ਜਲੰਧਰ : ਅਮਰੀਕੀ ਮਲਟੀਨੈਸ਼ਨਲ ਦੂਰਸੰਚਾਰ ਕੰਪਨੀ ਮੋਟਰੋਲਾ ਨੇ ਆਪਣੇ ਨਵੇਂ ਸਮਾਰਟਫੋਨ ਮੋਟੋ ਜੀ4 ਪਲੇ ਨੂੰ ਪੇਸ਼ ਕਰ ਦਿੱਤਾ ਹੈ ਜਿਸ ਦੀ ਵਿਕਰੀ 2016 'ਚ ਗਰਮੀਆਂ 'ਚ ਸ਼ੁਰੂ ਹੋਵੇਗੀ ਅਤੇ ਇਸ ਹੈਂਡਸੈੱਟ ਦੀ ਕੀਮਤ ਦਾ ਖੁਲਾਸਾ ਇਸ ਦੇ ਰਿਲੀਜ ਹੋਣ ਦੀ ਤਾਰੀਖ ਨਜ਼ਦੀਕ ਆਉਣ 'ਤੇ ਕੀਤਾ ਜਾਵੇਗਾ। ਫਿਲਹਾਲ, ਮੋਟੋ ਜੀ4 ਪਲੇ ਨੂੰ ਕੰਪਨੀ ਦੀ ਅਮਰੀਕੀ ਵੈੱਬਸਾਈਟ 'ਤੇ ਲਿਸਟ ਕੀਤਾ ਗਿਆ ਹੈ। ਇਹ ਬਲੈਕ ਅਤੇ ਵਾਇਟ ਕਲਰ ਵੇਰਿਅੰਟ 'ਚ ਉਪਲੱਬਧ ਹੋਵੇਗਾ।
ਇਸ ਸਮਾਰਟਫੋਨ 'ਚ 5 ਇੰਚ ਦੀ ਐੱਚ. ਡੀ 1280x720 ਪਿਕਸਲ ਰੈਜ਼ੋਲਿਊਸ਼ਨ 'ਤੇ ਚੱਲਣ ਵਾਲੀ ਡਿਸਪਲੇ ਦਿੱਤੀ ਗਈ ਹੈ ਅਤੇ ਇਹ 1.2 ਗੀਗਾਹਰਟਜ਼ ਕਵਾਲਕਾਮ ਸਨੈਪਡ੍ਰੈਗਨ 410 ਕਵਾਡ -ਕੋਰ ਪ੍ਰੋਸੈਸਰ ਨਾਲ ਲੈਸ ਹੈ ਨਾਲ ਹੀ ਇਸ 'ਚ ਗ੍ਰਾਫਿਕਸ ਲਈ ਐਡਰੇਨੋ 306 ਜੀ. ਪੀ. ਯੂ ਇੰਟੀਗ੍ਰੇਟਡ ਹੈ। ਮੈਮਰੀ ਦੀ ਗੱਲ ਕੀਤੀ ਜਾਵੇ ਤਾਂ 2 ਜੀ. ਬੀ ਰੈਮ ਨਾਲ ਇਸ 4ਜੀ ਸਮਾਰਟਫੋਨ ਦੀ ਇਨ-ਬਿਲਟ ਸਟੋਰੇਜ 16 ਜੀ. ਬੀ ਹੈ ਜਿਸ ਨੂੰ ਮਾਇਕ੍ਰੋ ਐੱਸ. ਡੀ ਕਾਰਡ ਦੇ ਜ਼ਰੀਏ 128 ਜੀ. ਬੀ ਤੱਕ ਵਧਾਈ ਜਾ ਸਕਦੀ ਹੈ।
ਇਸ ਸਮਾਰਟਫੋਨ 'ਚ ਐੱਫ/2.2 ਐਪਰਚਰ ਵਾਲਾ 8 ਮੈਗਾਪਿਕਸਲ ਦਾ ਰਿਅਰ ਕੈਮਰਾ ਅਤੇ 5 ਮੈਗਾਪਿਕਸਲ ਦਾ ਫ੍ਰੰਟ ਕੈਮਰਾ ਮੌਜੂਦ ਹੈ। ਇਸ ਦੇ ਪ੍ਰਾਇਮਰੀ ਕੈਮਰੇ 'ਚ ਐੱਲ. ਈ. ਡੀ ਫਲੈਸ਼ ਨਾਲ 1080 ਪਿਕਸਲ ਐੱਚ. ਡੀ ਵੀਡੀਓਜ਼ ਰਿਕਾਰਡ ਕੀਤੀਆਂ ਜਾ ਸਕਦੀਆਂ ਹਨ। ਕੁਨੈੱਕਟੀਵਿਟੀ ਦੀ ਗੱਲ ਕੀਤੀ ਜਾਵੇ ਤਾਂ ਮੋਟੋ ਜੀ4 ਪਲੇ ਸਮਾਰਟਫੋਨ 4ਜੀ ਐੱਲ. ਟੀ. ਈ, ਬਲੂਟੁੱਥ 4.1 ਐੱਲ. ਈ, ਵਾਈ-ਫਾਈ 802.11ਬੀ/ਜੀ/ਐੱਨ, ਮਾਇਕ੍ਰੋ ਯੂ.ਐੱਸ. ਬੀ ਅਤੇ 3.5 ਐੱਮ. ਐੱਮ ਹੈਂਡਸੈੱਟ ਜੈਕ ਵਲੋਂ ਲੈਸ ਹੈ। ਇਸ ਸਮਾਰਟਫੋਨ ਨੂੰ ਪਾਵਰ ਬੈਕਅਪ ਲਈ 2800 mAH ਦੀ ਬੈਟਰੀ ਦਿੱਤੀ ਗਈ ਹੈ।
ਹਵਾ 'ਚ ਹੀ 3ਡੀ ਪ੍ਰਿੰਟ ਤਿਆਰ ਕਰ ਦਵੇਗੀ ਇਹ ਨਵੀਂ ਤਕਨੀਕ (ਵੀਡੀਓ)
NEXT STORY 
