ਹੈਲਥ ਡੈਸਕ- ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਇਸ ਵੇਲੇ ਆਪਣੀ ਦੂਜੀ ਪ੍ਰੈਗਨੈਂਸੀ ਨੂੰ ਲੈ ਕੇ ਖਾਸ ਚਰਚਾ 'ਚ ਹਨ। ਹਾਲ ਹੀ ਦੇ ਆਪਣੇ ਯੂਟਿਊਬ ਵਲਾਗ 'ਚ ਉਨ੍ਹਾਂ ਨੇ ਖੁਲਾਸਾ ਕੀਤਾ ਕਿ ਗਰਭ ਅਵਸਥਾ ਦੌਰਾਨ ਉਨ੍ਹਾਂ ਦਾ ਬਲੱਡ ਸ਼ੂਗਰ ਲੈਵਲ ਕਾਫ਼ੀ ਵੱਧ ਗਿਆ, ਜਿਸ ਕਰਕੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਖਾਸ ਸਾਵਧਾਨੀਆਂ ਵਰਤਣ ਲਈ ਕਿਹਾ ਹੈ। ਇਸ ਖ਼ਬਰ ਤੋਂ ਬਾਅਦ ਲੋਕਾਂ 'ਚ ਇਹ ਸਵਾਲ ਉੱਠ ਰਿਹਾ ਹੈ ਕਿ ਜੇ ਮਾਂ ਦੀ ਸ਼ੂਗਰ ਪ੍ਰੈਗਨੈਂਸੀ 'ਚ ਵਧ ਜਾਵੇ, ਤਾਂ ਕੀ ਬੱਚੇ ਨੂੰ ਵੀ ਡਾਇਬਟੀਜ਼ ਹੋ ਸਕਦੀ ਹੈ?
ਗਰਭ ਅਵਸਥਾ 'ਚ ਵਧੀ ਸ਼ੂਗਰ ਨੂੰ ਕੀ ਕਹਿੰਦੇ ਹਨ?
ਜੇ ਪ੍ਰੈਗਨੈਂਸੀ ਦੌਰਾਨ ਪਹਿਲੀ ਵਾਰ ਸ਼ੂਗਰ ਵਧੇ, ਤਾਂ ਇਸ ਨੂੰ ਗਰਭਕਾਲੀਨ ਸ਼ੂਗਰ (Gestational Diabetes) ਕਿਹਾ ਜਾਂਦਾ ਹੈ। ਇਹ ਇਕ ਅਸਥਾਈ ਸਥਿਤੀ ਹੈ ਜੋ ਅਕਸਰ ਡਿਲਿਵਰੀ ਤੋਂ ਬਾਅਦ ਠੀਕ ਹੋ ਜਾਂਦੀ ਹੈ, ਪਰ ਇਸ ਦਾ ਅਸਰ ਬੱਚੇ ਦੀ ਸਿਹਤ ‘ਤੇ ਜ਼ਰੂਰ ਪੈਂਦਾ ਹੈ।
ਕੀ ਮਾਂ ਤੋਂ ਬੱਚੇ ਨੂੰ ਡਾਇਬਟੀਜ਼ ਹੋ ਸਕਦੀ ਹੈ?
1. ਟਾਈਪ 1 ਡਾਇਬਟੀਜ਼
ਇਹ ਇਕ ਆਟੋਇਮਿਊਨ ਬੀਮਾਰੀ ਹੈ ਜੋ ਪਰਿਵਾਰਕ ਜਨੈਟਿਕਸ ਤੋਂ ਅੱਗੇ ਵਧ ਸਕਦੀ ਹੈ। ਜੇ ਮਾਂ ਨੂੰ ਟਾਈਪ 1 ਡਾਇਬਟੀਜ਼ ਹੈ, ਤਾਂ ਬੱਚੇ 'ਚ ਵੀ ਇਸ ਬੀਮਾਰੀ ਦਾ ਖਤਰਾ ਵਧ ਜਾਂਦਾ ਹੈ।
2. ਟਾਈਪ 2 ਡਾਇਬਟੀਜ਼
ਇਹ ਬੀਮਾਰੀ ਜੀਵਨ ਸ਼ੈਲੀ ਅਤੇ ਜੈਨੇਟਿਕ ਦੋਵਾਂ ਨਾਲ ਜੁੜੀ ਹੈ। ਜੇ ਮਾਂ ਟਾਈਪ 2 ਡਾਇਬਟੀਜ਼ ਦੀ ਮਰੀਜ਼ ਹੈ, ਤਾਂ ਬੱਚੇ 'ਚ ਵੀ ਆਗੇ ਜਾ ਕੇ ਇਹ ਬੀਮਾਰੀ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ।
ਗਰਭਕਾਲੀਨ ਡਾਇਬਟੀਜ਼ ਬੱਚੇ ਨੂੰ ਕਿਵੇਂ ਪ੍ਰਭਾਵਿਤ ਕਰਦੀ ਹੈ?
ਜੇ ਮਾਂ ਦਾ ਸ਼ੂਗਰ ਜ਼ਿਆਦਾ ਰਹੇ, ਤਾਂ ਵਾਧੂ ਗਲੂਕੋਜ਼ ਪਲੇਸੈਂਟਾ ਰਾਹੀਂ ਬੱਚੇ ਤੱਕ ਪਹੁੰਚਦਾ ਹੈ। ਬੱਚਾ ਇਸ ਨੂੰ ਕਾਬੂ ਕਰਨਾ ਲਈ ਜ਼ਿਆਦਾ ਇੰਸੁਲਿਨ ਬਣਾਉਂਦਾ ਹੈ। ਇਸ ਕਾਰਨ ਬੱਚੇ ਦੇ ਸਰੀਰ ‘ਚ ਫੈਟ ਵੱਧ ਜਮ੍ਹਾ ਹੁੰਦਾ ਹੈ ਅਤੇ ਉਹ ਆਪਣੇ ਸਮੇਂ ਨਾਲੋਂ ਜ਼ਿਆਦਾ ਭਾਰੀ ਹੋ ਸਕਦਾ ਹੈ।
- ਜਨਮ ਦੌਰਾਨ ਕਾਂਪਲਿਕੇਸ਼ਨ ਵੱਧ ਸਕਦੇ ਹਨ
- ਵੱਡੇ ਹੋ ਕੇ ਬੱਚੇ 'ਚ ਮੋਟਾਪੇ ਅਤੇ ਟਾਈਪ 2 ਡਾਇਬਟੀਜ਼ ਦਾ ਖਤਰਾ ਵੱਧ ਜਾਂਦਾ ਹੈ
- ਇਸ ਦਾ ਇਹ ਮਤਲਬ ਨਹੀਂ ਕਿ ਹਰ ਬੱਚੇ ਨੂੰ ਡਾਇਬਟੀਜ਼ ਹੋਵੇਗੀ, ਪਰ ਰਿਸਕ ਜ਼ਰੂਰ ਵਧਦਾ ਹੈ।
ਬਚਾਅ ਕਿਵੇਂ ਕਰੀਏ?
- ਮਾਂ ਕੁਝ ਸਾਵਧਾਨੀਆਂ ਰੱਖ ਕੇ ਇਸ ਖਤਰੇ ਨੂੰ ਕਾਫ਼ੀ ਹੱਦ ਤੱਕ ਘਟਾ ਸਕਦੀ ਹੈ:
- ਡਾਕਟਰ ਅਨੁਸਾਰ ਬਲੱਡ ਸ਼ੂਗਰ ਦੀ ਨਿਯਮਿਤ ਜਾਂਚ
- ਸੰਤੁਲਿਤ ਅਤੇ ਸਿਹਤਮੰਦ ਡਾਇਟ
- ਹਲਕੀ ਕਸਰਤ ਜਾਂ ਵਾਕ, ਜੇ ਡਾਕਟਰ ਨੇ ਮਨਜ਼ੂਰੀ ਦਿੱਤੀ ਹੋਵੇ
- ਡਾਕਟਰ ਦੁਆਰਾ ਦਿੱਤਾ ਇੰਸੁਲਿਨ ਜਾਂ ਦਵਾਈ ਸਮੇਂ ‘ਤੇ ਲੈਣਾ
ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।
ਵੱਡੀ ਗਿਣਤੀ 'ਚ ਸਰਵਾਈਕਲ ਕੈਂਸਰ ਦਾ ਸ਼ਿਕਾਰ ਹੋ ਰਹੀਆਂ ਔਰਤਾਂ ! ਕੇਰਲ ਦੇ ਸਿਹਤ ਵਿਭਾਗ ਨੇ ਚਾਰੀ ਕੀਤੀ ਚਿਤਾਵਨੀ
NEXT STORY 
