ਮੁੰਬਈ (ਏਜੰਸੀ)- ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਰੇਖਾ ਦੀ ਕਲਾਸਿਕ ਫਿਲਮ ‘ਉਮਰਾਓ ਜਾਨ’ ਨੂੰ ਇੱਕ ਵਾਰ ਫਿਰ ਸਿਨੇਮਾਘਰਾਂ ਵਿੱਚ 27 ਜੂਨ ਨੂੰ ਰੀ-ਰਿਲੀਜ਼ ਕੀਤਾ ਜਾ ਰਿਹਾ ਹੈ। ਮਿਰਜ਼ਾ ਹਾਦੀ ਰੁਸਵਾ ਦੇ 1899 ਵਿੱਚ ਪ੍ਰਕਾਸ਼ਿਤ ਉਪਨਿਆਸ 'ਤੇ ਆਧਾਰਿਤ ਇਹ ਫਿਲਮ ਨਿਰਦੇਸ਼ਕ ਮੁਜ਼ੱਫਰ ਅਲੀ ਨੇ ਬਣਾਈ ਸੀ। ਰੇਖਾ ਦੇ ਨਾਲ-ਨਾਲ ਫਾਰੂਖ ਸ਼ੇਖ, ਨਸੀਰੂਦੀਨ ਸ਼ਾਹ ਅਤੇ ਰਾਜ ਬੱਬਰ ਨੇ ਵੀ ਅਹੰਮ ਭੂਮਿਕਾਵਾਂ ਨਿਭਾਈਆਂ ਸਨ।
ਇਸ ਫਿਲਮ ਵਿੱਚ ਰੇਖਾ ਦੀ ਭੂਮਿਕਾ ਲਈ ਉਨ੍ਹਾਂ ਨੂੰ ‘ਸਰਵੋਤਮ ਅਦਾਕਾਰਾ’ ਦਾ ਰਾਸ਼ਟਰੀ ਇਨਾਮ ਮਿਲਿਆ ਸੀ। ਫਿਲਮ 'ਉਮਰਾਓ ਜਾਨ' ਨੂੰ ਨੈਸ਼ਨਲ ਫਿਲਮ ਆਰਕਾਈਵ ਆਫ਼ ਇੰਡੀਆ ਅਤੇ ਨੈਸ਼ਨਲ ਫਿਲਮ ਡਿਵੈਲਪਮੈਂਟ ਕਾਰਪੋਰੇਸ਼ਨ ਦੁਆਰਾ ਮੁੜ ਸੁਰਜੀਤ ਕੀਤਾ ਗਿਆ ਹੈ। ਫਿਲਮ ਦੀ ਰੀ-ਰਿਲੀਜ਼ ਦੀ ਘੋਸ਼ਣਾ ਪੀਵੀਆਰ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਕੀਤੀ। ਉਨ੍ਹਾਂ ਲਿਖਿਆ: “ਨਜ਼ਾਕਤ, ਮੁਹੱਬਤ ਅਤੇ ਅਮਰ ਸੰਗੀਤ ਦੀ ਕਹਾਣੀ। ਵੇਖੋ ਉਮਰਾਓ ਜਾਨ, ਇੱਕ ਵਾਰ ਫਿਰ 4K ਵਿੱਚ। ਇੱਕ ਸਿਨੇਮਾਈ ਹੀਰਾ, ਜਿਸ ਨੂੰ ਮੁੜ ਤਰਾਸ਼ਿਆ ਗਿਆ ਹੈ।”
"ਸਾਡੇ ਬਗ਼ੈਰ ਨਹੀਂ ਚੱਲਦੀਆਂ ਪੰਜਾਬੀ ਫ਼ਿਲਮਾਂ...", ਇਫ਼ਤਿਖ਼ਾਰ ਠਾਕੁਰ ਨੇ ਮੁੜ ਉਗਲਿਆ ਜ਼ਹਿਰ
NEXT STORY 
