ਗੈਜੇਟ ਡੈਸਕ- ਭਾਰਤੀ ਸਮਾਰਟਫੋਨ ਬਾਜ਼ਾਰ ਵਿੱਚ ਇੱਕ ਵੱਡਾ ਬਦਲਾਅ ਦੇਖਣ ਨੂੰ ਮਿਲ ਰਿਹਾ ਹੈ, ਜਿੱਥੇ ਲੰਬੇ ਸਮੇਂ ਤੋਂ ਰਾਜ ਕਰ ਰਹੀਆਂ ਚੀਨੀ ਮੋਬਾਈਲ ਕੰਪਨੀਆਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਤਾਜ਼ਾ ਰਿਪੋਰਟਾਂ ਅਨੁਸਾਰ, ਭਾਰਤ ਵਿੱਚ ਪਹਿਲੀ ਵਾਰ Xiaomi, Oppo, OnePlus ਅਤੇ Realme ਵਰਗੇ ਪ੍ਰਮੁੱਖ ਚੀਨੀ ਬ੍ਰਾਂਡਾਂ ਦੀ ਵਿਕਰੀ (ਸੇਲ) ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਹੈ।
ਰੈਗੂਲੇਟਰੀ ਫਾਈਲਿੰਗ ਦੇ ਅੰਕੜਿਆਂ ਮੁਤਾਬਕ, ਵਿੱਤੀ ਸਾਲ 2025 ਵਿੱਚ ਭਾਰਤ ਵਿੱਚ ਕੰਮ ਕਰ ਰਹੀਆਂ ਨੌਂ ਸਭ ਤੋਂ ਵੱਡੀਆਂ ਚੀਨੀ ਇਲੈਕਟ੍ਰਾਨਿਕਸ ਕੰਪਨੀਆਂ ਦੇ ਕੁੱਲ ਮਾਲੀਏ ਵਿੱਚ 4.5 ਫੀਸਦੀ ਦੀ ਕਮੀ ਆਈ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਇਨ੍ਹਾਂ ਕੰਪਨੀਆਂ ਦੇ ਮਾਲੀਏ ਵਿੱਚ ਅਜਿਹੀ ਗਿਰਾਵਟ ਦੇਖੀ ਗਈ ਹੈ, ਜਦਕਿ ਪਿਛਲੇ ਸਾਲ ਇਨ੍ਹਾਂ ਨੇ 42 ਫੀਸਦੀ ਦਾ ਵਾਧਾ ਦਰਜ ਕੀਤਾ ਸੀ। ਮਾਹਿਰਾਂ ਅਨੁਸਾਰ, ਭਾਰਤ ਵਿੱਚ ਚੀਨੀ ਬ੍ਰਾਂਡਾਂ ਦਾ ਰਿਟੇਲ ਵੈਲਿਊ ਸ਼ੇਅਰ ਸਾਲ 2023 ਦੇ 54 ਫੀਸਦੀ ਤੋਂ ਘਟ ਕੇ 2025 ਵਿੱਚ 48 ਫੀਸਦੀ ਰਹਿ ਗਿਆ ਹੈ।
ਮਾਰਕੀਟ ਰਿਸਰਚ ਫਰਮ 'ਕਾਊਂਟਰਪੁਆਇੰਟ' ਦੇ ਅਨੁਸਾਰ, 20,000 ਰੁਪਏ ਤੋਂ ਘੱਟ ਕੀਮਤ ਵਾਲੇ ਹੈਂਡਸੈੱਟਾਂ ਦੀ ਮੰਗ ਵਿੱਚ ਭਾਰੀ ਕਮੀ ਆਈ ਹੈ। ਦੋ ਸਾਲ ਪਹਿਲਾਂ ਇਸ ਹਿੱਸੇ ਦੀ ਬਾਜ਼ਾਰ ਵਿੱਚ ਹਿੱਸੇਦਾਰੀ 38 ਫੀਸਦੀ ਸੀ, ਜੋ ਹੁਣ ਘਟ ਕੇ 29 ਫੀਸਦੀ ਰਹਿ ਗਈ ਹੈ। ਕਿਉਂਕਿ ਜ਼ਿਆਦਾਤਰ ਚੀਨੀ ਬ੍ਰਾਂਡ ਇਸੇ ਬਜਟ ਸੈਗਮੈਂਟ ਵਿੱਚ ਮਜ਼ਬੂਤ ਸਨ, ਇਸ ਲਈ ਉਨ੍ਹਾਂ ਦੀ ਵਿਕਰੀ 'ਤੇ ਸਭ ਤੋਂ ਵੱਧ ਮਾਰ ਪਈ ਹੈ।
ਜਦੋਂ ਕਿ ਚੀਨੀ ਕੰਪਨੀਆਂ ਸੰਘਰਸ਼ ਕਰ ਰਹੀਆਂ ਹਨ, ਪ੍ਰੀਮੀਅਮ ਫੋਨ ਬਣਾਉਣ ਵਾਲੀਆਂ ਕੰਪਨੀਆਂ ਨੇ ਭਾਰਤੀ ਬਾਜ਼ਾਰ 'ਤੇ ਆਪਣੀ ਪਕੜ ਮਜ਼ਬੂਤ ਕਰ ਲਈ ਹੈ:
ਐਪਲ : ਆਈਫੋਨ ਦੀ ਵਿਕਰੀ ਵਿੱਚ 18 ਫੀਸਦੀ ਦਾ ਵਾਧਾ ਹੋਇਆ ਹੈ ਅਤੇ ਇਸਦਾ ਮਾਲੀਆ 79,378 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।
ਸੈਮਸੰਗ : ਸੈਮਸੰਗ ਦੀ ਵਿਕਰੀ 12 ਫੀਸਦੀ ਵਧ ਕੇ 1.11 ਲੱਖ ਕਰੋੜ ਰੁਪਏ ਹੋ ਗਈ ਹੈ।
ਵੀਵੋ : ਚੀਨੀ ਬ੍ਰਾਂਡਾਂ ਵਿੱਚੋਂ ਸਿਰਫ਼ ਵੀਵੋ ਹੀ ਅਜਿਹਾ ਬ੍ਰਾਂਡ ਰਿਹਾ ਜਿਸ ਨੇ 11 ਫੀਸਦੀ ਦੇ ਵਾਧੇ ਨਾਲ ਚੰਗਾ ਪ੍ਰਦਰਸ਼ਨ ਕੀਤਾ, ਕਿਉਂਕਿ ਇਸ ਦੇ ਪੋਰਟਫੋਲੀਓ ਵਿੱਚ ਮਹਿੰਗੇ ਮਾਡਲ ਸ਼ਾਮਲ ਹਨ।
ਇੰਡਸਟਰੀ ਮਾਹਿਰਾਂ ਦਾ ਕਹਿਣਾ ਹੈ ਕਿ ਭਾਰਤੀ ਗਾਹਕ ਹੁਣ ਸਸਤੇ ਫੋਨਾਂ ਦੀ ਬਜਾਏ ਮਹਿੰਗੇ ਅਤੇ ਪ੍ਰੀਮੀਅਮ ਉਤਪਾਦਾਂ ਨੂੰ ਤਰਜੀਹ ਦੇ ਰਹੇ ਹਨ। ਇਸ ਬਦਲਾਅ ਦਾ ਸਿੱਧਾ ਫਾਇਦਾ ਸੈਮਸੰਗ ਅਤੇ ਐਪਲ ਵਰਗੀਆਂ ਕੰਪਨੀਆਂ ਨੂੰ ਹੋ ਰਿਹਾ ਹੈ। ਹਾਲਾਂਕਿ, ਸਮਾਰਟਫੋਨ ਤੋਂ ਇਲਾਵਾ ਹੋਰ ਚੀਨੀ ਬ੍ਰਾਂਡਾਂ ਜਿਵੇਂ ਕਿ Haier, Lenovo ਅਤੇ Midea ਨੇ ਘਰੇਲੂ ਉਪਕਰਣਾਂ ਦੇ ਸੈਗਮੈਂਟ ਵਿੱਚ ਵਧੀਆ ਵਾਧਾ ਦਰਜ ਕੀਤਾ ਹੈ।
Apple Pay ਭਾਰਤ 'ਚ ਜਲਦ ਹੋ ਸਕਦਾ ਹੈ ਲਾਂਚ, ਜਾਣੋ ਕਦੋਂ ਸ਼ੁਰੂ ਹੋਵੇਗੀ ਸਰਵਿਸ
NEXT STORY 
