ਚੰਡੀਗੜ੍ਹ (ਬਿਊਰੋ)– ਪੰਜਾਬੀ ਸਿਨੇਮਾ ਦੀ ਇਕ ਤਜਰਬੇਕਾਰ ਅਦਾਕਾਰਾ ਪ੍ਰੀਤੀ ਸਪਰੂ ਨੇ ਵੱਡੇ ਬਜਟ ਦੀ ਫ਼ਿਲਮ ‘ਤੇਰੀ ਮੇਰੀ ਗੱਲ ਬਣ ਗਈ’ ਦਾ ਨਿਰਦੇਸ਼ਨ ਕੀਤਾ, ਜੋ ਇਸ ਸਮੇਂ ਐਮਾਜ਼ੋਨ ਪ੍ਰਾਈਮ ਵੀਡੀਓਜ਼ ’ਤੇ ਸਟ੍ਰੀਮ ਕਰ ਰਹੀ ਹੈ। ਨਵੀਂ ਜੋੜੀ ਰੁਬੀਨਾ ਬਾਜਵਾ ਤੇ ਗਾਇਕ ਤੋਂ ਅਦਾਕਾਰ ਬਣੇ ਅਖਿਲ ਨੂੰ ਪੇਸ਼ ਕਰਦਿਆਂ ਫ਼ਿਲਮ ਨੇ ਆਪਣੇ ਪ੍ਰੋਡਕਸ਼ਨ ਲੇਬਲ ਸਾਈ ਸਪਰੂ ਦੇ ਅਧੀਨ ਬਣਾਈ ਗਈ ਇਸ ਸੰਗੀਤਕ ਪ੍ਰੇਮ ਕਹਾਣੀ ’ਚ ਪਿਆਰ, ਤਾਲ ਤੇ ਰੋਮਾਂਸ ਵਰਗੀਆਂ ਭਾਵਨਾਵਾਂ ਦੇ ਮਿੱਠੇ ਸੁਆਦਾਂ ਨੂੰ ਪੇਸ਼ ਕਰਨ ਲਈ ਸਾਬਿਤ ਕੀਤਾ ਹੈ। ਜ਼ੀ ਸਟੂਡੀਓਜ਼ ਦੇ ਸਹਿਯੋਗ ਨਾਲ ਬਣਾਈ ਇਸ ਫ਼ਿਲਮ ਦੇ ਸਹਿ-ਨਿਰਮਾਤਾ ਅਰੁਣ ਕੁਮਾਰ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਸਰਕਾਰਾਂ ’ਤੇ ਵਰ੍ਹੇ ਮੂਸੇ ਵਾਲਾ ਦੇ ਪਿਤਾ, ਕਿਹਾ- ‘ਗੋਲਡੀ ਬਰਾੜ ’ਤੇ ਰੱਖੋ 2 ਕਰੋੜ ਦਾ ਇਨਾਮ, ਮੈਂ ਆਪਣੀ ਜ਼ਮੀਨ ਵੇਚ ਕੇ ਦਿਆਂਗਾ’
ਕਹਾਣੀ ’ਚ ਦੋਵੇਂ ਮੁੱਖ ਪਾਤਰ ਰੁਬੀਨਾ ਬਾਜਵਾ ਤੇ ਅਖਿਲ ਇਕ ਸੁੰਦਰਤਾ ਦੀ ਤਸਵੀਰ ਬਣਦੇ ਹਨ, ਜੋ ਆਪਣੇ ਪਿਤਾ ਗੁੱਗੂ ਗਿੱਲ ਨੂੰ ਇੱਕ ਨਵਾਂ ਮੇਲ ਪ੍ਰੀਤੀ ਸਪਰੂ ਲੱਭ ਕੇ ਨਿਪਟਾਉਣ ਦੀ ਕੋਸ਼ਿਸ਼ ਕਰਦੇ ਹਨ ਤਾਂ ਜੋ ਉਨ੍ਹਾਂ ਦੇ ਵਿਆਹ ਤੋਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ ਖ਼ੁਸ਼ੀਆਂ ਨਾਲ ਭਰ ਜਾਵੇ। ਇਹ ਸਾਰੀ ਕਹਾਣੀ ਉਨ੍ਹਾਂ ਦੀ ਯੋਜਨਾ ਅਨੁਸਾਰ ਖ਼ਤਮ ਹੋ ਜਾਂਦੀ ਹੈ, ਜੋ ਕਿ ਬਿਨਾਂ ਸ਼ੱਕ ਪਲਾਟ ’ਚ ਇਕ ਹੋਰ ਨਾਟਕੀ ਮੋੜ ਹੈ।
ਗੁੱਗੂ ਗਿੱਲ, ਪ੍ਰੀਤੀ ਸਪਰੂ, ਪੁਨੀਤ ਈਸਰ, ਨਿਰਮਲ ਰਿਸ਼ੀ, ਕਰਮਜੀਤ ਅਨਮੋਲ ਤੇ ਹਾਰਬੀ ਸੰਘਾ ਸਮੇਤ ਕਈ ਸਿਤਾਰੇ ਫ਼ਿਲਮ ’ਚ ਅਹਿਮ ਭੂਮਿਕਾ ਨਿਭਾਅ ਰਹੇ ਹਨ, ਜੋ ਕਈ ਬਲਾਕਬਸਟਰ ਫ਼ਿਲਮਾਂ ’ਚ ਆਪਣੀ ਬੇਮਿਸਾਲ ਪ੍ਰਤਿਭਾ ਲਈ ਮਸ਼ਹੂਰ ਹਨ। ਫ਼ਿਲਮ ਦੇ ਐਸੋਸੀਏਟ ਲੇਖਕ, ਨਿਰਦੇਸ਼ਕ, ਨਿਰਮਾਤਾ ਉਪਵਾਨ ਸੁਦਰਸ਼ਨ ਹਨ। ਫ਼ਿਲਮ ਦਾ ਸੰਗੀਤ ਜਤਿੰਦਰ ਸ਼ਾਹ ਵਲੋਂ ਨਿਰਦੇਸ਼ਿਤ ਕੀਤਾ ਗਿਆ ਸੀ ਤੇ ਗੀਤ ਦੇ ਬੋਲ ਬਾਬੂ ਸਿੰਘ ਮਾਨ, ਮਨਿੰਦਰ ਕੈਲੇ ਤੇ ਵੀਤ ਬਲਜੀਤ ਨੇ ਲਿਖੇ ਹਨ।
ਪ੍ਰੀਤੀ ਸਪਰੂ ਨੇ ਇਹ ਲਿਖ ਕੇ ਆਪਣੀ ਖ਼ੁਸ਼ੀ ਜ਼ਾਹਿਰ ਕੀਤੀ, ‘‘ਪ੍ਰਸਿੱਧ OTT ਪਲੇਟਫਾਰਮ ਐਮਾਜ਼ੋਨ ਪ੍ਰਾਈਮ ਵੀਡੀਓਜ਼ ’ਤੇ ਸਾਡੀ ਫ਼ਿਲਮ ਦੀ ਦੂਜੀ ਪਾਰੀ ਦੇਖੋ।’’ ਇਹ ਫ਼ਿਲਮ ਪਿਆਰ, ਹਾਸੇ ਤੇ ਮਨੋਰੰਜਨ ਨੂੰ ਧਿਆਨ ’ਚ ਰੱਖ ਕੇ ਬਣਾਈ ਗਈ ਸੀ। ਇਸ ਲਈ ਅਸੀਂ ਉਮੀਦ ਕਰ ਰਹੇ ਹਾਂ ਕਿ ਸਾਡੀਆਂ ਕੋਸ਼ਿਸ਼ਾਂ ਸਫਲ ਹੋਣਗੀਆਂ ਤੇ ਹੋਰ ਲੋਕ ਡਿਜੀਟਲ ਪ੍ਰੀਮੀਅਰ ਦੇਖਣਗੇ।’’
ਨੋਟ– ਤੁਸੀਂ ‘ਤੇਰੀ ਮੇਰੀ ਗੱਲ ਬਣ ਗਈ’ ਫ਼ਿਲਮ ਦੇਖ ਲਈ ਹੈ ਜਾਂ ਨਹੀਂ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਰਣਜੀਤ ਬਾਵਾ ਦੇ ਗੀਤਾਂ ’ਤੇ ਨਿਊਜ਼ੀਲੈਂਡ ਵਾਲੇ ਭੰਗੜਾ ਪਾਉਣ ਲਈ ਹੋ ਜਾਣ ਤਿਆਰ, ਪੰਜਾਬ ਬੋਲਦਾ ਟੂਰ 2023 ਦਾ ਹੋਇਆ ਐਲਾਨ
NEXT STORY 
