ਐਂਟਰਟੇਨਮੈਂਟ ਡੈਸਕ- ਫਿਲਮੀਂ ਦੁਨੀਆ 'ਚ ਸਿਤਾਰਿਆਂ ਦੀ ਜ਼ਿੰਦਗੀ ਆਸਾਨ ਨਹੀਂ ਹੁੰਦੀ, ਆਮ ਲੋਕਾਂ ਵਾਂਗ ਉਨ੍ਹਾਂ ਦੀ ਜ਼ਿੰਦਗੀ 'ਚ ਅਜਿਹੀਆਂ ਘਟਨਾਵਾਂ ਵਾਪਰ ਜਾਂਦੀਆਂ ਹਨ ਜਿਨ੍ਹਾਂ ਨੂੰ ਭੁਲਾਉਣਾ ਸਾਰੀ ਉਮਰ ਲਈ ਔਖਾ ਹੋ ਜਾਂਦਾ ਹੈ। ਅੱਜ ਅਸੀਂ ਗੱਲ ਕਰ ਰਹੇ ਹਾਂ ਬਾਲੀਵੁੱਡ ਸਟਾਰ ਗੋਵਿੰਦਾ ਦੀ ਜਿਨ੍ਹਾਂ ਨੇ 1987 ਵਿੱਚ ਸੁਨੀਤਾ ਆਹੂਜਾ ਨਾਲ ਵਿਆਹ ਕੀਤਾ ਸੀ। ਹਾਲਾਂਕਿ ਉਹ ਸਮਾਂ ਸੀ ਜਦੋਂ ਹੀਰੋ ਆਪਣੇ ਵਿਆਹ ਦੀਆਂ ਖ਼ਬਰਾਂ ਨੂੰ ਗੁਪਤ ਰੱਖਦੇ ਸਨ। ਹੁਣ ਉਨ੍ਹਾਂ ਦੇ ਵਿਆਹ ਨੂੰ 40 ਸਾਲ ਹੋ ਗਏ ਹਨ ਅਤੇ ਉਹ ਅਕਸਰ ਟੀਵੀ 'ਤੇ ਆਪਣੇ ਪਿਆਰ ਦੀਆਂ ਕਹਾਣੀਆਂ ਸੁਣਾਉਂਦੇ ਨਜ਼ਰ ਆਉਂਦੇ ਰਹਿੰਦੇ ਹਨ। ਪਰ ਗੋਵਿੰਦਾ ਦੀ ਜ਼ਿੰਦਗੀ 'ਚ ਇੱਕ ਵਾਰ ਦੁੱਖਾਂ ਦਾ ਪਹਾੜ ਟੁੱਟਿਆ ਸੀ ਜਦੋਂ ਉਨ੍ਹਾਂ ਦੀ 3 ਮਹੀਨੇ ਦੀ ਧੀ ਨੇ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ। ਉਨ੍ਹਾਂ ਦੀ ਧੀ ਦੀ ਮੌਤ ਨੇ ਗੋਵਿੰਦਾ ਨੂੰ ਤੋੜ ਦਿੱਤਾ। ਪਰ ਗੋਵਿੰਦਾ ਨੇ ਹਾਰ ਨਹੀਂ ਮੰਨੀ ਅਤੇ ਇੱਕ ਬਾਲੀਵੁੱਡ ਸਟਾਰ ਵਜੋਂ ਉੱਭਰੇ।
ਬੀਤੇ ਦਿਨੀਂ ਸੁਪਰਸਟਾਰ ਗੋਵਿੰਦਾ ਦੀ ਪਤਨੀ ਸੁਨੀਤਾ ਆਹੂਜਾ ਨੇ ਇਕ ਇੰਟਰਵਿਊ 'ਚ ਕਾਫੀ ਸਾਰੀਆਂ ਦਿਲ ਦੀਆਂ ਗੱਲਾਂ ਕੀਤੀਆਂ, ਜਿੱਥੇ ਉਨ੍ਹਾਂ ਨੇ ਦੱਸਿਆ ਸੀ ਕਿ ਉਹ ਘਰ ਵਿੱਚ ਇੱਕ ਵਧੇਰੇ ਸਖ਼ਤ ਮਾਂ ਹੈ ਕਿਉਂਕਿ ਗੋਵਿੰਦਾ ਬੱਚਿਆਂ ਨਾਲ ਬਹੁਤ ਨਰਮ ਹਨ। ਜਦੋਂ ਹੋਸਟ ਨੇ ਉਨ੍ਹਾਂ ਨੂੰ ਪੁੱਛਿਆ ਕਿ ਉਨ੍ਹਾਂ ਦੇ ਬੱਚਿਆਂ ਵਿੱਚੋਂ ਸਭ ਤੋਂ ਸ਼ਰਾਰਤੀ ਕੌਣ ਹੈ ਤਾਂ ਉਨ੍ਹਾਂ ਨੇ ਖੁਲਾਸਾ ਕੀਤਾ ਕਿ ਉਨ੍ਹਾਂ ਵਿੱਚੋਂ ਕੋਈ ਵੀ ਸ਼ਰਾਰਤੀ ਨਹੀਂ ਹੈ ਪਰ ਉਨ੍ਹਾਂ ਦੇ ਪੁੱਤਰ ਯਸ਼ ਨੂੰ ਬਹੁਤ ਪਿਆਰ ਦਿੱਤਾ ਗਿਆ ਸੀ ਕਿਉਂਕਿ ਉਹ ਉਨ੍ਹਾਂ ਦੀ ਦੂਜੀ ਧੀ ਦੀ ਮੌਤ ਤੋਂ ਬਾਅਦ ਪੈਦਾ ਹੋਇਆ ਸੀ।
ਸੁਨੀਤਾ ਨੇ ਅੱਗੇ ਕਿਹਾ, 'ਯਸ਼ ਥੋੜ੍ਹਾ ਲਾਡ-ਪਿਆਰ 'ਚ ਵੱਡਾ ਹੋਇਆ ਹੈ ਕਿਉਂਕਿ ਉਹ ਟੀਨਾ ਤੋਂ ਅੱਠ ਸਾਲ ਛੋਟਾ ਹੈ। ਯਸ਼ ਤੋਂ ਪਹਿਲਾਂ ਮੇਰੀ ਇੱਕ ਹੋਰ ਧੀ ਸੀ ਪਰ ਉਹ ਸਮੇਂ ਤੋਂ ਪਹਿਲਾਂ ਪੈਦਾ ਹੋਈ ਸੀ ਅਤੇ ਬਚ ਨਹੀਂ ਸਕੀ। ਉਸਦਾ ਤਿੰਨ ਮਹੀਨਿਆਂ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਸੀ, ਉਸਦੇ ਫੇਫੜੇ ਵਿਕਸਤ ਨਹੀਂ ਹੋਏ ਸਨ। ਇਸ ਲਈ ਮੈਂ ਯਸ਼ ਨੂੰ ਇੱਕ ਕੋਕੂਨ ਵਿੱਚ ਪਾਲਿਆ ਕਿਉਂਕਿ ਮੈਂ ਡਰਦੀ ਸੀ। ਹੁਣ ਮੈਨੂੰ ਉਸਦੀਆਂ ਸਾਰੀਆਂ ਇੱਛਾਵਾਂ ਪੂਰੀਆਂ ਕਰਨੀਆਂ ਪੈਣਗੀਆਂ, ਪਰ ਕੋਈ ਗੱਲ ਨਹੀਂ।'
ਸੁਨੀਤਾ ਆਹੂਜਾ ਨੇ ਪਤੀ ਗੋਵਿੰਦਾ ਨੂੰ ਲੈ ਕੇ ਵੀ ਗੱਲਾਂ ਕੀਤੀਆਂ ਉਨ੍ਹਾਂ ਨੇ ਦੱਸਿਆ ਕਿ ਉਸ ਨੂੰ ਮਿੰਨੀਸਕਰਟ ਪਹਿਨਣਾ ਪਸੰਦ ਨਹੀਂ ਸੀ। ਉਸੇ ਇੰਟਰਵਿਊ ਵਿੱਚ ਸੁਨੀਤਾ ਨੇ ਆਪਣੇ ਅਤੇ ਗੋਵਿੰਦਾ ਵਿਚਕਾਰ ਸੱਭਿਆਚਾਰਕ ਅੰਤਰਾਂ ਨੂੰ ਯਾਦ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਉਹ ਬਾਂਦਰਾ ਤੋਂ ਸੀ, ਜੋ ਉਨ੍ਹਾਂ ਦਿਨਾਂ ਵਿੱਚ ਇੱਕ ਵਧੇਰੇ ਆਧੁਨਿਕ ਖੇਤਰ ਸੀ। ਜਦੋਂ ਕਿ ਗੋਵਿੰਦਾ ਵਿਰਾਰ ਵਿੱਚ ਰਹਿੰਦੇ ਸਨ। ਇਸ ਲਈ ਗੋਵਿੰਦਾ ਨੂੰ ਉਨ੍ਹਾਂ ਦਾ ਮਿਨੀਸਕਰਟ ਪਹਿਨਣਾ ਪਸੰਦ ਨਹੀਂ ਸੀ ਅਤੇ ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੀ ਮਾਂ ਨੂੰ ਵੀ ਇਹ ਪਸੰਦ ਨਹੀਂ ਆਵੇਗਾ। ਇਸ ਕਾਰਨ ਉਨ੍ਹਾਂ ਨੇ ਉਨ੍ਹਾਂ ਦੀ ਮਾਂ ਲਈ ਸਾੜੀਆਂ ਪਹਿਨਣੀਆਂ ਸ਼ੁਰੂ ਕਰ ਦਿੱਤੀਆਂ।
ਕੈਮਰੇ ਦੇ ਸਾਹਮਣੇ ਸ਼ਰਮਸਾਰ ਹੋਈ ਪੰਜਾਬ ਦੀ 'ਕੈਟਰੀਨਾ ਕੈਫ'
NEXT STORY 
