ਗੈਜੇਟ ਡੈਸਕ - ਸਰਕਾਰੀ ਦੂਰਸੰਚਾਰ ਕੰਪਨੀ BSNL ਨੇ ਮੋਬਾਈਲ ਯੂਜ਼ਰਸ ਨੂੰ ਇਕ ਵੱਡੀ ਖੁਸ਼ੀ ਦਿੱਤੀ ਹੈ। ਦੱਸ ਦਈਏ ਕਿ ਲੰਬੇ ਸਮੇਂ ਦੀ ਉਡੀਕ ਤੋਂ ਬਾਅਦ BSNL ਨੇ ਆਪਣੀ 5G ਸੇਵਾ ਸ਼ੁਰੂ ਕੀਤੀ ਹੈ, ਜਿਸ ਦਾ ਨਾਮ Quantum 5G ਸੇਵਾ ਜਾਂ Q-5G ਰੱਖਿਆ ਗਿਆ ਹੈ। ਇਸ ਸਮੇਂ, ਇਹ ਨਵਾਂ ਫਿਕਸਡ ਵਾਇਰਲੈੱਸ ਐਕਸੈਸ (FWA) ਸੇਵਾ ਚੋਣਵੇਂ ਖੇਤਰਾਂ ਵਿਚ ਸ਼ੁਰੂ ਕੀਤੀ ਗਈ ਹੈ। ਇਸ ਕਦਮ ਨਾਲ ਲੱਖਾਂ ਯੂਜ਼ਰਸ ਦੀਆਂ ਮੁਸ਼ਕਲਾਂ ਘੱਟ ਹੋਣ ਜਾ ਰਹੀਆਂ ਹਨ। ਆਓ ਜਾਣਦੇ ਹਾਂ ਕਿ ਇਸ ਤੋਂ ਕਿਸਨੂੰ ਫਾਇਦਾ ਹੋਵੇਗਾ ਅਤੇ ਇਸਦੀ ਮਹੀਨਾਵਾਰ ਕੀਮਤ ਕੀ ਹੋਵੇਗੀ। ਲਗਭਗ ਇਕ ਹਫ਼ਤਾ ਪਹਿਲਾਂ, BSNL ਨੇ ਆਪਣੇ ਗਾਹਕਾਂ ਨੂੰ 5G ਸੇਵਾ ਲਈ ਨਾਮ ਸੁਝਾਉਣ ਦੀ ਅਪੀਲ ਕੀਤੀ ਸੀ। ਹੁਣ Quantum 5G ਸੇਵਾ ਦੇ ਨਾਲ, ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਇਹ ਯੂਜ਼ਰਸ ਨੂੰ ਸਿਮ ਤੋਂ ਬਿਨਾਂ ਤੇਜ਼ ਡਾਟਾ ਕਨੈਕਸ਼ਨ ਅਤੇ ਸੰਚਾਲਨ ਪ੍ਰਦਾਨ ਕਰੇਗੀ। ਹਾਲਾਂਕਿ, ਇਹ ਸੇਵਾ ਇਸ ਸਮੇਂ ਸਾਫਟ ਲਾਂਚ ਪੜਾਅ ਵਿਚ ਹੈ ਅਤੇ ਇਸਦਾ ਰਸਮੀ ਤੌਰ 'ਤੇ ਵਪਾਰਕ ਤੌਰ 'ਤੇ ਅਜੇ ਤੱਕ ਵਿਸਥਾਰ ਨਹੀਂ ਕੀਤਾ ਗਿਆ ਹੈ।
ਇਨ੍ਹਾਂ ਸ਼ਹਿਰਾਂ 'ਚ ਸ਼ੁਰੂ ਹੋਈ 5G ਸੇਵਾ
ਟੈਲੀਕਾਮ ਕੰਪਨੀ BSNL ਨੇ ਹੁਣ ਚੋਣਵੇਂ ਸਰਕਲਾਂ ਵਿਚ ਆਪਣੀ Quantum 5G FWA ਸੇਵਾ ਸ਼ੁਰੂ ਕੀਤੀ ਹੈ। ਇਹ ਸੇਵਾ ਮੁੱਖ ਤੌਰ 'ਤੇ ਕਾਰੋਬਾਰੀ ਅਤੇ ਉੱਦਮ ਯੂਜ਼ਰਸ ਲਈ ਤਿਆਰ ਕੀਤੀ ਗਈ ਹੈ, ਇਸ ਲਈ ਆਮ ਗਾਹਕ ਇਸ ਸਮੇਂ ਇਸ ਦਾ ਲਾਭ ਨਹੀਂ ਲੈ ਸਕਣਗੇ। ਕੰਪਨੀ ਦੇ ਅਨੁਸਾਰ, ਇਹ ਦੇਸ਼ ਦੀ ਪਹਿਲੀ ਅਜਿਹੀ 5G FWA ਸੇਵਾ ਹੈ ਜਿਸ ਲਈ ਨਾ ਤਾਂ ਕਿਸੇ ਤਾਰ ਦੀ ਲੋੜ ਹੈ ਅਤੇ ਨਾ ਹੀ ਸਿਮ ਕਾਰਡ ਦੀ। ਇਸਨੂੰ ਪੂਰੀ ਤਰ੍ਹਾਂ ਸਵਦੇਸ਼ੀ ਤਕਨਾਲੋਜੀ ਵੱਲੋਂ ਵਿਕਸਤ ਕੀਤਾ ਗਿਆ ਹੈ ਅਤੇ ਇਹ ਸੇਵਾ ਇਸ ਤਕਨਾਲੋਜੀ ਦੇ ਆਧਾਰ 'ਤੇ ਪ੍ਰਦਾਨ ਕੀਤੀ ਜਾਵੇਗੀ।
ਕਿੰਨੀ ਹੈ 5G ਕੀਮਤ?
ਕੁਆਂਟਮ 5G FWA ਸੇਵਾ ਸਿਰਫ਼ ਹਾਈ-ਸਪੀਡ ਇੰਟਰਨੈੱਟ ਡਾਟਾ ਪ੍ਰਦਾਨ ਕਰੇਗੀ, ਜਿਸ ਵਿਚ ਵਾਇਸ ਕਾਲਿੰਗ ਸਹੂਲਤ ਸ਼ਾਮਲ ਨਹੀਂ ਹੋਵੇਗੀ। ਇਸ ਸੇਵਾ ਦੀ ਸ਼ੁਰੂਆਤੀ ਮਾਸਿਕ ਕੀਮਤ 999 ਰੁਪਏ ਰੱਖੀ ਗਈ ਹੈ। ਕੁਝ ਦਿਨ ਪਹਿਲਾਂ, BSNL ਨੇ ਆਪਣੀ 5G ਸੇਵਾ ਦੇ ਨਾਮ ਲਈ ਆਮ ਲੋਕਾਂ ਤੋਂ ਸੁਝਾਅ ਵੀ ਮੰਗੇ ਸਨ। ਦੇਸ਼ ਵਿੱਚ ਨੈੱਟਵਰਕ ਕਵਰੇਜ ਨੂੰ ਬਿਹਤਰ ਬਣਾਉਣ ਦੇ ਉਦੇਸ਼ ਨਾਲ, BSNL 1 ਲੱਖ ਨਵੇਂ 4G ਅਤੇ 5G ਮੋਬਾਈਲ ਟਾਵਰ ਲਗਾਉਣ ਦੀ ਯੋਜਨਾ 'ਤੇ ਕੰਮ ਕਰ ਰਿਹਾ ਹੈ। ਇਸ ਯੋਜਨਾ ਨੂੰ ਜਲਦੀ ਹੀ ਕੇਂਦਰੀ ਕੈਬਨਿਟ ਤੋਂ ਮਨਜ਼ੂਰੀ ਮਿਲਣ ਦੀ ਉਮੀਦ ਹੈ। ਕੰਪਨੀ ਨੇ ਪਿਛਲੇ ਸਾਲ ਵੀ ਇੰਨੇ ਹੀ ਟਾਵਰ ਲਗਾਉਣ ਦਾ ਵਾਅਦਾ ਕੀਤਾ ਸੀ, ਜਿਸ ਵਿਚ ਹੁਣ ਤੱਕ 70,000 ਤੋਂ ਵੱਧ ਟਾਵਰ ਸਰਗਰਮ ਕੀਤੇ ਜਾ ਚੁੱਕੇ ਹਨ।
Google Users ਦੀਆਂ ਲੱਗੀਆਂ ਮੌਜਾਂ! ਮਿਲਣ ਜਾ ਰਿਹਾ ਇਹ ਧਾਕੜ Features
NEXT STORY 
