ਜਲੰਧਰ- ਨਾਸਾ ਦੇ ਵਿਗਿਆਨੀਆਂ ਨੇ ਖਗੋਲ ਵਿਗਿਆਨ ਦੀ ਦੁਨੀਆਂ 'ਚ ਇਕ ਅਨੋਖੀ ਘਟਨਾ ਦੇ ਬਾਰੇ 'ਚ ਪਤਾ ਲਾਇਆ ਹੈ। ਖਗੋਲਵਿੰਦਾਂ ਦੇ ਮੁਤਾਬਕ 30 ਕਰੋੜ ਪ੍ਰਕਾਸ਼ ਸਾਲ ਦੂਰ ਸਥਿਤ ਇਕ ਬਲੈਕ ਹੋਲ ਆਪਣੇ ਨਜ਼ਦੀਕੀ ਤਾਰੇ ਨੂੰ ਨਿਗਲ ਰਿਹਾ ਹੈ। ਅਸਲ 'ਚ ਪਹਿਲਾਂ ਤੋਂ ਬਲੈਕ ਹੋਲ ਨੇ ਆਪਣੇ ਕੋਲ ਮੌਜੂਦ ਇਸ ਤਾਰੇ ਨੂੰ ਨਸ਼ਟ ਕਰ ਦਿੱਤਾ। ਹੁਣ ਇਸ ਤਾਰੇ ਦੇ ਅਵਸ਼ੇਸ਼ ਹੌਲੀ-ਹੌਲੀ ਇਸ ਬਲੈਕ ਹੋਲ 'ਚ ਸਮਾ ਰਿਹਾ ਹੈ। ਜਲਦ ਹੀ ਇਹ ਪੂਰੀ ਤਰ੍ਹਾਂ ਤੋਂ ਬਲੈਕਹੋਲ 'ਚ ਸਮਾ ਜਾਵੇਗਾ। ਖਗੋਲ ਵਿਗਿਆਨੀਆਂ ਦੇ ਮੁਤਾਬਕ ਅਜਿਹੀ ਦੁਰਲੱਭਤਾ ਘਟਨਾਵਾਂ ਕਾਫੀ ਘੱਟ ਹੀ ਦੇਖੀ ਜਾਂਦੀ ਹੈ। ਨਾਸਾ ਦੇ ਖਗੋਲਵਿੰਦਾਂ ਨੇ ਆਪਣੇ ਖੋਜ 'ਚ ਇਹ ਵੀ ਪਾਇਆ ਹੈ ਕਿ ਪਹਿਲਾਂ ਇਸ ਤਾਰੇ ਤੋਂ ਪਰਾਬੈਂਗਣੀ ਕਿਰਨਾਂ ਨਿਕਲ ਰਹੀਆਂ ਸਨ ਪਰ ਜਿਵੇਂ ਹੀ ਇਹ ਬਲੈਕਹੋਲ 'ਚ ਸਮਾ ਰਿਹਾ ਹੈ, ਇਸ ਤੋਂ ਐਕਸ ਰੇ ਉਤਸਰਜਿਤ ਹੋਣ ਲੱਗੀ।
ਜਾਣੋ ਬਲੈਕ ਹੋਲ ਦੇ ਬਾਰੇ 'ਚ -
ਬਲੈਕ ਹੋਲ ਕੋਈ ਮੋਰੀ ਨਹੀਂ ਹੈ। ਇਹ ਮਰੇ ਹੋਏ ਤਾਰਿਆਂ ਦੇ ਅਵਸ਼ੇਸ਼ ਹਨ। ਕਰੋੜਾਂ, ਅਰਬਾਂ ਸਾਲ ਬਾਅਦ ਕਿਸੇ ਤਾਰੇ ਦਾ ਜ਼ਿੰਦਗੀ ਖਤਮ ਹੁੰਦੀ ਹੈ ਅੇ ਬਲੈਕਹੋਲ ਦਾ ਜਨਮ ਹੁੰਦਾ ਹੈ। ਇਹ ਤੇਜ਼ ਅਤੇ ਚਮਕਦੇ ਤਾਰੇ ਦੇ ਜੀਵਨ ਦਾ ਆਖਰੀ ਸਮਾਂ ਹੁੰਦਾ ਹੈ ਅਤੇ ਉਦੋਂ ਇਹ ਸੁਪਰਨੋਵਾ ਕਹਿਲਾਉਂਦਾ ਹੈ। ਤਾਰੇ 'ਚ ਹੋਇਆ ਵਿਸ਼ਾਲ ਧਮਾਕਾ ਉਸ ਨੂੰ ਤਬਾਹ ਕਰ ਦਿੰਦਾ ਹੈ ਅਤੇ ਉਸ ਦੇ ਪਦਾਰਥ ਪੁਲਾੜ 'ਚ ਫੈਲ ਜਾਂਦੇ ਹਨ। ਕਈ ਵਿਗਿਆਨੀਆਂ ਦੇ ਮੁਤਾਬਕ ਬਲੈਕ ਹੋਲ ਦਾ ਗੁਰੂਤਾਕਰਸ਼ਣ ਬਲ ਇੰਨਾ ਜ਼ਿਆਦਾ ਹੁੰਦਾ ਹੈ ਕਿ ਪ੍ਰਕਾਸ਼ ਵੀ ਇਸ ਤੋਂ ਨਹੀਂ ਬਚ ਨਿਕਲ ਪਾਉਂਦਾ। ਇਹ ਦੇਖੇ ਨਹੀਂ ਜਾ ਸਕਦੇ। ਵਿਗਿਆਨਿਕ ਇਨ੍ਹਾਂ ਦੇ ਪੁੰਜ ਦਾ ਪਤਾ ਲਾ ਸਕਦੇ ਹਨ, ਜਦ ਕਿ ਹਾਲ ਹੀ 'ਚ ਮਸ਼ਹੂਰ ਵਿਗਿਆਨਿਕ ਸਟੀਫਨ ਹਾਕਿੰਗ ਨੇ ਦਾਅਵਾ ਕੀਤਾ ਸੀ ਕਿ ਬਲੈਕ ਹੋਲ ਤੋਂ ਬਚ ਨਿਕਲਣਾ ਸੰਭਵ ਹੈ। ਇਸ ਤੋਂ ਪਹਿਲਾਂ ਹਾਕਿੰਗ ਦੀ ਇਹ ਮਾਨਤਾ ਸੀ ਕਿ ਬਲੈਕਹੋਲ 'ਚ ਸਮਾ ਗਈ ਜਾਣਕਾਰੀ ਗੁਆਚ ਜਾਂਦੀ ਹੈ ਪਰ ਉਨ੍ਹਾਂ ਨੇ ਹਾਲ ਹੀ 'ਚ ਦਾਅਵਾ ਕੀਤਾ ਹੈ ਕਿ ਬਲੈਕ ਹੋਲ ਦੇ ਬਾਰੇ 'ਚ ਸਮਾ ਗਈ ਜਾਣਕਾਰੀਆਂ ਦੇ ਬਾਰੇ 'ਚ ਫਿਰ ਤੋਂ ਪਤਾ ਲਾਉਣਾ ਸੰਭਵ ਹੈ।
4G VoLTE ਸਪੋਰਟ ਦੇ ਨਾਲ ਲਾਂਚ ਹੋਇਆ Intex Aqua Trend Lite
NEXT STORY 
