ਗੈਜੇਟ ਡੈਸਕ - ਦੇਸ਼ ਭਰ 'ਚ ਗਰਮੀ ਨੇ ਲੋਕਾਂ ਦਾ ਹਾਲ ਬੇਹਾਲ ਕਰ ਦਿੱਤਾ ਹੈ ਅਤੇ ਕਈ ਰਾਜਾਂ 'ਚ ਤਾਪਮਾਨ 45 ਡਿਗਰੀ ਤੋਂ ਪਾਰ ਪਹੁੰਚ ਰਿਹਾ ਹੈ। ਭਾਰਤੀ ਮੌਸਮ ਵਿਭਾਗ ਵੱਲੋਂ ਹੀਟ ਵੇਵ (ਲੂ) ਦਾ ਅਲਰਟ ਵੀ ਜਾਰੀ ਕੀਤਾ ਗਿਆ ਹੈ। ਅਜਿਹੇ 'ਚ ਘਰਾਂ 'ਚ AC ਦੀ ਵਰਤੋਂ ਤੇਜ਼ੀ ਨਾਲ ਵਧ ਗਈ ਹੈ ਪਰ ਗਲਤ ਤਰੀਕੇ ਨਾਲ AC ਚਲਾਉਣ ਨਾਲ ਬਿਜਲੀ ਦਾ ਬਿੱਲ ਤੁਹਾਡੀ ਜੇਬ 'ਤੇ ਭਾਰੀ ਪੈ ਸਕਦਾ ਹੈ। ਜੇਕਰ ਤੁਸੀਂ ਕੁਝ ਖ਼ਾਸ ਗੱਲਾਂ ਦਾ ਧਿਆਨ ਰੱਖੋ, ਤਾਂ AC ਬਿਹਤਰ ਕੂਲਿੰਗ ਦੇਣ ਦੇ ਨਾਲ-ਨਾਲ ਬਿਜਲੀ ਦੀ ਬੱਚਤ ਵੀ ਕਰੇਗਾ।
24 ਡਿਗਰੀ 'ਤੇ ਰੱਖੋ AC ਦਾ ਤਾਪਮਾਨ
ਅਕਸਰ ਲੋਕ ਕਮਰੇ ਨੂੰ ਜਲਦੀ ਠੰਢਾ ਕਰਨ ਲਈ AC ਨੂੰ 16 ਜਾਂ 18 ਡਿਗਰੀ 'ਤੇ ਚਲਾ ਦਿੰਦੇ ਹਨ, ਪਰ ਮਾਹਿਰਾਂ ਅਨੁਸਾਰ ਇਹ ਸਹੀ ਨਹੀਂ ਹੈ। AC ਨੂੰ 24 ਡਿਗਰੀ 'ਤੇ ਸੈੱਟ ਕਰਨਾ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਇਸ ਤਾਪਮਾਨ 'ਤੇ ਕਮਰਾ ਆਰਾਮਦਾਇਕ ਤਰੀਕੇ ਨਾਲ ਠੰਢਾ ਹੁੰਦਾ ਹੈ ਅਤੇ ਕੰਪ੍ਰੈਸ਼ਰ 'ਤੇ ਜ਼ਿਆਦਾ ਦਬਾਅ ਨਾ ਪੈਣ ਕਾਰਨ ਬਿਜਲੀ ਦੀ ਖਪਤ ਵੀ ਘੱਟ ਹੁੰਦੀ ਹੈ।
ਪੱਖੇ ਦੀ ਵਰਤੋਂ ਤੇ ਫਿਲਟਰ ਦੀ ਸਫਾਈ
ਜੇਕਰ AC ਦੇ ਨਾਲ ਛੱਤ ਵਾਲਾ ਪੱਖਾ (ਸੀਲਿੰਗ ਫੈਨ) ਵੀ ਚਲਾਇਆ ਜਾਵੇ, ਤਾਂ ਠੰਢੀ ਹਵਾ ਕਮਰੇ 'ਚ ਤੇਜ਼ੀ ਨਾਲ ਫੈਲਦੀ ਹੈ। ਇਸ ਨਾਲ AC ਨੂੰ ਘੱਟ ਮਿਹਨਤ ਕਰਨੀ ਪੈਂਦੀ ਹੈ ਅਤੇ ਬਿਜਲੀ ਬਚਦੀ ਹੈ। ਇਸ ਤੋਂ ਇਲਾਵਾ, ਸਮੇਂ-ਸਮੇਂ 'ਤੇ AC ਦੇ ਫਿਲਟਰ ਸਾਫ਼ ਕਰਨਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਗੰਦੇ ਫਿਲਟਰ ਹਵਾ ਦੇ ਪ੍ਰਵਾਹ ਨੂੰ ਰੋਕਦੇ ਹਨ ਅਤੇ ਕੂਲਿੰਗ ਘਟਾਉਂਦੇ ਹਨ।
ਕਮਰੇ ਨੂੰ ਗਰਮ ਹੋਣ ਤੋਂ ਬਚਾਓ
AC ਚਲਾਉਂਦੇ ਸਮੇਂ ਦਰਵਾਜ਼ੇ ਅਤੇ ਖਿੜਕੀਆਂ ਚੰਗੀ ਤਰ੍ਹਾਂ ਬੰਦ ਰੱਖੋ ਤਾਂ ਜੋ ਬਾਹਰ ਦੀ ਗਰਮ ਹਵਾ ਅੰਦਰ ਨਾ ਆ ਸਕੇ। ਜਿਨ੍ਹਾਂ ਕਮਰਿਆਂ 'ਚ ਸਿੱਧੀ ਧੁੱਪ ਆਉਂਦੀ ਹੈ, ਉੱਥੇ ਮੋਟੇ ਪਰਦਿਆਂ ਦੀ ਵਰਤੋਂ ਕਰੋ। ਜੇਕਰ ਕਮਰਾ ਪਹਿਲਾਂ ਹੀ ਘੱਟ ਗਰਮ ਹੋਵੇਗਾ, ਤਾਂ AC ਜਲਦੀ ਕੂਲਿੰਗ ਕਰੇਗਾ।
ਹੁੰਮਸ ਵਾਲੇ ਮੌਸਮ 'ਚ 'ਡ੍ਰਾਈ ਮੋਡ'
ਜੂਨ ਅਤੇ ਜੁਲਾਈ ਦੇ ਮਹੀਨੇ 'ਚ ਜਦੋਂ ਨਮੀ (ਹੁੰਮਸ) ਵਧ ਜਾਂਦੀ ਹੈ, ਤਾਂ AC ਦਾ 'ਡ੍ਰਾਈ ਮੋਡ' ਬਹੁਤ ਕੰਮ ਆਉਂਦਾ ਹੈ। ਇਹ ਮੋਡ ਕਮਰੇ ਦੀ ਨਮੀ ਨੂੰ ਘਟਾਉਂਦਾ ਹੈ ਅਤੇ ਆਮ ਕੂਲਿੰਗ ਮੋਡ ਦੇ ਮੁਕਾਬਲੇ ਬਿਜਲੀ ਦੀ ਖਪਤ ਵੀ ਘੱਟ ਕਰਦਾ ਹੈ।
ਇਨਵਰਟਰ AC ਲਈ ਖ਼ਾਸ ਟਿਪ
ਜੇਕਰ ਤੁਸੀਂ ਇਨਵਰਟਰ AC ਦੀ ਵਰਤੋਂ ਕਰ ਰਹੇ ਹੋ, ਤਾਂ ਇਸਨੂੰ ਵਾਰ-ਵਾਰ ਚਾਲੂ ਅਤੇ ਬੰਦ ਕਰਨ ਤੋਂ ਬਚੋ। ਇਸਨੂੰ ਇੱਕ ਨਿਰਧਾਰਤ ਤਾਪਮਾਨ 'ਤੇ ਲਗਾਤਾਰ ਚੱਲਣ ਦਿਓ, ਜਿਸ ਨਾਲ ਮਸ਼ੀਨ 'ਤੇ ਦਬਾਅ ਘੱਟ ਪੈਂਦਾ ਹੈ ਅਤੇ ਬਿਜਲੀ ਦੀ ਬੱਚਤ ਹੁੰਦੀ ਹੈ।
ਭਾਰਤ 'ਚ ਲਾਂਚ ਹੋਇਆ Acer ਦਾ ਸੁਪਰਫਾਸਟ AI ਲੈਪਟਾਪ ; ਮਿਲਣਗੇ ਇਹ ਖਾਸ ਫੀਚਰਜ਼
NEXT STORY 
