ਚੰਡੀਗੜ੍ਹ (ਬਿਊਰੋ)– ਪੰਜਾਬੀ ਗਾਇਕ, ਗੀਤਕਾਰ ਤੇ ਅਦਾਕਾਰ ਸਤਿੰਦਰ ਸਰਤਾਜ ਨੂੰ ਚਾਹੁਣ ਵਾਲਿਆਂ ਦੀ ਗਿਣਤੀ ਲੱਖਾਂ ’ਚ ਹੈ। ਸਤਿੰਦਰ ਸਰਤਾਜ ਜਿਥੇ ਪਹਿਲਾਂ ਆਪਣੀ ਮਿੱਠੀ ਆਵਾਜ਼ ਦੇ ਮੰਤਰਮੁਗਧ ਕਰਨ ਵਾਲੇ ਬੋਲਾਂ ਨਾਲ ਲੋਕਾਂ ਦੇ ਦਿਲ ਲੁੱਟਦੇ ਸਨ, ਉਥੇ ਹੁਣ ਉਹ ਫ਼ਿਲਮਾਂ ’ਚ ਵੀ ਅਦਾਕਾਰੀ ਦੇ ਜੌਹਰ ਦਿਖਾ ਰਹੇ ਹਨ। ਸਤਿੰਦਰ ਸਰਤਾਜ ਨੂੰ ਆਪਣੇ ਸੂਫੀ ਗੀਤਾਂ ਲਈ ਬੇਹੱਦ ਮਕਬੂਲ ਕੀਤਾ ਜਾਂਦਾ ਰਿਹਾ ਹੈ।
ਬਹੁਤ ਘੱਟ ਲੋਕ ਇਹ ਜਾਣਦੇ ਹਨ ਕਿ ਸਤਿੰਦਰ ਸਰਤਾਜ ਨੂੰ ਗੱਡੀਆਂ ਦਾ ਵੀ ਸ਼ੌਕ ਹੈ ਤੇ ਇਨ੍ਹਾਂ ’ਚ ਉਨ੍ਹਾਂ ਦੀ ਪਹਿਲੀ ਪਸੰਦ ਐੱਸ. ਯੂ. ਵੀ. (ਸਪੋਰਟਸ ਯੂਟੀਲਿਟੀ ਵਹੀਕਲ) ਹੈ। ਸਤਿੰਦਰ ਸਰਤਾਜ ਨੇ ਹਾਲ ਹੀ ’ਚ ਇਕ ਸ਼ਾਨਦਾਰ ਐੱਸ. ਯੂ. ਵੀ. ਖਰੀਦੀ ਹੈ, ਜਿਸ ਦੀ ਜਾਣਕਾਰੀ ਉਨ੍ਹਾਂ ਨੇ ਆਪਣੇ ਚਾਹੁਣ ਵਾਲਿਆਂ ਨਾਲ ਸੋਸ਼ਲ ਮੀਡੀਆ ’ਤੇ ਸਾਂਝੀ ਕੀਤੀ ਹੈ।
ਸਤਿੰਦਰ ਸਰਤਾਜ ਨੇ ਲਿਖਿਆ, ‘The Dreamy #𝐃𝐄𝐅𝐄𝐍𝐃𝐄𝐑 (The Duke’s Demeanour ) #TheOldOne is Welcoming #TheNewOne ..Let’s meet the Peerage!! @LandRoverDE @LandRover Privileged being the first to have this “Noblemen’s Vehicle” #landroverdefender ਖ਼ੁਸ਼ਆਮਦੀਦ in #Firdaus - #Sartaaj.’
ਦੱਸਣਯੋਗ ਹੈ ਕਿ ਜੋ ਐੱਸ. ਯੂ. ਵੀ. ਸਤਿੰਦਰ ਸਰਤਾਜ ਵਲੋਂ ਖਰੀਦੀ ਗਈ ਹੈ, ਉਸ ਦਾ ਨਾਂ ਹੈ ‘ਲੈਂਡ ਰੋਵਰ ਡਿਫੈਂਡਰ’। ਸਤਿੰਦਰ ਸਰਤਾਜ ਕੋਲ ਲੈਂਡ ਰੋਵਰ ਡਿਫੈਂਡਰ ਦਾ ਪੁਰਾਣਾ ਮਾਡਲ ਵੀ ਘਰ ’ਚ ਮੌਜੂਦ ਹੈ ਤੇ ਹੁਣ ਉਨ੍ਹਾਂ ਨੇ ਡਿਫੈਂਡਰ ਦਾ ਨਵਾਂ ਮਾਡਲ ਖਰੀਦਿਆ ਹੈ। ਇਸ ਐੱਸ. ਯੂ. ਵੀ. ਦੀ ਸ਼ੁਰੂਆਤੀ ਕੀਮਤ ਲਗਭਗ 80 ਲੱਖ ਰੁਪਏ ਹੈ ਤੇ ਟਾਪ ਮਾਡਲ ਦੀ ਕੀਮਤ 1.14 ਕਰੋੜ ਰੁਪਏ ਤੋਂ ਵੱਧ ਹੈ।
ਸਤਿੰਦਰ ਸਰਤਾਜ ਵਲੋਂ ਸਾਂਝੀਆਂ ਕੀਤੀਆਂ ਇਨ੍ਹਾਂ ਤਸਵੀਰਾਂ ’ਤੇ ਗਾਇਕ ਤੇ ਅਦਾਕਾਰ ਐਮੀ ਵਿਰਕ ਨੇ ਵੀ ਕੁਮੈਂਟ ਕੀਤਾ ਹੈ। ਐਮੀ ਵਿਰਕ ਨੇ ਕਿਹਾ, ‘ਭਾਅ ਜੀ ਮੁਬਾਰਕਾਂ, ਕਿਰਪਾ ਕਰਕੇ ਚਲਾ ਕੇ ਦੱਸਿਓ ਕਿਵੇਂ ਦਾ ਤਜਰਬਾ ਹੈ।’
ਨੋਟ– ਸਤਿੰਦਰ ਸਰਤਾਜ ਦੀ ਇਸ ਨਵੀਂ ਐੱਸ. ਯੀ. ਵੀ. ਬਾਰੇ ਤੁਸੀਂ ਕੀ ਕਹੋਗੇ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਅਮਿਤਾਭ ਤੇ ਦੀਪਕਾ ਦੀ ਫ਼ਿਲਮ 'The Intern' ਦੀ ਪਹਿਲੀ ਝਲਕ ਆਈ ਸਾਹਮਣੇ
NEXT STORY 
