ਨਵੀਂ ਦਿੱਲੀ : ਟੀ. ਵੀ. ਜਗਤ ਦੇ ਚਰਚਿਤ ਪ੍ਰੋਗਰਾਮਾਂ 'ਚੋਂ ਇੱਕ ‘ਨਾਗਿਨ’ ਦਾ ਪੰਜਵਾਂ ਸੀਜਨ ਲਾਂਚ ਹੋ ਚੁੱਕਾ ਹੈ। ਨਵੇਂ ਸੀਜਨ ਆਉਣ ਦੇ ਨਾਲ ਹੀ ਨਵੇਂ-ਨਵੇਂ ਕਿਰਦਾਰ ਵੀ ਦੇਖਣ ਨੂੰ ਮਿਲ ਰਹੇ ਹਨ, ਜਿਨ੍ਹਾਂ ਨੂੰ ਟੀ. ਵੀ. ਜਗਤ ਦੇ ਫੇਮਸ ਆਰਟਿਸਟ ਨਿਭਾ ਰਹੇ ਹਨ। ਇਸ ਵਾਰ ਦੇ ਸੀਜਨ 'ਚ ਨਾਗਿਨ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਦੀ ਕਾਫ਼ੀ ਚਰਚਾ ਹੋ ਰਹੀ ਹੈ। ਇਹ ਅਦਾਕਾਰਾ ਪਰਦੇ 'ਤੇ ਹਮੇਸ਼ਾ ਇਕ ਨੰਹੂ ਦੇ ਕਿਰਦਾਰ 'ਚ ਨਜ਼ਰ ਆਉਂਦੀ ਹੈ, ਜੋ ਇਸ ਵਾਰ ਨਾਗਿਨ ਬਣ ਕੇ ਆਪਣੇ ਪਿਆਰ ਦਾ ਬਦਲਾ ਲੈਂਦੀ ਨਜ਼ਰ ਆਉਣ ਵਾਲੀ ਹੈ।
ਏਕਤਾ ਕਪੂਰ ਨੇ ਆਪਣੇ ਆਫੀਸ਼ੀਅਲ ਇੰਸਟਾਗ੍ਰਾਮ ਅਕਾਊਂਟ 'ਤੇ 'ਨਾਗਿਨ-5' ਦੀ ਨਵੀਂ ਨਾਗਿਨ ਨੂੰ ਇੰਟਰੋਡੀਊਸ ਕੀਤਾ ਹੈ। ਉਨ੍ਹਾਂ ਨੇ ਆਪਣੇ ਪੋਸਟ 'ਚ ਨਾਗਿਨ ਅੰਦਾਜ਼ 'ਚ ਨਜ਼ਰ ਆ ਰਹੀ ਅਦਾਕਾਰਾ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ, ਜੋ ਕਾਫ਼ੀ ਗਲੈਮਰਸ ਵੀ ਹਨ। ਇਹ ਲੁੱਕ ਸਾਂਝੀ ਕਰਦੇ ਹੋਏ ਏਕਤਾ ਕਪੂਰ ਨੇ ਲਿਖਿਆ ਹੈ 'ਖ਼ੁਲਾਸਾ ਨਵੀਂ ਨਾਗਿਨ ਦਾ...ਪੁਨਰਜਨਮ...ਆ ਰਹੀ ਹੈ ਆਪਣੇ ਪਿਆਰ ਦੇ ਬਦਲੇ ਲਈ। ਇਸ ਤੋਂ ਪਤਾ ਚਲ ਰਿਹਾ ਹੈ ਕਿ ਇਸ ਨਾਗਿਨ ਦਾ ਕਿਰਦਾਰ ਕਾਫ਼ੀ ਖ਼ਤਰਨਾਕ ਹੋਣ ਵਾਲਾ ਹੈ।
ਇਸ ਵਾਰ ਨਾਗਿਨ ਦੇ ਰੂਪ 'ਚ ਟੀ. ਵੀ. ਅਦਾਕਾਰਾ ਸੁਰਭੀ ਚਾਂਦਨਾ ਨਿਭਾਅ ਰਹੀ ਹੈ, ਜੋ ਇਸ ਤੋਂ ਪਹਿਲਾਂ ਵੀ ਸ਼ੋਅ ‘ਇਛਕਬਾਜ’ 'ਚ ਇਕ ਨੰਹੂ ਦੇ ਰੂਪ 'ਚ ਨਜ਼ਰ ਆਈ ਸੀ। ਹੁਣ ਸੁਰਭੀ ਇੱਕ ਨਾਗਿਨ ਦੇ ਰੂਪ 'ਚ ਨਜ਼ਰ ਆਵੇਗੀ, ਜਿਨ੍ਹਾਂ ਦਾ ਲੁੱਕ ਸਾਂਝਾ ਕਰ ਦਿੱਤਾ ਹੈ। ਹੁਣ ਆਈ ਨਾਗਿਨ ਦੀ ਲੁੱਕ ਨੂੰ ਲੋਕ ਕਾਫ਼ੀ ਪਸੰਦ ਕਰ ਰਹੇ ਹਨ ਅਤੇ ਉਨ੍ਹਾਂ ਦੀ ਤਾਰੀਫ਼ ਕਰ ਰਹੇ ਹਨ। ਹੁਣ ਦੇਖਣਾ ਇਹ ਹੈ ਕਿ ਸ਼ੋਅ 'ਚ ਸੁਰਭੀ ਕਿਰਦਾਰ ਅਤੇ ਐਕਟਿੰਗ ਨੂੰ ਕਿੰਨਾ ਪਸੰਦ ਕੀਤਾ ਜਾਂਦਾ ਹੈ।
ਦਿਲਜੀਤ ਦੋਸਾਂਝ ਨੂੰ ਹਿੰਦੂ ਤਿਉਹਾਰਾਂ ਬਾਰੇ ਯੂਜਰ ਨੇ ਪੁੱਛਿਆ ਸਵਾਲ, ਜਵਾਬ ਸੁਣ ਛਾਈ ਖ਼ਾਮੋਸ਼ੀ
NEXT STORY 
