ਐਂਟਰਟੇਨਮੈਂਟ ਡੈਸਕ (ਬਿਊਰੋ) : 'ਹਮ ਆਪਕੇ ਹੈ ਕੌਨ' ਤੋਂ ਲੈ ਕੇ 'ਟਾਈਗਰ 3' ਤੱਕ ਪ੍ਰਸ਼ੰਸਕਾਂ ਨੂੰ ਕਈ ਫ਼ਿਲਮਾਂ ਦੇਣ ਵਾਲੇ ਦਬੰਗ ਸਲਮਾਨ ਖ਼ਾਨ ਅੱਜ ਯਾਨੀਕਿ 27 ਦਸੰਬਰ ਨੂੰ ਆਪਣਾ 58ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਭਾਵੇਂ ਹੀ ਦੂਜੇ ਲੀਡ ਅਦਾਕਾਰ ਵਜੋਂ ਕੀਤੀ ਹੋਵੇ ਪਰ ਅੱਜ ਉਹ ਬਾਲੀਵੁੱਡ ਦੇ 'ਭਾਈਜਾਨ' ਹਨ। ਸਲਮਾਨ ਦੇ ਫੈਨਜ਼ ਉਨ੍ਹਾਂ ਦੇ ਜਨਮਦਿਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਪ੍ਰਸ਼ੰਸਕ ਖ਼ਾਨ ਦੀ ਬਾਂਦਰਾ ਸਥਿਤ ਗਲੈਕਸੀ ਅਪਾਰਟਮੈਂਟ ਦੇ ਬਾਹਰ ਇਕ ਝਲਕ ਪਾਉਣ ਲਈ ਇੰਤਜ਼ਾਰ ਕਰ ਰਹੇ ਹਨ। ਸਲਮਾਨ ਦੀਆਂ ਫ਼ਿਲਮਾਂ ਬਾਰੇ ਤਾਂ ਅਸੀਂ ਸਾਰੇ ਜਾਣਦੇ ਹਾਂ ਪਰ ਅੱਜ ਇਸ ਆਰਟੀਕਲ 'ਚ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ ਉਹ ਕਿਹੜੇ ਪਲੇਟਫਾਰਮ ਤੋਂ ਪੈਸਾ ਕਮਾਉਂਦੇ ਹਨ ਅਤੇ ਉਨ੍ਹਾਂ ਦੀ ਨੈੱਟ ਵਰਥ ਕੀ ਹੈ।
ਭਾਣਜੀ ਨਾਲ ਕੱਟਿਆ ਕੇਕ
ਸਲਮਾਨ ਨੂੰ ਹਮੇਸ਼ਾ ਆਪਣਾ ਜਨਮਦਿਨ ਪਨਵੇਲ ਸਥਿਤ ਆਪਣੇ ਫਾਰਮ ਹਾਊਸ ਵਿਖੇ ਸੈਲੀਬ੍ਰੇਟ ਕਰਦੇ ਦੇਖਿਆ ਜਾਂਦਾ ਹੈ ਪਰ ਇਸ ਵਾਰ ਉਹ ਆਪਣਾ ਜਨਮਦਿਨ ਆਪਣੇ ਪਰਿਵਾਰ ਤੇ ਦੋਸਤਾਂ ਨਾਲ ਸੈਲੀਬ੍ਰੇਟ ਕਰਦੇ ਨਜ਼ਰ ਆਏ। ਇਹ ਸੈਲੀਬ੍ਰੇਸ਼ਨ ਸਲਮਾਨ ਦੀ ਭੈਣ ਅਰਪਿਤਾ ਦੇ ਘਰ ਕੀਤਾ ਗਿਆ। 27 ਦਸੰਬਰ ਦਾ ਦਿਨ ਖ਼ਾਨ ਪਰਿਵਾਰ ਲਈ ਬਹੁਤ ਖ਼ਾਸ ਹੁੰਦਾ ਹੈ ਕਿਉਂਕਿ ਇਸ ਦਿਨ ਨਾ ਸਿਰਫ ਸਲਮਾਨ ਖ਼ਾਨ ਦਾ ਜਨਮਦਿਨ ਹੈ, ਸਗੋਂ ਉਨ੍ਹਾਂ ਦੀ ਭਾਣਜੀ ਅਯਾਤ ਖ਼ਾਨ ਦਾ ਵੀ ਜਨਮਦਿਨ ਹੈ। ਇਸ ਵਾਰ ਭਾਈਜਾਨ ਆਪਣੀ ਭਾਣਜੀ ਨਾਲ ਜਨਮਦਿਨ ਦਾ ਕੇਕ ਕੱਟਦੇ ਨਜ਼ਰ ਆਏ। ਭਾਈਜਾਨ 58 ਸਾਲ ਦੇ ਹੋ ਗਏ ਹਨ, ਉਨ੍ਹਾਂ ਦੀ ਭਾਣਜੀ 4 ਸਾਲਾਂ ਦੀ ਹੋ ਗਈ ਹੈ। ਪੂਰਾ ਪਰਿਵਾਰ ਇਸ ਖ਼ਾਸ ਮੌਕੇ ਨੂੰ ਸੈਲੀਬ੍ਰੇਟ ਕਰਦਾ ਨਜ਼ਰ ਆਇਆ। ਇਸ ਸੈਲੀਬ੍ਰੇਸ਼ਨ ਦੌਰਾਨ ਸਲਮਾਨ ਨੇ ਇਕ ਨਹੀਂ, ਸਗੋਂ ਕਈ ਕੇਕ ਕੱਟੇ। ਇਸ ਦੌਰਾਨ ਅਰਪਿਤਾ ਖ਼ਾਨ, ਆਯੂਸ਼ ਸ਼ਰਮਾ, ਅਰਬਾਜ਼ ਖ਼ਾਨ, ਅਰਹਾਨ ਖ਼ਾਨ, ਹੇਲਨ, ਅਲਵੀਰਾ, ਬੌਬੀ ਦਿਓਲ ਤੇ ਯੂਲੀਆ ਵੰਤੂਰ ਵੀ ਇਥੇ ਨਜ਼ਰ ਆਏ।
ਫ਼ਿਲਮਾਂ 'ਚ ਕੰਮ ਕਰਨਾ
ਸਲਮਾਨ ਸਾਲ 'ਚ ਸਿਰਫ਼ 1 ਤੋਂ 2 ਫ਼ਿਲਮਾਂ 'ਚ ਕੰਮ ਕਰਦੇ ਹਨ। ਉਹ ਯਕੀਨੀ ਤੌਰ 'ਤੇ ਈਦ ਜਾਂ ਦੀਵਾਲੀ 'ਤੇ ਆਪਣੇ ਪ੍ਰਸ਼ੰਸਕਾਂ ਵਿਚਕਾਰ ਆਉਂਦਾ ਹੈ। ਉਨ੍ਹਾਂ ਦਾ ਪਿਛਲਾ ਸਾਲ ਭਾਵੇਂ ਕਿੰਨਾ ਵੀ ਹੋਵੇ, ਈਦ 'ਤੇ ਭਾਈਜਾਨ ਦਾ ਇੰਤਜ਼ਾਰ ਹਰ ਕੋਈ ਕਰਦਾ ਹੈ। ਖਬਰਾਂ ਮੁਤਾਬਕ, ਸਲਮਾਨ ਹਰ ਫ਼ਿਲਮ ਲਈ 100 ਕਰੋੜ ਰੁਪਏ ਤੱਕ ਚਾਰਜ ਕਰਦੇ ਹਨ। ਇੰਨਾ ਹੀ ਨਹੀਂ ਹੁਣ ਉਹ ਜ਼ਿਆਦਾਤਰ ਫ਼ਿਲਮਾਂ 'ਚ ਫੀਸ ਦੇ ਨਾਲ-ਨਾਲ ਆਪਣੇ ਸ਼ੇਅਰ ਪ੍ਰਾਫਿੱਟ ਦਾ ਵੀ ਹਿੱਸਾ ਵੀ ਲੈਂਦੇ ਹਨ।
ਟੀਵੀ ਸ਼ੋਅ ਤੋਂ ਕਮਾਉਂਦੈ ਮੋਟੀ ਰਕਮ
ਸਲਮਾਨ ਲੰਬੇ ਸਮੇਂ ਤੋਂ ਟੀਵੀ ਦੀ ਦੁਨੀਆ ਨਾਲ ਜੁੜੇ ਹੋਏ ਹਨ। ਉਨ੍ਹਾਂ ਨੇ ਟੀਵੀ 'ਤੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 'ਦਸ ਕਾ ਦਮ' ਨਾਲ ਕੀਤੀ ਸੀ। ਸਲਮਾਨ ਲੰਬੇ ਸਮੇਂ ਤੋਂ ਕਲਰਸ ਦੇ ਸਭ ਤੋਂ ਵਿਵਾਦਿਤ ਸ਼ੋਅ 'ਬਿੱਗ ਬੌਸ 17' ਨੂੰ ਹੋਸਟ ਕਰ ਰਹੇ ਹਨ। ਉਨ੍ਹਾਂ ਨੂੰ ਇਸ ਸ਼ੋਅ ਨਾਲ ਜੁੜੇ ਹੋਏ 14 ਸਾਲ ਹੋ ਗਏ ਹਨ। ਸਲਮਾਨ ਇਸ ਸ਼ੋਅ ਲਈ ਹਫਤੇ 'ਚ ਦੋ ਦਿਨ ਦਿੰਦੇ ਹਨ। ਉਹ 'ਬਿੱਗ ਬੌਸ 17' ਦੀ ਮੇਜ਼ਬਾਨੀ ਲਈ ਮੋਟੀ ਫੀਸ ਵੀ ਲੈਂਦਾ ਹੈ।
75 ਰੁਪਏ ’ਚ ਸ਼ੁਰੂ ਕੀਤਾ ਸੀ ਕਰੀਅਰ
ਸਲਮਾਨ ਖ਼ਾਨ ਨੇ ਇੰਡਸਟਰੀ ਦੇ ਭਾਈਜਾਨ ਬਣਨ ਲਈ ਕਾਫੀ ਮਿਹਨਤ ਕੀਤੀ ਹੈ। ਅੱਜ ਦੇਸ਼ ’ਚ ਹੀ ਨਹੀਂ, ਸਗੋਂ ਵਿਦੇਸ਼ਾਂ ’ਚ ਵੀ ਉਨ੍ਹਾਂ ਦੇ ਪ੍ਰਸ਼ੰਸਕ ਹਨ ਪਰ ਇਕ ਸਮਾਂ ਸੀ, ਜਦੋਂ ਉਨ੍ਹਾਂ ਨੇ ਬਿਨਾਂ ਕਿਸੇ ਦੀ ਮਦਦ ਦੇ ਸੰਘਰਸ਼ ਕਰਕੇ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਸਲਮਾਨ ਦੀ ਪਹਿਲੀ ਕਮਾਈ 75 ਰੁਪਏ ਸੀ। ਸਲਮਾਨ ਨੇ ਖ਼ੁਦ ਦੱਸਿਆ ਸੀ ਕਿ ਉਨ੍ਹਾਂ ਦੀ ਪਹਿਲੀ ਕਮਾਈ ਤਾਜ ਹੋਟਲ ’ਚ ਹੋ ਰਹੇ ਸ਼ੋਅ ’ਚ ਬੈਕਗਰਾਊਂਡ ਡਾਂਸਰ ਦੇ ਤੌਰ ’ਤੇ ਕੰਮ ਕਰਨ ਨਾਲ ਹੋਈ ਸੀ। ਦੋਸਤ ਇਥੇ ਜਾ ਕੇ ਸਲਮਾਨ ਨੂੰ ਆਪਣੇ ਨਾਲ ਲੈ ਗਏ ਤੇ ਨੱਚਣ ਦੇ ਬਦਲੇ ਉਨ੍ਹਾਂ ਨੂੰ ਇਹ ਮਿਹਨਤਾਨਾ ਦਿੱਤਾ ਗਿਆ ਸੀ।
ਨਿਰਮਾਤਾ
ਸਲਮਾਨ ਖ਼ਾਨ ਨਾ ਸਿਰਫ ਇੱਕ ਅਦਾਕਾਰ ਹਨ ਬਲਕਿ ਇੱਕ ਨਿਰਮਾਤਾ ਵੀ ਹਨ। ਉਨ੍ਹਾਂ ਨੇ ਜ਼ਹੀਰ ਇਕਬਾਲ ਤੋਂ ਲੈ ਕੇ ਪ੍ਰਨੂਤਨ, ਆਥੀਆ ਸ਼ੈੱਟੀ, ਸੂਰਜ ਪੰਚੋਲੀ ਅਤੇ ਜੀਜਾ ਆਯੂਸ਼ ਸ਼ਰਮਾ ਤੱਕ ਕਈ ਸਿਤਾਰਿਆਂ ਨੂੰ ਆਪਣੇ ਪ੍ਰੋਡਕਸ਼ਨ ਰਾਹੀਂ ਲਾਂਚ ਕੀਤਾ ਹੈ। ਹਾਲ ਹੀ 'ਚ ਉਨ੍ਹਾਂ ਦੀ ਭਤੀਜੀ ਅਲੀਜ਼ਾ ਅਗਨੀਹੋਤਰੀ ਨੇ ਵੀ ਸਲਮਾਨ ਖ਼ਾਨ ਦੁਆਰਾ ਨਿਰਮਿਤ ਫ਼ਿਲਮ 'ਫਰੇ' ਨਾਲ ਫ਼ਿਲਮੀ ਦੁਨੀਆ 'ਚ ਬਤੌਰ ਅਭਿਨੇਤਰੀ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
ਟੀਵੀ ਸ਼ੋਅ ਪ੍ਰੋਡਕਟ
ਸਲਮਾਨ ਨੇ ਸਭ ਤੋਂ ਪਹਿਲਾਂ ਫ਼ਿਲਮਾਂ 'ਚ ਹੱਥ ਅਜ਼ਮਾਇਆ ਅਤੇ ਜਦੋਂ ਬਾਲੀਵੁੱਡ 'ਚ ਉਨ੍ਹਾਂ ਦਾ ਸਿੱਕਾ ਚੱਲਣ ਲੱਗਾ ਤਾਂ ਇਸ ਅਦਾਕਾਰ ਨੇ ਨਿਰਮਾਤਾ ਦੇ ਤੌਰ 'ਤੇ ਡਾਂਸ ਰਿਐਲਿਟੀ ਸ਼ੋਅ 'ਨੱਚ ਬਲੀਏ' ਨਾਲ ਬਤੌਰ ਨਿਰਮਾਤਾ ਆਪਣੇ ਟੀ. ਵੀ. ਕਰੀਅਰ ਦੀ ਸ਼ੁਰੂਆਤ ਕੀਤੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਕਪਿਲ ਸ਼ਰਮਾ ਅਤੇ ਸੁਨੀਲ ਗਰੋਵਰ ਦੇ ਕਾਮੇਡੀ ਸ਼ੋਅ 'ਦਿ ਕਪਿਲ ਸ਼ਰਮਾ ਸ਼ੋਅ' ਨੂੰ ਵੀ ਪ੍ਰੋਡਿਊਸ ਕੀਤਾ। ਸਲਮਾਨ ਖ਼ਾਨ ਟੀ. ਵੀ. ਸ਼ੋਅਜ਼ ਤੋਂ ਵੀ ਵੱਡੀ ਕਮਾਈ ਕਰਦੇ ਹਨ।
ਇਸ਼ਤਿਹਾਰ
ਸਲਮਾਨ ਦਾ ਨਾਂ ਇੰਡਸਟਰੀ 'ਚ ਕਾਫ਼ੀ ਹੈ, ਇਹ ਅਸੀਂ ਨਹੀਂ ਕਹਿ ਰਹੇ ਹਾਂ ਪਰ ਇਸ ਦਾ ਅੰਦਾਜ਼ਾ ਉਨ੍ਹਾਂ ਦੀਆਂ ਫ਼ਿਲਮਾਂ ਦੀ ਕਮਾਈ ਨੂੰ ਦੇਖ ਕੇ ਲਗਾਇਆ ਜਾ ਸਕਦਾ ਹੈ। ਉਸ ਦੀਆਂ ਫ਼ਿਲਮਾਂ ਨੂੰ ਆਲੋਚਕਾਂ ਤੋਂ ਭਾਵੇਂ ਕਿਸ ਤਰ੍ਹਾਂ ਦੀਆਂ ਸਮੀਖਿਆਵਾਂ ਮਿਲ ਜਾਣ, ਇਹ ਸਲਮਾਨ ਖ਼ਾਨ ਦੇ ਸਟਾਰਡਮ 'ਤੇ ਹੀ ਹੈ ਕਿ ਉਨ੍ਹਾਂ ਦੀਆਂ ਫ਼ਿਲਮਾਂ 100 ਕਰੋੜ ਰੁਪਏ ਤੋਂ ਵੱਧ ਦਾ ਕਾਰੋਬਾਰ ਕਰਦੀਆਂ ਹਨ। ਅਮਿਤਾਭ ਬੱਚਨ ਅਤੇ ਸ਼ਾਹਰੁਖ ਖ਼ਾਨ ਦੀ ਤਰ੍ਹਾਂ ਸਲਮਾਨ ਖਾਨ ਵੀ ਵਿਗਿਆਪਨ ਦੀ ਦੁਨੀਆ 'ਚ ਵੱਡਾ ਨਾਂ ਹੈ। ਰਿਪੋਰਟਾਂ ਦੇ ਅਨੁਸਾਰ, ਉਹ ਬ੍ਰਾਂਡ ਐਂਡੋਰਸਮੈਂਟ ਤੋਂ ਲਗਭਗ 300 ਕਰੋੜ ਰੁਪਏ ਕਮਾਉਂਦੇ ਹਨ।
ਬਿਜ਼ਨੈੱਸ
ਪ੍ਰਸ਼ੰਸਕ ਸਲਮਾਨ ਨੂੰ ਉਨ੍ਹਾਂ ਦੀਆਂ ਫ਼ਿਲਮਾਂ ਲਈ ਹੀ ਨਹੀਂ ਸਗੋਂ ਉਨ੍ਹਾਂ ਦੀ ਦਿਆਲਤਾ ਲਈ ਵੀ ਪਿਆਰ ਕਰਦੇ ਹਨ। ਇੱਕ ਅਭਿਨੇਤਾ-ਨਿਰਮਾਤਾ ਅਤੇ ਇੱਕ ਚੰਗਾ ਹੋਸਟ ਹੋਣ ਦੇ ਨਾਲ-ਨਾਲ ਉਹ ਇੱਕ ਸ਼ਾਨਦਾਰ ਕਾਰੋਬਾਰੀ ਵੀ ਹੈ। ਸਲਮਾਨ ਖ਼ਾਨ ਆਪਣਾ ਕੱਪੜਿਆਂ ਦਾ ਬ੍ਰਾਂਡ ਬੀਇੰਗ ਹਿਊਮਨ ਚਲਾਉਂਦੇ ਹਨ। ਇਸ ਦੇ ਨਾਲ ਹੀ ਕੁਝ ਸਾਲ ਪਹਿਲਾਂ ਸਲਮਾਨ ਨੇ ਆਪਣਾ ਜਿਮ ਬ੍ਰਾਂਡ ਵੀ ਲਾਂਚ ਕੀਤਾ ਸੀ।
ਕੁੱਲ ਜਾਇਦਾਦ
ਸਲਮਾਨ ਖ਼ਾਨ ਬਾਲੀਵੁੱਡ ਦੇ ਸਭ ਤੋਂ ਵੱਧ ਤਨਖਾਹ ਲੈਣ ਵਾਲੇ ਅਦਾਕਾਰਾਂ 'ਚੋਂ ਇੱਕ ਹਨ। ਉਹ ਨਾ ਸਿਰਫ਼ ਫ਼ਿਲਮਾਂ ਅਤੇ ਕਾਰੋਬਾਰ ਤੋਂ ਕਮਾਈ ਕਰਦੇ ਹਨ, ਸਗੋਂ ਉਸ ਕੋਲ ਲਗਜ਼ਰੀ ਕਾਰਾਂ, ਪਨਵੇਲ ਵਰਗੇ ਫਾਰਮ ਹਾਊਸ ਅਤੇ ਮੁੰਬਈ 'ਚ ਕਈ ਜਾਇਦਾਦਾਂ ਵੀ ਹਨ। ਲਾਈਫਸਟਾਈਲ ਏਸ਼ੀਆ ਦੀਆਂ ਰਿਪੋਰਟਾਂ ਅਨੁਸਾਰ, ਸਲਮਾਨ ਦੀ ਕੁੱਲ ਜਾਇਦਾਦ ਲਗਭਗ 350 ਮਿਲੀਅਨ ਰੁਪਏ ਯਾਨੀ 2,912 ਕਰੋੜ ਰੁਪਏ ਹੈ।
ਵਿਵਾਦਾਂ ਨਾਲ ਰਿਹਾ ਡੂੰਘਾ ਰਿਸ਼ਤਾ
ਸਲਮਾਨ ਖ਼ਾਨ ਦਾ ਵਿਵਾਦਾਂ ਨਾਲ ਵੀ ਡੂੰਘਾ ਸਬੰਧ ਰਿਹਾ ਹੈ। ਜਿਥੇ ਇਕ ਪਾਸੇ ਉਸ ਨੇ ਆਪਣੀਆਂ ਫ਼ਿਲਮਾਂ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ ਹੈ, ਉਥੇ ਹੀ ਦੂਜੇ ਪਾਸੇ ਉਹ ਲਾਪਰਵਾਹੀ ਨਾਲ ਡਰਾਈਵਿੰਗ, ਕਾਲੇ ਹਿਰਨ ਦੇ ਸ਼ਿਕਾਰ ਤੇ ਡੇਟਿੰਗ ਦੇ ਮੁੱਦਿਆਂ ਨੂੰ ਲੈ ਕੇ ਸੁਰਖ਼ੀਆਂ ’ਚ ਰਹੇ ਹਨ। ਹਾਲਾਂਕਿ ਆਪਣੇ ਸਾਰੇ ਮਾਮਲਿਆਂ ਤੋਂ ਇਲਾਵਾ ਉਹ ‘ਬੀਂਗ ਹਿਊਮਨ ਫਾਊਂਡੇਸ਼ਨ’ ਨਾਮ ਦੀ ਇਕ ਚੈਰਿਟੀ ਵੀ ਚਲਾਉਂਦੇ ਹਨ। ਉਹ ਅਕਸਰ ਲੋਕਾਂ ਦੀ ਮਦਦ ਕਰਦੇ ਦੇਖੇ ਜਾਂਦੇ ਹਨ ਤੇ ਬਹੁਤ ਸਾਰੇ ਲੋਕ ਉਨ੍ਹਾਂ ਨੂੰ ਮਸੀਹਾ ਮੰਨਦੇ ਹਨ।
ਅਨੁਰਾਗ ਡੋਭਾਲ ਨੇ ਪ੍ਰਿਅੰਕਾ ਚੋਪੜਾ ਦਾ ਨਾਂ ਲੈ ਕੇ ਮੰਨਾਰਾ ਚੋਪੜਾ ਦੀ ਲਗਾਈ ਕਲਾਸ
NEXT STORY 
