ਹੈਦਰਾਬਾਦ (ਏਜੰਸੀ)- ਹੈਦਰਾਬਾਦ ਦੇ ਇੱਕ ਕਲੱਬ ਵਿੱਚ ਸਟਾਫ ਨਾਲ ਕਥਿਤ ਤੌਰ 'ਤੇ ਦੁਰਵਿਵਹਾਰ ਕਰਨ ਅਤੇ ਜਾਇਦਾਦ ਨੂੰ ਨੁਕਸਾਨ ਪਹੁੰਚਾਉਣ ਦੇ ਦੋਸ਼ ਵਿੱਚ ਤੇਲਗੂ ਅਦਾਕਾਰਾ ਕਲਪਿਕਾ ਗਣੇਸ਼ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਸ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਕਲੱਬ ਦੇ ਪ੍ਰਬੰਧਕੀ ਸਾਥੀ ਤੋਂ ਪੁਲਸ ਨੂੰ ਮਿਲੀ ਸ਼ਿਕਾਇਤ ਦੇ ਅਨੁਸਾਰ, ਇਹ ਘਟਨਾ 29 ਮਈ ਨੂੰ ਵਾਪਰੀ ਜਦੋਂ ਅਦਾਕਾਰਾ ਇੱਕ ਆਦਮੀ ਨਾਲ ਉਨ੍ਹਾਂ ਦੇ ਕਲੱਬ ਗਈ ਅਤੇ ਉੱਥੇ ਖਾਣਾ ਖਾਧਾ। ਸ਼ਿਕਾਇਤ ਦੇ ਆਧਾਰ 'ਤੇ ਅਤੇ ਸਥਾਨਕ ਅਦਾਲਤ ਤੋਂ ਇਜਾਜ਼ਤ ਲੈਣ ਤੋਂ ਬਾਅਦ, 10 ਜੂਨ ਨੂੰ ਅਦਾਕਾਰਾ ਵਿਰੁੱਧ ਧਾਰਾ 352 (ਸ਼ਾਂਤੀ ਭੰਗ ਕਰਨ ਦੇ ਇਰਾਦੇ ਨਾਲ ਜਾਣਬੁੱਝ ਕੇ ਅਪਮਾਨ), 351 (2) (ਅਪਰਾਧਿਕ ਧਮਕੀ) ਅਤੇ ਬੀ.ਐਨ.ਐਸ. ਦੀਆਂ ਹੋਰ ਸੰਬੰਧਿਤ ਧਾਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ।
ਇਹ ਵੀ ਪੜ੍ਹੋ: ਆਪਣੇ ਦੇਸ਼ 'ਚ ਹੀ ਹੋਣ ਲੱਗਾ ਇਫਤਿਖਾਰ ਠਾਕੁਰ ਦਾ ਵਿਰੋਧ ! ਹੁਣ ਬੂਟੇ ਨੇ ਕੱਢੀਆਂ 'ਗਾਲ੍ਹਾਂ'
ਇਸ ਤੋਂ ਪਹਿਲਾਂ, ਇੱਕ ਵਾਇਰਲ ਵੀਡੀਓ ਵਿੱਚ ਕਥਿਤ ਤੌਰ 'ਤੇ ਅਦਾਕਾਰਾ ਅਤੇ ਸਟਾਫ ਵਿਚਕਾਰ ਬਹਿਸ ਹੁੰਦੀ ਦਿਸ ਰਹੀ ਹੈ। ਸ਼ਿਕਾਇਤਕਰਤਾ ਨੇ ਦੋਸ਼ ਲਗਾਇਆ ਕਿ ਕਲਪਿਕਾ ਨੇ ਬਿੱਲ ਦਾ ਭੁਗਤਾਨ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਕਿਹਾ ਕਿ ਉਨ੍ਹਾਂ ਨੇ ਜੋ ਚੀਜ਼ਕੇਕ ਆਰਡਰ ਕੀਤਾ ਸੀ, ਉਸ ਦਾ ਪੈਸਾ ਨਾ ਲਿਆ ਜਾਵੇ, ਕਿਉਂਕਿ ਦੂਜੇ ਕਲੱਬਾਂ ਵਿਚ ਮਿੱਠੀ ਚੀਜ਼ ਮੁਫਤ ਵਿੱਚ ਪਰੋਸੀ ਜਾਂਦੀ ਹੈ। ਸ਼ਿਕਾਇਤਕਰਤਾ ਨੇ ਕਿਹਾ ਕਿ ਕਲਪਿਕਾ ਨੂੰ ਮੁਫ਼ਤ 'ਬ੍ਰਾਊਨੀ' ਦੀ ਪੇਸ਼ਕਸ਼ ਕੀਤੀ ਗਈ ਸੀ ਪਰ ਉਨ੍ਹਾਂ ਚੀਜ਼ਕੇਕ ਦੇ ਪੈਸੇ ਹਟਾਏ ਜਾਣ ਤੱਕ ਬਿੱਲ ਦਾ ਭੁਗਤਾਨ ਕਰਨ ਤੋਂ ਇਨਕਾਰ ਕਰ ਦਿੱਤਾ।
ਇਹ ਵੀ ਪੜ੍ਹੋ: ਅਦਾਕਾਰਾ ਦੇ ਗਲ਼ ਪੈ ਗਈ 'Free' ਦੀ FIR ! ਹੈਰਾਨ ਕਰ ਦੇਵੇਗਾ ਪੂਰਾ ਮਾਮਲਾ
ਐੱਫ.ਆਈ.ਆਰ. ਵਿੱਚ ਕਿਹਾ ਗਿਆ ਹੈ ਕਿ ਜਦੋਂ ਸਟਾਫ ਨੇ ਬਿਲਿੰਗ ਨੀਤੀ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ, ਤਾਂ ਅਦਾਕਾਰਾ ਨੇ ਜਨਰਲ ਮੈਨੇਜਰ ਅਤੇ ਡਿਪਟੀ ਜਨਰਲ ਮੈਨੇਜਰ ਨਾਲ "ਦੁਰਵਿਵਹਾਰ" ਕੀਤਾ ਅਤੇ ਜਨਰਲ ਮੈਨੇਜਰ ਦਾ ਅਪਮਾਨ ਕੀਤਾ। ਐੱਫ.ਆਈ.ਆਰ. ਵਿੱਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੇ ਬ੍ਰਾਊਨੀ ਦੀ ਪਲੇਟ ਸੁੱਟ ਦਿੱਤੀ ਜਿਸ ਨਾਲ ਵਿਵਾਦ ਵਧ ਗਿਆ। ਸ਼ਿਕਾਇਤਕਰਤਾ ਨੇ ਅਦਾਕਾਰਾ 'ਤੇ ਜਾਇਦਾਦ ਨੂੰ ਨੁਕਸਾਨ ਪਹੁੰਚਾਉਣ ਅਤੇ ਸੋਸ਼ਲ ਮੀਡੀਆ 'ਤੇ ਝੂਠੇ ਦੋਸ਼ ਲਗਾ ਕੇ ਕਲੱਬ ਅਤੇ ਇਸਦੇ ਸਟਾਫ ਨੂੰ ਬਦਨਾਮ ਕਰਨ ਦਾ ਦੋਸ਼ ਲਗਾਇਆ। ਕਲਪਿਕਾ ਨੇ ਕਈ ਫਿਲਮਾਂ ਵਿੱਚ ਕੰਮ ਕੀਤਾ ਹੈ, ਜਿਸ ਵਿੱਚ ਅੱਲੂ ਅਰਜੁਨ ਸਟਾਰਰ "ਜੁਲਾਈ" ਸ਼ਾਮਲ ਹੈ।
ਇਹ ਵੀ ਪੜ੍ਹੋ: ਅਦਾਕਾਰਾ ਕਰਿਸ਼ਮਾ ਕਪੂਰ ਦੇ Ex Husband ਦੀ ਖੇਡਦੇ-ਖੇਡਦੇ ਹੋਈ ਦਰਦਨਾਕ ਮੌਤ, ਜਾਣੋ ਕੀ ਰਿਹਾ ਅਸਲ ਕਾਰਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹਨੀਮੂਨ ਵਿਚਾਲੇ ਡਾਕਟਰ ਕੋਲ ਪਹੁੰਚੀ ਨਵੀਂ ਦੁਲਹਨ ਹਿਨਾ ਖਾਨ, ਹੋ ਗਈ ਇਹ ਸਮੱਸਿਆ
NEXT STORY 
