ਮੁੰਬਈ (ਬਿਊਰੋ)– ਅਦਾਕਾਰਾ ਨੋਰਾ ਫਤੇਹੀ ਨੇ ਇੰਡਸਟਰੀ ’ਚ ਕਾਫੀ ਮਿਹਨਤ ਕੀਤੀ ਹੈ। ਉਸ ਨੇ ਖ਼ੁਦ ਦੀ ਪਛਾਣ ਬਣਾਉਣ ’ਚ ਦਿਨ-ਰਾਤ ਇਕ ਕੀਤੀ ਹੈ। ਅੱਜ ਨੋਰਾ ਫਤੇਹੀ ਸਭ ਤੋਂ ਸ਼ਾਨਦਾਰ ਡਾਂਸਰਾਂ ’ਚੋਂ ਇਕ ਮੰਨੀ ਜਾਂਦੀ ਹੈ। 21 ਦਸੰਬਰ ਨੂੰ ਨੋਰਾ ਫਤੇਹੀ ਦਾ ਨਵਾਂ ਗੀਤ ਰਿਲੀਜ਼ ਹੋਇਆ ਹੈ, ਜਿਸ ਦਾ ਨਾਂ ‘ਡਾਂਸ ਮੇਰੀ ਰਾਣੀ’ ਹੈ। ਇਸ ਗੀਤ ਨੂੰ ਗੁਰੂ ਰੰਧਾਵਾ ਨੇ ਗਾਇਆ ਹੈ ਤੇ ਕੰਪੋਜ਼ ਕੀਤਾ ਹੈ। ਯੂਟਿਊਬ ’ਤੇ ਇਸ ਗੀਤ ਦੀ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ।
ਗੀਤ ’ਚ ਤੁਸੀਂ ਦੇਖ ਸਕਦੇ ਹੋ ਕਿ ਨੋਰਾ ਬਲਾਂਡ ਹੇਅਰ ਤੇ ਬੇਜ ਕਲਰ ਦੀ ਬਿਕਨੀ ’ਚ ਨਜ਼ਰ ਆ ਰਹੀ ਹੈ। ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਉਹ ਆਪਣੇ ਡਾਂਸ ਮੂਵਜ਼ ਨਾਲ ਦਰਸ਼ਕਾਂ ਨੂੰ ਹੈਰਾਨ ਕਰ ਰਹੀ ਹੈ। ਨਜ਼ਦੀਕ ਤੋਂ ਦੇਖੀਏ ਤਾਂ ਨੋਰਾ ਫਤੇਹੀ ਦਾ ਇਹ ਲੁੱਕ ਹਾਲੀਵੁੱਡ ਗਾਇਕਾ ਸ਼ਕੀਰਾ ਨਾਲ ਕਾਫੀ ਮਿਲਦਾ-ਜੁਲਦਾ ਹੈ। ਲੋਕ ਗੀਤ ਨੂੰ ਪਸੰਦ ਕਰਨ ਦੇ ਨਾਲ-ਨਾਲ ਨੋਰਾ ਨੂੰ ਟਰੋਲ ਕਰਨ ਲੱਗੇ ਹਨ। ਇਸ ਦੇ ਨਾਲ ਹੀ ਵੀਡੀਓ ’ਚ ਦੇਖੋਗੇ ਕਿ ਨੋਰਾ ਕੁਝ-ਕੁਝ ਸ਼ਕੀਰਾ ਵਾਂਗ ਡਾਂਸ ਵੀ ਕਰ ਰਹੀ ਹੈ।
ਲੋਕਾਂ ਨੂੰ ਸ਼ਕੀਰਾ ਦੇ ਗੀਤ ‘ਹਿਪਸ ਡੌਂਟ ਲਾਈ’ ਤੇ ‘ਵੈਨਐਵਰ ਵੈਨਐਵਰ’ ਦੀ ਝਲਕ ਨੋਰਾ ’ਚ ਦਿਖ ਰਹੀ ਹੈ। ਇਕ ਯੂਜ਼ਰ ਨੇ ਗੀਤ ਦੀ ਵੀਡੀਓ ’ਤੇ ਕੁਮੈਂਟ ਕਰਦਿਆਂ ਲਿਖਿਆ, ‘ਜੇਕਰ ਹੇਅਰਸਟਾਈਲ ਕਾਪੀ ਕੀਤਾ ਸ਼ਕੀਰਾ ਦਾ ਤਾਂ ਘੱਟ ਤੋਂ ਘੱਟ ਡਰੈੱਸ ਤਾਂ ਕਾਪੀ ਨਾ ਕਰਦੇ ਯਾਰ, ਗਜ਼ਬ ਬੇਇੱਜ਼ਤੀ ਹੈ।’ ਇਕ ਹੋਰ ਨੇ ਕੁਮੈਂਟ ਕੀਤਾ ਕਿ ਸ਼ਕੀਰਾ ਦਾ ਪਾਲਿਕਾ ਬਾਜ਼ਾਰ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਟੋਨੀ ਕੱਕੜ ਤੇ ਸ਼ਕੀਰਾ ਦਾ ਰੀਮਿਕਸ।’
ਨੋਰਾ ਫਤੇਹੀ ਤੇ ਗੁਰੂ ਰੰਧਾਵਾ ਨੇ ‘ਨਾਚ ਮੇਰੀ ਰਾਣੀ’ ਮਿਊਜ਼ਿਕ ਵੀਡੀਓ ’ਚ ਇਕੱਠਿਆਂ ਕੰਮ ਕੀਤਾ ਸੀ। ਇਹ ਗੀਤ ਕਾਫੀ ਹਿੱਟ ਰਿਹਾ ਸੀ। ਦੱਸ ਦੇਈਏ ਕਿ ਨੋਰਾ ਨੇ ਹਾਲ ਹੀ ’ਚ ਯੂ. ਏ. ਈ. ’ਚ ਵਿਡਕੌਨ ਕਾਂਸਰਟ ’ਚ ਹਿੱਸਾ ਲਿਆ ਸੀ। ਇਸ ਇਵੈਂਟ ’ਚ ਨੋਰਾ ਦੀ ਪੇਸ਼ਕਾਰੀ ’ਤੇ ਦਰਸ਼ਕ ਵੀ ਨੱਚਣ ’ਤੇ ਮਜਬੂਰ ਹੋ ਗਏ ਸਨ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਫ਼ਿਲਮ '83' ਦਿੱਲੀ 'ਚ ਹੋਈ ਟੈਕਸ ਫ੍ਰੀ, ਕਬੀਰ ਖ਼ਾਨ ਨੇ ਅਰਵਿੰਦ ਕੇਜਰੀਵਾਲ ਤੇ ਮਨੀਸ਼ ਸਿਸੋਦੀਆ ਦਾ ਕੀਤਾ ਧੰਨਵਾਦ
NEXT STORY 
