ਮੁੰਬਈ (ਬਿਊਰੋ)– ‘ਬਿੱਗ ਬੌਸ 17’ ’ਚ ਦੋ ਵਾਈਲਡਕਾਰਡ ਸਮਰਥ ਜੁਰੇਲ ਤੇ ਮਨਸਵੀ ਮਮਗਈ ਦੀ ਐਂਟਰੀ ਹੋਈ ਹੈ, ਜਿਨ੍ਹਾਂ ਦਾ ਆਉਣਾ ਘਰ ਦੇ ਮੈਂਬਰਾਂ ਦੀ ਨੀਂਦ ਉਡਾ ਰਿਹਾ ਹੈ ਜਾਂ ਨਹੀਂ ਪਰ ਇਹ ਯਕੀਨੀ ਤੌਰ ’ਤੇ ਅਭਿਸ਼ੇਕ ਕੁਮਾਰ ਦੀ ਖ਼ੁਸ਼ੀ ਤੇ ਸ਼ਾਂਤੀ ਨੂੰ ਖੋਹ ਰਿਹਾ ਹੈ ਕਿਉਂਕਿ ਸਮਰਥ ਜੁਰੇਲ ਨੇ ਈਸ਼ਾ ਮਾਲਵੀਆ ਦੇ ਮੌਜੂਦਾ ਬੁਆਏਫ੍ਰੈਂਡ ਦੇ ਤੌਰ ’ਤੇ ਐਂਟਰੀ ਕੀਤੀ ਸੀ। ਇਸ ਨਾਲ ਨਾ ਸਿਰਫ ‘ਬਿੱਗ ਬੌਸ 17’ ਦੇ ਮੁਕਾਬਲੇਬਾਜ਼, ਸਗੋਂ ਦਰਸ਼ਕ ਵੀ ਹੈਰਾਨ ਹਨ। ਇੰਨਾ ਹੀ ਨਹੀਂ, ਪ੍ਰਸ਼ੰਸਕ ਸੋਸ਼ਲ ਮੀਡੀਆ ’ਤੇ ਈਸ਼ਾ ਮਾਲਵੀਆ, ਅਭਿਸ਼ੇਕ ਕੁਮਾਰ ਤੇ ਸਮਰਥ ਜੁਰੇਲ ਦੇ ਟਵਿਸਟ ਨੂੰ ਦੇਖ ਰਹੇ ਹਨ ਤੇ ਕਹਿ ਰਹੇ ਹਨ, ‘ਯੇ ਰਿਸ਼ਤਾ ਕਯਾ ਕਹਿਲਾਤਾ ਹੈ’। ਇਸ ਦੌਰਾਨ ਸ਼ੋਅ ਦਾ ਇਕ ਧਮਾਕੇਦਾਰ ਪ੍ਰੋਮੋ ਆਇਆ ਹੈ, ਜਿਸ ’ਚ ਅਭਿਸ਼ੇਕ ਤੇ ਸਮਰਥ ਵਿਚਾਲੇ ਲੜਾਈ ਹੁੰਦੀ ਨਜ਼ਰ ਆ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਇਕ ਹਾਦਸੇ ਮਗਰੋਂ ਸ਼ਰਾਬ ਤੇ ਨਸ਼ੇ ਦੇ ਆਦੀ ਹੋ ਗਏ ਸਨ ਮੈਥਿਊ ਪੇਰੀ, ਜਾਣੋ ਕੌਣ ਸਨ ‘ਫ੍ਰੈਂਡਜ਼’ ਦੇ ‘ਚੈਂਡਲਰ ਬਿੰਗ’?
ਆਉਣ ਵਾਲੇ ਐਪੀਸੋਡ ਦਾ ਪ੍ਰੋਮੋ ਖ਼ਬਰੀ ਦੇ ਟਵਿਟਰ ਪੇਜ ’ਤੇ ਸ਼ੇਅਰ ਕੀਤਾ ਗਿਆ ਹੈ, ਜਿਸ ’ਚ ਈਸ਼ਾ ਸਮਰਥ ਨਾਲ ਆਪਣੇ ਰਿਸ਼ਤੇ ਬਾਰੇ ਗੱਲ ਕਰਦੀ ਨਜ਼ਰ ਆ ਰਹੀ ਹੈ, ਜਦਕਿ ਅਭਿਸ਼ੇਕ ਰੋਂਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਤੋਂ ਬਾਅਦ ਜਦੋਂ ਸਮਰਥ ਨੂੰ ਪਰਿਵਾਰ ਦੇ ਸਾਹਮਣੇ ਈਸ਼ਾ ਨੂੰ ਝੂਠਾ ਕਹਿੰਦਿਆਂ ਦੇਖਿਆ ਜਾਂਦਾ ਹੈ ਤਾਂ ਅਭਿਸ਼ੇਕ ਗੁੱਸੇ ’ਚ ਆ ਜਾਂਦਾ ਹੈ ਤੇ ਦੋਵਾਂ ਵਿਚਾਲੇ ਜ਼ਬਰਦਸਤ ਲੜਾਈ ਹੁੰਦੀ ਨਜ਼ਰ ਆਉਂਦੀ ਹੈ।
ਪ੍ਰੋਮੋ ਦੇ ਅਗਲੇ ਹਿੱਸੇ ’ਚ ਅਰਬਾਜ਼ ਖ਼ਾਨ ਤੇ ਸੋਹੇਲ ਖ਼ਾਨ ਪਰਿਵਾਰਕ ਮੈਂਬਰਾਂ ਨਾਲ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਉਹ ਪਰਿਵਾਰਕ ਮੈਂਬਰਾਂ ਨੂੰ ਵੀ ਟਰੋਲ ਕਰਦੇ ਹਨ, ਜਿਸ ਨੂੰ ਦੇਖ ਕੇ ਪ੍ਰਸ਼ੰਸਕ ਕਹਿ ਰਹੇ ਹਨ ਕਿ ਆਉਣ ਵਾਲਾ ਐਪੀਸੋਡ ਦਿਲਚਸਪ ਹੋਣ ਵਾਲਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
21 ਮਿਲੀਅਨ ਤੋਂ ਵਧ ਵਾਰ ਦੇਖਿਆ ਗਿਆ ‘ਐਨੀਮਲ’ ਫ਼ਿਲਮ ਦਾ ਗੀਤ ‘ਸਤਰੰਗਾ’
NEXT STORY 
