ਮੁੰਬਈ- ਬਾਲੀਵੁੱਡ ਅਦਾਕਾਰਾ ਨੇਹਾ ਧੂਪੀਆ ਹਾਲ ਹੀ 'ਚ ਦੂਜੀ ਵਾਰ ਮਾਂ ਬਣੀ ਹੈ। 41 ਦੀ ਨੇਹਾ ਧੂਪੀਆ ਨੇ 2 ਅਕਤੂਬਰ ਨੂੰ ਪਿਆਰੇ ਜਿਹੇ ਪੁੱਤਰ ਨੂੰ ਜਨਮ ਦਿੱਤਾ। ਉਧਰ ਹੁਣ ਅਦਾਕਾਰਾ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਗਈ ਹੈ। ਵੀਰਵਾਰ ਸ਼ਾਮ ਨੇਹਾ ਨੂੰ ਵੀ ਅੰਗਦ ਬੇਦੀ ਅਤੇ ਧੀ ਮੇਹਰ ਨਾਲ ਹਸਪਤਾਲ ਤੋਂ ਬਾਹਰ ਸਪਾਟ ਕੀਤਾ ਗਿਆ।
ਇਸ ਦੌਰਾਨ ਨੇਹਾ ਲਾਡਲੇ ਨੂੰ ਬਾਹਾਂ 'ਚ ਚੁੱਕੀ ਨਜ਼ਰ ਆਈ। ਮਾਂ ਦੀ ਗੋਦ 'ਚ ਨਵਜੰਮਾ ਬੇਬੀ ਸਕੂਨ ਨਾਲ ਸੋ ਰਿਹਾ ਹੈ। ਉਧਰ ਨੇਹਾ ਵੀ ਉਸ ਨੂੰ ਪਿਆਰ ਕਰ ਰਹੀ ਹੈ। ਪੁੱਤਰ ਦਾ ਚਿਹਰਾ ਸਾਹਮਣੇ ਨਾ ਆਏ ਇਸ ਲਈ ਨੇਹਾ ਨੇ ਲਾਡਲੇ ਦੇ ਚਿਹਰੇ 'ਤੇ ਹੱਥ ਰੱਖਿਆ ਸੀ।
ਉੱਧਰ ਇਸ ਦੌਰਾਨ ਲਾਡਲੀ ਮੇਹਰ ਪਾਪਾ ਅੰਗਦ ਬੇਦੀ ਦੀ ਗੋਦ 'ਚ ਦਿਖੀ। ਹਸਪਤਾਲ ਤੋਂ ਨਿਕਲਣ ਦੇ ਦੌਰਾਨ ਨੇਹਾ ਧੂਪੀਆ ਦੀ ਉਨ੍ਹਾਂ ਦੇ ਪੂਰੇ ਪਰਿਵਾਰ ਦੇ ਨਾਲ ਬਹੁਤ ਹੀ ਖੂਬਸੂਰਤ ਤਸਵੀਰਾਂ ਕੈਮਰੇ 'ਚ ਕੈਦ ਹੋ ਗਈਆਂ ਹਨ।
ਇਸ ਤੋਂ ਪਹਿਲਾਂ ਨੇਹਾ ਅਤੇ ਅੰਗਦ ਬੇਦੀ ਦੀ ਲੇਬਰ ਰੂਮ ਦੇ ਅੰਦਰ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ ਜਿਸ 'ਚ ਅੰਗਦ ਬੇਦੀ ਦਰਦ ਨਾਲ ਤੜਪਦੀ ਨੇਹਾ ਨੂੰ ਹੌਸਲਾ ਦਿੰਦੇ ਨਜ਼ਰ ਆ ਰਹੇ ਹਨ। ਨੇਹਾ ਨੇ ਪਹਿਲੇ ਖੁਲਾਸਾ ਕੀਤਾ ਸੀ ਕਿ ਉਨ੍ਹਾਂ ਦੀ ਦੂਜੀ ਪ੍ਰੈਗਨੈਂਸੀ ਪਹਿਲੀ ਪ੍ਰੈਗਨੈਂਸੀ ਦੀ ਤੁਲਨਾ 'ਚ ਔਖੀ ਸੀ। ਜਦੋਂ ਨੇਹਾ ਨੂੰ ਆਪਣੀ ਪ੍ਰੈਗਨੈਂਸੀ ਦੇ ਬਾਰੇ 'ਚ ਪਤਾ ਲੱਗਿਆ ਸੀ ਉਸ ਸਮੇਂ ਉਨ੍ਹਾਂ ਨੂੰ ਪਤੀ ਅੰਗਦ ਦੇ ਕੋਵਿਡ-19 ਦੇ ਬਾਰੇ 'ਚ ਪਤਾ ਚੱਲਿਆ ਸੀ।
ਦੱਸ ਦੇਈਏ ਕਿ ਅੰਗਦ ਬੇਦੀ ਅਤੇ ਨੇਹਾ ਧੂਪੀਆ ਨੇ ਸਾਲ 2018 'ਚ ਵਿਆਹ ਕਰ ਲਿਆ ਸੀ। ਜੋੜੇ ਨੇ ਆਪਣੇ ਵਿਆਹ ਦੀ ਭਨਕ ਤੱਕ ਵੀ ਕਿਸੇ ਨੂੰ ਨਹੀਂ ਲੱਗਣ ਦਿੱਤੀ। ਵਿਆਹ ਦੇ ਕੁਝ ਮਹੀਨਿਆਂ ਬਾਅਦ ਹੀ ਜੋੜੇ ਦੇ ਘਰ ਨੰਨ੍ਹੀ ਪਰੀ ਦਾ ਜਨਮ ਹੋਇਆ ਸੀ। ਜੋੜੇ ਨੇ ਆਪਣੀ ਲਾਡਲੀ ਦਾ ਨਾਂ ਮੇਹਰ ਰੱਖਿਆ ਹੈ।
NCB ਨੇ ਨਾਇਜੀਰੀਆਈ ਨਾਗਰਿਕ ਨੂੰ ਕੀਤਾ ਗ੍ਰਿਫ਼ਤਾਰ, ਨਸ਼ੇ ਦੀਆਂ ਮਿਲੀਆਂ 40 ਗੋਲੀਆਂ
NEXT STORY 
