ਮੁੰਬਈ: ਚਮਕਦਾਰ ਡਰੈੱਸ ਬੀ-ਟਾਊਨ ਦੀਆਂ ਹਸੀਨਾਵਾਂ ਦੀ ਸਭ ਤੋਂ ਪਸੰਦੀਦਾ ਆਊਟਫਿੱਟ ’ਚੋਂ ਇਕ ਹੈ। ਮਲਾਇਕਾ ਅਰੋੜਾ, ਕਰੀਨਾ ਕਪੂਰ ਸਮੇਤ ਕਈ ਅਦਾਕਾਰਾ ਚਮਕਦਾਰ ਡਰੈੱਸ ’ਚ ਆਪਣੀ ਹੌਟ ਲੁੱਕ ਦਿਖਾ ਚੁੱਕੀਆਂ ਹਨ। ਉੱਧਰ ਹੁਣ ਜਾਹਨਵੀ ਕਪੂਰ ਦਾ ਨਾਂ ਵੀ ਇਸ ਲਿਸਟ ’ਚ ਸ਼ਾਮਲ ਹੋ ਗਿਆ ਹੈ।
ਹਾਲ ਹੀ ’ਚ ਅਦਾਕਾਰਾ ਜਾਹਨਵੀ ਕਪੂਰ ਨੇ ਚਮਕਦਾਰ ਡਰੈੱਸ ’ਚ ਆਪਣੀਆਂ ਖ਼ੂਬਸੂਰਤ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਲੁੱਕ ਦੀ ਗੱਲ ਕਰੀਏ ਤਾਂ ਜਾਹਨਵੀ ਪੀਚ ਰੰਗ ਦੀ ਸ਼ਾਰਟ ਚਮਕਦਾਰ ਡਰੈੱਸ ’ਚ ਬੋਲਡ ਦਿਖਾਈ ਦੇ ਰਹੀ ਹੈ।
ਜਾਹਨਵੀ ਨੇ ਮਿਨੀਮਲ ਮੇਕਅਪ ਅਤੇ ਖੁੱਲ੍ਹੇ ਵਾਲ਼ਾਂ ਨਾਲ ਆਪਣੀ ਲੁੱਕ ਨੂੰ ਪੂਰਾ ਕੀਤਾ ਹੈ। ਜਾਹਨਵੀ ਕੈਮਰੇ ਦੇ ਸਾਹਮਣੇ ਸਟਾਈਲਿਸ਼ ਅੰਦਾਜ਼ ’ਚ ਪੋਜ ਦੇ ਰਹੀ ਹੈ। ਪ੍ਰਸ਼ੰਸਕ ਉਸ ਦੀਆਂ ਇਨ੍ਹਾਂ ਤਸਵੀਰ ਨੂੰ ਕਾਫ਼ੀ ਪਸੰਦ ਕਰ ਰਹੇ ਹਨ।
ਫ਼ਿਲਮਾਂ ’ਚ ਕੰਮ ਦੀ ਗੱਲ ਕਰੀਏ ਤਾਂ ਜਾਹਨਵੀ ਕਪੂਰ ਦੀ ‘ਰੂਹੀ’ ਹਾਲ ਹੀ ’ਚ ਰਿਲੀਜ਼ ਹੋਈ ਹੈ। ਇਸ ਫ਼ਿਲਮ ’ਚ ਉਸ ਦੇ ਨਾਲ ਅਦਾਕਾਰ ਰਾਜਕੁਮਾਰ ਰਾਓ ਅਤੇ ਕਰਨ ਸ਼ਰਮਾ ਹਨ। ਲਾਕਡਾਊਨ ਤੋਂ ਬਾਅਦ ਪਹਿਲੇ ਵੱਡੇ ਬਜਟ ਵਾਲੀ ਫ਼ਿਲਮ ਹੈ ਜੋ ਸਿਨੇਮਾਘਰ ’ਚ ਰਿਲੀਜ਼ ਹੋਈ ਹੈ।
ਇਸ ਫ਼ਿਲਮ ਦੀ ਕਮਾਈ ਦੀ ਗੱਲ ਕਰੀਏ ਤਾਂ ਪਹਿਲੇ ਦਿਨ ‘ਰੂਹੀ’ ਨੇ ਲਗਭਗ 3 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਉੱਧਰ ਦੂਜੇ ਦਿਨ ਫ਼ਿਲਮ ਨੇ 2.25 ਕਰੋੜ ਦੀ ਕਮਾਈ ਕੀਤੀ ਹੈ। ਜਾਹਨਵੀ ਦੀਆਂ ਆਉਣ ਵਾਲੀਆਂ ਫ਼ਿਲਮਾਂ ‘ਗੁਡਲਕ ਜੈਰੀ’ ਅਤੇ ‘ਦੋਸਤਾਨਾ’ ਹੈ।
ਸਰਜਰੀ ਤੋਂ ਬਾਅਦ ਅਮਿਤਾਭ ਬੱਚਨ ਨੇ ਕੀਤਾ ਕਮਬੈਕ, ਪ੍ਰਸ਼ੰਸਕ ਹੋਏ ਹੈਰਾਨ
NEXT STORY 
