ਗੈਜੇਟ ਡੈਸਕ– ਜੇਕਰ ਤੁਸੀਂ ਵੀ ਐਪਲ ਏਅਰਪੌਡਸ ਖ਼ਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਤੁਹਾਡੇ ਲਈ ਇਹ ਸ਼ਾਨਦਾਰ ਮੌਕਾ ਹੈ। ਭਾਰਤ ’ਚ ਐਪਲ ਸਟੋਰ ’ਤੇ ਦੀਵਾਲੀ ਆਫਰ ਤਹਿਤ ਐਪਲ ਏਅਰਪੌਡਸ ਮੁਫ਼ਤ ਮਿਲੇਗਾ। ਦੀਵਾਲੀ ਦਾ ਇਹ ਆਫਰ 17 ਅਕਤੂਬਰ ਤੋਂ ਉਪਲੱਬਧ ਹੋਵੇਗਾ। ਇਸ ਆਫਰ ਦਾ ਲਾਭ ਲੈਣ ਲਈ ਤੁਹਾਨੂੰ ਆਈਫੋਨ 11 ਖ਼ਰੀਦਣਾ ਪਵੇਗਾ। ਜੀ ਹਾਂ, ਆਈਫੋਨ 11 ਖ਼ਰੀਦਣ ’ਤੇ ਤੁਹਾਨੂੰ ਐਪਲ ਦਾ ਏਅਰਪੌਡਸ ਮੁਫ਼ਤ ਮਿਲੇਗਾ। ਦੱਸ ਦੇਈਏ ਕਿ ਐਪਲ ਨੇ ਕੁਝ ਦਿਨ ਪਹਿਲਾਂ ਹੀ ਐਪਸ ਸਟੋਰ ਨੂੰ ਭਾਰਤ ’ਚ ਲਾਈਵ ਕੀਤਾ ਹੈ ਅਤੇ ਹੁਣ ਉਸ ਨੇ ਦੀਵਾਲੀ ਆਫਰ ਦਾ ਆਲੈਨ ਕਰ ਦਿੱਤਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਜੇਕਰ ਤੁਸੀਂ ਹਾਲ ਹੀ ’ਚ ਲਾਂਚ ਕੀਤੇ ਗਏ ਆਨਲਾਈਨ ਸਟੋਰ ਤੋਂ ਆਈਫੋਨ 11 ਖ਼ਰੀਦਦੇ ਹੋ ਤਾਂ ਐਪਲ ਏਅਰਪੌਡਸ ਮੁਫ਼ਤ ਮਿਲੇਗਾ। ਐਪਲ ਨੇ ਆਪਣੇ ਆਨਲਾਈਨ ਸਟੋਰ ਦੇ ਹੋਮਪੇਜ ’ਤੇ ਇਸ ਦੀਵਾਲੀ ਆਫਰ ਦਾ ਐਲਾਨ ਕੀਤਾ ਹੈ।
ਐਪਲ ਏਅਰਪੌਡਸ ਦੀ ਕੀਮਤ
ਐਪਲ ਇੰਡੀਆ ਆਨਲਾਈਨ ਸਟੋਰ ’ਤੇ ਚਾਰਜਿੰਗ ਕੇਸ ਵਾਲੇ ਏਅਰਪੌਡਸ ਦੀ ਕੀਮਤ 14,900 ਰੁਪਏ ਹੈ। ਵਾਇਰਲੈੱਸ ਚਾਰਜਿੰਗ ਕੇਸ ਵਾਲੇ ਏਅਰਪੌਡਸ ਦੀ ਕੀਮਤ 18,900 ਰੁਪਏ ਹੈ। ਏਅਰਪੌਡਸ ਪ੍ਰੋ ਲਈ ਗਾਹਕਾਂ ਨੂੰ 24,900 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ।
ਆਈਫੋਨ 11 ਦੀ ਕੀਮਤ
64 ਜੀ.ਬੀ. ਸਟੋਰੇਜ ਵਾਲੇ ਆਈਫੋਨ 11 ਦੀ ਕੀਮਤ 68,300 ਰੁਪਏ ਹੈ। 128 ਜੀ.ਬੀ. ਸਟੋਰੇਜ ਵਾਲੇ ਮਾਡਲ ਦੀ ਕੀਮਤ 73,600 ਰੁਪਏ ਅਤੇ 256 ਜੀ.ਬੀ. ਸਟੋਰੇਜ ਵਾਲੇ ਮਾਡਲ ਲਈ 84,100 ਰੁਪਏ ਖ਼ਰਚਣੇ ਪੈਣਗੇ। ਈ.ਐੱਮ.ਆਈ. ਰਾਹੀਂ ਇਸ ਨੂੰ 8,038 ਰੁਪਏ ਪ੍ਰਤੀ ਮਹੀਨਾ ’ਚ ਖ਼ਰੀਦਿਆ ਜਾ ਸਕਦਾ ਹੈ। ਜੇਕਰ ਤੁਹਾਡੇ ਕੋਲ ਇਕ ਸਮਾਰਟਫੋਨ ਹੈ ਜਿਸ ਨੂੰ ਤੁਸੀਂ ਆਈਫੋਨ 11 ਲਈ ਐਕਸਚੇਂਜ ਕਰਨਾ ਚਾਹੁੰਦੇ ਹੋ ਤਾਂ ਤੁਸੀਂ ਇਸ ਨੂੰ 5,802 ਰੁਪਏ ਪ੍ਰਤੀ ਮਹੀਨਾ ਈ.ਐੱਮ.ਆਈ. ’ਤੇ ਖ਼ਰੀਦ ਸਕਦੇ ਹੋ।
ਐਪਲ ਐਮਾਜ਼ੋਨ ਅਤੇ ਫਲਿਪਕਾਰਟ ਨਾਲ ਜੁੜਨ ਲਈ ਅਕਤੂਬਰ ਦੇ ਅੱਧ ਤੋਂ ਆਪਣੇ ਖ਼ਾਸ ਤਿਉਹਾਰੀ ਸੀਜ਼ਨ ਦੀ ਪੇਸ਼ਕਸ਼ ਕਰ ਰਹੀ ਹੈ। ਐਮਾਜ਼ੋਨ ਦੀ ਗ੍ਰੇਟ ਇੰਜੀਅਨ ਫੈਸਟਿਵਲ ਸੇਲ 17 ਅਕਤੂਬਰ ਅਤੇ ਫਲਿਪਕਾਰਟ ਦੀ ਬਿਗ ਬਿਲੀਅਨ ਡੇਜ਼ ਸੇਲ 16 ਅਕਤੂਬਰ ਤੋਂ ਸ਼ੁਰੂ ਹੋ ਰਹੀ ਹੈ।
ਹੁੰਡਈ ਲਿਆਈ ਸਸਤੀ ਵਰਨਾ ਕਾਰ, ਮੌਜੂਦਾ ਮਾਡਲ ਨਾਲੋਂ ਇੰਨੀ ਘੱਟ ਹੈ ਕੀਮਤ
NEXT STORY 
