ਜਲੰਧਰ- ਸੈਮਸੰਗ ਨੇ ਕਰੀਬ ਦੋ ਮਹੀਨੇ ਪਹਿਲਾਂ ਗਲੈਕਸੀ ਸੀ7 ਪ੍ਰੋ ਸਮਾਰਟਫੋਨ ਲਾਂਚ ਕੀਤਾ ਸੀ। ਹੁਣ ਕੰਪਨੀ ਨੇ ਚੁੱਪਚਾਪ ਗਲੈਕਸੀ ਸੀ5 ਪ੍ਰੋ ਨਾਂ ਤੋਂ ਇਕ ਛੋਟਾ ਵੇਰਿਅੰਟ ਚੀਨ 'ਚ ਪੇਸ਼ ਕਰ ਦਿੱਤਾ ਹੈ। ਸੈਮਸੰਗ ਗਲੈਕਸੀ ਸੀ5 ਪ੍ਰੋ ਦੀ ਕੀਮਤ ਕਰੀਬ 2,499 ਚੀਨੀ ਯੂਆਨ (ਕਰੀਬ 25,000 ਰੁਪਏ) ਹੈ। ਇਹ ਫੋਨ ਚੀਨ 'ਚ ਸੈਮਸੰਗ ਦੀ ਅਧਿਕਾਰਿਕ ਵੈੱਬਸਾਈਟ 'ਤੇ ਪ੍ਰੀ-ਆਰਡਰ ਲਈ ਉਪਲੱਬਧ ਹੈ। ਸੀ5 ਪ੍ਰੋ ਲੇਕ ਬਲੂ, ਮੈਪਲ ਲੀਕ ਅਤੇ ਪਾਊਡਰ ਰੋਜ਼ ਕਲਰ ਵੇਰਿਅੰਟ 'ਚ ਮਿਲੇਗਾ।
ਸੈਮਸੰਗ ਗਲੈਕਸੀ ਸੀ5 ਪ੍ਰੋ 'ਚ 5.2 ਇੰਚ (1080x1920 ਪਿਕਸਲ) ਰੈਜ਼ੋਲਿਊਸਨ ਦਾ ਸੁਪਰ ਐਮੋਲੇਡ ਡਿਸਪਲੇ ਹੈ। ਸਕਰੀਨ ਦੀ ਡੇਨਸਿਟੀ 424 ਪੀ. ਪੀ. ਆਈ. ਹੈ। ਇਸ ਫੋਨ 'ਚ 2.2 ਗੀਗਾਹਟਰਜ਼ ਕਵਾਲਕਮ ਸਨੈਪਡ੍ਰੈਗਨ 625 ਪ੍ਰੋਸੈਸਰ ਹੈ। ਫੋਨ 'ਚ 4 ਜੀਬੀ ਰੈਮ ਹੈ। ਇਨਬਿਲਟ ਸਟੋਰੇਜ 64 ਜੀਬੀ ਹੈ, ਜਿਸ ਨੂੰ ਮਾਈਕ੍ਰੋ ਐੱਸ. ਡੀ. ਕਾਰਡ ਦੇ ਰਾਹੀ ਵਧਾ ਸਕਦੇ ਹਨ। ਇਹ ਫੋਨ ਐਂਡਰਾਇਡ 7.0 ਨੂਗਾ 'ਤੇ ਚੱਲਦਾ ਹੈ। ਸੀ5 ਪ੍ਰੋ ਦਾ ਡਾਈਮੈਂਸ਼ਨ 145,7x71.4x7 ਮਿਲੀਮੀਟਰ ਅਤੇ ਵਜਨ 145 ਗ੍ਰਾਮ ਹੈ। ਫੋਨ ਡਿਊਲ-ਸਿਮ ਸਪੋਰਟ ਨਾਲ ਆਉਂਦਾ ਹੈ। ਫੋਨ ਦਾ ਪਾਵਰ ਦੇਣ ਲਈ 2600 ਐੱਮ. ਏ. ਐੱਚ. ਦੀ ਬੈਟਰੀ ਦਿੱਤੀ ਗਈ ਹੈ।
ਕੈਮਰੇ ਦੀ ਗੱਲ ਕਰੀਏ ਤਾਂ ਗਲੈਕਸੀ ਸੀ5 ਪ੍ਰੋ 'ਚ ਰਿਅਰ 'ਤੇ ਅਪਰਚਰ ਐੱਫ/1.9 ਅਤੇ ਡਿਊਲ-ਟੋਨ ਡਿਊਲ ਐੱਲ. ਈ. ਡੀ. ਫਲੈਸ਼ ਨਾਲ 16 ਮੈਗਾਪਿਕਸਲ ਦਾ ਰਿਅਰ ਕੈਮਰਾ ਦਿੱਤਾ ਗਿਆ ਹੈ। ਫਰੰਟ ਕੈਮਰਾ ਵੀ 16 ਮੈਗਾਪਿਕਸਲ ਦਾ ਹੈ। ਦੋਵੇਂ ਹੀ ਕੈਮਰੇ ਤੋਂ ਫੁੱਲ ਐੱਚ. ਡੀ. ਰਿਕਾਰਡਿੰਗ ਕੀਤੀ ਜਾ ਸਕਦੀ ਹੈ। ਗਲੈਕਸੀ ਸੀ5 ਪ੍ਰੋ ਦੇ ਹੋਮ ਬਟਨ 'ਚ ਇਕ ਫਿੰਗਰਪ੍ਰਿੰਟ ਸੈਂਸਰ ਇੰਟੀਗ੍ਰੇਟੇਡ ਹੈ, ਜਿਸ ਨਾਲ ਫੋਨ ਸੈਮਸੰਗ ਪੇ ਸਪੋਰਟ ਕਰਦਾ ਹੈ। 4ਜੀ ਵੀ. ਓ. ਐੱਲ. ਟੀ. ਈ. ਤੋਂ ਇਲਾਵਾ ਸੈਮਸੰਗ ਗਲੈਕਸੀ ਸੀ5 ਪ੍ਰੋ 'ਚ ਕਨੈਕਟੀਵਿਟੀ ਲਈ ਵਾਈ-ਫਾਈ 802.11 ਏ/ਬੀ/ਜੀ/ਐੱਨ, ਬਲੂਟੁਥ 4.2, ਜੀ. ਪੀ. ਐੱਸ. ਏ-ਜੀ. ਪੀ. ਐੱਸ., ਗਲੋਨਾਮ, ਐੱਨ, ਐੱਫ. ਸੀ., ਐੱਫ. ਐੱਮ. ਰੇਡੀਓ, ਯੂ. ਐੱਸ. ਬੀ 2.0 ਵਰਗੇ ਫੀਚਰ ਮੌਜੂਦ ਹੈ। ਇਸ ਤੋਂ ਇਲਾਵਾ ਐਕਸੇਲੇਰੋਮੀਟਰ, ਜਾਇਰੋਸਕੋਪ, ਪ੍ਰਕਿਸਮਿਟੀ ਸੈਂਸਰ ਅਤੇ ਕੰਪਾਸ ਵੀ ਦਿੱਤੇ ਗਏ ਹਨ।
20mph ਦੀ ਰਫਤਾਰ ਨਾਲ ਚੱਲੇਗੀ ਇਹ ਇਲੈਕਟ੍ਰਾਨਿਕ ਬਾਈਕ
NEXT STORY 
