ਗੈਜੇਟ ਡੈਸਕ - ਤੁਸੀਂ ਸਾਲਾਂ ਤੋਂ ਆਪਣੇ ਫ਼ੋਨ ਦੀ ਵਰਤੋਂ ਕਰ ਰਹੇ ਹੋ ਪਰ ਆਪਣੇ ਆਪ ਤੋਂ ਇਹ ਸਵਾਲ ਪੁੱਛੋ ਕੀ ਤੁਸੀਂ ਆਪਣੇ ਮੋਬਾਈਲ ਫ਼ੋਨ 'ਤੇ ਹਰ ਫੀਚਰ ਨੂੰ ਜਾਣਦੇ ਹੋ? ਅਜਿਹਾ ਹੀ ਇਕ ਫੀਚਰ ਫਲਾਈਟ ਮੋਡ ਹੈ, ਜਿਸਨੂੰ ਏਅਰਪਲੇਨ ਮੋਡ ਵੀ ਕਿਹਾ ਜਾਂਦਾ ਹੈ। ਤੁਹਾਨੂੰ ਇਹ ਫੀਚਰ ਹਰ ਸਮਾਰਟਫੋਨ 'ਤੇ ਮਿਲੇਗਾ। ਬਹੁਤ ਸਾਰੇ ਲੋਕ ਸੋਚਦੇ ਹਨ ਕਿ ਇਸਦੀ ਵਰਤੋਂ ਸਿਰਫ਼ ਹਵਾਈ ਜਹਾਜ਼ਾਂ 'ਤੇ ਯਾਤਰਾ ਕਰਨ ਵੇਲੇ ਕੀਤੀ ਜਾਂਦੀ ਹੈ ਪਰ ਇਹ ਸੱਚ ਨਹੀਂ ਹੈ। ਇਹ ਫੀਚਰ ਸਿਰਫ਼ ਹਵਾਈ ਜਹਾਜ਼ਾਂ 'ਤੇ ਹੀ ਨਹੀਂ ਸਗੋਂ ਕਈ ਹੋਰ ਉਦੇਸ਼ਾਂ ਲਈ ਵੀ ਵਰਤੀ ਜਾਂਦੀ ਹੈ।
ਏਅਰਪਲੇਨ ਮੋਡ ਕੀ ਹੈ?
ਏਅਰਪਲੇਨ ਮੋਡ ਇਕ ਫੀਚਰ ਹੈ ਜੋ ਸਿਰਫ਼ ਫ਼ੋਨਾਂ 'ਤੇ ਹੀ ਨਹੀਂ ਸਗੋਂ ਟੈਬਲੇਟਾਂ ਅਤੇ ਲੈਪਟਾਪਾਂ 'ਤੇ ਵੀ ਮਿਲਦਾ ਹੈ। ਇਹ ਇਕ ਸੈਟਿੰਗ ਹੈ ਜੋ ਸਾਰੀਆਂ ਵਾਇਰਲੈੱਸ ਟ੍ਰਾਂਸਮਿਸ਼ਨ ਫੀਚਰਜ਼ ਜਿਵੇਂ ਕਿ ਵਾਈ-ਫਾਈ, ਸੈਲੂਲਰ ਡੇਟਾ, ਅਤੇ ਬਲੂਟੁੱਥ ਕਨੈਕਟੀਵਿਟੀ ਨੂੰ ਤੁਰੰਤ ਬੰਦ ਕਰ ਦਿੰਦੀ ਹੈ। ਇਹ ਫੀਚਰ ਮੁੱਖ ਤੌਰ 'ਤੇ ਡਿਵਾਈਸਾਂ ਨੂੰ ਸਿਗਨਲ ਭੇਜਣ ਤੋਂ ਰੋਕਣ ਲਈ ਤਿਆਰ ਕੀਤੀ ਗਈ ਹੈ ਜੋ ਹਵਾਈ ਜਹਾਜ਼ ਦੇ ਸੰਚਾਰ ਅਤੇ ਨੈਵੀਗੇਸ਼ਨ ਪ੍ਰਣਾਲੀਆਂ 'ਚ ਵਿਘਨ ਪਾ ਸਕਦੇ ਹਨ।
ਫਲਾਈਟ ਮੋਡ ਦੇ ਇਹ ਫਾਇਦੇ :-
- ਫਲਾਈਟ ਮੋਡ ਸਾਡੇ ਮੋਬਾਈਲ ਫੋਨ 'ਤੇ ਆਉਣ ਵਾਲੇ ਸਾਰੇ ਵਾਇਰਲੈੱਸ ਸਿਗਨਲਾਂ ਨੂੰ ਰੋਕਦਾ ਹੈ। ਜੇਕਰ ਫ਼ੋਨ ਨੂੰ ਮਜ਼ਬੂਤ ਨੈੱਟਵਰਕ ਕਨੈਕਸ਼ਨ ਨਹੀਂ ਮਿਲਦਾ, ਤਾਂ ਇਹ ਲਗਾਤਾਰ ਸਿਗਨਲ ਦੀ ਭਾਲ ਕਰਦਾ ਰਹਿੰਦਾ ਹੈ। ਇਸ ਨਾਲ ਬੈਟਰੀ ਤੇਜ਼ੀ ਨਾਲ ਖਤਮ ਹੋ ਜਾਂਦੀ ਹੈ। ਇਨ੍ਹਾਂ ਸਮਿਆਂ ਦੌਰਾਨ ਏਅਰਪਲੇਨ ਮੋਡ ਬਹੁਤ ਲਾਭਦਾਇਕ ਹੋ ਸਕਦਾ ਹੈ। ਇਸ ਨੂੰ ਚਾਲੂ ਕਰਨ ਨਾਲ ਸਿਗਨਲ ਖੋਜ ਪ੍ਰਕਿਰਿਆ ਬੰਦ ਹੋ ਜਾਵੇਗੀ, ਜਿਸ ਨਾਲ ਬੈਟਰੀ ਦੀ ਕਾਫ਼ੀ ਬਚਤ ਹੋਵੇਗੀ।
- ਬਹੁਤ ਸਾਰੇ ਲੋਕ ਆਪਣੇ ਫ਼ੋਨ ਚਾਰਜ ਕਰਦੇ ਸਮੇਂ ਇੰਟਰਨੈੱਟ ਅਤੇ ਲੋਕੇਸ਼ਨ ਵਰਗੇ ਫੀਚਰਜ਼ ਨੂੰ ਚਾਲੂ ਰੱਖਦੇ ਹਨ। ਹਾਲਾਂਕਿ, ਜੇਕਰ ਤੁਸੀਂ ਆਪਣੇ ਫ਼ੋਨ ਨੂੰ ਤੇਜ਼ੀ ਨਾਲ ਚਾਰਜ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਚਾਰਜ ਕਰਦੇ ਸਮੇਂ ਏਅਰਪਲੇਨ ਮੋਡ ਚਾਲੂ ਕਰਨਾ ਚਾਹੀਦਾ ਹੈ। ਕਿਹਾ ਜਾਂਦਾ ਹੈ ਕਿ ਇਸ ਮੋਡ ਨੂੰ ਚਾਲੂ ਕਰਨ ਨਾਲ ਆਮ ਚਾਰਜਿੰਗ ਦੇ ਮੁਕਾਬਲੇ ਚਾਰਜਿੰਗ ਸਪੀਡ 20 ਤੋਂ 25 ਪ੍ਰਤੀਸ਼ਤ ਵੱਧ ਜਾਂਦੀ ਹੈ।
- ਜਦੋਂ ਤੁਸੀਂ ਆਪਣੇ ਬੱਚਿਆਂ ਨੂੰ ਗੇਮ ਖੇਡਣ ਜਾਂ ਵੀਡੀਓ ਦੇਖਣ ਲਈ ਫ਼ੋਨ ਦਿੰਦੇ ਹੋ, ਤਾਂ ਇਹ ਖ਼ਤਰਾ ਹੁੰਦਾ ਹੈ ਕਿ ਉਹ ਗਲਤੀ ਨਾਲ ਕੋਈ ਫੀਚਰ ਦਬਾ ਸਕਦੇ ਹਾਂ ਜਿਸ ਨਾਲ ਫ਼ੋਨ ਦੀਆਂ ਸੈਟਿੰਗਾਂ ਬਦਲ ਸਕਦੀਆਂ ਹਨ ਜਾਂ ਕਾਲ ਵੀ ਹੋ ਸਕਦੀ ਹੈ। ਅਜਿਹੀ ਸਥਿਤੀ 'ਚ, ਏਅਰਪਲੇਨ ਮੋਡ ਚਾਲੂ ਕਰੋ ਅਤੇ ਮੋਬਾਈਲ ਡਾਟਾ ਬੰਦ ਕਰੋ। ਇਹ ਬੱਚਿਆਂ ਨੂੰ ਇੰਟਰਨੈੱਟ ਦੀ ਵਰਤੋਂ ਕਰਨ ਜਾਂ ਕਾਲ ਕਰਨ ਤੋਂ ਰੋਕੇਗਾ।
7540mAh ਦੀ ਬੈਟਰੀ ਤੇ 50MP ਕੈਮਰੇ ਵਾਲਾ ਧਾਕੜ Phone ਹੋਇਆ ਲਾਂਚ ! ਜਾਣੋ ਕੀਮਤ ਤੇ ਫੀਚਰਜ਼
NEXT STORY 
