ਨਵੀਂ ਦਿੱਲੀ : ਚੀਨੀ ਸਮਾਰਟਫੋਨ ਬ੍ਰਾਂਡ ਰੀਅਲਮੀ (Realme) ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੇ ਗਾਹਕਾਂ ਨੂੰ ਵੱਡਾ ਝਟਕਾ ਦਿੰਦੇ ਹੋਏ ਆਪਣੇ ਕੁਝ ਪ੍ਰਸਿੱਧ ਮਾਡਲਾਂ ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧਾ ਕਰ ਦਿੱਤਾ ਹੈ। ਜਾਣਕਾਰੀ ਅਨੁਸਾਰ, ਕੰਪਨੀ ਨੇ ਹਾਲ ਹੀ ਵਿੱਚ ਲਾਂਚ ਕੀਤੀ Realme 16 Pro ਸੀਰੀਜ਼ ਅਤੇ Realme 15 ਦੀਆਂ ਕੀਮਤਾਂ ਵਿੱਚ 3,000 ਰੁਪਏ ਤੋਂ ਲੈ ਕੇ 4,000 ਰੁਪਏ ਤੱਕ ਦਾ ਵਾਧਾ ਕੀਤਾ ਹੈ।
ਕਿਉਂ ਵਧੀਆਂ ਕੀਮਤਾਂ?
ਕੰਪਨੀ ਅਨੁਸਾਰ, ਮੈਮੋਰੀ ਅਤੇ ਚਿਪਸੈੱਟ ਦੀ ਘਾਟ ਦੇ ਨਾਲ-ਨਾਲ ਸਮਾਰਟਫੋਨ ਬਣਾਉਣ ਦੀ ਸਮੁੱਚੀ ਲਾਗਤ (ਕੋਸਟ) ਵਧਣ ਕਾਰਨ ਕੀਮਤਾਂ ਵਿੱਚ ਇਹ ਬਦਲਾਅ ਕਰਨਾ ਪਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਰੀਅਲਮੀ ਤੋਂ ਪਹਿਲਾਂ ਸੈਮਸੰਗ ਨੇ ਵੀ ਆਪਣੇ ਕੁਝ ਮਾਡਲਾਂ ਦੀਆਂ ਕੀਮਤਾਂ ਵਧਾਈਆਂ ਸਨ। ਇਸ ਵਾਧੇ ਬਾਰੇ ਜਾਣਕਾਰੀ ਟਿੱਪਸਟਰ ਅਭਿਸ਼ੇਕ ਯਾਦਵ ਨੇ ਕੰਪਨੀ ਵੱਲੋਂ ਪਾਰਟਨਰਜ਼ ਨੂੰ ਭੇਜੀ ਗਈ ਇੱਕ ਈ-ਮੇਲ ਰਾਹੀਂ ਸਾਂਝੀ ਕੀਤੀ ਹੈ।
ਜਾਣੋ ਕਿਹੜਾ ਮਾਡਲ ਹੋਇਆ ਕਿੰਨਾ ਮਹਿੰਗਾ:
• Realme 15: ਇਸ ਫੋਨ ਦੀ ਕੀਮਤ ਵਿੱਚ 3,000 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਪਹਿਲਾਂ ਇਸ ਦੀ ਸ਼ੁਰੂਆਤੀ ਕੀਮਤ 25,999 ਰੁਪਏ ਸੀ, ਜੋ ਹੁਣ ਵਧ ਕੇ 28,999 ਰੁਪਏ ਹੋ ਗਈ ਹੈ।
• Realme 16 Pro: ਇਸ ਮਾਡਲ 'ਤੇ ਵੀ 3,000 ਰੁਪਏ ਵਧਾਏ ਗਏ ਹਨ। ਹੁਣ ਇਸ ਦੀ ਸ਼ੁਰੂਆਤੀ ਕੀਮਤ 31,999 ਰੁਪਏ ਤੋਂ ਵਧ ਕੇ 34,999 ਰੁਪਏ ਹੋ ਗਈ ਹੈ।
• Realme 16 Pro+: ਇਸ ਪ੍ਰੀਮੀਅਮ ਮਾਡਲ ਦੀ ਕੀਮਤ ਵਿੱਚ ਸਭ ਤੋਂ ਵੱਧ 4,000 ਰੁਪਏ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ। 39,999 ਰੁਪਏ ਵਿੱਚ ਲਾਂਚ ਹੋਇਆ ਇਹ ਫੋਨ ਹੁਣ ਗਾਹਕਾਂ ਨੂੰ 43,999 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਮਿਲੇਗਾ।
ਰੀਅਲਮੀ ਦੇ ਵੱਖ-ਵੱਖ ਵੇਰੀਐਂਟਸ (8GB+128GB, 12GB+256GB ਆਦਿ) ਦੀਆਂ ਕੀਮਤਾਂ ਵੀ ਇਸੇ ਅਨੁਪਾਤ ਵਿੱਚ ਵਧਾਈਆਂ ਗਈਆਂ ਹਨ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਹੋਰ ਕੰਪਨੀਆਂ ਵੀ ਅਜਿਹੇ ਫੈਸਲੇ ਲੈ ਸਕਦੀਆਂ ਹਨ।
WhatsApp ਦੀ ਬਾਦਸ਼ਾਹਤ ਹੋਵੇਗੀ ਖ਼ਤਮ ! ਐਲਨ ਮਸਕ ਲਿਆ ਰਹੇ ਨਵੀਂ ਐਪ, ਮਿਲੇਗੀ ਬਿਟਕੋਇਨ ਲੈਵਲ ਸੁਰੱਖਿਆ
NEXT STORY 
