ਮੁੰਬਈ - ਪੂਰੀ ਦੁਨੀਆ ਵਿਚ ਸ਼ਲਾਘਾ ਹਾਸਲ ਕਰਨ ਤੋਂ ਬਾਅਦ ਫਿਲਮ ‘ਕੈਨੇਡੀ’ ਹੁਣ ਭਾਰਤ ਵਿਚ 20 ਫਰਵਰੀ ਨੂੰ ਜੀ5 ’ਤੇ ਰਿਲੀਜ਼ ਹੋ ਚੁੱਕੀ ਹੈ। ਅੰਤਰਰਾਸ਼ਟਰੀ ਫਿਲਮ ਪ੍ਰੋਗਰਾਮਾਂ ਵਿਚ ਮਿਲੀ ਜ਼ਬਰਦਸਤ ਪ੍ਰਤੀਕਿਰਿਆ, ਖ਼ਾਸ ਕਰਕੇ ਕਾਨਜ਼ ਫਿਲਮ ਫੈਸਟੀਵਲ ਵਿਚ ਸੱਤ ਮਿੰਟ ਦੇ ਸਟੈਂਡਿੰਗ ਓਵੇਸ਼ਨ ਨੇ ਇਸ ਫਿਲਮ ਨੂੰ ਖ਼ਾਸ ਬਣਾ ਦਿੱਤਾ। ਇਸ ਫਿਲਮ ਵਿਚ ਸੰਨੀ ਲਿਓਨੀ ਅਤੇ ਰਾਹੁਲ ਭੱਟ ਮੁੱਖ ਕਲਾਕਾਰਾਂ ਦੇ ਰੂਪ ਵਿਚ ਨਜ਼ਰ ਆ ਰਹੇ ਹਨ। ਇਸ ਕੜੀ ਵਿਚ ਸੰਨੀ ਲਿਓਨੀ ਤੇ ਰਾਹੁਲ ਭੱਟ ਨੇ ਪੰਜਾਬ ਕੇਸਰੀ/ਨਵੋਦਿਆ ਟਾਈਮਜ਼/ਜਗ ਬਾਣੀ/ਹਿੰਦ ਸਮਾਚਾਰ ਨਾਲ ਖ਼ਾਸ ਗੱਲਬਾਤ ਕੀਤੀ। ਪੇਸ਼ ਹਨ ਮੁੱਖ ਅੰਸ਼...
ਸੰਨੀ ਲਿਓਨੀ
ਅਨੁਰਾਗ ਸਰ ਖ਼ੁਦ ਬੇਹੱਦ ਸਹਿਜ ਅਤੇ ਪਿਆਰੇ ਇਨਸਾਨ
ਪ੍ਰ. ਕਾਸਟਿੰਗ ਪ੍ਰੋਸੈੱਸ ਕਿਵੇਂ ਦਾ ਸੀ?
ਸਭ ਤੋਂ ਪਹਿਲਾਂ ਅਨੁਰਾਗ ਸਰ ਨੇ ਮੇਰੇ ਪਤੀ ਡੈਨੀਅਲ ਨੂੰ ਕਾਲ ਕੀਤੀ। ਡੈਨੀਅਲ ਨੇ ਉਨ੍ਹਾਂ ਨੂੰ ਕਿਹਾ ਕਿ ਤੁਸੀਂ ਮੈਨੂੰ ਕਿਉਂ ਕਾਲ ਕਰ ਰਹੇ ਹੋ? ਸਿੱਧੇ ਸੰਨੀ ਨੂੰ ਕਾਲ ਕਰੋ। ਫਿਰ ਅਨੁਰਾਗ ਸਰ ਦਾ ਫੋਨ ਮੈਨੂੰ ਆਇਆ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਕੋਲ ਇਕ ਫਿਲਮ ਹੈ ਤੇ ਉਹ ਚਾਹੁੰਦੇ ਹਨ ਕਿ ਮੈਂ ਇਕ ਕਿਰਦਾਰ ਲਈ ਆਡੀਸ਼ਨ ਦੇਵਾਂ। ਮੈਂ ਤੁਰੰਤ ਹਾਂ ਕਰ ਦਿੱਤੀ ਪਰ ਫੋਨ ਰੱਖਦਿਆਂ ਹੀ ਮੈਂ ਬਹੁਤ ਨਰਵਸ ਹੋ ਗਈ। ਕਾਫ਼ੀ ਸਮੇਂ ਬਾਅਦ ਮੈਂ ਆਡੀਸ਼ਨ ਦੇਣ ਜਾ ਰਹੀ ਸੀ। ਮੈਂ ਉਨ੍ਹਾਂ ਤੋਂ ਸਕ੍ਰਿਪਟ ਮੰਗੀ। ਉਨ੍ਹਾਂ ਨੇ ਕਿਹਾ ਕਿ ਲੋੜ ਨਹੀਂ ਹੈ ਪਰ ਮੈਂ ਜ਼ਿੱਦ ਕੀਤੀ, ਖ਼ਾਸ ਤੌਰ ’ਤੇ ਜੇ ਡਾਇਲਾਗ ਹਿੰਦੀ ਵਿਚ ਹਨ ਤਾਂ ਸਕ੍ਰਿਪਟ ਮੈਨੂੰ ਪਹਿਲਾਂ ਚਾਹੀਦੀ ਸੀ। ਬਾਅਦ ਵਿਚ ਪਤਾ ਲੱਗਾ ਕਿ ਇਹ ਸਭ ਇਕ ਤਰ੍ਹਾਂ ਦਾ ਟੈਸਟ ਸੀ। ਉਹ ਸਿਰਫ਼ ਇਹ ਦੇਖਣਾ ਚਾਹੁੰਦੇ ਸੀ ਕਿ ਮੈਂ ਸਮੇਂ ’ਤੇ ਪਹੁੰਚਦੀ ਹਾਂ ਜਾਂ ਨਹੀਂ, ਕਿੰਨੀ ਗੰਭੀਰ ਹਾਂ। ਜਦੋਂ ਮੈਂ ਆਡੀਸ਼ਨ ਲਈ ਗਈ ਤਾਂ ਸਿਰਫ਼ ਅਨੁਰਾਗ ਸਰ ਹੀ ਨਹੀਂ, ਪੂਰਾ ਦਫ਼ਤਰ ਉੱਥੇ ਮੌਜੂਦ ਸੀ। ਇਕ ਕਮਰੇ ਵਿਚ ਸਾਰੇ ਬੈਠੇ ਸੀ ਅਤੇ ਮੈਨੂੰ ਦੇਖ ਰਹੇ ਸੀ। ਉਹ ਬੇਹੱਦ ਨਰਵ-ਰੈਕਿੰਗ ਸੀ। ਮੈਨੂੰ ਇਹ ਫਿਲਮ ਮਿਲੀ ਅਤੇ ਮੈਂ ਬਹੁਤ ਮਾਣ ਮਹਿਸੂਸ ਕਰ ਰਹੀ ਸੀ।
ਪ੍ਰ. ਕਾਨਜ਼ ਵਿਚ ਸੱਤ ਮਿੰਟ ਦਾ ਸਟੈਂਡਿੰਗ ਓਵੇਸ਼ਨ, ਕੀ ਉਸ ਪਲ ਨੇ ਤੁਹਾਨੂੰ ਬਦਲਿਆ?
ਉਹ ਅਨੁਭਵ ਜ਼ਿੰਦਗੀ ਬਦਲ ਦੇਣ ਵਾਲਾ ਸੀ। ਇਕ ਕਲਾਕਾਰ ਦੇ ਤੌਰ ’ਤੇ ਤੁਸੀਂ ਹਮੇਸ਼ਾ ਸੁਪਨੇ ਦੇਖਦੇ ਹੋ ਕਿ ਜਿਨ੍ਹਾਂ ਲੋਕਾਂ ਨੂੰ ਬਚਪਨ ਤੋਂ ਦੇਖਦੇ ਆਏ ਹੋ, ਉਨ੍ਹਾਂ ਨਾਲ ਇਕ ਹੀ ਰੈੱਡ ਕਾਰਪੇਟ ’ਤੇ ਚੱਲੀਏ। ਮੈਨੂੰ ਅੰਦਾਜ਼ਾ ਵੀ ਨਹੀਂ ਸੀ ਕਿ ਸਟੈਂਡਿੰਗ ਓਵੇਸ਼ਨ ਮਿਲੇਗਾ। ਜਦੋਂ ਲੋਕ ਖੜ੍ਹੇ ਹੋ ਕੇ ਤਾੜੀਆਂ ਵਜਾ ਰਹੇ ਸਨ ਤਾਂ ਸਮਝ ਹੀ ਨਹੀਂ ਆਇਆ ਕੀ ਹੋ ਰਿਹਾ ਹੈ। ਉਸ ਕਮਰੇ ਦੀ ਐਨਰਜੀ ’ਤੇ ਯਕੀਨ ਨਹੀਂ ਸੀ ਹੋ ਰਿਹਾ। ਇਹ ਸਿਰਫ਼ ਫਿਲਮ ਦੀ ਸਫ਼ਲਤਾ ਨਹੀਂ ਸੀ ਬਲਕਿ ਮੇਰੀ ਪੂਰੀ ਯਾਤਰਾ ਦਾ ਇਕ ਮੁਕਾਮ ਸੀ। ਜਿੱਥੋਂ ਸ਼ੁਰੂਆਤ ਹੋਈ ਸੀ, ਉੱਥੋਂ ਉਸ ਮੰਚ ਤੱਕ ਪਹੁੰਚਣਾ ਇਹ ਇਕ ਸੁਪਨਾ ਸੀ ਜੋ ਹਕੀਕਤ ਬਣ ਗਿਆ।
ਪ੍ਰ. ਅਨੁਰਾਗ ਕਸ਼ਯਪ ਨਾਲ ਕੰਮ ਕਰਨ ਦਾ ਅਨੁਭਵ ਕਿਹੋ ਜਿਹਾ ਰਿਹਾ?
ਉਹ ਇਕ ਵੱਡੇ ਜਿਹੇ ਟੈਡੀ ਬੀਅਰ ਵਰਗੇ ਹਨ। ਤੁਸੀਂ ਉਨ੍ਹਾਂ ਨੂੰ ਗਲੇ ਲਾਉਣਾ ਚਾਹੋਗੇ। ਅਸੀਂ ਸੈੱਟ ’ਤੇ ਬਹੁਤ ਨਿੱਜੀ ਗੱਲਾਂ ਸਾਂਝੀਆਂ ਕੀਤੀਆਂ , ਸਾਡਾ ਪਾਲਣ-ਪੋਸ਼ਣ, ਜ਼ਿੰਦਗੀ ਦੇ ਅਨੁਭਵ। ਉਹ ਗੱਲਬਾਤ ਬੇਹੱਦ ਆਰਗੈਨਿਕ ਸੀ। ਉਨ੍ਹਾਂ ਨਾਲ ਕੰਮ ਕਰਨਾ ਸਭ ਤੋਂ ਆਸਾਨ ਅਨੁਭਵਾਂ ’ਚੋਂ ਇਕ ਸੀ। ਉਹ ਤਿਆਰੀ ਲਈ ਪੂਰਾ ਸਮਾਂ ਦਿੰਦੇ ਹਨ। ਕਈ ਨਿਰਦੇਸ਼ਕ ਕਹਿੰਦੇ ਹਨ ਕਿ ਕੱਲ ਤੋਂ ਸ਼ੂਟਿੰਗ ਸ਼ੁਰੂ ਪਰ ਅਨੁਰਾਗ ਸਰ ਦੇ ਨਾਲ ਸਭ ਕੁਝ ਪਹਿਲਾਂ ਤੋਂ ਤਿਆਰ ਸੀ। ਸੈੱਟ ’ਤੇ ਮਾਹੌਲ ਭਾਵੇਂ ਗੰਭੀਰ ਹੋਵੇ ਡਿਮ ਲਾਈਟ, ਡੂੰਘਾ ਸੀਨ ਪਰ ਉਹ ਖ਼ੁਦ ਬੇਹੱਦ ਸਹਿਜ ਅਤੇ ਪਿਆਰੇ ਇਨਸਾਨ ਹਨ।
ਰਾਹੁਲ ਭੱਟ
ਇਹ ਕਿਰਦਾਰ ਸੀਨੇ ’ਤੇ ਬੋਝ ਵਰਗਾ ਸੀ
ਪ੍ਰ. ਇਸ ਫਿਲਮ ਲਈ ਤੁਹਾਡੀ ਕਾਸਟਿੰਗ ਕਿਵੇਂ ਹੋਈ ਸੀ?
ਮੇਰਾ ਅਤੇ ਅਨੁਰਾਗ ਕਸ਼ਯਪ ਦਾ ਰਿਸ਼ਤਾ ਹਮੇਸ਼ਾ ਭਰੋਸੇ ਅਤੇ ਸਮਝ ’ਤੇ ਟਿਕਿਆ ਰਿਹਾ ਹੈ। ਮੈਂ ਕਦੇ ਉਨ੍ਹਾਂ ਤੋਂ ਕਿਸੇ ਫਿਲਮ ਵਿਚ ਮੈਨੂੰ ਕਾਸਟ ਕਰਨ ਦੀ ਜ਼ਿੱਦ ਨਹੀਂ ਕੀਤੀ ਬਲਕਿ ਕਈ ਵਾਰ ਉਨ੍ਹਾਂ ਨਾਲ ਬੈਠ ਕੇ ਕਿਸੇ ਹੋਰ ਅਦਾਕਾਰ ਨੂੰ ਲੈਣ ਦੀ ਸਲਾਹ ਵੀ ਦਿੱਤੀ। ਇਕ ਦਿਨ ਉਨ੍ਹਾਂ ਨੇ ਇਸੇ ਤਰ੍ਹਾਂ ਹੀ ਇਕ ਹਨ੍ਹੇਰੇ ਤੇ ਰਹੱਸਮਈ ਕਿਰਦਾਰ ਦੀ ਕਹਾਣੀ ਸੁਣਾਈ ਅਤੇ ਮੁੰਬਈ ਪਰਤ ਕੇ ਕਿਹਾ ਕਿ ਬਿਲਕੁਲ ਪਤਲੇ ਹੋ ਜਾਓ, ਜਿਵੇਂ ਗ਼ਾਇਬ ਹੋ ਗਏ ਹੋ। ਮੈਂ 7-8 ਕਿੱਲੋ ਭਾਰ ਘੱਟ ਵੀ ਕਰ ਲਿਆ। ਫਿਰ ਅਚਾਨਕ ਉਨ੍ਹਾਂ ਨੇ ਕਿਹਾ ਕਿ ਹੁਣ ਪਹਿਲਵਾਨ ਬਣਨਾ ਹੈ ਸਾਨ੍ਹ ਵਰਗਾ ਅਤੇ ਮੈਨੂੰ ਬੁਲਹੈੱਡ ਦੇਖਣ ਨੂੰ ਕਿਹਾ।
ਮੈਂ ਹੈਰਾਨ ਸੀ ਕਿ ਪਹਿਲਾਂ ਪਤਲਾ ਕੀਤਾ ਤੇ ਹੁਣ ਮੋਟਾ ਕਰ ਰਹੇ ਹਨ। ਮੈਂ ਦੋ ਮਹੀਨੇ ਸਖ਼ਤ ਮਿਹਨਤ ਕਰ ਕੇ ਸਰੀਰ ਬਣਾਇਆ ਪਰ ਉਨ੍ਹਾਂ ਦਾ ਫੋਨ ਨਹੀਂ ਆਇਆ ਤਾਂ ਲੱਗਾ ਸਭ ਬੇਕਾਰ ਗਿਆ। ਆਖ਼ਿਰਕਾਰ ਮੈਂ ਰਾਤ 12 ਵਜੇ ਆਪਣੀ ਫੋਟੋ ਭੇਜੀ ਤੇ ਇਕ ਮਿੰਟ ਵਿਚ ਉਨ੍ਹਾਂ ਦੀ ਕਾਲ ਆਈ ‘ਦਿਸ ਇਜ਼ ਮਾਈ ਕੈਨੇਡੀ’। ਇਸ ਤੋਂ ਬਾਅਦ ਸਕ੍ਰਿਪਟ ਆਈ ਤੇ ਅਸਲੀ ਤਿਆਰੀ ਸ਼ੁਰੂ ਹੋਈ।
ਪ੍ਰ. ਤੁਹਾਨੂੰ ਕਿਵੇਂ ਲੱਗਾ ਜਦੋਂ ਕਾਨਜ਼ ’ਚ ਸੱਤ ਮਿੰਟ ਦਾ ਸਟੈਂਡਿੰਗ ਓਵੇਸ਼ਨ ਮਿਲਿਆ?
ਕਾਨਸ ਦਾ ਗ੍ਰਾਂਡ ਲੁਮਿਏਰ ਥੀਏਟਰ, ਰੈੱਡ ਕਾਰਪੇਟ ਕਿਵੇਂ ਚੰਗਾ ਨਹੀਂ ਲੱਗੇਗਾ? ਉਹ ਰੈੱਡ ਕਾਰਪੇਟ ਦਿਖਣ ਵਿਚ ਬਹੁਤ ਲੰਬਾ ਲੱਗਦਾ ਹੈ ਪਰ ਅਸਲ ਵਿਚ ਸਿਰਫ਼ ਕੁਝ ਕਦਮਾਂ ਦਾ ਹੁੰਦਾ ਹੈ ਪਰ ਉਨ੍ਹਾਂ ਕੁਝ ਕਦਮਾਂ ਵਿਚ ਲੱਖਾਂ ਕੈਮਰੇ, ਇੰਟਰਨੈਸ਼ਨਲ ਮੀਡੀਆ, ਇਤਿਹਾਸ ਸਭ ਇਕੱਠਾ ਚੱਲ ਰਿਹਾ ਹੁੰਦਾ ਹੈ। ਮੈਂ ਬਸ ਸ਼ੁਕਰਗੁਜ਼ਾਰ ਹਾਂ ਕਿ ਜ਼ਿੰਦਗੀ ’ਚ ਇਹ ਦੇਖਣ ਨੂੰ ਮਿਲਿਆ। ਉਹ ਅਹਿਸਾਸ ਹਮੇਸ਼ਾ ਨਾਲ ਰਹੇਗਾ।
ਪ੍ਰ. ‘ਕੈਨੇਡੀ’ ਦਾ ਕਿਰਦਾਰ ਬੇਹੱਦ ਕਰੂਰ ਤੇ ਰੂਥਲੈੱਸ ਹੈ। ਕੀ ਇਹ ਤੁਹਾਡੇ ਲਈ ਲਿਬ੍ਰੇਟਿੰਗ ਸੀ ਜਾਂ ਐਕਜ਼ਾਸਟਿੰਗ?
ਇਹ ਬਿਲਕੁਲ ਵੀ ਲਿਬ੍ਰੇਟਿੰਗ ਨਹੀਂ ਸੀ। ਇਹ ਬੇਹੱਦ ਬੋਝਲ ਸੀ। ਮੈਨੂੰ ਸੱਚਮੁੱਚ ਲੱਗਦਾ ਸੀ ਜਿਵੇਂ ਕੋਈ ਮੇਰੇ ਸੀਨੇ ’ਤੇ ਬੈਠਾ ਹੈ। ਉਹ ਕਿਰਦਾਰ ਜ਼ਮੀਨ ਹੇਠਾਂ ਰਹਿਣ ਵਾਲੇ ਰਾਖਸ਼ ਵਰਗਾ ਹੈ। ਉਸ ਦਾ ਕਤਲ ਕਰਨਾ ਆਮ ਗੱਲ ਹੈ ਜਿਵੇਂ ਕੋਈ ਚਾਹ ਪੀਂਦਾ ਹੈ। ਉਸ ਦੀ ਸਾਈਕੋਲੋਜੀ ਵਿਚ ਵੜਨਾ ਆਸਾਨ ਨਹੀਂ ਸੀ। ਮੈਂ ਇਸ ਕਿਰਦਾਰ ਤੋਂ ਛੁਟਕਾਰਾ ਪਾਉਣ ਲਈ ਉਤਸ਼ਾਹਿਤ ਸੀ। ਜਦੋਂ ਸ਼ੂਟ ਖ਼ਤਮ ਹੋਇਆ ਤੇ ਮੈਂ ਸ਼ੇਵ ਕੀਤੀ, ਵਾਲ ਕਟਵਾਏ ਉਹ ਅਸਲੀ ਲਿਬਰੇਸ਼ਨ ਸੀ। ਮੈਂ ਉਸ ਤੋਂ ਛੁਟਕਾਰਾ ਚਾਹੁੰਦਾ ਸੀ।
ਹਸਪਤਾਲ ਦਾਖ਼ਲ ਸਲਮਾਨ ਦੇ ਪਿਤਾ ਨੂੰ ਮਿਲਣ ਪਹੁੰਚੀ ਸਚਿਨ ਦੀ ਪਤਨੀ ! ਜਾਣੋ ਸਲੀਮ ਖ਼ਾਨ ਦੀ ਤਾਜ਼ਾ ਹੈਲਥ ਅਪਡੇਟ
NEXT STORY 
