖਣਾ ਇਹ ਹੋਵੇਗਾ ਕਿ ਇਨ੍ਹਾਂ 2 ਦਿਨਾਂ ‘ਚ ਇਸ ਫ਼ਿਲਮ ਦੀਆਂ ਕਿੰਨੀਆਂ ਟਿਕਟਾਂ ਵਿਕਦੀਆਂ ਹਨ। ਵਰਤਮਾਨ 'ਚ ਪ੍ਰਭਾਸ ਦੀ 'ਬਾਹੂਬਲੀ 2' ਦਾ ਐਡਵਾਂਸ ਬੁਕਿੰਗ ਦੇ ਮਾਮਲੇ 'ਚ ਸਭ ਤੋਂ ਵਧੀਆ ਰਿਕਾਰਡ ਹੈ।
ਇਸ ਫ਼ਿਲਮ ਦੀਆਂ 6.50 ਲੱਖ ਟਿਕਟਾਂ ਵਿਕ ਚੁੱਕੀਆਂ ਹਨ। ਇਹ ਇੱਕ ਰਿਕਾਰਡ ਹੈ। ਦੂਜਾ ਨੰਬਰ ਸ਼ਾਹਰੁਖ ਖ਼ਾਨ ਦੀ ਫ਼ਿਲਮ 'ਜਵਾਨ' ਦਾ ਹੈ। 5.57 ਲੱਖ ਟਿਕਟਾਂ ਐਡਵਾਂਸ 'ਚ ਵੇਚੀਆਂ ਗਈਆਂ ਸਨ। ਤੀਜਾ ਨੰਬਰ ਸ਼ਾਹਰੁਖ ਦੀ ਆਪਣੀ ਫ਼ਿਲਮ 'ਪਠਾਨ' ਦਾ ਹੈ। ਇਸ ਫ਼ਿਲਮ ਦੀ ਗੱਲ ਕਰੀਏ ਤਾਂ 5.56 ਲੱਖ ਟਿਕਟਾਂ ਵਿਕ ਚੁੱਕੀਆਂ ਹਨ। ਯਸ਼ ਦੀ ਫ਼ਿਲਮ 'KGF ਚੈਪਟਰ 2' ਦੀ ਗੱਲ ਕਰੀਏ ਤਾਂ ਇਸ ਫ਼ਿਲਮ ਦੀਆਂ 5.15 ਲੱਖ ਟਿਕਟਾਂ ਵਿਕ ਚੁੱਕੀਆਂ ਹਨ। ਅਜਿਹੇ ‘ਚ ਦੇਖਣਾ ਇਹ ਹੋਵੇਗਾ ਕਿ ਕੀ ਅੱਲੂ ਅਰਜੁਨ ਅਤੇ ਰਸ਼ਮਿਕਾ ਮੰਡਨਾ ਦੀ ਇਹ ਫ਼ਿਲਮ ਇਸ ਵੱਡੇ ਰਿਕਾਰਡ ਨੂੰ ਤੋੜ ਸਕੇਗੀ ਜਾਂ ਨਹੀਂ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ।
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਮਿਤਾਭ ਬੱਚਨ ਨੂੰ ਆਇਆ ਗੁੱਸਾ, ਸੋਸ਼ਲ ਮੀਡੀਆ 'ਤੇ ਕੱਢੀ ਭੜਾਸ
NEXT STORY 
