ਜਲੰਧਰ- ਪੂਰੀ ਦੁਨੀਆ 'ਚ ਆਪਣੇ ਆਈਫੋਨਜ਼ ਨੂੰ ਲੈ ਕੇ ਮਸ਼ਹੂਰ ਹੋਈ ਕੰਪਨੀ ਐਪਲ ਇਸ ਸਾਲ ਤਿੰਨ ਨਵੇਂ ਆਈਫੋਨਜ਼ ਮਾਡਲਸ ਨੂੰ ਪੇਸ਼ ਕਰ ਸਕਦੀ ਹੈ। KGI ਸਕਿਓਰਟੀ ਐਨਾਲਿਸਟ ਮਿੰਗ ਚੀ ਕਿਊ ਨੇ ਨਵਾਂ ਰਿਸਰਚ ਨੋਟ ਜਾਰੀ ਕੀਤਾ ਹੈ, ਜਿਸ 'ਚ ਇੰਨ੍ਹਾਂ ਤਿੰਨਾਂ ਮਾਡਲਸ ਦੀ ਜਾਣਕਾਰੀ ਨੂੰ ਜਨਤਕ ਕੀਤਾ ਗਿਆ ਹੈ। ਇਸ ਨੋਟ 'ਚ ਕਿਓ ਨੇ ਦੱਸਿਆ ਹੈ ਕਿ ਐਪਲ ਇਸ ਸਾਲ 2 ਆਈਫੋਨਜ਼ ਦੀ ਬਜਾਏ 3 ਨਵੇਂ ਆਈਫੋਨਜ਼ ਮਾਡਲਸ ਨੂੰ ਲਾਂਚ ਕਰਨ ਵਾਲੀ ਹੈ। ਇੰਨ੍ਹਾਂ 'ਚ ਇਕ ਮਾਡਲ 6.1 ਇੰਚ ਦੀ ਵੱਡੀ LCD ਸਕਰੀਨ ਦਿੱਤੀ ਗਈ ਹੈ ਅਤੇ ਹੋਰ ਦੋ ਮਾਡਲ ਆਈਫੋਨ X ਦੇ ਅਪਗ੍ਰੇਡਡ ਵੇਰੀਐਂਟਸ ਹੋਣਗੇ।
6.1 ਇੰਚ iPhone ਮਾਡਲ 'ਚ ਮਿਲੇਗੀ ਵੱਡੀ ਬੈਟਰੀ -
ਰਿਲੀਜ਼ ਨੋਟ 'ਚ ਦੱਸਿਆ ਗਿਆ ਹੈ ਕਿ ਐਪਲ ਇਕ 6.1 ਇੰਚ LCD ਸਕਰੀਨ ਸਾਈਜ਼ ਵਾਲੇ ਆਈਫੋਨ ਮਾਡਲ 'ਤੇ ਕੰਮ ਕਰ ਰਹੀ ਹੈ। ਇਹ ਮਾਡਲ ਫੁੱਲ ਸਕਰੀਨ ਡਿਸਪਲੇਅ ਅਤੇ ਟਰੂ ਡੈਪਥ ਸੈਂਸਰ ਨਾਲ ਪੇਸ਼ ਹੋਵੇਗਾ। ਇਸ ਮਾਡਲ 'ਚ ਕੰਪਨੀ ਵੱਡੀ 2,850 ਤੋਂ 2,950 ਐੱਮ. ਏ. ਐੱਚ. ਸਮਰੱਥਾ ਵਾਲੀ ਬੈਟਰੀ ਦੇਵੇਗੀ, ਜੋ ਬੈਕਅਪ ਨੂੰ ਵਧਾਉਣ 'ਚ ਮਦਦ ਕਰੇਗੀ। ਇਸ ਤੋਂ ਇਲਾਵਾ ਇਸ 'ਚ ਆਈਫੋਨ X 'ਚ ਦਿੱਤੀ ਜਾਣ ਵਾਲੀ 34 ਸੈਂਸਿੰਗ ਟੈਕਨਾਲੋਜੀ ਵੀ ਮਿਲੇਗੀ, ਜੋ ਐਨੀਮੋਜੀ ਨੂੰ ਸਪੋਰਟ ਕਰਨ ਲਈ ਕੰਮ 'ਚ ਲਿਆਈ ਜਾਵੇਗੀ।
ਇੰਨ੍ਹਾਂ ਕਾਰਨਾਂ ਨਾਲ ਚਲਦੇ ਆਈਫੋਨ 'ਚ ਦਿੱਤੀ ਜਾਵੇਗੀ LCD ਡਿਸਪਲੇਅ -
ਐਪਲ ਆਈਫੋਨਜ਼ ਦੀ ਕੀਮਤ ਜ਼ਿਆਦਾ ਹੋਣ ਦੀ ਵਜ੍ਹਾ ਤੋਂ ਇੰਨ੍ਹਾਂ ਦੀ ਵਿਕਰੀ 'ਚ ਕਮੀ ਦਰਜ ਕੀਤੀ ਗਈ ਹੈ, ਜਿਸ ਵਜ੍ਹਾ 'ਚ ਸਮਾਰਟਫੋਨ ਮਾਰਕੀਟ 'ਚ ਬਰਕਰਾਰ ਰਹਿਣ ਲਈ ਐਪਲ ਨਵੇਂ 6.1 ਇੰਚ ਆਈਫੋਨ ਮਾਡਲ 'ਚ OLED ਡਿਸਪੇਲਅ ਦੀ ਬਜਾਏ ਫੁੱਲ LCD ਡਿਸਪਲੇਅ ਦੇਵੇਗੀ, ਜਿਸ ਨਾਲ ਇਸ ਨੂੰ ਘੱਟ ਕੀਮਤ 'ਤੇ ਉਪਲੱਬਧ ਕੀਤਾ ਜਾ ਸਕੇਗਾ। ਇਸ ਤੋਂ ਇਲਾਵਾ ਕੀਮਤ 'ਚ ਕਟੌਤੀ ਕਰਨ ਲਈ ਐਪਲ ਇਸ 'ਚ ਸਟੇਲਨੈਸ ਸਟੀਲ ਦੀ ਬਜਾਏ ਐਲੂਮੀਨੀਅਮ ਫ੍ਰੇਮ ਨਾਲ ਤਿਆਰ ਕਰੇਗੀ। ਇਸ 'ਚ ਡਿਊਲ ਲੈਂਸ ਦੀ ਬਜਾਏ ਸਿੰਗਲ ਲੈਂਸ ਕੈਮਰਾ ਹੋਣ ਦੀ ਵੀ ਜਾਣਕਾਰੀ ਹੈ।
18:9 ਰੇਸ਼ਿਓ 'ਤੇ ਕੰਮ ਕਰੇਗੀ ਇਹ LCD ਡਿਸਪੇਲਅ -
ਜਾਣਕਾਰੀ ਮੁਤਾਬਕ ਐਪਲ ਦੇ ਨਵੇਂ 6.1 ਇੰਚ ਮਾਡਲ ਵਾਲੇ ਆਈਫੋਨ ਮਾਡਲ ਦੀ ਸਕਰੀਨ ਜਾਪਾਨ ਤੋਂ ਸਪਲਾਈ ਹੋਵੇਗੀ। ਇਸ 'ਚ ਲੱਗਾ LCD ਪੈਨਲ 18:9 ਰੇਸ਼ਿਓ ਨਾਲ 2,160x1,080 ਪਿਕਸਲ ਰੈਜ਼ੋਲਿਊਸ਼ਨ ਨੂੰ ਸਪੋਰਟ ਕਰੇਗਾ ਪਰ ਕਲੈਰਿਟੀ ਦੇ ਮਾਮਲੇ 'ਚ ਇਙ ਸਕਰੀਨ ਕਿੰਨੀ ਬਿਹਤਰ ਹੋਵੇਗੀ ਇਸ ਬਾਰੇ 'ਚ ਹੁਣ ਕੁਝ ਕਿਹਾ ਨਹੀਂ ਜਾ ਸਕਦਾ।
ਸੈਕਿੰਡ ਜਨਰੇਸ਼ਨ ਆਈਫੋਨ X ਅਤੇ ਆਈਫੋਨ X ਪਲੱਸ ਹੋਣਗੇ ਲਾਂਚ -
ਇਸ ਨੋਟ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਐਪਲ ਜ਼ਿਆਦਾ RAM ਨਾਲ ਸੈਕਿੰਡ ਜਨਰੇਸ਼ਨ ਆਈਫੋਨ X ਅਤੇ ਆਈਫੋਨ X ਪਲੱਸ ਨੂੰ ਪੇਸ਼ ਕਰੇਗੀ। ਕਿਊ ਨੇ ਦੱਸਿਆ ਹੈ ਕਿ ਇੰਨ੍ਹਾਂ ਮਾਡਲਸ 'ਚ 4GB RAM ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਇੰਨ੍ਹਾਂ 'ਚ 3,300 ਤੋਂ 3,400 ਐੱਮ. ਏ. ਐੱਚ. ਦੀ ਜ਼ਿਆਦਾ ਸਮਰੱਥਾ ਵਾਲੀ ਬੈਟਰੀ ਲਗਾਈ ਜਾਵੇਗੀ। ਕਿਊ ਨੋਟ ਮੁਤਾਬਕ ਇੰਨ੍ਹਾਂ ਆਈਫੋਨਜ਼ ਮਾਡਲਸ 'ਚ ਇਕ ਦੀ ਬਜਾਏ ਦੋ ਬੈਟਰੀਆਂ ਸੈਲਸ ਦਿੱਤੇ ਜਾਣਗੇ, ਜੋ 25 ਫੀਸਦੀ ਤੱਕ ਬੈਟਰੀ ਦੀ ਸਮਰੱਥਾ ਨੂੰ ਵਧਾਉਣ 'ਚ ਮਦਦ ਕਰਨਗੇ।
ਜ਼ਿਕਰਯੋਗ ਹੈ ਕਿ ਕਿਊ ਨੇ ਹਾਲ ਹੀ 'ਚ ਇਕ ਰਿਪੋਰਟ ਜਾਰੀ ਕਰ ਕੇ ਦੱਸਿਆ ਸੀ ਕਿ ਆਈਫੋਨ ਐੱਕਸ ਨੂੰ 6 ਮਹੀਨਿਆਂ ਦੇ ਅੰਦਰ-ਅੰਦਰ ਬੰਦ ਕਰ ਦਿੱਤਾ ਜਾਵੇਗਾ। ਨੋਟ ਮੁਤਾਬਕ ਕੰਪਨੀ ਘੱਟ ਕੀਮਤ 'ਤੇ ਆਈਫੋਨ ਐੱਕਸ ਨੂੰ ਵੇਚ ਨਹੀਂ ਸਕਦੀ ਅਤੇ ਜ਼ਿਆਦਾ ਕੀਮਤ ਹੋਣ ਦੇ ਕਾਰਨ ਲੋਕ ਇਸ ਨੂੰ ਖਰੀਦ ਨਹੀਂ ਸਕੇ, ਜਿਸ ਨਾਲ ਇਸ ਨੂੰ ਬੰਦ ਕੀਤਾ ਜਾ ਸਕਦਾ ਹੈ।
ਇਸ ਨਵੀਂ ਅਪਡੇਟ 'ਚ ਵਟਸਐਪ ਨੂੰ ਮਿਲੀ Apple Carplay ਇੰਟੀਗ੍ਰੇਸ਼ਨ
NEXT STORY 
