ਗੈਜੇਟ ਡੈਸਕ - Samsung Galaxy S25 ਸੀਰੀਜ਼ ਨੂੰ ਅਗਲੇ ਸਾਲ ਦੀ ਸ਼ੁਰੂਆਤ 'ਚ ਲਾਂਚ ਕੀਤਾ ਜਾਵੇਗਾ। ਇਸ ਸਾਲ ਦੱਖਣੀ ਕੋਰੀਆਈ ਕੰਪਨੀ ਆਪਣੀ ਸੀਰੀਜ਼ 'ਚ ਨਵਾਂ ਸਲਿਮ ਮਾਡਲ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਇਸ ਫੋਨ ਨੂੰ Galaxy S25 Slim ਦੇ ਰੂਪ 'ਚ ਪੇਸ਼ ਕੀਤਾ ਜਾ ਸਕਦਾ ਹੈ। ਲਾਂਚ ਤੋਂ ਪਹਿਲਾਂ ਇਸ ਫੋਨ ਦੇ ਕੈਮਰੇ ਦੀ ਡਿਟੇਲ ਸਾਹਮਣੇ ਆ ਚੁੱਕੀ ਹੈ। ਸੈਮਸੰਗ ਦੇ ਇਸ ਫਲੈਗਸ਼ਿਪ ਫੋਨ 'ਚ ALoP ਕੈਮਰਾ ਟੈਕਨਾਲੋਜੀ ਦੀ ਵਰਤੋਂ ਕੀਤੀ ਜਾਵੇਗੀ, ਜਿਸ ਨਾਲ ਫੋਨ ਦਾ ਕੈਮਰਾ ਬੰਪ ਘੱਟ ਹੋਵੇਗਾ। ਜਿਵੇਂ ਕਿ ਨਾਮ ਤੋਂ ਪਤਾ ਲੱਗਦਾ ਹੈ, ਇਹ ਸੈਮਸੰਗ ਦਾ ਹੁਣ ਤੱਕ ਦਾ ਸਭ ਤੋਂ ਪਤਲਾ ਸਮਾਰਟਫੋਨ ਹੋ ਸਕਦਾ ਹੈ।
ਸੈਮਸੰਗ ਦੀ ਇਸ ਫਲੈਗਸ਼ਿਪ ਸੀਰੀਜ਼ 'ਚ Galaxy S25, Galaxy S25+ ਅਤੇ Galaxy S25 Ultra ਤੋਂ ਇਲਾਵਾ Galaxy S24 Slim ਨੂੰ ਵੀ ਲਾਂਚ ਕੀਤਾ ਜਾਵੇਗਾ। ਕੰਪਨੀ ਟੈਲੀਫੋਟੋ ਕੈਮਰੇ ਲਈ ALoP ਯਾਨੀ ਪ੍ਰਿਜ਼ਮ ਟੈਕਨਾਲੋਜੀ 'ਤੇ ਆਲ ਲੈਂਸ ਦੀ ਵਰਤੋਂ ਕਰਨ ਜਾ ਰਹੀ ਹੈ। ਟਿਪਸਟਰ @Jukanlosreve ਨੇ ਆਪਣੇ X ਹੈਂਡਲ ਨਾਲ ਇਸ ਵਿਸ਼ੇਸ਼ਤਾ ਦੀ ਪੁਸ਼ਟੀ ਕੀਤੀ ਹੈ ਅਤੇ ਦਾਅਵਾ ਕੀਤਾ ਹੈ ਕਿ ਇਹ ਤਕਨਾਲੋਜੀ ਕੈਮਰੇ ਦੇ ਬੰਪ ਦੀ ਮੋਟਾਈ ਨੂੰ ਘਟਾਉਂਦੀ ਹੈ। ਇਸ ਤਕਨੀਕ ਨੂੰ ਸੈਮਸੰਗ ਨੇ ਪਿਛਲੇ ਮਹੀਨੇ ਪੇਸ਼ ਕੀਤਾ ਸੀ। ਇਸ ਨੂੰ ਸੈਮਸੰਗ ਸੈਮੀਕੰਡਕਟਰ ਡਿਵੀਜ਼ਨ ਨੇ ਤਿਆਰ ਕੀਤਾ ਹੈ।
ALoP ਤਕਨਾਲੋਜੀ ਕੀ ਹੈ?
ਇਹ ਟੈਕਨਾਲੋਜੀ ALoP ਆਰਕੀਟੈਕਚਰ 'ਤੇ ਕੰਮ ਕਰਦੀ ਹੈ, ਜਿਸ 'ਚ ਟੈਲੀਫੋਟੋ ਕੈਮਰਾ ਮੋਡੀਊਲ ਦੀ ਲੰਬਾਈ 22 ਫੀਸਦੀ ਘਟਾਈ ਜਾਂਦੀ ਹੈ। ਕਨਵੈਨਸ਼ਨਲ ਫੋਲਡ ਕੀਤੇ ਕੈਮਰੇ ਦੀ ਲੰਬਾਈ ਲੰਬੀ ਹੁੰਦੀ ਹੈ, ਜਿਸ ਕਾਰਨ ਫੋਨ ਦੇ ਪਿਛਲੇ ਹਿੱਸੇ 'ਚ ਬੰਪ ਦਿਖਾਈ ਦਿੰਦਾ ਹੈ। Galaxy S25 Slim ਇੱਕ ਬਹੁਤ ਹੀ ਪਤਲਾ ਫੋਨ ਹੋਵੇਗਾ, ਜਿਸ ਦੇ ਕਾਰਨ ਜਦੋਂ ਰਵਾਇਤੀ ਕੈਮਰਾ ਲੈਂਸ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਤਾਂ ਇਸਦੇ ਕੈਮਰਾ ਮੋਡਿਊਲ ਦਾ ਬੰਪ ਬਹੁਤ ਉੱਚਾ ਹੋਵੇਗਾ, ਜੋ ਕਿ ਭੈੜਾ ਦਿਖਾਈ ਦੇ ਸਕਦਾ ਹੈ। ਇਸ ਤਕਨੀਕ ਨਾਲ ਪ੍ਰਿਜ਼ਮ ਰਿਫਲੈਕਸ਼ਨ ਨੂੰ 40 ਡਿਗਰੀ ਤੱਕ ਝੁਕਾਇਆ ਜਾ ਸਕਦਾ ਹੈ।
ਰਿਪੋਰਟ ਮੁਤਾਬਕ ਸੈਮਸੰਗ ਦਾ ਇਹ ਫੋਨ 7mm ਮੋਟਾ ਹੋਵੇਗਾ। ਇਸ ਦੇ ਬੈਕ 'ਚ ਟ੍ਰਿਪਲ ਕੈਮਰਾ ਸੈੱਟਅਪ ਪਾਇਆ ਜਾ ਸਕਦਾ ਹੈ। ਇਸ 'ਚ 200MP ਦਾ ਮੁੱਖ ਕੈਮਰਾ ਹੋਵੇਗਾ। ਇਸ ਤੋਂ ਇਲਾਵਾ ਫੋਨ 'ਚ 50MP ਅਲਟਰਾ ਵਾਈਡ ਅਤੇ ਟੈਲੀਫੋਟੋ ਕੈਮਰਾ ਹੋਵੇਗਾ। ਇਸ ਸੀਰੀਜ਼ ਦੇ Galaxy S25 ਅਤੇ Galaxy S25+ 'ਚ ਟੈਲੀਫੋਟੋ ਕੈਮਰਾ ਉਪਲਬਧ ਨਹੀਂ ਹੋਵੇਗਾ।
ਮਾਰੂਤੀ ਸੁਜ਼ੂਕੀ ਕਰ ਰਹੀ ਸਟਾਕ ਕਲੀਅਰ, ਦੇ ਰਹੀ 95000 ਤੱਕ ਦਾ ਡਿਸਕਾਊਂਟ
NEXT STORY 
