ਮੁੰਬਈ (ਬਿਊਰੋ) : ਬਾਲੀਵੁੱਡ ਦੇ ਕਿੰਗ ਖ਼ਾਨ ਸ਼ਾਹਰੁਖ ਖ਼ਾਨ ਨੇ ਆਪਣੇ ਪੁੱਤਰ ਆਰੀਅਨ ਖ਼ਾਨ ਦੀ ਡੈਬਿਊ ਸੀਰੀਜ਼ ਦਾ ਐਲਾਨ ਕਰ ਦਿੱਤਾ ਹੈ ਅਤੇ ਇਸ ਦੇ ਰਿਲੀਜ਼ ਨੂੰ ਲੈ ਕੇ ਵੱਡਾ ਅਪਡੇਟ ਵੀ ਦਿੱਤਾ ਹੈ। ਸ਼ਾਹਰੁਖ ਅਤੇ ਗੌਰੀ ਖ਼ਾਨ ਦੇ ਪ੍ਰੋਡਕਸ਼ਨ ਹਾਊਸ ਰੈੱਡ ਚਿਲੀਜ਼ ਨੇ ਆਰੀਅਨ ਦੀ ਡੈਬਿਊ ਸੀਰੀਜ਼ ਲਈ ਨੈੱਟਫਲਿਕਸ ਨਾਲ ਹੱਥ ਮਿਲਾਇਆ ਹੈ। ਗੌਰੀ ਬੇਟੇ ਆਰੀਅਨ ਦੀ ਡੈਬਿਊ ਸੀਰੀਜ਼ ਨੂੰ ਪ੍ਰੋਡਿਊਸ ਕਰ ਰਹੀ ਹੈ। ਬੀਤੀ ਰਾਤ ਸ਼ਾਹਰੁਖ ਅਤੇ ਨੈੱਟਫਲਿਕਸ ਨੇ ਆਰੀਅਨ ਦੀ ਡੈਬਿਊ ਸੀਰੀਜ਼ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ ਆਰੀਅਨ ਦੀ ਡੈਬਿਊ ਸੀਰੀਜ਼ 'ਤੇ ਕੰਗਨਾ ਰਣੌਤ ਦੀ ਪ੍ਰਤੀਕਿਰਿਆ ਆਈ ਹੈ।
ਸ਼ਾਹਰੁਖ ਨੇ ਕੀਤਾ ਐਲਾਨ
ਦੱਸ ਦੇਈਏ ਕਿ ਆਰੀਅਨ ਦੀ ਸੀਰੀਜ਼ ਦੇ ਨਾਂ ਦਾ ਐਲਾਨ ਨਹੀਂ ਕੀਤਾ ਗਿਆ ਹੈ। ਇਹ ਫ਼ਿਲਮ ਇੰਡਸਟਰੀ ਦੇ ਪਿਛੋਕੜ 'ਤੇ ਆਧਾਰਿਤ ਹੈ। ਪਿਛਲੇ ਹਫ਼ਤੇ ਲਾਸ ਏਂਜਲਸ 'ਚ ਵੀ ਇਸ ਸੰਬੰਧ 'ਚ ਇੱਕ ਈਵੈਂਟ ਆਯੋਜਿਤ ਕੀਤਾ ਗਿਆ ਸੀ। ਸ਼ਾਹਰੁਖ ਨੇ ਆਪਣੇ ਐਕਸ ਹੈਂਡਲ 'ਤੇ ਬੇਟੇ ਆਰੀਅਨ ਦੀ ਪਹਿਲੀ ਸੀਰੀਜ਼ ਦਾ ਐਲਾਨ ਕੀਤਾ ਹੈ। ਸ਼ਾਹਰੁਖ ਨੇ ਆਪਣੀ ਪੋਸਟ 'ਚ ਲਿਖਿਆ, ''ਇਹ ਬਹੁਤ ਖਾਸ ਹੈ, ਜਦੋਂ ਇੱਕ ਖਾਸ ਕਹਾਣੀ ਦਰਸ਼ਕਾਂ ਨੂੰ ਦਿਖਾਈ ਜਾਵੇਗੀ, ਅੱਜ ਇੱਕ ਹੋਰ ਵੀ ਖਾਸ ਦਿਨ ਹੈ ਕਿ ਰੈੱਡ ਚਿਲੀਜ਼ ਨੈੱਟਫਲਿਕਸ 'ਤੇ ਆਰੀਅਨ ਖ਼ਾਨ ਦੀ ਡੈਬਿਊ ਸੀਰੀਜ਼ ਲੈ ਕੇ ਆ ਰਹੀ ਹੈ। ਇਸ 'ਚ ਇੱਕ ਸ਼ਾਨਦਾਰ ਕਹਾਣੀ ਹੈ ਅਤੇ ਬਹੁਤ ਵਧੀਆ ਸੀਨ ਹੋਣਗੇ, ਇਸ ਦੇ ਨਾਲ ਬਹੁਤ ਮਜ਼ੇਦਾਰ ਅਤੇ ਜਜ਼ਬਾਤ ਹੋਣਗੇ। ਆਰੀਅਨ ਅੱਗੇ ਵਧੋ ਅਤੇ ਲੋਕਾਂ ਦਾ ਮਨੋਰੰਜਨ ਕਰੋ ਅਤੇ ਯਾਦ ਰੱਖੋ।' ਦੱਸ ਦੇਈਏ ਕਿ ਆਰੀਅਨ ਖਾਨ ਦੀ ਸੀਰੀਜ਼ 2025 ਵਿੱਚ ਸਟ੍ਰੀਮ ਹੋਣ ਜਾ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਮੁੱਖ ਮੰਤਰੀ ਨੇ ਫ਼ਿਲਮ ਨੂੰ ਲੈ ਕੇ ਕਰ 'ਤਾ ਵੱਡਾ ਐਲਾਨ, ਹਰ ਪਾਸੇ ਹੋਣ ਲੱਗੀ ਚਰਚਾ
ਕੰਗਨਾ ਨੇ ਕੀਤਾ ਆਰੀਅਨ 'ਤੇ ਕੁਮੈਂਟ
ਇਸ ਦੇ ਨਾਲ ਹੀ ਅਦਾਕਾਰਾ ਅਤੇ ਰਾਜਨੇਤਾ ਕੰਗਨਾ ਰਣੌਤ ਨੇ ਆਰੀਅਨ ਦੀ ਡੈਬਿਊ ਸੀਰੀਜ਼ ਦੇ ਐਲਾਨ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਕੰਗਨਾ ਰਣੌਤ ਨੇ ਆਪਣੀ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸ਼ੇਅਰ ਕੀਤੀ ਹੈ ਅਤੇ ਇੱਕ ਲੰਮਾ ਨੋਟ ਲਿਖਿਆ ਹੈ, ''ਇਹ ਬਹੁਤ ਚੰਗੀ ਗੱਲ ਹੈ ਕਿ ਇੱਕ ਫ਼ਿਲਮੀ ਪਰਿਵਾਰ ਤੋਂ ਆਉਣ ਵਾਲੇ ਬੱਚੇ ਨੇ ਫ਼ਿਲਮ ਨਿਰਦੇਸ਼ਨ ਦੀ ਚੋਣ ਕੀਤੀ ਹੈ ਨਾ ਕਿ ਐਕਟਿੰਗ, ਉਸ ਨੇ ਮੇਕਅੱਪ, ਭਾਰ ਘਟਾਉਣ ਦੀ ਬਜਾਏ ਵਧੀਆ ਕੰਮ ਨੂੰ ਚੁਣਿਆ ਹੈ, ਭਾਰਤੀ ਸਿਨੇਮਾ ਨੂੰ ਥੋੜਾ ਹੋਰ ਉੱਚਾ ਉੱਠਣਾ ਹੋਵੇਗਾ, ਜੋ ਸਮੇਂ ਦੀ ਲੋੜ ਹੈ, ਜਿਨ੍ਹਾਂ ਕੋਲ ਸਾਧਨ ਹਨ, ਸਫ਼ਰ ਕਰਕੇ ਜਲਦੀ ਥੱਕ ਜਾਂਦੇ ਹਨ, ਸਾਨੂੰ ਕੈਮਰੇ ਦੇ ਪਿੱਛੇ ਬਹੁਤ ਸਾਰੇ ਲੋਕਾਂ ਦੀ ਲੋੜ ਹੈ ਜਿਵੇਂ ਕਿ ਆਰੀਅਨ ਖ਼ਾਨ ਕਰ ਰਿਹਾ ਹੈ, ਉਹ ਲੇਖਕ ਅਤੇ ਫ਼ਿਲਮ ਨਿਰਮਾਤਾ ਵੱਲ ਵੱਧ ਰਿਹਾ ਹੈ।''
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਛੋਟੀ ਉਮਰ 'ਚ ਮਾਤਾ-ਪਿਤਾ ਗੁਆਉਣ 'ਤੇ ਬੋਲੇ ਸ਼ਾਹਰੁਖ ਖਾਨ
NEXT STORY 
