ਹੈਲਥ ਡੈਸਕ : ਅੱਜ ਦੇ ਭੱਜ-ਦੌੜ ਭਰੇ ਜੀਵਨ ਵਿੱਚ ਮਾਈਗ੍ਰੇਨ ਅਤੇ ਹਾਈ ਬਲੱਡ ਪ੍ਰੈਸ਼ਰ (BP) ਦੀ ਸਮੱਸਿਆ ਤੇਜ਼ੀ ਨਾਲ ਵਧ ਰਹੀ ਹੈ। ਮਾਹਿਰਾਂ ਅਨੁਸਾਰ ਮਾਈਗ੍ਰੇਨ ਨੂੰ ਅਕਸਰ ਸਿਰਫ਼ ਤੇਜ਼ ਸਿਰਦਰਦ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ, ਪਰ ਇਹ ਖ਼ਾਸ ਕਰਕੇ ਔਰਤਾਂ ਵਿੱਚ ਹਾਈ ਬਲੱਡ ਪ੍ਰੈਸ਼ਰ ਦਾ ਖ਼ਤਰਾ ਵਧਾ ਸਕਦਾ ਹੈ। ਮਾਈਗ੍ਰੇਨ ਇੱਕ ਨਿਊਰੋਲੌਜੀਕਲ ਸਮੱਸਿਆ ਹੈ ਜਿਸ ਵਿੱਚ ਸਿਰ ਦੇ ਇੱਕ ਹਿੱਸੇ ਵਿੱਚ ਤੇਜ਼ ਦਰਦ ਦੇ ਨਾਲ-ਨਾਲ ਉਲਟੀ, ਚੱਕਰ ਆਉਣਾ ਤੇ ਰੋਸ਼ਨੀ ਜਾਂ ਆਵਾਜ਼ ਤੋਂ ਪਰੇਸ਼ਾਨੀ ਵਰਗੇ ਲੱਛਣ ਦਿਖਾਈ ਦਿੰਦੇ ਹਨ।
ਹਾਰਮੋਨਲ ਬਦਲਾਅ ਹਨ ਮੁੱਖ ਕਾਰਨ
ਮਾਹਰਾਂ ਅਨੁਸਾਰ ਔਰਤਾਂ ਵਿੱਚ ਮਾਈਗ੍ਰੇਨ ਅਤੇ ਹਾਈ ਬੀ. ਪੀ. ਦਾ ਸਿੱਧਾ ਸਬੰਧ ਹਾਰਮੋਨਲ ਬਦਲਾਅ ਨਾਲ ਹੁੰਦਾ ਹੈ। ਪੀਰੀਅਡਸ, ਗਰਭ ਅਵਸਥਾ ਅਤੇ ਮੀਨੋਪੌਜ਼ ਦੌਰਾਨ ਐਸਟ੍ਰੋਜਨ ਹਾਰਮੋਨ ਵਿੱਚ ਉਤਾਰ-ਚੜ੍ਹਾਅ ਮਾਈਗ੍ਰੇਨ ਨੂੰ ਵਧਾ ਸਕਦੇ ਹਨ। ਮਾਈਗ੍ਰੇਨ ਅਟੈਕ ਦੌਰਾਨ ਖ਼ੂਨ ਦੀਆਂ ਨਾੜੀਆਂ ਸੁੰਗੜਦੀਆਂ ਅਤੇ ਫੈਲਦੀਆਂ ਹਨ, ਜਿਸ ਨਾਲ ਬਲੱਡ ਪ੍ਰੈਸ਼ਰ ਅਚਾਨਕ ਵਧ ਸਕਦਾ ਹੈ। ਲੰਬੇ ਸਮੇਂ ਤੱਕ ਮਾਈਗ੍ਰੇਨ ਰਹਿਣ ਨਾਲ ਇਹ ਬੀ. ਪੀ. ਨੂੰ ਸਥਾਈ ਰੂਪ ਵਿੱਚ ਪ੍ਰਭਾਵਿਤ ਕਰ ਸਕਦਾ ਹੈ ਅਤੇ ਦਿਲ ਦੀ ਸਿਹਤ 'ਤੇ ਵੀ ਅਸਰ ਪਾ ਸਕਦਾ ਹੈ।
ਇਨ੍ਹਾਂ ਔਰਤਾਂ ਨੂੰ ਹੈ ਜ਼ਿਆਦਾ ਖ਼ਤਰਾ
ਮਾਹਿਰਾਂ ਮੁਤਾਬਕ ਜਿਹੜੀਆਂ ਔਰਤਾਂ ਮੋਟਾਪੇ, ਤਣਾਅਪੂਰਨ ਜੀਵਨ ਸ਼ੈਲੀ ਜਾਂ ਨੀਂਦ ਦੀ ਕਮੀ ਨਾਲ ਜੂਝ ਰਹੀਆਂ ਹਨ, ਉਨ੍ਹਾਂ ਨੂੰ ਇਸ ਦਾ ਖ਼ਤਰਾ ਜ਼ਿਆਦਾ ਹੁੰਦਾ ਹੈ। ਇਸ ਤੋਂ ਇਲਾਵਾ:
• ਜ਼ਿਆਦਾ ਕੈਫੀਨ (ਚਾਹ-ਕੌਫੀ) ਦਾ ਸੇਵਨ ਅਤੇ ਸਮੋਕਿੰਗ ਕਰਨ ਵਾਲੀਆਂ ਔਰਤਾਂ।
• ਜਿਨ੍ਹਾਂ ਦੇ ਪਰਿਵਾਰ ਵਿੱਚ ਪਹਿਲਾਂ ਹੀ ਹਾਈ ਬੀ. ਪੀ. ਜਾਂ ਦਿਲ ਦੀ ਬਿਮਾਰੀ ਦਾ ਇਤਿਹਾਸ ਹੈ।
• ਦਰਦ ਤੋਂ ਰਾਹਤ ਲਈ ਆਪਣੇ ਆਪ ਲਈਆਂ ਜਾਣ ਵਾਲੀਆਂ ਕੁਝ ਦਵਾਈਆਂ ਵੀ ਬੀ. ਪੀ. ਵਧਾ ਸਕਦੀਆਂ ਹਨ।
ਬਚਾਅ ਲਈ ਅਪਣਾਓ ਇਹ ਨੁਸਖ਼ੇ
ਮਾਈਗ੍ਰੇਨ ਅਤੇ ਹਾਈ ਬੀ. ਪੀ. ਤੋਂ ਬਚਣ ਲਈ ਹੈਲਦੀ ਲਾਈਫਸਟਾਈਲ ਬਹੁਤ ਜ਼ਰੂਰੀ ਹੈ। ਰੋਜ਼ਾਨਾ 7-8 ਘੰਟੇ ਦੀ ਨੀਂਦ ਲਓ ਅਤੇ ਤਣਾਅ ਘੱਟ ਕਰਨ ਲਈ ਯੋਗਾ ਜਾਂ ਹਲਕੀ ਕਸਰਤ ਕਰੋ। ਖਾਣੇ ਵਿੱਚ ਨਮਕ ਅਤੇ ਕੈਫੀਨ ਦੀ ਮਾਤਰਾ ਸੀਮਤ ਰੱਖੋ ਅਤੇ ਲੋੜੀਂਦਾ ਪਾਣੀ ਪੀਓ। ਮਾਹਿਰਾਂ ਦੀ ਸਲਾਹ ਹੈ ਕਿ ਸਮੇਂ-ਸਮੇਂ 'ਤੇ ਬੀ. ਪੀ. ਦੀ ਜਾਂਚ ਕਰਵਾਉਂਦੇ ਰਹੋ ਅਤੇ ਕੋਈ ਵੀ ਦਵਾਈ ਡਾਕਟਰ ਦੀ ਸਲਾਹ ਤੋਂ ਬਿਨਾਂ ਨਾ ਲਓ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਮੋਬਾਈਲ ਤੋਂ ਆਟਿਜ਼ਮ ! 6 ਸਾਲ ਦਾ ਮੁੰਡਾ ਬਣਿਆ ਸ਼ਿਕਾਰ, ਬੋਲਣ ਲੱਗਾ ਕੋਰੀਅਨ ਭਾਸ਼ਾ
NEXT STORY 
