ਜਲੰਧਰ (ਬਿਊਰੋ) : ਸੁੱਕਾ ਧਨੀਆ ਭਾਰਤੀ ਰਸੋਈ ਵਿਚ ਆਮ ਵਰਤੇ ਜਾਂਦੇ ਹਨ। ਇਹ ਨਾ ਸਿਰਫ਼ ਭੋਜਨ ਦੇ ਸੁਆਦ ਨੂੰ ਵਧਾਉਂਦਾ ਹੈ ਸਗੋਂ ਇਸ ਵਿਚ ਐਂਟੀ-ਬੈਕਟਰੀਆ, ਵਿਟਾਮਿਨ ਅਤੇ ਖਣਿਜ ਤੱਤ ਵੀ ਹੁੰਦੇ ਹਨ, ਜੋ ਸਿਹਤ ਲਈ ਫ਼ਾਇਦੇਮੰਦ ਮੰਨੇ ਜਾਂਦੇ ਹਨ। ਗ਼ਲਤ ਖੁਰਾਕ ਕਾਰਨ ਸਰੀਰ 'ਚ ਕੋਲੈਸਟ੍ਰੋਲ ਵਧਣਾ ਸ਼ੁਰੂ ਹੋ ਜਾਂਦਾ ਹੈ। ਕੋਲੈਸਟ੍ਰੋਲ ਦੀਆਂ ਦੋ ਕਿਸਮਾਂ ਹਨ। ਇੱਕ ਚੰਗਾ ਹੈ ਅਤੇ ਦੂਜਾ ਮਾੜਾ ਹੈ। ਖ਼ਰਾਬ ਕੋਲੈਸਟ੍ਰੋਲ ਵਧਣ ਨਾਲ ਸਟ੍ਰੋਕ ਅਤੇ ਦਿਲ ਦੀਆਂ ਬੀਮਾਰੀਆਂ ਹੋ ਜਾਂਦੀਆਂ ਹਨ। ਨਾਲ ਹੀ ਹਾਰਟ ਅਟੈਕ ਦਾ ਖ਼ਤਰਾ ਵੀ ਵਧ ਜਾਂਦਾ ਹੈ। ਇਸ ਲਈ ਕੋਲੈਸਟ੍ਰੋਲ ਨੂੰ ਕੰਟਰੋਲ 'ਚ ਰੱਖਣਾ ਜ਼ਰੂਰੀ ਹੈ। ਸਿਹਤ ਮਾਹਿਰਾਂ ਮੁਤਾਬਕ ਕੋਲੈਸਟ੍ਰੋਲ ਵਧਣ ਨਾਲ ਖੂਨ ਦੀਆਂ ਨਾੜੀਆਂ 'ਚ ਚਰਬੀ ਜਮ੍ਹਾ ਹੋਣ ਲੱਗਦੀ ਹੈ। ਲਾਪਰਵਾਹੀ ਕਾਰਨ ਧਮਨੀਆਂ ਵਿਚ ਖੂਨ ਦਾ ਸੰਚਾਰ ਠੀਕ ਤਰ੍ਹਾਂ ਨਾਲ ਨਹੀਂ ਹੋ ਪਾਉਂਦਾ। ਇਸ ਨਾਲ ਖੂਨ ਦੇ ਥੱਕੇ ਬਣ ਜਾਂਦੇ ਹਨ, ਜੋ ਦਿਲ ਦੇ ਦੌਰੇ ਅਤੇ ਸਟ੍ਰੋਕ ਦਾ ਕਾਰਨ ਬਣਦੇ ਹਨ। ਜੇਕਰ ਤੁਸੀਂ ਵੀ ਵਧਦੇ ਕੋਲੈਸਟ੍ਰੋਲ ਤੋਂ ਪੀੜਤ ਹੋ ਤਾਂ ਤੁਸੀਂ ਖੁਰਾਕ ਸੁਧਾਰ ਕੇ ਅਤੇ ਰੋਜ਼ਾਨਾ ਕਸਰਤ ਕਰਕੇ ਇਸ ਨੂੰ ਕੰਟਰੋਲ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਖ਼ਰਾਬ ਕੋਲੈਸਟ੍ਰੋਲ ਨੂੰ ਘੱਟ ਕਰਨ ਲਈ ਰੋਜ਼ਾਨਾ ਸਵੇਰੇ ਧਨੀਏ ਦਾ ਪਾਣੀ ਪੀਓ। ਇਸ ਦਾ ਸੇਵਨ ਖਰਾਬ ਕੋਲੈਸਟ੍ਰਾਲ ਨੂੰ ਘੱਟ ਕਰਨ 'ਚ ਮਦਦ ਕਰਦਾ ਹੈ। ਇਸ ਲਈ ਆਓ ਜਾਣਦੇ ਹਾਂ ਸੁੱਕੇ ਧਨੀਏ ਦੇ ਫ਼ਾਇਦੇ….
ਕਿਵੇਂ ਕਰਨਾ ਹੈ ਧਨੀਏ ਦਾ ਸੇਵਨ
ਇਸ ਲਈ ਇੱਕ ਗਲਾਸ ਪਾਣੀ ਵਿਚ 2 ਚੱਮਚ ਧਨੀਆ ਮਿਲਾ ਕੇ ਕੁੱਝ ਦੇਰ ਤੱਕ ਉਬਾਲੋ। ਇਸ ਤੋਂ ਬਾਅਦ ਧਨੀਆ ਨੂੰ ਛਾਣ ਕੇ ਵੱਖ ਕਰ ਲਓ। ਹੁਣ ਧਨੀਏ ਦਾ ਪਾਣੀ ਪੀਓ। ਜੇਕਰ ਤੁਸੀਂ ਚਾਹੋ ਤਾਂ ਧਨੀਏ ਦੇ ਪਾਣੀ ਦਾ ਸਵਾਦ ਵਧਾਉਣ ਲਈ ਸ਼ਹਿਦ ਅਤੇ ਦਾਲਚੀਨੀ ਨੂੰ ਮਿਲਾ ਸਕਦੇ ਹੋ। ਇਸ ਤੋਂ ਇਲਾਵਾ ਰਾਤ ਨੂੰ ਸੌਂਣ ਤੋਂ ਪਹਿਲਾਂ ਇੱਕ ਗਲਾਸ ਪਾਣੀ ਵਿਚ ਇੱਕ ਮੁੱਠੀ ਧਨੀਆ ਭਿਓ ਦਿਓ। ਅਗਲੇ ਦਿਨ ਸਵੇਰੇ ਖਾਲੀ ਢਿੱਡ ਧਨੀਏ ਦਾ ਪਾਣੀ ਪੀਓ। ਇਸ ਨਾਲ ਰਾਹਤ ਵੀ ਮਿਲਦੀ ਹੈ।
ਭਾਰ ਘਟਾਉਣ ਵਿਚ ਲਾਭਕਾਰੀ : ਸੁੱਕੇ ਧਨੀਏ ਨੂੰ 1 ਗਲਾਸ ਪਾਣੀ ਵਿਚ 2-3 ਘੰਟਿਆਂ ਲਈ ਭਿਓ ਦਿਓ ਅਤੇ ਫਿਰ ਇਸ ਪਾਣੀ ਨੂੰ ਉਬਾਲੋ ਜਦੋਂ ਤਕ ਪਾਣੀ ਅੱਧਾ ਨਾ ਰਹੇ। ਇਸ ਪਾਣੀ ਨੂੰ ਦਿਨ ਵਿਚ 2 ਵਾਰ ਪੀਓ। ਇਸ ਨਾਲ ਤੁਹਾਨੂੰ ਭੁੱਖ ਘੱਟ ਮਹਿਸੂਸ ਹੋਵੇਗੀ, ਭਾਰ ਘਟੇਗਾ ਅਤੇ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਹੋਵੇਗਾ।
ਖੂਨ ਦੀ ਕਮੀ ਨੂੰ ਕਰੇ ਦੂਰ : ਸੁੱਕੇ ਧਨੀਏ ਵਿਚ ਲੋੜੀਂਦੀ ਮਾਤਰਾ ‘ਚ ਆਇਰਨ ਹੁੰਦਾ ਹੈ, ਜੋ ਖੂਨ ਵਿਚ ਹੀਮੋਗਲੋਬਿਨ ਦੀ ਮਾਤਰਾ ਨੂੰ ਵਧਾਉਂਦਾ ਹੈ। ਇਹੀ ਕਾਰਨ ਹੈ ਕਿ ਸੁੱਕੇ ਧਨੀਏ ਦਾ ਸੇਵਨ ਕਰਨ ਨਾਲ ਖੂਨ ਦੀ ਘਾਟ ਦੂਰ ਹੁੰਦੀ ਹੈ।
ਥਾਇਰਾਇਡ ਦੇ ਮਰੀਜ਼ਾਂ ਲਈ ਫ਼ਾਇਦੇਮੰਦ : ਰਾਤ ਨੂੰ ਤਕਰੀਬਨ 2 ਚੱਮਚ ਸੁੱਕੇ ਧਨੀਏ ਨੂੰ ਇਕ ਗਲਾਸ ਪਾਣੀ ਵਿਚ ਭਿਓ ਦਿਓ। ਸਵੇਰੇ ਇਸ ਧਨੀਏ ਨੂੰ ਪੰਜ ਮਿੰਟ ਲਈ ਪਾਣੀ ਨਾਲ ਉਬਾਲੋ ਅਤੇ ਫਿਰ ਇਸ ਨੂੰ ਫਿਲਟਰ ਕਰੋ ਅਤੇ ਇਸ ਨੂੰ ਗਰਮ ਗਰਮ ਪੀਓ। ਜੇ ਤੁਸੀਂ ਥਾਇਰਾਇਡ ਕੰਟਰੋਲ ਲਈ ਦਵਾਈ ਲੈ ਰਹੇ ਹੋ, ਪਹਿਲਾਂ ਆਪਣੀ ਦਵਾਈ ਨੂੰ ਖਾਲੀ ਪੇਟ ਲਓ ਅਤੇ ਫਿਰ ਇਹ ਪਾਣੀ 30 ਮਿੰਟ ਬਾਅਦ ਬਾਅਦ ਪੀਓ ਅਤੇ 30 ਤੋਂ 45 ਮਿੰਟ ਬਾਅਦ ਨਾਸ਼ਤਾ ਤੁਹਾਨੂੰ ਕਰਨਾ ਚਾਹੀਦਾ ਹੈ। ਜੇਕਰ ਤੁਸੀਂ ਚਾਹੋ ਤਾਂ ਇਸ ਨੂੰ ਦਿਨ ਵਿਚ ਦੋ ਵਾਰ ਖਾਲੀ ਢਿੱਡ ਵੀ ਲੈ ਸਕਦੇ ਹੋ। ਥਾਇਰਾਇਡ ਨੂੰ ਕੰਟਰੋਲ ਕਰਨ ਵਿਚ ਇਹ ਬਹੁਤ ਫ਼ਾਇਦੇਮੰਦ ਹੁੰਦਾ ਹੈ। ਲਗਭਗ 30 ਤੋਂ 45 ਦਿਨਾਂ ਤਕ ਨਿਯਮਤ ਸੇਵਨ ਤੋਂ ਬਾਅਦ ਆਪਣੇ ਥਾਇਰਾਇਡ ਦੇ ਲੈਵਲ ਦੀ ਦੁਬਾਰਾ ਜਾਂਚ ਕਰੋ।
ਅੱਖਾਂ ਲਈ ਲਾਭਕਾਰੀ : ਥੋੜਾ ਜਿਹਾ ਧਨੀਆ ਕੁੱਟ ਕੇ ਪਾਣੀ ‘ਚ ਉਬਾਲੋ ਫਿਰ ਇਸ ਨੂੰ ਠੰਡਾ ਕਰਕੇ ਲਓ। ਫਿਰ ਇਸ ਮਿਸ਼ਰਣ ਨੂੰ ਫਿਲਟਰ ਕਰੋ ਅਤੇ ਇਸ ਦੇ ਪਾਣੀ ਨੂੰ ਅਲੱਗ ਕਰੋ ਅਤੇ ਇਸ ਨੂੰ ਇੱਕ ਬੋਤਲ ਵਿਚ ਭਰੋ। ਇਸ ਐਬਸਟਰੈਕਟ ਦੀਆਂ ਦੋ ਬੂੰਦਾਂ ਅੱਖਾਂ ਵਿਚ ਪਾਓ। ਜਲਣ, ਅੱਖਾਂ ਵਿਚ ਦਰਦ ਅਤੇ ਅੱਖਾਂ ‘ਚ ਪਾਣੀ ਨਿਕਲਣ ਵਰਗੀਆਂ ਸਮੱਸਿਆਵਾਂ ਦੂਰ ਹੋ ਜਾਂਦੀਆਂ ਹਨ ਪਰ ਯਾਦ ਰੱਖੋ ਜੇ ਤੁਹਾਡੀ ਕੋਈ ਅੱਖਾਂ ਦੀ ਸਰਜਰੀ ਹੋਈ ਹੈ ਤਾਂ ਇਸ ਦੀ ਵਰਤੋਂ ਨਾ ਕਰੋ।
ਪਾਚਨ ਤੰਤਰ ਲਈ ਫ਼ਾਇਦੇਮੰਦ : ਸੁੱਕੇ ਧਨੀਆ ਪਾਚਨ ਤੰਤਰ ਲਈ ਬਹੁਤ ਫ਼ਾਇਦੇਮੰਦ ਹੁੰਦੇ ਹਨ। ਨਾਰੀਅਲ ਦਾ ਦੁੱਧ, ਖੀਰਾ ਅਤੇ ਤਰਬੂਜ ਵਰਗੇ ਠੰਡੇ-ਤਾਸੀਰ ਵਾਲੀਆਂ ਚੀਜ਼ਾਂ ਵਿਚ 1-2 ਚਮਚ ਸੁੱਕੇ ਧਨੀਏ ਨੂੰ ਮਿਲਾ ਕੇ ਇਕ ਸਮੂਦੀ ਤਿਆਰ ਕਰੋ। ਇਸ ਦਾ ਸੇਵਨ ਕਰਨ ਨਾਲ ਤੁਹਾਡਾ ਪਾਚਨ ਪ੍ਰਣਾਲੀ ਮਜ਼ਬੂਤ ਹੋਵੇਗੀ। ਖਾਧਾ-ਪੀਤਾ ਹਜ਼ਮ ਹੋਵੇਗਾ। ਜੇਕਰ ਪੇਟ ਵਿਚ ਸੋਜ ਹੈ ਤਾਂ ਉਹ ਵੀ ਠੀਕ ਹੋ ਜਾਵੇਗੀ।
ਕੀ ਤੁਸੀਂ ਨਹੀਂ ਵਰਤਿਆ ਮਰਦਾਨਾ ਤਾਕਤ ਵਧਾਉਣ ਦਾ ਇਹ ਸ਼ਾਹੀ ਨੁਸਖਾ?
NEXT STORY 
