ਮੁੰਬਈ- ਫ਼ਿਲਮ 'ਫੈਮਲੀ ਮੈਨ -2' ਦੀ ਰਿਲੀਜ਼ ਤੋਂ ਬਾਅਦ ਇਸ ਸੀਰੀਜ਼ 'ਚ ਕੰਮ ਕਰਨ ਵਾਲੇ ਅਦਾਕਾਰ ਸੁਰਖੀਆਂ 'ਚ ਹਨ। ਇਸ ਵੈੱਬ ਸੀਰੀਜ਼ ਵਿਚ ਮਨੋਜ ਬਾਜਪਾਈ ਅਤੇ ਸਮੰਥਾ ਅਕਿਨੈਨੀ ਦੇ ਪ੍ਰਦਰਸ਼ਨ ਨੂੰ ਖ਼ੂਬ ਪਸੰਦ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਦੱਖਣੀ ਦੀ ਅਭਿਨੇਤਰੀ ਪ੍ਰਿਆਮਣੀ ਨੇ ਵੀ ਇਸ ਸੀਰੀਜ਼ ਵਿਚ ਅਹਿਮ ਭੂਮਿਕਾ ਨਿਭਾਈ ਹੈ। ਉਸ ਨੇ ਮਨੋਜ ਬਾਜਪਾਈ ਦੀ ਪਤਨੀ ਸੁਚੀ ਦਾ ਕਿਰਦਾਰ ਨਿਭਾਇਆ ਸੀ। ਇਸ ਲੜੀ ਵਿਚ ਉਸ ਦੇ ਕਿਰਦਾਰ ਨੂੰ ਖ਼ੂਬ ਪਸੰਦ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਿਆਮਣੀ ਸ਼ਾਹਰੁਖ ਖਾਨ ਦੇ ਨਾਲ ਫ਼ਿਲਮ 'ਚੇਨਈ ਐਕਸਪ੍ਰੈਸ' 'ਚ ਵੀ ਕੰਮ ਕਰ ਚੁੱਕੀ ਹੈ। ਪ੍ਰਿਆਮਨੀ ਸ਼ਾਹਰੁਖ ਖਾਨ ਦੇ ਨਾਲ ਫ਼ਿਲਮ 'ਚੇਨਈ ਐਕਸਪ੍ਰੈਸ' 'ਚ ਨਜ਼ਰ ਆਈ ਸੀ। ਇਸ ਫ਼ਿਲਮ ਵਿੱਚ ਉਸਨੇ ਸ਼ਾਹਰੁਖ ਦੇ ਨਾਲ ਡਾਂਸ ਪਰਫਾਰਮੈਂਸ ਵੀ ਦਿੱਤਾ ਹੈ।
ਪ੍ਰਿਆਮਣੀ ਅਤੇ ਸ਼ਾਹਰੁਖ ਖ਼ਾਨ ਨੇ ਫ਼ਿਲਮ ਦੇ ਗੀਤ '1234' 'ਚ ਇਕੱਠੇ ਡਾਂਸ ਕੀਤਾ ਸੀ। ਦਰਸ਼ਕਾਂ ਨੇ ਇਸ ਗਾਣੇ ਨੂੰ ਬਹੁਤ ਪਸੰਦ ਕੀਤਾ। ਹਾਲ ਹੀ ਵਿਚ ਇਕ ਇੰਟਰਵਿਊ ਦੌਰਾਨ ਪ੍ਰਿਆਮਨੀ ਨੇ ਸ਼ਾਹਰੁਖ ਖਾਨ ਬਾਰੇ ਇਕ ਖ਼ਾਸ ਗੱਲ ਕਹੀ ਹੈ। ਉਸਨੇ ਦੱਸਿਆ ਕਿ ਫ਼ਿਲਮ 'ਚੇਨਈ ਐਕਸਪ੍ਰੈਸ' ਦੇ ਇਸ ਗਾਣੇ ਦੀ ਸ਼ੂਟਿੰਗ ਦੌਰਾਨ ਸ਼ਾਹਰੁਖ ਨਾਲ ਕੰਮ ਕਰਨ ਦਾ ਤਜ਼ਰਬਾ ਕਿਵੇਂ ਰਿਹਾ। ਉਸ ਨੇ ਦੱਸਿਆ ਕਿ ਸ਼ਾਹਰੁਖ ਨੇ ਉਸ ਨੂੰ ਇਸ ਗਾਣੇ ਦੀ ਸ਼ੂਟਿੰਗ ਦੌਰਾਨ 300 ਰੁਪਏ ਦਿੱਤੇ ਸਨ, ਜੋ ਉਨ੍ਹਾਂ ਕੋਲ ਅਜੇ ਵੀ ਹਨ। ਉਸਨੇ ਕਿਹਾ, "ਅਸੀਂ ਇਸ ਗਾਣੇ ਦੀ ਸ਼ੂਟਿੰਗ ਕਰ ਰਹੇ ਸੀ। ਇਸ ਗਾਣੇ ਨੂੰ ਪੂਰਾ ਕਰਨ ਵਿਚ ਪੰਜ ਦਿਨ ਲੱਗ ਗਏ।
ਸ਼ਾਹਰੁਖ ਨਾਲ ਕੰਮ ਕਰਨਾ ਇਕ ਬਹੁਤ ਵਧੀਆ ਤਜ਼ਰਬਾ ਸੀ। ਉਹ ਇਕ ਸੁਪਰਸਟਾਰ ਹੈ। ਉਸਨੇ ਕਦੇ ਸਫ਼ਲਤਾ ਨੂੰ ਆਪਣੇ ਦਿਮਾਗ 'ਤੇ ਹਾਵੀ ਨਹੀਂ ਹੋਣ ਦਿੱਤਾ। ਪ੍ਰਿਆਮਨੀ ਨੇ ਅੱਗੇ ਕਿਹਾ, "ਪਹਿਲੇ ਦਿਨ ਦੀ ਸ਼ੂਟ ਖਤਮ ਹੋਣ ਤੱਕ ਸ਼ਾਹਰੁਖ ਨੇ ਮੈਨੂੰ ਬਹੁਤ ਚੰਗਾ ਮਹਿਸੂਸ ਕਰਵਾਇਆ। ਉਸਨੇ ਸਾਡਾ ਬਹੁਤ ਧਿਆਨ ਰੱਖਿਆ। ਅਸੀਂ ਉਸ ਦੇ ਆਈਪੈਡ 'ਤੇ' 'ਕੌਣ ਬਨੇਗਾ ਕਰੋੜਪਤੀ ਖੇਡਿਆ'। ਉਸਨੇ ਮੈਨੂੰ ਇਸ ਲਈ 300 ਰੁਪਏ ਦਿੱਤੇ ਜੋ ਅੱਜ ਤਕ ਮੈਂ ਸੰਭਾਲੇ ਹਨ। "
ਕਸ਼ਮੀਰ ਪਹੁੰਚੇ ਅਕਸ਼ੇ ਕੁਮਾਰ, ਸਰਹੱਦ ’ਤੇ ਤਾਇਨਾਤ ਭਾਰਤੀ ਫੌਜ ਦਾ ਵਧਾਇਆ ਹੌਸਲਾ
NEXT STORY 
