ਗੈਜੇਟ ਡੈਸਕ - ਅੱਜ-ਕੱਲ੍ਹ ਦੇ ਸਮਾਰਟਫੋਨਾਂ 'ਚ ਕਾਲ ਕਰਨ ਲਈ ਸਿਰਫ਼ ਮੋਬਾਈਲ ਨੈੱਟਵਰਕ ਹੀ ਨਹੀਂ, ਸਗੋਂ ਵਾਈ-ਫਾਈ ਕਾਲਿੰਗ ਵਰਗੀ ਨਵੀਂ ਤਕਨੀਕ ਵੀ ਉਪਲਬਧ ਹੈ। ਬਹੁਤ ਸਾਰੇ ਲੋਕ 5G ਨੈੱਟਵਰਕ ਅਤੇ ਵਾਈ-ਫਾਈ ਕਾਲਿੰਗ ਵਿਚਕਾਰ ਫਰਕ ਨਹੀਂ ਸਮਝ ਪਾਉਂਦੇ ਅਤੇ ਅਕਸਰ ਗਲਤ ਸਮੇਂ 'ਤੇ ਗਲਤ ਵਿਕਲਪ ਦੀ ਵਰਤੋਂ ਕਰਦੇ ਹਨ। ਸਰੋਤਾਂ ਅਨੁਸਾਰ, ਸਹੀ ਸਥਿਤੀ 'ਚ ਸਹੀ ਤਕਨਾਲੋਜੀ ਦੀ ਚੋਣ ਕਰਨ ਨਾਲ ਕਾਲ ਦੀ ਗੁਣਵੱਤਾ 'ਚ ਸੁਧਾਰ ਹੋ ਸਕਦਾ ਹੈ ਅਤੇ ਨੈੱਟਵਰਕ ਦੀ ਸਮੱਸਿਆ ਵੀ ਘੱਟ ਹੋ ਸਕਦੀ ਹੈ।
5G ਅਤੇ ਵਾਈ-ਫਾਈ ਕਾਲਿੰਗ ਕੀ ਹੈ?
5G ਇਕ ਹਾਈ-ਸਪੀਡ ਮੋਬਾਈਲ ਨੈੱਟਵਰਕ ਹੈ ਜੋ ਸਿੱਧਾ ਮੋਬਾਈਲ ਟਾਵਰਾਂ ਰਾਹੀਂ ਕੰਮ ਕਰਦਾ ਹੈ ਅਤੇ ਇੰਟਰਨੈੱਟ ਅਤੇ ਕਾਲਿੰਗ ਦੋਵਾਂ ਨੂੰ ਤੇਜ਼ ਬਣਾਉਣ ਲਈ ਤਿਆਰ ਕੀਤਾ ਗਿਆ ਹੈ। ਦੂਜੇ ਪਾਸੇ, ਵਾਈ-ਫਾਈ ਕਾਲਿੰਗ ਮੋਬਾਈਲ ਨੈੱਟਵਰਕ ਦੀ ਬਜਾਏ ਇੰਟਰਨੈੱਟ ਕਨੈਕਸ਼ਨ ਦੀ ਵਰਤੋਂ ਕਰਦੀ ਹੈ। ਜਦੋਂ ਫ਼ੋਨ 'ਚ ਨੈੱਟਵਰਕ ਕਮਜ਼ੋਰ ਹੁੰਦਾ ਹੈ, ਤਾਂ ਇਹ ਫੀਚਰ ਵਾਈ-ਫਾਈ ਰਾਹੀਂ ਕਾਲ ਨੂੰ ਕਨੈਕਟ ਕਰਦਾ ਹੈ, ਜਿਸ ਨਾਲ ਉਨ੍ਹਾਂ ਥਾਵਾਂ 'ਤੇ ਵੀ ਸਾਫ਼ ਆਵਾਜ਼ 'ਚ ਗੱਲ ਹੋ ਸਕਦੀ ਹੈ ਜਿੱਥੇ ਸਿਗਨਲ ਕਮਜ਼ੋਰ ਹੁੰਦੇ ਹਨ।
ਕਦੋਂ ਕਰੀਏ 5G ਦੀ ਵਰਤੋਂ?
ਜਦੋਂ ਤੁਹਾਡੇ ਫ਼ੋਨ 'ਚ ਮੋਬਾਈਲ ਨੈੱਟਵਰਕ ਮਜ਼ਬੂਤ ਹੋਵੇ ਅਤੇ 5G ਸਿਗਨਲ ਉਪਲਬਧ ਹੋਣ, ਤਾਂ 5G ਨੈੱਟਵਰਕ 'ਤੇ ਕਾਲ ਕਰਨਾ ਸਭ ਤੋਂ ਵਧੀਆ ਵਿਕਲਪ ਹੈ। ਇਹ ਕਾਲਿੰਗ ਨੂੰ ਫਾਸਟ ਅਤੇ ਸਥਿਰ ਬਣਾਉਂਦਾ ਹੈ ਅਤੇ ਕਾਲ ਕਨੈਕਟ ਹੋਣ ਵਿੱਚ ਵੀ ਘੱਟ ਸਮਾਂ ਲੱਗਦਾ ਹੈ। ਖ਼ਾਸਕਰ ਬਾਹਰਲੇ ਖੁੱਲ੍ਹੇ ਇਲਾਕਿਆਂ ਜਾਂ ਸ਼ਹਿਰਾਂ 'ਚ, ਜਿੱਥੇ 5G ਨੈੱਟਵਰਕ ਚੰਗੀ ਤਰ੍ਹਾਂ ਕੰਮ ਕਰ ਰਿਹਾ ਹੈ, ਇਹ ਤਕਨੀਕ ਜ਼ਿਆਦਾ ਭਰੋਸੇਮੰਦ ਹੁੰਦੀ ਹੈ।
ਵਾਈ-ਫਾਈ ਕਾਲਿੰਗ ਦੀ ਵਰਤੋਂ ਕਦੋਂ ਫਾਇਦੇਮੰਦ?
ਵਾਈ-ਫਾਈ ਕਾਲਿੰਗ ਉਨ੍ਹਾਂ ਥਾਵਾਂ 'ਤੇ ਸਭ ਤੋਂ ਵੱਧ ਕੰਮ ਆਉਂਦੀ ਹੈ ਜਿੱਥੇ ਮੋਬਾਈਲ ਨੈੱਟਵਰਕ ਕਮਜ਼ੋਰ ਹੁੰਦਾ ਹੈ, ਜਿਵੇਂ ਕਿ ਘਰ ਦੇ ਅੰਦਰ, ਦਫ਼ਤਰ ਜਾਂ ਬੇਸਮੈਂਟ। ਅਜਿਹੀ ਸਥਿਤੀ 'ਚ ਜੇਕਰ ਫ਼ੋਨ ਵਾਈ-ਫਾਈ ਨਾਲ ਕਨੈਕਟ ਹੈ, ਤਾਂ ਇਹ ਆਪਣੇ ਆਪ ਐਕਟਿਵ ਹੋ ਸਕਦੀ ਹੈ ਅਤੇ ਆਵਾਜ਼ ਦੀ ਗੁਣਵੱਤਾ ਨੂੰ ਬਿਹਤਰ ਬਣਾਉਂਦੀ ਹੈ। ਹਾਲਾਂਕਿ, ਵਾਈ-ਫਾਈ ਕਾਲਿੰਗ ਦੀ ਗੁਣਵੱਤਾ ਤੁਹਾਡੇ ਇੰਟਰਨੈੱਟ ਕਨੈਕਸ਼ਨ ਦੀ ਸਪੀਡ 'ਤੇ ਨਿਰਭਰ ਕਰਦੀ ਹੈ; ਕਮਜ਼ੋਰ ਇੰਟਰਨੈੱਟ ਕਾਰਨ ਆਵਾਜ਼ ਕੱਟਣ ਦੀ ਸਮੱਸਿਆ ਹੋ ਸਕਦੀ ਹੈ।
ਸਹੀ ਵਰਤੋਂ ਲਈ ਸੁਝਾਅ
ਸਮਾਰਟਫੋਨ ਉਪਭੋਗਤਾਵਾਂ ਲਈ ਸਭ ਤੋਂ ਵਧੀਆ ਤਰੀਕਾ ਇਹ ਹੈ ਕਿ ਦੋਵਾਂ ਤਕਨੀਕਾਂ ਦੀ ਵਰਤੋਂ ਹਾਲਾਤਾਂ ਅਨੁਸਾਰ ਕੀਤੀ ਜਾਵੇ। ਜ਼ਿਆਦਾਤਰ ਸਮਾਰਟਫ਼ੋਨਾਂ 'ਚ ਵਾਈ- ਫਾਈ ਕਾਲਿੰਗ ਨੂੰ ਸੈਟਿੰਗਾਂ ਵਿੱਚ ਜਾ ਕੇ on ਕੀਤਾ ਜਾ ਸਕਦਾ ਹੈ। ਇਸ ਨੂੰ ਐਕਟਿਵ ਰੱਖਣ ਨਾਲ ਫ਼ੋਨ ਲੋੜ ਪੈਣ 'ਤੇ ਖ਼ੁਦ ਹੀ ਬਿਹਤਰ ਨੈੱਟਵਰਕ ਦੀ ਚੋਣ ਕਰ ਲੈਂਦਾ ਹੈ, ਜਿਸ ਨਾਲ ਕਾਲਿੰਗ ਦਾ ਅਨੁਭਵ ਵਧੇਰੇ ਭਰੋਸੇਮੰਦ ਹੋ ਜਾਂਦਾ ਹੈ।
7000mAh ਦੀ ਦਮਦਾਰ ਬੈਟਰੀ ਨਾਲ ਲਾਂਚ ਹੋ ਰਿਹਾ Oppo ਦਾ ਇਹ ਸ਼ਾਨਦਾਰ phone !
NEXT STORY 
