ਜਲੰਧਰ- ਦੁਨੀਆ ਦੀ ਟੈਕਨਾਲੋਜੀ ਦਿੱਗਜ ਐਪਲ ਨੇ ਬੁੱਧਵਾਰ ਨੂੰ ਹੋਏ ਮੇਗਾ ਸਪੈਸ਼ਲ ਈਵੈਂਟ ਦੌਰਾਨ ਦੋ ਨਵਾਂ ਆਈਫੋਨ- iPhone7 ਅਤੇ iPhone7 Plus ਲਾਂਚ ਕੀਤੇ ਹਨ। ਇਸ ਦੇ ਨਾਲ ਹੀ ਕੰਪਨੀ ਨੇ Apple Whatch 2 ਦਾ ਵੀ ਐਲਾਨ ਕੀਤਾ ਹੈ। ਕੰਪਨੀ ਦੇ ਸੀ.ਈ.ਓ. ਟਿਮ ਕੁਕ ਨੇ ਇਨ੍ਹਾਂ ਸਭ ਤੋਂ ਇਲਾਵਾ iOS10 ਅਤੇ ਨਵੇਂ AirPods ਵੀ ਪੇਸ਼ ਕੀਤੇ ਹਨ। ਇਸ ਤੋਂ ਪਹਿਲਾਂ ਬਾਜ਼ਾਰ 'ਚ ਐਪਲ ਦਾ ਆਈਫੋਨ 6ਐੱਸ ਮਾਡਲ 2016 ਦੀ ਦੂਜੀ ਤਿਮਾਹੀ 'ਚ ਦੁਨੀਆ ਦਾ ਸਭ ਤੋਂ ਜ਼ਿਆਦਾ ਵਿਕਣ ਵਾਲਾ ਸਮਾਰਟਪੋਨ ਰਿਹਾ ਹੈ। ਰਿਸਰਚ ਫਰਮ ਸਟ੍ਰੈਟਿਜੀ ਐਨਾਲਿਸਟਿਕਸ ਨੇ ਇਸ ਦੀ ਜਾਣਕਾਰੀ ਦਿੱਤੀ ਹੈ।
ਰਿਪੋਰਟ ਮੁਤਾਬਕ ਆਈਫੋਨ 6 ਵਿਕਰੀ ਦੇ ਮਾਮਲੇ 'ਚ ਦੂਜੇ ਨੰਬਰ 'ਤੇ ਰਿਹਾ। ਇਸ ਦੀਆਂ 85 ਲੱਖ ਯੂਨਿਟਸ ਪੂਰੀ ਦੁਨੀਆ 'ਚ ਸ਼ਿਪ ਕੀਤੀਆਂ ਗਈਆਂ। ਉਥੇ ਹੀ ਇਸ ਮਾਮਲੇ 'ਚ ਸੈਮਸੰਗ ਗਲੈਕਸੀ ਐੱਸ7 ਐੱਜ 83 ਲੱਖ ਯੂਨਿਟਸ ਦੇ ਨਾਲ ਤੀਜੇ ਨੰਬਰ 'ਤੇ ਰਿਹਾ। ਦੂਜੇ ਪਾਸੇ ਆਈਫੋਨ 7 ਅਤੇ ਆਈਫੋਨ 7 ਪਲੱਸ ਲਾਂਚ ਹੋਣ ਤੋਂ ਬਾਅਦ ਵੀ ਲੋਕ ਆਈਫੋਨ 6 ਖਰੀਦਣ ਦੀ ਤਾਕ 'ਚ ਹਨ ਕਿਉਂਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਨਵੇਂ ਆਈਫੋਂਜ਼ ਦੀ ਲਾਂਚਿੰਗ ਤੋਂ ਬਾਅਦ ਆਈਫੋਨ 6 ਦੀਆਂ ਕੀਮਤਾਂ 'ਚ ਕਮੀਂ ਆ ਸਕਦੀ ਹੈ।
ਦੱਸ ਦਈਏ ਕਿ ਹੁਣ ਤੱਕ ਐਪਲ ਨਵਾਂ ਆਈਫੋਨ ਲਾਂਚ ਹੋਣ 'ਤੇ ਆਪਣੇ ਪੁਰਾਣੇ ਸਮਾਰਟਫੋਨ ਦੀ ਕੀਮਤ 'ਚ 100 ਡਾਲਰ (ਕਰੀਬ 6,600 ਰੁਪਏ) ਘੱਟ ਕਰਦੀ ਆਈ ਹੈ। ਅਜਿਹੇ 'ਚ ਉਮੀਦ ਕੀਤੀ ਜਾ ਰਹੀ ਹੈ ਕਿ ਆਈਫੋਨ 6 ਦੇ 16ਜੀ.ਬੀ. ਮਾਡਲ ਦੀ ਕੀਮਤ ਹੋਰ ਘੱਟ ਹੋ ਜਾਵੇਗੀ ਜੋ ਕਿ ਲੋਕਾਂ ਲਈ ਚੰਗੀ ਖਬਰ ਹੋ ਸਕਦੀ ਹੈ।
ਤਾਂ ਆਈਫੋਨ 6 ਪਲੱਸ ਹੋ ਜਾਵੇਗਾ ਹੋਰ ਸਸਤਾ
ਜੇਕਰ ਐਪਲ ਆਈਫੋਨ 6 ਐੱਸ ਦੀ ਕੀਮਤ 'ਚ 100 ਡਾਲਰ ਦੀ ਕਟੌਤੀ ਕਰਦੀ ਹੈ ਤਾਂ ਕੰਪਨੀ ਨੂੰ ਆਈਫੋਨ 6 ਅਤੇ 6 ਪਲੱਸ ਨੂੰ ਜਾਂ ਤਾਂ ਹਟਾਉਣਾ ਪਵੇਗਾ ਜਾਂ ਫਿਰ ਉਨ੍ਹਾਂ ਦੀਆਂ ਕੀਮਤਾਂ 'ਚ ਹੋਰ ਕਟੌਤੀ ਕਰਨੀ ਪਵੇਗੀ। ਹੁਣ ਐਪਲ ਇਸ ਮਾਮਲੇ 'ਚ ਕੀ ਸਟ੍ਰੈਟਿਜੀ ਅਪਣਾਉਂਦਾ ਹੈ ਇਹ ਤਾਂ ਕੁਝ ਦਿਨਾਂ ਬਾਅਦ ਹੀ ਪਤਾ ਲੱਗੇਗਾ ਪਰ ਐਪਲ ਫੋਨ ਦੇ ਚਾਹੁਣ ਵਾਲੇ ਇਸ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ ਕਿ ਉਨ੍ਹਾਂ ਦੀ ਜੇਬ 'ਚ ਵੀ ਐਪਲ ਦਾ ਫੋਨ ਆ ਸਕਦਾ ਹੈ।
ਗੇਮਿੰਗ ਦੇ ਸ਼ੌਕੀਨਾਂ ਲਈ Apple ਦਾ ਤੋਹਫਾ
NEXT STORY 
