ਐਂਟਰਟੇਨਮੈਂਟ ਡੈਸਕ : ਫਿਲਮ ਅਤੇ ਟੈਲੀਵਿਜ਼ਨ ਜਗਤ ਤੋਂ ਇੱਕ ਬਹੁਤ ਹੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਹਿੰਦੀ ਅਤੇ ਮਰਾਠੀ ਸਿਨੇਮਾ ਦੇ ਦਿੱਗਜ ਅਦਾਕਾਰ ਅਚਿਊਤ ਪੋਤਦਾਰ ਦਾ 91 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ 18 ਅਗਸਤ 2025 (ਸੋਮਵਾਰ) ਨੂੰ ਮੁੰਬਈ ਦੇ ਠਾਣੇ ਦੇ ਜੁਪੀਟਰ ਹਸਪਤਾਲ ਵਿੱਚ ਆਖਰੀ ਸਾਹ ਲਿਆ। ਉਨ੍ਹਾਂ ਦੇ ਦੇਹਾਂਤ ਕਾਰਨ ਫਿਲਮ ਇੰਡਸਟਰੀ ਵਿੱਚ ਸੋਗ ਦੀ ਲਹਿਰ ਹੈ। ਫਿਲਹਾਲ ਉਨ੍ਹਾਂ ਦੀ ਮੌਤ ਦਾ ਠੋਸ ਕਾਰਨ ਸਾਹਮਣੇ ਨਹੀਂ ਆਇਆ ਹੈ, ਪਰ ਪਰਿਵਾਰਕ ਸੂਤਰਾਂ ਅਨੁਸਾਰ ਉਹ ਕੁਝ ਸਮੇਂ ਤੋਂ ਸਿਹਤ ਸਮੱਸਿਆਵਾਂ ਤੋਂ ਪੀੜਤ ਸਨ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ 19 ਅਗਸਤ ਨੂੰ ਠਾਣੇ ਵਿੱਚ ਕੀਤਾ ਜਾਵੇਗਾ।
ਫੌਜ ਤੋਂ ਸਿਨੇਮਾ ਤੱਕ ਦੀ ਪ੍ਰੇਰਨਾਦਾਇਕ ਯਾਤਰਾ
ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਅਚਿਊਤ ਪੋਤਦਾਰ ਦਾ ਸ਼ੁਰੂਆਤੀ ਕਰੀਅਰ ਭਾਰਤੀ ਫੌਜ ਅਤੇ ਇੰਡੀਅਨ ਆਇਲ ਕਾਰਪੋਰੇਸ਼ਨ ਨਾਲ ਜੁੜਿਆ ਹੋਇਆ ਸੀ। ਇੱਕ ਪੇਸ਼ੇਵਰ ਅਤੇ ਅਨੁਸ਼ਾਸਿਤ ਜੀਵਨ ਬਤੀਤ ਕਰਨ ਤੋਂ ਬਾਅਦ ਉਹ 40 ਸਾਲ ਦੀ ਉਮਰ ਤੋਂ ਬਾਅਦ ਅਦਾਕਾਰੀ ਦੀ ਦੁਨੀਆ ਵਿੱਚ ਪ੍ਰਵੇਸ਼ ਕਰ ਗਏ। ਉਨ੍ਹਾਂ ਨੇ 1980 ਦੇ ਦਹਾਕੇ ਵਿੱਚ ਫਿਲਮਾਂ ਅਤੇ ਟੀਵੀ ਸ਼ੋਅ ਨਾਲ ਆਪਣਾ ਕਰੀਅਰ ਸ਼ੁਰੂ ਕੀਤਾ ਅਤੇ ਜਲਦੀ ਹੀ ਸਹਾਇਕ ਭੂਮਿਕਾਵਾਂ ਵਿੱਚ ਵੀ ਆਪਣੀ ਛਾਪ ਛੱਡਣੀ ਸ਼ੁਰੂ ਕਰ ਦਿੱਤੀ। ਉਹ ਉਨ੍ਹਾਂ ਕੁਝ ਕਲਾਕਾਰਾਂ ਵਿੱਚੋਂ ਇੱਕ ਸੀ ਜਿਨ੍ਹਾਂ ਦੀ ਮੌਜੂਦਗੀ ਕਿਸੇ ਵੀ ਦ੍ਰਿਸ਼ ਵਿੱਚ ਭਾਰ ਵਧਾ ਸਕਦੀ ਸੀ।
ਇਹ ਵੀ ਪੜ੍ਹੋ : ਰਹੱਸ, ਸਸਪੈਂਸ ਅਤੇ ਜਾਸੂਸੀ! ਮਿਲੋ ਭਾਰਤ ਦੀ ਪਹਿਲੀ 'ਲੇਡੀ ਜੇਮਜ਼ ਬਾਂਡ' ਨਾਲ, ਜਿਸ ਨੇ ਸੁਲਝਾਏ 75,000 ਕੇਸ!
ਫਿਲਮਾਂ 'ਚ ਬਹੁਪੱਖੀ ਅਦਾਕਾਰੀ
ਪੋਤਦਾਰ ਨੇ 300 ਤੋਂ ਵੱਧ ਫਿਲਮਾਂ ਅਤੇ ਦਰਜਨਾਂ ਟੀਵੀ ਸ਼ੋਅ ਵਿੱਚ ਕੰਮ ਕੀਤਾ। ਉਸਨੇ ਗੋਵਿੰਦ ਨਿਹਲਾਨੀ, ਵਿਧੂ ਵਿਨੋਦ ਚੋਪੜਾ, ਰਾਜਕੁਮਾਰ ਹਿਰਾਨੀ, ਸੂਰਜ ਬੜਜਾਤੀਆ ਅਤੇ ਰਾਮ ਗੋਪਾਲ ਵਰਮਾ ਵਰਗੇ ਕਈ ਵੱਡੇ ਨਿਰਦੇਸ਼ਕਾਂ ਨਾਲ ਕੰਮ ਕੀਤਾ।
ਉਨ੍ਹਾਂ ਦੀਆਂ ਪ੍ਰਮੁੱਖ ਫਿਲਮਾਂ 'ਚ ਸ਼ਾਮਲ ਹਨ:
ਆਕਰੋਸ਼, ਅਰਧ ਸੱਤਿਆ, ਤੇਜ਼ਾਬ, ਪਰਿੰਦਾ, ਰਾਜੂ ਬਨ ਗਿਆ ਜੈਂਟਲਮੈਨ, ਦਿਲਵਾਲੇ, ਰੰਗੀਲਾ, ਇਸ਼ਕ, ਵਾਸਤਵ, ਹਮ ਸਾਥ ਸਾਥ ਹੈਂ, ਪਰੀਣੀਤਾ, ਲੱਗੇ ਰਹੋ ਮੁੰਨਾ ਭਾਈ, ਦਬੰਗ 2, ਵੈਂਟੀਲੇਟਰ ਆਦਿ।
'3 ਇਡੀਅਟਸ' 'ਚ ਉਨ੍ਹਾਂ ਦਾ ਡਾਇਲਾਗ ਪੌਪ ਕਲਚਰ ਦਾ ਬਣ ਗਿਆ ਹਿੱਸਾ
ਫਿਲਮ '3 ਇਡੀਅਟਸ' ਵਿੱਚ ਉਨ੍ਹਾਂ ਇੱਕ ਸਖ਼ਤ ਅਤੇ ਉਲਝੇ ਹੋਏ ਪ੍ਰੋਫੈਸਰ ਦੀ ਭੂਮਿਕਾ ਨਿਭਾਈ। ਉਨ੍ਹਾਂ ਦਾ ਡਾਇਲਾਗ: "ਅਰੇ, ਆਖਿਰ ਕਹਿਣਾ ਕਿਆ ਚਾਹਤੇ ਹੋ?" ਅਜੇ ਵੀ ਮੀਮਜ਼ ਅਤੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੈ। ਇਸ ਛੋਟੇ ਜਿਹੇ ਕਿਰਦਾਰ ਵਿੱਚ ਵੀ ਉਨ੍ਹਾਂ ਅਜਿਹਾ ਪ੍ਰਭਾਵ ਛੱਡਿਆ ਕਿ ਦਰਸ਼ਕ ਉਸ ਨੂੰ ਸਾਲਾਂ ਤੱਕ ਯਾਦ ਰੱਖਦੇ ਹਨ।
ਇਹ ਵੀ ਪੜ੍ਹੋ : ਜ਼ਿਆਦਾ ਤਨਖਾਹ, ਜ਼ਿਆਦਾ ਪੈਨਸ਼ਨ! ਸਰਕਾਰ ਜਲਦ ਦੇ ਸਕਦੀ ਹੈ ਦੀਵਾਲੀ ਦਾ ਤੋਹਫ਼ਾ
ਪੋਤਦਾਰ ਨੇ ਟੀਵੀ 'ਤੇ ਵੀ ਬਣਾਈ ਇੱਕ ਖਾਸ ਪਛਾਣ
ਟੀਵੀ ਦੀ ਦੁਨੀਆ ਵਿੱਚ ਉਨ੍ਹਾਂ 'ਵਾਗਲੇ ਕੀ ਦੁਨੀਆ', 'ਸ਼੍ਰੀਮਤੀ ਤੇਂਦੁਲਕਰ', 'ਮਾਝਾ ਹੋਸ਼ੀਲ ਨਾ' ਅਤੇ 'ਭਾਰਤ ਕੀ ਖੋਜ' ਵਰਗੇ ਮਸ਼ਹੂਰ ਸ਼ੋਅਜ਼ ਵਿੱਚ ਕੰਮ ਕੀਤਾ।
ਇਹ ਵੀ ਪੜ੍ਹੋ : ਲੰਬੀ ਪੁਲਾਂਗ ਪੁੱਟਣ ਦੀ ਤਿਆਰੀ 'ਚ ਚੀਨ! Low Earth Orbit 'ਚ ਲਾਂਚ ਕੀਤੇ ਸੈਟੇਲਾਈਟ ਸਮੂਹ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੰਜਾਬ ਕੈਬਨਿਟ 'ਚ ਵੱਡਾ ਫੇਰਬਦਲ ਤੇ ਅਧਿਆਪਕਾਂ ਨੂੰ ਸੁਪਰੀਮ ਕੋਰਟ ਤੋਂ ਵੱਡੀ ਰਾਹਤ, ਪੜ੍ਹੋ TOP-10 ਖ਼ਬਰਾਂ
NEXT STORY 
