ਗੈਜੇਟ ਡੈਸਕ - OPPO ਨੇ ਆਪਣਾ ਨਵਾਂ ਫੋਲਡੇਬਲ ਸਮਾਰਟਫੋਨ OPPO Find N5 ਲਾਂਚ ਕਰ ਦਿੱਤਾ ਹੈ। ਇਸ ਬਾਰੇ ਕਈ ਦਿਨਾਂ ਤੋਂ ਚਰਚਾਵਾਂ ਚੱਲ ਰਹੀਆਂ ਸਨ। ਫੋਨ ’ਚ 8.12 ਇੰਚ ਦੀ ਫੋਲਡੇਬਲ ਸਕ੍ਰੀਨ ਹੈ ਜੋ 2K ਰੈਜ਼ੋਲਿਊਸ਼ਨ ਵਾਲੀ ਡਿਸਪਲੇਅ ਹੈ। ਡਿਸਪਲੇਅ ’ਚ 2100 ਨਿਟਸ ਦੀ ਪੀਕ ਬ੍ਰਾਇਟਨੈੱਸ ਹੈ। ਇਸ ਤੋਂ ਇਲਾਵਾ, ਫੋਨ ’ਚ 6.62 ਇੰਚ ਦੀ ਬਾਹਰੀ ਸਕ੍ਰੀਨ ਦਿੱਤੀ ਗਈ ਹੈ, ਜਿਸਦੀ ਵਰਤੋਂ ਉਦੋਂ ਕੀਤੀ ਜਾ ਸਕਦੀ ਹੈ ਜਦੋਂ ਤੁਸੀਂ ਫੋਨ ਨੂੰ ਅਨਫੋਲਡ ਨਹੀਂ ਕਰਨਾ ਚਾਹੁੰਦੇ। OPPO Find N5 ਦੀ ਸਭ ਤੋਂ ਵੱਡੀ ਖਾਸੀਅਤ ਇਸਦੀ ਥਿਕਨੈੱਸ ਹੈ। ਜਦੋਂ ਇਸਨੂੰ ਅਨਫੋਲਡ ਕੀਤਾ ਜਾਂਦਾ ਹੈ, ਤਾਂ ਇਹ ਸਿਰਫ਼ 4.21mm ਪਤਲਾ ਹੁੰਦਾ ਹੈ। ਜਦੋਂ ਫੋਲਡ ਕੀਤਾ ਜਾਂਦਾ ਹੈ, ਤਾਂ ਇਸਦੀ ਮੋਟਾਈ 8.93mm ਹੁੰਦੀ ਹੈ। ਇਸਨੂੰ ਵਰਜਨ ਗਲਾਸ ਤੇ ਲੈਦਰ ’ਚ ਲਿਆਂਦਾ ਗਿਆ ਹੈ। ਇਨ੍ਹਾਂ ਦਾ ਭਾਰ ਕ੍ਰਮਵਾਰ 229 ਗ੍ਰਾਮ ਅਤੇ 239 ਗ੍ਰਾਮ ਹੈ।
OPPO Find N5 ਦੇ ਪ੍ਰਾਇਮ ਅਤੇ ਉਪਲਬਧਤਾ
OPPO Find N5 ਸਮਾਰਟਫੋਨ ਨੂੰ ਗਲੋਬਲ ਮਾਰਕੀਟਸ ’ਚ ਮਿਸਟੀ ਵਾਇਟ ਅਤੇ ਕਾਸਮਿਕ ਬਲੈਕ ਕਲਰਜ਼ ’ਚ ਲਿਆਂਦਾ ਗਿਆ ਹੈ। ਚੀਨ ’ਚ ਇਹ ਫੋਨ ਡਸਕ ਪਰਪਲ ਕਲਰ ’ਚ ਲੈਦਰ ਬੈਕ ਦੇ ਨਾਲ ਆਉਂਦਾ ਹੈ। ਗਲੋਬਲ ਬਾਜ਼ਾਰਾਂ ’ਚ ਇਸਦੀ ਸ਼ੁਰੂਆਤੀ ਕੀਮਤ 1867 ਅਮਰੀਕੀ ਡਾਲਰ ਯਾਨੀ ਲਗਭਗ 1 ਲੱਖ 61 ਹਜ਼ਾਰ ਰੁਪਏ ਹੈ। ਇਹ 28 ਫਰਵਰੀ ਤੋਂ ਸ਼ੁਰੂ ਹੋਵੇਗਾ। ਇਹ ਚੀਨ ’ਚ 8,999 ਯੂਆਨ ਯਾਨੀ ਲਗਭਗ 1 ਲੱਖ 7 ਹਜ਼ਾਰ ਰੁਪਏ ਤੋਂ ਸ਼ੁਰੂ ਹੋਵੇਗਾ। ਇਹ ਫ਼ੋਨ 12GB, 16GB RAM ਨਾਲ ਭਰਪੂਰ ਹੈ। ਵੱਧ ਤੋਂ ਵੱਧ ਸਟੋਰੇਜ 1 ਟੀਬੀ ਹੈ। ਇਸ ਫੋਨ ਦੀ ਵਿਕਰੀ ਚੀਨ ’ਚ 26 ਫਰਵਰੀ ਤੋਂ ਸ਼ੁਰੂ ਹੋਵੇਗੀ।
OPPO Find N5 ਫੀਚਰਸ, ਸਪੈਸੀਫਿਕੇਸ਼ਨਜ਼
OPPO Find N5 ਦੀ ਸਭ ਤੋਂ ਮਹੱਤਵਪੂਰਨ ਫੀਚਰ ਇਸਦਾ ਡਿਜ਼ਾਈਨ ਅਤੇ ਥਿਕਨੈੱਸ ਹੈ। ਆਮ ਤੌਰ 'ਤੇ, ਫੋਲਡੇਬਲ ਸਮਾਰਟਫੋਨ ਥਿਕ ਹੁੰਦੇ ਹਨ। ਪਰ ਜਦੋਂ ਇਸਨੂੰ ਅਨਫੋਲਡ ਕੀਤਾ ਜਾਂਦਾ ਹੈ ਤਾਂ Find N5 ਸਿਰਫ਼ 4.21mm ਹੁੰਦਾ ਹੈ। ਜਦੋਂ ਇਸਨੂੰ ਫੋਲਡ ਕੀਤਾ ਜਾਂਦਾ ਹੈ, ਤਾਂ ਇਸਦੀ ਥਿਕਨੈੱਸ 8.93mm ਹੁੰਦੀ ਹੈ, ਜੋ ਇਸਨੂੰ ਦੁਨੀਆ ਦਾ ਸਭ ਤੋਂ ਪਤਲਾ ਫੋਲਡ ਕੀਤਾ ਗਿਆ ਫੋਨ ਬਣਾਉਂਦੀ ਹੈ। ਇਸਦਾ ਇੰਟਰਨਲ ਡਿਸਪਲੇਅ ਅਨਫੋਲਡ ਹੋਣ ’ਤੇ 8.12 ਇੰਚ ਹੋ ਜਾਂਦਾ ਹੈ। ਇਸਦਾ ਰੈਜ਼ੋਲਿਊਸ਼ਨ 2480 x 2248 ਪਿਕਸਲ ਹੈ। ਪੀਕ ਬ੍ਰਾਇਟਨੈੱਸ 2100 ਨਿਟਸ ਹੈ। ਡਿਸਪਲੇਅ ’ਚ ਥਿਨ ਗਲਾਸ ਪ੍ਰੋਟੈਕਸ਼ਨ ਮਿਲਦਾ ਹੈ। OPPO Find N5 ਦਾ ਇੰਟਰਨਲ ਡਿਸਪਲੇਅ 6.62 ਇੰਚ ਹੈ। ਇਹ FHD+ ਰੈਜ਼ੋਲਿਊਸ਼ਨ ਦੀ ਪੇਸ਼ਕਸ਼ ਕਰਦਾ ਹੈ। ਦੋਵੇਂ ਡਿਸਪਲੇਅ ਸ਼ੀਸ਼ੇ ਦੀ ਸੁਰੱਖਿਆ ਨਾਲ ਲੈਸ ਹਨ।
OPPO Find N5 ਪ੍ਰੋਸੈਸਰ ਤੇ ਰੈਮ
OPPO Find N5 Qualcomm ਦੇ Snapdragon 8 Elite ਚਿੱਪਸੈੱਟ ਵੱਲੋਂ ਸੰਚਾਲਿਤ ਹੈ। ਫੋਨ ’ਚ 12 ਅਤੇ 16 ਜੀਬੀ ਰੈਮ ਹੈ। ਅੰਦਰੂਨੀ ਸਟੋਰੇਜ 512 GB ਤੋਂ 1 TB ਤੱਕ ਹੈ। ਇਹ ਐਂਡਰਾਇਡ 15 'ਤੇ ਆਧਾਰਿਤ ColorOS 15 'ਤੇ ਚੱਲਦਾ ਹੈ।
OPPO Find N5 ਕੈਮਰਾ
OPPO Find N5 ’ਚ 50MP ਪ੍ਰਾਇਮਰੀ ਵਾਈਡ-ਐਂਗਲ ਕੈਮਰਾ ਹੈ। ਇਹ OIS ਦਾ ਸਮਰਥਨ ਕਰਦਾ ਹੈ। ਇਸ ਦੇ ਨਾਲ, ਇਕ 8MP ਅਲਟਰਾ-ਵਾਈਡ ਸੈਂਸਰ ਅਤੇ ਇਕ 50MP ਪੈਰੀਸਕੋਪ ਕੈਮਰਾ ਹੈ। ਪੈਰੀਸਕੋਪ ਕੈਮਰਾ ਆਪਟੀਕਲ ਜ਼ੂਮ ਲਈ ਵਰਤਿਆ ਜਾਂਦਾ ਹੈ। ਫੋਨ ’ਚ 8 MP ਦਾ ਫਰੰਟ ਕੈਮਰਾ ਹੈ, ਜੋ ਕਿ ਕਵਰ ਸਕ੍ਰੀਨ 'ਤੇ ਲਗਾਇਆ ਗਿਆ ਹੈ।
OPPO Find N5 ਬੈਟਰੀ
OPPO Find N5 ’ਚ 5600mAh ਬੈਟਰੀ ਹੈ। ਇਹ 80W SuperVOOC ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਇਹ ਫੋਨ 50W ਵਾਇਰਲੈੱਸ ਚਾਰਜਿੰਗ ਦੀ ਵੀ ਪੇਸ਼ਕਸ਼ ਕਰਦਾ ਹੈ। ਹੋਰ ਫੀਚਰਜ਼ ਦੀ ਗੱਲ ਕਰੀਏ ਤਾਂ ਫੋਨ ’ਚ USB ਟਾਈਪ-ਸੀ ਪੋਰਟ ਅਤੇ ਆਡੀਓ ਸਪੀਕਰ ਦਿੱਤੇ ਗਏ ਹਨ। ਇਸ ’ਚ ਸਾਈਡ-ਮਾਊਂਟੇਡ ਫਿੰਗਰਪ੍ਰਿੰਟ ਸੈਂਸਰ ਹੈ। ਇਹ ਫ਼ੋਨ IPX6/IPX8/IPX9 ਰੇਟਿੰਗ ਵਾਲਾ ਹੈ, ਭਾਵ ਇਸਨੂੰ ਪਾਣੀ ਦੇ ਨੁਕਸਾਨ ਤੋਂ ਬਚਾਇਆ ਜਾ ਸਕਦਾ ਹੈ।
OPPO Find N5 vs
PPO Find N5 ਦੁਨੀਆ ਦਾ ਸਭ ਤੋਂ ਪਤਲਾ ਫੋਲਡੇਬਲ ਫੋਨ ਹੈ। ਇਸਦੀ ਮੋਟਾਈ 8.93 ਮਿਲੀਮੀਟਰ ਹੈ। ਦੂਜੇ ਫੋਲਡੇਬਲਾਂ ਨਾਲ ਫੋਨ ਦੀ ਤੁਲਨਾ ਕਰੀਏ ਤਾਂ, OnePlus Open ਦੀ ਮੋਟਾਈ 11.7 ਮਿਲੀਮੀਟਰ ਹੈ। ਗੂਗਲ ਪਿਕਸਲ 9 ਪ੍ਰੋ ਫੋਲਡ ਦੀ ਮੋਟਾਈ 10.5 ਮਿਲੀਮੀਟਰ ਹੈ। Samsung Galaxy Z Fold 6 ਦੀ ਮੋਟਾਈ 12.1 ਮਿਲੀਮੀਟਰ ਹੈ। ਆਨਰ ਮੈਜਿਕ V3 ਦੀ ਮੋਟਾਈ 9.2 ਮਿਲੀਮੀਟਰ ਹੈ। ਵੀਵੋ ਐਕਸ ਫੋਲਡ 3 ਦੀ ਮੋਟਾਈ 11.2 ਮਿਲੀਮੀਟਰ ਹੈ।
WhatsApp ਦੀ ਵੱਡੀ ਕਾਰਵਾਈ, block ਕਰ ਦਿੱਤੇ 84 ਲੱਖ ਤੋਂ ਵਧ ਅਕਾਊਂਟ, ਜਾਣੋ ਕਾਰਨ
NEXT STORY 
