ਆਟੋ ਡੈਸਕ- ਉੱਤਰ ਪ੍ਰਦੇਸ਼ ਦੇ ਗੋਂਡਾ ਜ਼ਿਲ੍ਹੇ 'ਚ ਓਲਾ ਦੇ ਇਕ ਨਵੇਂ ਸਕੂਟਰ Ola Scooter x1 pro ਨੂੰ ਲੈ ਕੇ ਲੋਕਾਂ 'ਚ ਕਾਫੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਇਹ ਸਕੂਟਰ ਇਕ ਵਾਰ ਚਾਰਜ ਕਰਨ 'ਤੇ 150 ਕਿਲੋਮੀਟਰ ਤਕ ਦੀ ਦੂਰੀ ਤੈਅ ਕਰਦਾ ਹੈ। ਓਲਾ ਦੇ ਸ਼ੋਅਰੂਮ ਦੇ ਮੈਨੇਜਰ ਹੇਮੰਤ ਕੁਮਾਰ ਨੇ ਕਿਹਾ ਕਿ ਇਸ ਸਕੂਟਰ ਨੂੰ ਚਾਰਜ ਕਰਨ ਦਾ ਖਰਚਾ ਲਗਭਗ 30 ਰੁਪਏ ਆਉਂਦਾ ਹੈ ਅਤੇ ਇਹ 150 ਕਿਲੋਮੀਟਰ ਤਕ ਆਰਾਮ ਨਾਲ ਚੱਲਦਾ ਹੈ।
ਓਲਾ ਸਕੂਟਰ ਦੀ ਵਧਦੀ ਮੰਗ
ਹੇਮੰਦ ਕੁਮਾਰ ਦੱਸਦੇ ਹਨ ਕਿ ਗੋਂਡਾ 'ਚ ਓਲਾ ਸਕੂਟਰ ਦੀ ਮੰਗ ਕਾਫੀ ਵੱਧ ਗਈ ਹੈ। ਗੋਂਡਾ 'ਚ ਓਲਾ ਦਾ ਨਵਾਂ ਸ਼ੋਅਰੂਮ ਖੁੱਲ੍ਹਣ ਤੋਂ ਬਾਅਦ ਹੁਣ ਹਰ ਮਹੀਨੇ 20 ਤੋਂ 25 ਓਲਾ ਸਕੂਟਰ ਵਿਕ ਜਾਂਦੇ ਹਨ। ਪਹਿਲਾਂ ਓਲਾ ਦੇ ਸਰਵਿਸ ਸੈਂਟਰਾਂ ਦੀ ਘਾਟ ਕਾਰਨ ਲੋਕ ਇਸਨੂੰ ਘੱਟ ਖਰੀਦਦੇ ਸਨ ਪਰ ਹੁਣ ਓਲਾ ਦੇ ਪੂਰੇ ਭਾਰਤ 'ਚ ਕਰੀਬ 4000 ਤੋਂ 5000 ਸਰਵਿਸ ਸੈਂਟਰ ਖੋਲ੍ਹ ਦਿੱਤੇ ਗਏ ਹਨ, ਜਿਸ ਨਾਲ ਲੋਕਾਂ ਨੂੰ ਹੁਣ ਸਰਵਿਸ ਦੀ ਕੋਈ ਚਿੰਤਾ ਨਹੀਂ ਰਹਿੰਦੀ।
ਵੇਰੀਐਂਟਸ ਅਤੇ ਫੀਚਰਜ਼
ਓਲਾ ਦੀ ਸੈਕਿੰਡ ਜਨਰੇਸ਼ਨ ਸਕੂਟਰ ਤਿੰਨ ਵੇਰੀਐਂਟਸ X1 ਪ੍ਰੋ, X1 ਪਲੱਸ ਅਤੇ X1 ਏਅਰ 'ਚ ਉਪਲੱਬਧ ਹੈ। ਇਨ੍ਹਾਂ 'ਚੋਂ X1 ਪ੍ਰੋ ਨੂੰ ਟਾਪੁ ਮਾਡਲ ਮੰਨਿਆ ਜਾਂਦਾ ਹੈ। ਇਸ ਮਾਡਲ 'ਚ ਚਾਰ ਮੋਡ ਈਕੋ ਮੋਡ, ਸਪੋਰਟ ਮੋਡ, ਹਾਈਪਰ ਮੋਡ ਅਤੇ ਨਾਰਮਲ ਮੋਡ ਦਿੱਤੇ ਗਏ ਹਨ। ਇਹ ਪੂਰੀ ਤਰ੍ਹਾਂ ਐਂਡਰਾਇਡ ਬੇਸਡ ਹੈ ਅਤੇ ਇਸ ਵਿਚ ਸਾਊਂਡ ਸਰਵਿਸ ਦੇ ਨਾਲ-ਨਾਲ ਰਿਮੋਟ ਕੰਟਰੋਲ ਦੀ ਵੀ ਸੁਵਿਧਾ ਹੈ। ਇਸ ਤੋਂ ਇਲਾਵਾ ਇਸ ਵਿਚ ਡਿਜੀਟਲ ਮੀਟਰ ਵੀ ਦਿੱਤਾ ਗਿਆ ਹੈ, ਜੋ ਸਕੂਟਰ ਦੇ ਸਾਰੇ ਡਾਟਾ ਨੂੰ ਡਿਟੇਲ ਕਰਦਾ ਹੈ।
ਕੀਮਤ ਅਤੇ ਸਬਸਿਡੀ
ਹੇਮੰਤ ਕੁਮਾਰ ਦੇ ਅਨੁਸਾਰ, ਓਲਾ ਸਕੂਟਰ ਨੂੰ ਚਾਰਜ ਕਰਨ ਦਾ ਖਰਚਾ 30 ਤੋਂ 40 ਰੁਪਏ ਤਕ ਆਉਂਦਾ ਹੈ। X1 ਪ੍ਰੋ ਮਾਡਲ ਦੀ ਕੀਮਤ 1 ਲੱਖ, 35 ਹਜ਼ਾਰ ਰੁਪਏ ਹੈ ਪਰ ਸਰਕਾਰ ਵੱਲੋਂ ਇਸ 'ਤੇ 5000 ਰੁਪਏ ਦੀ ਸਬਸਿਡੀ ਦਿੱਤੀ ਜਾ ਰਹੀ ਹੈ, ਜਿਸ ਨਾਲ ਗਾਹਕਾਂ ਨੂੰ ਥੋੜ੍ਹੀ ਰਾਹਤ ਮਿਲਦੀ ਹੈ।
WhatsApp Calling ਦਾ ਹੁਣ ਬਦਲੇਗਾ ਅੰਦਾਜ਼, ਬਸ ਕਰ ਲਓ ਇਹ ਕੰਮ
NEXT STORY 
