ਗੈਜੇਟ ਡੈਸਕ : ਭਾਰਤ ਦੀਆਂ ਸਭ ਤੋਂ ਪ੍ਰਸਿੱਧ SUV ਕਾਰਾਂ ਵਿੱਚੋਂ ਇੱਕ ਹੁੰਡਈ ਕ੍ਰੇਟਾ (Hyundai Creta) ਜਲਦ ਹੀ ਇੱਕ ਬਿਲਕੁਲ ਨਵੇਂ ਰੂਪ ਵਿੱਚ ਲਾਂਚ ਹੋਣ ਜਾ ਰਹੀ ਹੈ। ਤੀਜੀ ਜਨਰੇਸ਼ਨ ਦੀ ਇਹ ਕ੍ਰੇਟਾ ਪਹਿਲਾਂ ਨਾਲੋਂ ਵੱਡੀ ਅਤੇ ਚੌੜੀ ਹੋਵੇਗੀ ਅਤੇ ਇਸ ਵਿੱਚ ਪਹਿਲਾਂ ਨਾਲੋਂ ਬਿਹਤਰ ਮਾਈਲੇਜ ਵੀ ਮਿਲੇਗੀ। ਮੀਡੀਆ ਰਿਪੋਰਟਾਂ ਅਨੁਸਾਰ, ਇਸ ਕਾਰ ਦੀ ਟੈਸਟਿੰਗ ਦੱਖਣੀ ਕੋਰੀਆ ਵਿੱਚ ਸ਼ੁਰੂ ਹੋ ਚੁੱਕੀ ਹੈ।
ਕੀ ਹੋਣਗੇ ਨਵੇਂ ਬਦਲਾਅ?
ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਨਵੀਂ ਹੁੰਡਈ ਕ੍ਰੇਟਾ ਅਗਲੇ ਸਾਲ ਲਾਂਚ ਹੋਵੇਗੀ। ਇਹ ਮੌਜੂਦਾ ਮਾਡਲ ਤੋਂ ਥੋੜੀ ਵੱਡੀ ਹੋਵੇਗੀ ਅਤੇ ਇਸ ਦਾ ਲੁੱਕ ਪਹਿਲਾਂ ਨਾਲੋਂ ਵਧੇਰੇ ਸ਼ਾਰਪ ਹੋਵੇਗਾ। ਇਸ ਵਿੱਚ 18-ਇੰਚ ਦੇ ਟਾਇਰ, ਰੂਫ ਸਪੋਇਲਰ ਅਤੇ ਲੰਬਾ ਵ੍ਹੀਲਬੇਸ ਦੇਖਣ ਨੂੰ ਮਿਲੇਗਾ, ਜਿਸ ਕਾਰਨ ਕਾਰ ਦੇ ਅੰਦਰੂਨੀ ਹਿੱਸੇ (ਕੈਬਿਨ) ਵਿੱਚ ਪਹਿਲਾਂ ਨਾਲੋਂ ਜ਼ਿਆਦਾ ਜਗ੍ਹਾ ਮਿਲੇਗੀ।
ਇੰਜਣ ਅਤੇ ਪਾਵਰ ਇੰਜਣ ਦੇ ਮਾਮਲੇ ਵਿੱਚ ਕੰਪਨੀ ਇਸ ਵਿੱਚ 1.5 ਲੀਟਰ ਪੈਟਰੋਲ (115 bhp), 1.5 ਲੀਟਰ ਟਰਬੋ ਪੈਟਰੋਲ (116 bhp) ਅਤੇ 1.5 ਲੀਟਰ ਟਰਬੋ ਡੀਜ਼ਲ ਇੰਜਣ (160 bhp) ਦੇ ਵਿਕਲਪ ਬਰਕਰਾਰ ਰੱਖ ਸਕਦੀ ਹੈ। ਸਾਰੇ ਵੇਰੀਐਂਟਸ ਵਿੱਚ 6-ਸਪੀਡ ਮੈਨੂਅਲ ਗਿਅਰਬਾਕਸ ਸਟੈਂਡਰਡ ਰਹੇਗਾ, ਜਦਕਿ ਡੀਜ਼ਲ ਅਤੇ ਟਰਬੋ ਪੈਟਰੋਲ ਵਿੱਚ ਆਟੋਮੈਟਿਕ ਦੇ ਵਿਕਲਪ ਵੀ ਮਿਲਣਗੇ।
2027 ਵਿੱਚ ਆਵੇਗਾ ਹਾਈਬ੍ਰਿਡ ਮਾਡਲ
ਖਾਸ ਗੱਲ ਇਹ ਹੈ ਕਿ ਕੰਪਨੀ 2027 ਵਿੱਚ ਕ੍ਰੇਟਾ ਦਾ ਸਟ੍ਰੌਂਗ ਹਾਈਬ੍ਰਿਡ ਪਾਵਰਟ੍ਰੇਨ ਮਾਡਲ ਵੀ ਪੇਸ਼ ਕਰ ਸਕਦੀ ਹੈ। ਹਾਈਬ੍ਰਿਡ ਤਕਨੀਕ ਨਾਲ ਲੈਸ ਹੋਣ ਕਾਰਨ ਇਹ ਕਾਰ ਮੌਜੂਦਾ ਪੈਟਰੋਲ ਮਾਡਲਾਂ ਦੇ ਮੁਕਾਬਲੇ ਬਹੁਤ ਜ਼ਿਆਦਾ ਮਾਈਲੇਜ ਦੇਵੇਗੀ।
ਸਫਲਤਾ ਦਾ ਰਿਕਾਰਡ
ਦੱਸਣਯੋਗ ਹੈ ਕਿ 2015 ਵਿੱਚ ਪਹਿਲੀ ਵਾਰ ਲਾਂਚ ਹੋਈ ਹੁੰਡਈ ਕ੍ਰੇਟਾ ਭਾਰਤੀ ਬਾਜ਼ਾਰ ਦੀ ਸਭ ਤੋਂ ਸਫਲ SUV ਰਹੀ ਹੈ। ਜੁਲਾਈ 2025 ਤੱਕ ਇਸ ਦੀ ਕੁੱਲ ਵਿਕਰੀ 12 ਲੱਖ (1.2 ਮਿਲੀਅਨ) ਯੂਨਿਟ ਦਾ ਅੰਕੜਾ ਪਾਰ ਕਰ ਚੁੱਕੀ ਹੈ। ਆਪਣੇ ਪ੍ਰੀਮੀਅਮ ਇੰਟੀਰੀਅਰ ਅਤੇ ਸ਼ਾਨਦਾਰ ਫੀਚਰਸ ਕਾਰਨ ਇਹ ਗਾਹਕਾਂ ਦੀ ਪਹਿਲੀ ਪਸੰਦ ਬਣੀ ਹੋਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਲਾਂਚ ਹੋਇਆ ਨਵਾਂ ‘Bespoke AI’ ਏਅਰ ਕੰਡੀਸ਼ਨਰ, 30 ਫੀਸਦੀ ਤੱਕ ਬਿਜਲੀ ਦੀ ਹੋਵੇਗੀ ਬੱਚਤ
NEXT STORY 
