ਗੈਜੇਟ ਡੈਸਕ - ਸਮਾਰਟਫੋਨ ਨਿਰਮਾਤਾ ਕੰਪਨੀ ਟੈਕਨੋ (Tecno) ਭਾਰਤ 'ਚ ਆਪਣਾ ਨਵਾਂ ਧਮਾਕੇਦਾਰ ਸਮਾਰਟਫੋਨ Tecno Pova Curve 2 ਲਾਂਚ ਕਰਨ ਦੀ ਤਿਆਰੀ ਕਰ ਚੁੱਕੀ ਹੈ। ਇਹ ਫੋਨ 13 ਫਰਵਰੀ ਨੂੰ ਭਾਰਤੀ ਬਾਜ਼ਾਰ 'ਚ ਦਸਤਕ ਦੇਵੇਗਾ। ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ ਵੱਡੀ ਬੈਟਰੀ ਅਤੇ ਬੇਹੱਦ ਪਤਲਾ ਡਿਜ਼ਾਈਨ ਹੈ।
ਸਰੋਤਾਂ ਅਨੁਸਾਰ, ਟੈਕਨੋ ਦਾ ਦਾਅਵਾ ਹੈ ਕਿ Pova Curve 2 5G ਦੁਨੀਆ ਦਾ ਸਭ ਤੋਂ ਪਤਲਾ ਫੋਨ ਹੈ ਜਿਸ 'ਚ 8000mAh ਦੀ ਦਮਦਾਰ ਬੈਟਰੀ ਅਤੇ ਕਰਵਡ ਡਿਸਪਲੇਅ ਦਿੱਤੀ ਗਈ ਹੈ। ਇਸ ਫੋਨ ਦੀ ਮੋਟਾਈ ਸਿਰਫ 7.42mm ਹੈ ਅਤੇ ਇਸ ਦਾ ਵਜ਼ਨ 195 ਗ੍ਰਾਮ ਹੈ, ਜੋ ਇਸ ਨੂੰ ਸਲਿਮ ਅਤੇ ਹਲਕਾ ਬਣਾਉਂਦਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਕ ਵਾਰ ਫੁੱਲ ਚਾਰਜ ਕਰਨ 'ਤੇ ਇਹ ਫੋਨ ਲਗਾਤਾਰ ਦੋ ਦਿਨ ਤੱਕ ਚੱਲਣ ਦੇ ਸਮਰੱਥ ਹੈ।
ਇਸ ਫੋਨ 'ਚ 6.78 ਇੰਚ ਦੀ ਕਰਵਡ AMOLED ਡਿਸਪਲੇਅ ਮਿਲਣ ਦੀ ਉਮੀਦ ਹੈ, ਜੋ 144Hz ਰਿਫ੍ਰੈਸ਼ ਰੇਟ ਦੇ ਨਾਲ ਆਵੇਗੀ। ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ ਇਸ ਦੇ ਪਿਛਲੇ ਹਿੱਸੇ ਵਿਚ ਇਕ ਯੂਨੀਕ ਟ੍ਰਾਈਐਂਗੁਲਰ (ਤਿਕੋਣਾ) ਰੀਅਰ ਕੈਮਰਾ ਮੋਡਿਊਲ ਦਿੱਤਾ ਗਿਆ ਹੈ, ਜਿਸ ਵਿਚ ਟ੍ਰਿਪਲ ਸੈਂਸਰ ਸੈੱਟਅੱਪ ਹੈ। ਫੋਨ ਦੇ ਪਿਛਲੇ ਪੈਨਲ ਦੇ ਹੇਠਲੇ ਸੱਜੇ ਕੋਨੇ 'ਤੇ ਟ੍ਰਾਂਸਪੇਰੈਂਟ ਐਕਸੈਂਟ ਵੀ ਦੇਖਣ ਨੂੰ ਮਿਲੇਗਾ।
ਬਿਹਤਰ ਪਰਫਾਰਮੈਂਸ ਲਈ ਇਸ ਵਿਚ ਮੀਡੀਆਟੈੱਕ ਡਾਇਮੈਂਸਿਟੀ 7100 SoC ਚਿਪਸੈੱਟ ਦਿੱਤਾ ਜਾ ਸਕਦਾ ਹੈ। ਫੋਟੋਗ੍ਰਾਫੀ ਲਈ ਫੋਨ ਵਿਚ 50MP ਦਾ ਮੁੱਖ ਰਿਅਰ ਸੈਂਸਰ ਹੋਣ ਦੀ ਗੱਲ ਕਹੀ ਗਈ ਹੈ। ਇਹ ਫੋਨ 12GB ਰੈਮ ਅਤੇ 256GB ਸਟੋਰੇਜ ਵੇਰੀਐਂਟ ਵਿਚ ਆ ਸਕਦਾ ਹੈ।
Tecno Pova Curve 2 ਤਿੰਨ ਆਕਰਸ਼ਕ ਰੰਗਾਂ ਬਲੈਕ, ਸਿਲਵਰ ਅਤੇ ਵਾਇਲਟ 'ਚ ਉਪਲਬਧ ਹੋਵੇਗਾ। ਗਾਹਕ ਇਸ ਫੋਨ ਨੂੰ ਈ-ਕਾਮਰਸ ਸਾਈਟ ਫਲਿੱਪਕਾਰਟ ਰਾਹੀਂ ਖਰੀਦ ਸਕਣਗੇ, ਜਿੱਥੇ ਇਸ ਲਈ ਇਕ ਸਮਰਪਿਤ ਮਾਈਕਰੋਸਾਈਟ ਪਹਿਲਾਂ ਹੀ ਲਾਈਵ ਹੋ ਚੁੱਕੀ ਹੈ। ਫਿਲਹਾਲ ਇਸ ਦੀ ਕੀਮਤ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਵੈਲੇਨਟਾਈਨ ਡੇਅ 'ਤੇ ਇੰਸਟਾਗ੍ਰਾਮ ਦਾ ਵੱਡਾ ਤੋਹਫ਼ਾ: ਹੁਣ ਰੋਮਾਂਟਿਕ ਹੋਵੇਗੀ ਤੁਹਾਡੀ ਚੈਟ ਅਤੇ ਸਟੋਰੀ, ਆਏ ਕਈ ਜਾਦੂਈ ਫ
NEXT STORY 
